Prairie Fairy by DROPS Design

Prjónuð jakkapeysa með hringlaga berustykki og norrænu mynstri úr DROPS Lima. Stærð börn 3-12 ára

DROPS Design: Mynstur nr li-009-bn
Garnflokkur B
----------------------------------------------------------
Stærð: 3/4 - 5/6 - 7/8 - 9/10 - 11/12 ára
Stærð í cm: 98/104 - 110/116 - 122/128 - 134/140 - 146/152
Efni:
DROPS LIMA frá Garnstudio
250-250-300-350-400 g nr 0619, beige
100-100-100-100-150 g nr 0100, natur
50-50-50-50-50 g nr 6273, kirsuberjarauður
50-50-50-50-50 g nr 2923, gulur
50-50-50-50-50 g nr 9018, sægrænn
50-50-50-50-50 g nr 7219, pistasíu

DROPS SOKKAPRJÓNAR OG HRINGPRJÓNAR (60 eða 80 cm) NR 4 – eða þá stærð sem þarf til að 21 x 28 umf með sléttprjóni verði 10 x 10 cm. ATH: Til að lengdin á berustykki verði rétt er mjög mikilvægt að prjónfestan passi á hæðina.
DROPS SOKKAPRJÓNAR OG HRINGPRJÓNAR (60 eða 80 cm) NR 3 fyrir stroff – eða þá stærð sem þarf til að 23 l x 32 umf með sléttprjóni verði 10 x 10 cm.
DROPS TALA, NR 511: 6-6-7-7-7 st
----------------------------------------------------------

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!


65% Ull, 35% Alpakka
frá 638.00 kr /50g
DROPS Lima uni colour DROPS Lima uni colour 638.00 kr /50g
Gallery Spuni
Panta
DROPS Lima mix DROPS Lima mix 660.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 7018kr. Sjá hér.

Leiðbeiningar um mynstur

GARÐAPRJÓN (prjónað fram og til baka):
Lykkjurnar prjónast slétt í öllum umf.

MYNSTUR:
Sjá teikningu A.1 og A.2. Mynstrið er prjónað með sléttprjóni. Sjá teikningu fyrir rétta stærð.

LEIÐBEININGAR:
Til að koma í veg fyrir að prjónfestan verði of stíf þegar mynstrið er prjónað er mikilvægt bandið sé ekki of stíft á bakhlið á stykki. Notið e.t.v. grófari prjóna þegar mynstrið er prjónað ef mynstrið herpist saman.
--------------------------------------------------------

PEYSA:
Stykkið er prjónað fram og til baka á hringprjóna ofan frá og niður.

BERUSTYKKI:
Fitjið upp 84-88-92-96-100 l á stutta hringprjóna nr 3 með beige. 1 l GARÐAPRJÓN – sjá skýringu að ofan, 2 l sl, * 2 l br, 2 l sl *, endurtakið frá *-* og endið með 1 l garðaprjón. Prjónið stroff í 3-3-4-4-5 cm (= kantur í hálsmáli). Skiptið yfir á stutta hringprjóna nr 4. Prjónið 1 umf slétt jafnframt sem lykkjufjöldinn er jafnaður út til 81-87-93-101-108 l. Setjið 1 prjónamerki eftir 40-43-46-50-54 l (= miðja að aftan). Prjónið síðan upphækkun aftan á baki með sléttprjóni þannig: Prjónið 8 l sl framhjá prjónamerki, snúið við, herðið á bandi og prjónið 16 l br til baka, snúið við, herðið á bandi og prjónið 24 l sl, snúið við og haldið áfram að prjóna yfir 8 l fleiri í hvert skipti sem snúið er við og þar til prjónað hefur verið yfir 24-24-32-32-40 l hvoru megin við prjónamerki við miðju að aftan, snúið við og prjónið sl út umf, prjónið 1 umf br til baka. Prjónið síðan þannig: 1 kantlykkja með garðaprjóni, A.1 (= 13-14-15-14-15 mynstureiningar á breiddina) endið á fyrstu l í mynstri og 1 kantlykkju með GARÐAPRJÓN – sjá teikningu fyrir rétta stærð! LESIÐ LEIÐBEININGAR! ATHUGIÐ PRJÓNFESTUNA! Skiptið yfir á lengri hringprjóna eftir þörfum. Þegar A.1 er lokið eru 211-227-243-255-273 l á prjóni. Prjónið 0-1-2-0-1 cm með beige. Stykkið mælist nú ca 15-16-17-17-18 cm fyrir miðju að framan (mælt án stroffs í hálsi). Stykkið er nú prjónað með beige og sléttprjóni. Fyrst er prjónuð 1 umf JAFNFRAMT er aukið út um 3-3-3-11-9 l jafnt yfir = 214-230-246-266-282 l. Næsta umf er prjónuð þannig: Prjónið 32-34-36-38-40 l (= framstykki), setjið næstu 44-48-52-58-62 l á 1 band fyrir ermi (án þess að prjóna þær fyrst), fitjið upp 6 nýjar l, prjónið 62-66-70-74-78 l (= bakstykki), setjið næstu 44-48-52-58-62 l á 1 band fyrir ermi (án þess að prjóna þær fyrst), fitjið upp 6 nýjar l, prjónið 32-34-36-38-40 l (= framstykki).

