DROPS / 196 / 11

Green Luck by DROPS Design

Prjónuð aðsniðin peysa úr DROPS Flora. Stykkið er prjónað með gatamynstri, laskalínu. Stærð S – XXX. Prjónuð húfa úr DROPS Flora. Stykkið er prjónað með gatamynstri og uppábroti í stroffi.

DROPS Design: Mynstur fl-038
Garnflokkur A
-------------------------------------------------------

GARN Í ALLT SETTIÐ:
Stærð: S - M - L - XL - XXL – XXXL
Höfuðmál: ca 54/56 - 54/56 - 56/58 - 56/58 - 58/60 - 58/60 cm
Efni:
DROPS FLORA frá Garnstudio (tilheyrir garnflokki A)
350-350-400-450-500-500 g litur 15, grænn

GARN Í PEYSU:
Stærð: S - M - L - XL - XXL - XXXL
Efni:
DROPS FLORA frá Garnstudio (tilheyrir garnflokki A)
300-350-350-400-450-450 g litur 15, grænn

GARN Í HÚFU:
Stærð: S/M - M/L - L/XL
Höfuðmál: ca 54/56 - 56/58 - 58/60 cm
Efni:
DROPS FLORA frá Garnstudio (tilheyrir garnflokki A)
50-50-100 g litur 15, grænn

-------------------------------------------------------
FYLGIHLUTIR FYRIR STYKKIÐ:

PEYSA:

PRJÓNFESTA:
24 lykkjur á breidd og 32 umferðir á hæð með sléttprjóni = 10 x 10 cm.
1 mynstureining með A.3/A.4 mælist ca 8½-8½-8½-11-11-11 cm á breidd.

PRJÓNAR:
DROPS SOKKAPRJÓNAR OG HRINGPRJÓNAR NR 3: lengd 40 cm og 80 cm fyrir stykkið
DROPS HRINGPRJÓNAR NR 2,5: Lengd 40 cm og 80 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir á grófari prjóna. Ef þú ert með of fáar lykkjur á 10 cm, skiptið yfir á fínni prjóna.

DROPS PERLUTALA, bogalaga (hvít) NR 521: 7-7-7-8-8-8 st.

HÚFA:

PRJÓNFESTA:
24 lykkjur á breidd og 32 umferðir á hæð með sléttprjóni = 10 x 10 cm.
1 mynstureining með A.6 mælist ca 8 cm á breidd.

PRJÓNAR:
DROPS SOKKAPRJÓNAR OG HRINGPRJÓNAR NR 3: lengd 40 cm fyrir húfuna.
DROPS HRINGPRJÓNAR NR 2,5: lengd 40 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir á grófari prjóna. Ef þú ert með of fáar lykkjur á 10 cm, skiptið yfir á fínni prjóna.

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!

Ertu ekki viss hvaða stærð þú þarft? Þá hjálpar það kannski að fyrirsætan á myndinni er ca 170 cm á hæð og notar stærð S eða M. Ef þú gerir peysu, jakkapeysu, kjól eða álíka þá getur þú fundið teikningu með máli neðst í mynstri.

65% Ull, 35% Alpakka
frá 638.00 kr /50g
DROPS Flora uni colour DROPS Flora uni colour 638.00 kr /50g
Gallery Spuni
Panta
DROPS Flora mix DROPS Flora mix 660.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 4466kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

MYNSTUR:
Peysa: Sjá mynsturteikningu A.1 til A.5. Veldu mynsturteikningu fyrir þína stærð.
Húfa: Sjá mynsturteikningu A.6 til A.7.
Mynsturteikning sýnir allar umferðir í mynstri séð frá réttu.

HNAPPAGAT (neðan frá og upp):
Fellið af fyrir hnappagötum á hægri kant að framan. 1 hnappagat = fellið af þriðju og fjórðu lykkju frá kanti. Í næstu umferð eru fitjaðar upp 2 nýjar lykkjur yfir þær lykkjur sem felldar voru af.
Fellið af fyrir hnappagötum þegar stykkið mælist:
S: 4, 12, 20, 28, 35, 42 og 49 cm
M: 4, 12, 20, 28, 36, 44 og 51 cm
L: 4, 12, 20, 28, 36, 44 og 53 cm
XL: 4, 12, 20, 27, 34, 41, 48 og 55 cm
XXL: 4, 12, 19, 27, 35, 43, 50 og 57 cm
XXXL: 4, 12, 20, 28, 36, 44, 52 og 59 cm
ATH: Síðasta af þessum 7-7-7-8-8-8 hnappagötum er fellt af í kanti í hálsi.