FRAM- OG BAKSTYKKI:
= 138-146-154-162-170 l. HÉÐAN ER NÚ MÆLT! Setjið 1 prjónamerki í hvora hlið, mitt í nýju 6 l sem fitjaðar voru upp. Haldið áfram með sléttprjón og 1 l garðaprjón á hvorri hlið. Þegar stykkið mælist 3 cm er aukið út um 1 l hvoru megin við prjónamerkin (4 l fleiri). Aukið út með 7-9-10-12-13 cm millibili alls 3 sinnum = 150-158-166-174-182 l. Haldið áfram þar til stykkið mælist 19-23-26-29-32 cm. Prjónið A.2 með eina kantlykkju á hvorri hlið. Skiptið yfir á hringprjóna nr 3. Prjónið 1 umf slétt frá réttu JAFNFRAMT er aukið út um 14 l jafnt yfir = 164-172-180-188-196 l. Prjónið 1 umf br frá röngu. Prjónið síðan þannig: 1 l garðaprjón, 2 l sl, * 2 l br, 2 l sl *, endurtakið frá *-* og endið með 1 l garðaprjón. Prjónið stroff í 3 cm. Fellið síðan af með sl yfir sl og br yfir br.

ERMI:
Setjið l af öðru bandinu á sokkaprjóna nr 4, fitjið að auki upp 6 l mitt undir ermi (setjið 1 prjónamerki mitt í þessa l) = 50-54-58-64-68 l. HÉÐAN ER NÚ MÆLT! Prjónið sléttprjón hringinn með beige. Þegar ermin mælist 2 cm, fækkið um 1 l hvoru megin við prjónamerkið. Endurtakið úrtöku með 4½-3½-4-3-3½ cm millibili alls 5-7-7-10-10 sinnum = 40-40-44-44-48 l. Þegar ermin mælist 18-23-27-30-34 cm, prjónið A.2, skiptið síðan yfir á sokkaprjóna nr 3. Prjónið stroff = 2 l sl, 2 l br í 3 cm, fellið síðan af með sl yfir sl og br yfir br. Prjónið alveg eins yfir l af bandi á hinni hliðinni.

KANTUR AÐ FRAMAN:
Prjónið upp frá réttu ca 84 til 118 l meðfram hægra framstykki innan við 1 kantlykkju á hringprjóna nr 3 með beige. Prjónið 1 umf br frá röngu JAFNFRAMT er aukið út jafnt yfir til 102-110-118-130-142 l. Næsta umf er prjónuð frá réttu þannig: * 2 kantlykkjur með garðaprjóni, * 2 l sl, 2 l br *, endurtakið frá *-* þar til 4 l eru eftir og endið með 2 l sl og 2 kantlykkjur með garðaprjóni. Haldið svona áfram með stroffið. JAFNFRAMT eftir 1 cm er fellt af fyrir 6-6-7-7-7 hnappagötum jafnt yfir. 1 hnappagat = prjónið 2 l slétt saman og sláið uppá prjóninn (fallegast er að fella af í 2 l br séð frá réttu).
Efsta hnappagatið á að vera ca 1 cm frá kanti í hálsi og neðsta 8-8-10-10-10 cm frá neðri kanti. Fellið af með sl yfir sl og br yfir br þegar kanturinn mælist 3 cm. Endurtakið meðfram vinstra framstykki, nema ekki fella af fyrir hnappagötum á vinstri kanti að framan.

FRÁGANGUR:
Saumið saman op undir ermum. Saumið tölur í vinstri kant að framan.

Mynstur

= natur
= beige
= kirsuberjarauður
= sægrænn
= gulur
= pistasíu
= sláið uppá prjóninn á milli 2 l, í næstu umf er uppslátturinn prjónaður snúinn br svo að ekki myndist gat


Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS Children 27-5) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (17)

Mary 12.02.2020 - 12:54:

I’m on row 12 in A1 size 7/8 the pattern does not work for me if I finish the previous row with the last two stitches being the first stitch in diagram and a garter stitch. Any tips as to what I’m doing wrong?