ÚRTAKA-1 (á við um hliðar á fram- og bakstykki):
Öll úrtaka er gerð frá réttu!
Byrjið 5 lykkjum á undan prjónamerki, prjónið 2 lykkjur slétt saman, prjónið 6 lykkjur slétt (prjónamerki er staðsett mitt í þessum 6 lykkjum), takið 1 lykkju óprjónaða eins og prjóna eigi hana slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri).

ÚRTAKA-2 (jafnt yfir á berustykki):
Til þess að reikna út hvernig fækka eigi jafnt í umferð, teljið fjölda lykkja í umferð (t.d. 124 lykkjur), mínus kanta að framan (t.d. 10 lykkjur) og deilið þessum lykkjufjölda með fjölda úrtöku sem á að gera (t.d. 26) = 4,45. Í þessu dæmi þá er lykkjum fækkað með því að prjóna til skiptis 3. og 4. hverja lykkju og 4. og 5. hverja lykkju slétt saman. Ekki er lykkjum fækkað yfir kanta að framan.

ÚRTAKA-3 (á við um húfu):
Fækkið um 1 lykkju hvoru megin við prjónamerki þannig: Byrjið 2 lykkjum á undan prjónamerki, prjónið 2 lykkjur slétt saman, prjónamerki, takið 1 lykkju óprjónaða eins og prjóna eigi hana slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri).

ÚTAUKNING (á við um hliðar á fram- og bakstykki og mitt undir ermum):
Öll útaukning er gerð frá réttu!
Byrjið 3 lykkjum á undan prjónamerki, sláið 1 sinni uppá prjóninn, prjónið 6 lykkjur slétt (prjónamerki er staðsett mitt í þessum 6 lykkjum), sláið 1 sinni uppá prjóninn (= 2 lykkjur fleiri). Í næstu umferð er uppslátturinn prjónaður snúinn brugðinn, svo að ekki myndist gat. Prjónið síðan nýjar lykkjur með sléttprjóni.

LASKALÍNA:
Öll úrtaka er gerð frá réttu!
Fækkið lykkjum fyrir laskalínu í hverri skiptingu á milli fram- og bakstykkis og erma (þ.e.a.s. fækkið hvoru megin við A.5) = 8 lykkjur færri í hveri úrtökuumferð.
Fækkið lykkjum svona á undan A.5: Prjónið þar til 2 lykkjur eru eftir á undan A.5, prjónið 2 lykkjur slétt saman (= 1 lykkja færri).
Fækkið lykkjum svona á eftir A.5: Takið 1 lykkju óprjónaða eins og prjóna eigi hana slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 1 lykkja færri).

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Stykkið er prjónað fram og til baka á hringprjóna, neðan frá og upp að handveg.
Ermar eru prjónaðar í hring á sokkaprjóna/stuttan hringprjón. Síðan er fram- og bakstykki og kantur á ermum sett inn á sama hringprjón og berustykkið er prjónað fram og til baka á hringprjón frá miðju að framan.

FRAM- OG BAKSTYKKI:
Fitjið upp 286-314-334-374-414-446 lykkjur á hringprjón 2,5 með Flora. Prjónið 1 umferð brugðna (= ranga). Í næstu umferð er prjónað frá réttu þannig: 5 kantlykkjur að framan með GARÐAPRJÓN – sjá útskýringu að ofan. Prjónið A.1A (= 33-33-33-45-45-45 lykkjur), * 2 lykkjur slétt, 2 lykkjur brugðnar *, prjónið frá *-* alls 52-59-64-68-78-86 sinnum, prjónið 2 lykkjur slétt, prjónið A.2A (= 33-33-33-45-45-45 lykkjur) og endið með 5 kantlykkjur að framan með garðaprjóni. Haldið svona áfram með stroff í 4 cm. Næsta umferð er prjónuð frá réttu þannig: Prjónið 5 kantlykkjur að framan með garðaprjóni, en fellið af fyrir 1 HNAPPAGAT á kanti að framan – sjá útskýringu að ofan, prjónið A.1B (= 33-33-33-45-45-45 lykkjur sem fækka í 29-29-29-39-39-39 lykkjur), prjónið sléttprjón þar til eftir eru 38-38-38-50-50-50 lykkjur í umferð og fækkið jafnframt um 40-46-50-54-62-68 lykkjur jafnt yfir þessar lykkjur (prjónið ca 4. og 5. hverja lykkju slétt saman), prjónið A.2B (= 33-33-33-45-45-45 lykkjur sem fækka í 29-29-29-39-39-39 lykkjur) og endið með 5 kantlykkjum að framan með garðaprjóni = 238-260-276-308-340-366 lykkjur.
Skiptið yfir á hringprjón 3 og prjónið til baka frá röngu með garðaprjóni yfir garðaprjón, sléttum lykkjum yfir sléttar lykkjur og brugðnum lykkjum yfir brugðnar lykkjur.
Næsta umferð er prjónuð frá réttu þannig: 5 kantlykkjur að framan með garðaprjóni, prjónið A.3 (= 29-29-29-39-39-39 lykkjur), prjónið sléttprjón þar til eftir eru 34-34-34-44-44-44 lykkjur í umferð, prjónið A.4 (= 29-29-29-39-39-39 lykkjur) og endið með 5 kantlykkjum að framan með garðaprjóni. Haldið svona áfram með mynstur.
ATHUGIÐ PRJÓNFESTUNA!
Þegar stykkið mælist 6 cm í öllum stærðum er sett 1 prjónamerki 66-72-76-86-94-100 inn frá hvorri hlið (= 106-116-124-136-152-166 lykkjur á milli prjónamerkja á bakstykki). Í næstu umferð frá réttu er fækkað um 1 lykkju hvoru megin við prjónamerkin – sjá ÚRTAKA-1 = 4 lykkjur færri. Fækkið lykkjum svona í öðrum hverjum cm alls 5 sinnum á hvorri hlið = 218-240-256-288-320-346 lykkjur í umferð.
Þegar stykkið mælist 20 cm er aukið út um 1 lykkju hvoru megin við bæði prjónamerkin – sjá ÚTAUKNING = 4 lykkjur fleiri. Aukið svona út í öðrum hverjum cm alls 5 sinnum á hvorri hlið = 238-260-276-308-340-366 lykkjur.
Prjónið síðan áfram þar til stykkið mælist 30 cm í öllum stærðum. Í næstu umferð (ranga) eru felldar af 10-10-12-12-14-16 lykkjur á hvorri hlið fyrir handveg (þ.e.a.s. fellið af 5-5-6-6-7-8 lykkjur hvoru megin við bæði prjónamerkin). Nú eru 61-67-70-80-87-92 lykkjur eftir á hvoru framstykki og 96-106-112-124-138-150 lykkjur á bakstykki.
Geymið stykkið og prjónið ermar eins og útskýrt er að neðan.

ERMI:
Ermar eru prjónaðar í hring á sokkaprjóna, skiptið yfir á stuttan hringprjón eftir þörf.
Fitjið upp 56-60-60-64-68-68 lykkjur á sokkaprjón 2,5 með Flora. Prjónið 1 umferð slétt. Prjónið síðan stroff hringinn (= 2 lykkjur slétt, 2 lykkjur brugðnar) í 4 cm. Prjónið 1 umferð slétt þar sem fækkað er um 10-12-10-12-12-10 lykkjur jafnt yfir = 46-48-50-52-56-58 lykkjur. Skiptið yfir á sokkaprjón 3 og prjónið sléttprjón hringinn. Þegar stykkið mælist 8-8-8-6-6-6 cm setjið 1 prjónamerki í byrjun á umferð (= mitt undir ermi). Í næstu umferð er aukið út um 2 lykkjur mitt undir ermi – sjá ÚTAUKNING. Aukið svona út með 2½-2-1½-1½-1½-1½ cm millibili alls 13-15-17-16-13-9 sinnum og síðan í hverjum cm alls 2-4-6-8-12-17 sinnum = 76-86-96-100-106-110 lykkjur. Prjónið síðan áfram þar til stykkið mælist 45-44-42-41-39-37 cm (styttra mál í stærri stærðum vegna lengra berustykkis). Næsta umferð er prjónuð þannig: Fellið af 5-5-6-6-7-8 lykkjur fyrir handveg, prjónið 66-76-84-88-92-94 lykkjur slétt og fellið af þær 5-5-6-6-7-8 lykkjur sem eftir eru. Geymið stykkið og prjónið hina ermina alveg eins.