DROPS Design 12.02.2020 kl. 14:38:

Dear Mary, do you have 10 sts in each A.1 (= 1 edge st, 15 x 10 sts (A.1), 1st st in A.1, 1 edge st = 153 sts on needle)? 12th row should be a WS row, this means you work: 1 edge st, 1st st in A.1 (= P with off-white), then repeat A.1 (= P1 with beige, P2 with off white, P3 with beige, P2 with off white, P1 with beige, P1 with off white) , 1 edge st in garter st. Hope this can help you. Happy knitting!

Götze Sigrid 13.11.2019 - 12:58:

Könnte ich die Wolle bei Ihnen kaufen für diesen Pulli in Gr. 104. Gleiche Farbe wie angegeben.

DROPS Design 13.11.2019 kl. 13:59:

Liebe Frau Götze, hier finden Sie einen DROPS Laden in Deutschlang, wo Sie die Wolle finden können. Viel Spaß beim stricken!

Evelyn 06.04.2019 - 05:40:

I am trying to knit this pattern, however, I don’t understand the first parts of starting the chart. IE; knit 1 edge stitch, A1 chart.....(finish with a knit first stitch from chart and 1 edge stitch. I have tried and the second row doesn’t work.

DROPS Design 08.04.2019 kl. 09:13:

Dear Evelyn, for the jacket from RS work: 1 edge st in garter stitch, then repeat A.1 (reading diagram from the bottom corner on the right side towards the left) until 2 stitches remain, work now the first stich in A.1 (the stitch on the right side) and finish with 1 edge stitch. From WS work the first stitch in A.1 (the one on the right side), then repeat A.1 reading from the left towards the right. Learn more about reading diagrams here. Happy knitting!

Annie 09.02.2019 - 18:30:

Ce très beau modèle existe t il pour femme ? Merci

DROPS Design 11.02.2019 kl. 08:56:

Bonjour Annie, pas avec le même motif exactement, mais vous pourrez probablement vous inspirer d'un des modèles jacquards femme pour l'adapter. Bon tricot!

Susanne 14.01.2019 - 17:17:

Er lige startet på ryg- og forstykke. Der står i mønstret at jeg skal fortsætte i glatstrikning og "2 pinde retstrikning i hver side" - hvordan skal jeg forstå 2p retstrik i hver side ?

DROPS Design 16.01.2019 kl. 15:22:

Hei Susanne. Her skal det stå 1 kantmakse i retstrik i hver side. Vi skal få korrigerte dette snarest. God fornøyelse

Birgitte 31.12.2018 - 11:06:

Skal man blive ved med at tage ud i bærestykket? Jeg kan ikke få maskeantallet til at passe med de 243 m. når man starter med 92 (og tager ialt 64 ud), hvor står der hvordan man "anskaffer" sig de sidste masker i bærestykket?

Sara 26.10.2018 - 12:04:

Vill gärna ha svar på svenska.

Sara 26.10.2018 - 12:01:

Den första maskan på andra varvet är ju svart, inte vit som ni skriver.

DROPS Design 30.10.2018 kl. 10:49:

Hej Sara, jeg kan inte hitta i mönstret att vi skriver svart eller vit.... men när du stickar diagrammet avslutar du efter 1:a maskan i diagrammet i andra sidan, så mönstret blir ens på varje sida om mitt fram. Lycka till :)

Sara 25.10.2018 - 22:47:

Förstår inte hur man läser diagrammet A1. Jag stickar oket och ska börja med diagrammet. Första varvet blir helvitt från rätsidan och andra ska, om jag tolkar det rätt, börja med en svart "ruta" och fortsätta vit, svart, vit och avslutas med svart (bortsett från kantm) eftersom det står att jag ska avsluta varvet med första m i diagrammet. Men avslutar jag med svart blir det ju fel mönster eftersom nästa varv börjar med svart.

DROPS Design 26.10.2018 kl. 11:30:

Hei Sara. Du leser diagrammt på vanlig måte: fra nederst til øverst, fra høyre mot venstre. Fra vrangen leses det fra venstre mot høyre. Det stemmer at første omgang i A.1 er helt hvit, og du har strikket slik: 1 kantmaske, 13-14-15-14-15 rapporter A.1, avsluttet med første masken i diagrammet og 1 kantmaske. Når du så snur arbeidet strikker du 1 kantamske, den første masken av A.1 (= hvit rute), 13-14-15-14-15 rapporter A.1 (A.1 leses fra venstre mot høyre - første maske = sort rute), 1 kantmaske. Den siste masken på 2 omg (før kantmasken) er derfor hvit. God fornøyelse.

Daniela Becherer 25.08.2018 - 22:22:

Hallo, ich stricke die Jacke in der Größe 9/10 Jahre, leider habe ich im Muster nur 8 1/2 Pinke Blumen. Sprich vorne im sichtfeld sieht man diese 1/2blume. Das sieht nicht hübsch aus 😔. Was habe ich falsch gemacht??? Vielen Dank für eure Hilfe.

Skrifaðu athugasemd um DROPS Children 27-5

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.