BERUSTYKKI:
Setjið inn ermar á sama hringprjón 3 og fram- og bakstykki þar sem fellt var af fyrir handveg (þetta er gert án þess að prjóna lykkjurnar) = 350-392-420-460-496-522 lykkjur í umferð. Setjið 1 prjónamerki í hverja skiptingu á milli fram- og bakstykkis og erma = 4 prjónamerki.
Fyrsta umferðin er prjónuð frá réttu þannig: 5 kantlykkjur að framan með garðaprjóni, haldið áfram með A.3 eins og áður, prjónið sléttprjón þar til 4 lykkjur eru eftir á undan prjónamerki, prjónið A.5 (= 8 lykkjur eins og áður, prjónið sléttprjón þar til 4 lykkjur eru fetir á undan prjónamerki, prjónið A.5 (= 8 lykkjur – prjónamerki er staðsett mitt á milli þessa 8 lykkja), prjónið sléttprjón yfir ermi þar til 4 lykkjur eru eftir á undan næsta prjónamerki, prjónið A.5 (= 8 lykkjur), prjónið sléttprjón yfir bakstykki þar til 4 lykkjur eru eftir á undan næsta prjónamerki, prjónið A.5 (= 8 lykkjur), prjónið sléttprjón yfir ermi þar til 4 lykkjur eru eftir á undan næsta prjónamerki, prjónið A.5 (= 8 lykkjur), prjónið sléttprjón fram að A.4, haldið áfram með A.4 og endið með 5 kantlykkjum að framan með garðaprjóni.
Haldið svona áfram með mynstur.
JAFNFRAMT þegar prjónaðar hafa verið 2 umferðir þar sem fram- og bakstykki og kantur á ermum var sett saman er lykkjum fækkað fyrir LASKALÍNA í næstu umferð frá réttu – sjá útskýringu að ofan. Haldið áfram með úrtöku fyrir laskalínu í 4. hverri umferð alls 3 sinnum í öllum stærðum og síðan í annarri hverri umferð alls 22-26-29-33-36-38 sinnum.
Á eftir síðustu úrtöku eru 150-160-164-172-184-194 lykkjur eftir í umferð. Stykkið mælist ca 48-50-52-54-56-58 cm frá uppfitjunarkanti við miðju að framan.
Prjónið 1 umferð slétt frá réttu þar sem fækkað er um 26-32-32-32-40-42 lykkjur jafnt yfir – sjá ÚRTAKA-2 = 124-128-132-140-144-152 lykkjur. Prjónið síðan kant í hálsi eins og útskýrt er að neðan.

KANTUR Í HÁLSI:
Skiptið yfir á hringprjón 2,5. Prjónið 1 umferð slétt frá röngu. Prjónið 1 umferð slétt frá réttu og fellið af fyrir síðasta hnappagati í þessari umferð.
Næsta umferð er prjónuð frá röngu þannig: 5 kantlykkjur að framan með garðaprjóni, * 2 lykkjur brugðnar, 2 lykkjur slétt *, prjónið frá *-* þar til 7 lykkjur eru eftir á prjóni, prjónið 2 lykkjur brugðnar og endið með 5 kantlykkjum að framan með garðaprjóni. Haldið svona áfram með stroff í 2 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Peysan mælist ca 54-56-58-60-62-64 cm frá öxl og niður.

FRÁGANGUR:
Saumið saman op undir ermum. Saumið tölur í vinstri kant að framan.

-------------------------------------------------------

HÚFA – STUTT ÚTSKÝRING Á STYKKI:
Stykkið er prjónað í hring á stuttan hringprjón, neðan frá og upp. Skiptið yfir á sokkaprjóna eftir þörf.

HÚFA:
Fitjið upp 128-136-144 lykkjur á stuttan hringprjón 2,5 með Flora. Prjónið 1 umferð brugðna. Prjónið síðan stroff hringinn (= 2 lykkjur slétt, 2 lykkjur brugðnar). Þegar stroffið mælist 11-13-15 cm prjónið 1 umferð slétt þar sem fækkað er um 11-13-17 lykkjur jafnt yfir – sjá ÚRTAKA-2 = 117-123-127 lykkjur. Prjónið 1 umferð brugðin, 1 umferð slétt, 1 umferð brugðin og 1 umferð slétt.
Skiptið yfir á hringprjón 3 og prjónið næstu umferð þannig: 45-48-50 lykkjur sléttprjón, prjónið A.6 (= 27 lykkjur), prjónið 45-48-50 lykkjur sléttprjón.
Haldið svona áfram með mynstur. ATHUGIÐ PRJÓNFESTUNA!
Þegar stykkið mælist 10 cm frá kanti með garðaprjóni eru sett 4 prjónamerki í stykkið þannig: 1. Prjónamerki er sett á eftir fyrstu 11-11-11 lykkjum í umferð, 2. Prjónamerki er sett á eftir næstu 22-22-23 lykkjum, 3. Prjónamerki er sett á eftir næstu 51-57-59 lykkjum og 4. Prjónamerki er sett á eftir næstu 22-22-23 lykkjum. Nú eru 11-11-11 lykkjur eftir í umferð á eftir síðasta prjónamerki.
Haldið áfram með sléttprjón og mynstur eins og áður. JAFNFRAMT er fækkað um 1 lykkju hvoru megin við 4 prjónamerkin – sjá ÚRTAKA-3 = 8 lykkjur færri í umferð. Fækkið lykkjum svona í annarri hverri umferð alls 10 sinnum.
JAFNFRAMT þegar A.6 hefur verið prjónað alls 3 sinnum á hæðina í öllum stærðum er prjónað A.7 yfir sömu 27 lykkjurnar. Þegar A.7 hefur verið prjónað til loka og öll úrtaka hefur verið gerð til loka eru 23-29-33 lykkjur í umferð. Prjónið 2 umferðir slétt þar sem allar lykkjur eru prjónaðar slétt saman 2 og 2 = 6-7-8 lykkjur eftir. Klippið frá, dragið bandið í gegnum þær lykkjur sem eftir eru, herðið á bandi og festið vel. Húfan mælist ca 28-30-32 cm ofan frá og niður ásamt stroffi.
Brjótið uppá helming á stroffi saman tvöfalt að réttu.

Þetta mynstur hefur verið leiðrétt. .

Yfirfarið á vefsvæði: 26.02.2019
Leiðrétting: HÚFA:..JAFNFRAMT þegar A.6 hefur verið prjónað alls 3 sinnum á hæðina í öllum stærðum er prjónað A.7 yfir sömu 27 lykkjurnar. Þegar A.7 hefur verið prjónað til loka og öll úrtaka hefur verið gerð til loka eru 23-29-33 lykkjur í umferð.

Mynstur

= slétt frá réttu, brugðið frá röngu
= brugðið frá réttu, slétt frá röngu
= á milli 2 lykkja er slegið 2 sinnum uppá prjóninn, í næstu umferð er annar uppslátturinn prjónaður brugðinn, hinn er látinn falla niður
= 2 lykkjur brugðnar saman
= 2 lykkjur slétt saman
= takið 1 lykkju óprjónaða eins og prjóna eigi hana slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð





Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS 196-11) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (12)

Valérie 17.04.2020 - 23:12:

J'ai tricoté ma première Manche avec la méthode du magic loop, je dois rabattre à la fin 6 mailles en début et fin de rang. Pour le début pas de problème, mais pour rabattre les 6 dernières je suis dans un nœud. Comment dois je faire svp merci bcp

DROPS Design 20.04.2020 kl. 08:36:

Bonjour Valérie, à la fin de ce dernier tour de la manche, rabattez les 6 premières mailles, tricotez les mailles suivantes (84 ou 88 selon la taille) comme avant jusqu'à ce qu'il reste 6 mailles sur l'aiguille gauche, et rabattez ces 6 dernières mailles, coupez le fil, vous devez avoir 84 ou 88 m sur l'aiguille. Bon tricot!

Valérie 31.03.2020 - 20:42:

Bonsoir, c'est encore moi. J'arrive au 30 cm où il es indiqué de rabattre sur l'envers poir ma taille 12 mailles soit 6 de chaque côté du fil marqueur. Ma question est comment les rabattre. Merci à vous pour votre disponibilité.

DROPS Design 01.04.2020 kl. 08:18:

Bonjour Valérie, vous pouvez les rabattre au choix comme elles se présentent: à l'envers sur l'envers et vous fermerez ensuite par une couture ces 12 mailles rabattues aux 12 mailles rabattues des manches (cf vidéo. Bon tricot!

Valérie 21.03.2020 - 22:14:

Bonsoir, je sèche après avoir fais les côtes, sur le rang où il faut faire les diminutions. J'ai bien diminué sur les 45 premières mailles, mais pour la suite je ne comprend pas. Merci de bien vouloir m'aider.

DROPS Design 23.03.2020 kl. 09:53:

Bonjour Valérie, après les côtes, vous tricotez: 5 m point mousse, A.5B (= on passe de 45 à 39 m), tricotez les mailles suivantes à l'endroit jusqu'à ce qu'il reste 50 m (= les mailles de A.2A + les 5 m de bordure devant) en diminuant en même temps 54-62-68 m (= cf taille) et terminez par A.2B (on passe de 45 à 39 m) et 5 m point mousse. Vous avez maintenant: 5 + 39 + 220-252-278 + 39+5= 308+340+366 m. Bon tricot!

Isabelle 27.02.2020 - 17:33:

Existe-t-il une vidéo pour montrer comment réunir le dos/devant et les manches ? Merci

DROPS Design 28.02.2020 kl. 07:51:

Bonjour Isabelle, tout à fait, c'est cette vidéo qui montre comment réunir les manches - les mailles rabattues au début et à la fin du dernier rang de la manche doivent être contre les mailles rabattues pour les emmanchures à la fin du dos/devants. Bon tricot!

Cecilie 23.06.2019 - 23:39:

Det ser ut til at fordeling og strikking av knapphull har falt ut. Det samme gjelder alle felletips og øketips.

DROPS Design 24.06.2019 kl. 07:12:

Hei Cecilie. Nå skal all informasjon til oppskriften være lagt inn. Takk for beskjed og god fornøyelse

Nathalie 09.04.2019 - 12:11:

Bonjour, J'ai 2 questions : Il manque un symbole dans la légende des diagrammes, le triangle rectangle noir avec angle droit en bas à gauche des 2 mailles. Les diagrammes sont ils inversés ou faut-il les lire de droite à gauche ? Parce que A3 commence par 2 mailles envers alors qu'on voit 2 mailles endroit après la bordure au point mousse, A4 finit par 2 mailles envers au lieu des 2 mailles endroit avant la bordure au point mousse. Pouvez vous m'éclairer ? Merci

DROPS Design 09.04.2019 kl. 12:23:

Bonjour Nathalie, pour A.4, je tricoterai 2 m ens à l'envers également pour conserver la cohérence du motif - nos stylistes vont vérifier ça aussi rapidement que possible - Les diagrammes se lisent sur l'endroit de droite à gauche, A.3 va ainsi commencer par 2 m end sur l'end et A.4 terminera par 2 m end sur l'end. Sur l'envers, lisez les diagrammes de gauche à droite - cliquez ici pour en savoir plus sur les diagrammes. . Bon tricot!

Helen 27.02.2019 - 09:07:

Koftan liten i storleken. Jag är en Small, valde att sticka i Medium och kan inte ens knäppa knapparna samt att ärmarna är mycket tighta. Jag kan inte hitta var måtten för färdigt plagg finns.

Ildiko 22.02.2019 - 22:27:

I am working on the hat, I enjoy working with this pattern very much. Thank you for sharing it!

Ildiko 22.02.2019 - 22:19:

At the HAT: When we start with 117-123-127 stitches before decreasing 80 + 11 (with A.7), shouldn't we get to 26-32-36 stitches and at the end to 7-8-9 stitches? Could you please clarify where do I miss the other 4 decreases?

DROPS Design 25.02.2019 kl. 08:06:

Dear Ildiko, when piece measures 10 cm, you decrease 1 st on each side of each 4 markers (= 8 sts dec per round), then after A.6 has been worked 3 times in height, work A.7 over each A.6, ie you will first decrease 8 sts in the stocking stitch sections, then decrease in pattern (A.7) and in the stocking stitch sections. Happy knitting!

Ildiko 22.02.2019 - 21:56:

I have a question regarding this part in the pattern of HAT: "AT THE SAME TIME when A.1 has been worked a total of 3 times in height in all sizes, work A.7 over the same 27 stitches." We work with A.6 in hat, not with A.1, am I right?

DROPS Design 23.02.2019 kl. 06:55:

Hi Ildiko, Yes you are right, you work A.6 on the hat not A.1. Happy knitting!

Skrifaðu athugasemd um DROPS 196-11

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.