DROPS Baby / 16 / 20

Sweet Snow by DROPS Design

Sett með prjónuðum sokkum fyrir börn og peysu með köðlum án ermasauma úr DROPS Merino Extra Fine.

Leitarorð: kaðall, peysur, sett, sokkar,
DROPS design: Mynstur nr ME-021-by
Garnflokkur B
----------------------------------------------------------
Stærð: 1/3-6/9-12/18 mán (2-3/4) ára)
Stærði í cm: 50/56-62/68-74/80 (86/92-98/104)
Lengd á fæti: 10-11-12 (14-16) cm
Efni:
DROPS MERINO EXTRA FINE frá Garnstudio
PEYSA:
200-200-250 (250-300) g nr 01, natur
SOKKAR:
50-50-100 (100-100) g nr 01, natur

PEYSA:
DROPS HRINGPRJÓNAR (60 cm) NR 4,5 – eða þá stærð sem þarf til að 20 lykkjur og 26 umferðir í sléttprjóni verði 10 x 10 cm.
DROPS PRJÓNAR NR 3,5 – fyrir stroff.
DROPS TRÉTALA NR 503: 2 st.

SOKKAR:
DROPS SOKKAPRJÓNAR NR 3 – eða þá stærð sem þarf til að 23 lykkjur og 32 umferðir í sléttprjóni verði 10 x 10 cm
----------------------------------------------------------

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!


100% Ull
frá 858.00 kr /50g
DROPS Merino Extra Fine uni colour DROPS Merino Extra Fine uni colour 858.00 kr /50g
Gallery Spuni
Panta
DROPS Merino Extra Fine mix DROPS Merino Extra Fine mix 858.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 4290kr. Sjá hér.

Leiðbeiningar um mynstur

PEYSA:

MYNSTUR:
Sjá mynsturteikningu M.1 og M.2. Mynsturteikning sýnir allar umferðir í mynstri séð frá réttu.

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

----------------------------------------------------------
PEYSA:
Til að fá pláss fyrir allar lykkjur er peysan prjónuð fram og til baka á hringprjón eftir stroffið.

FRAMSTYKKI:
Fitjið upp 66-74-82 (90-98) lykkjur (meðtalin 1 kantlykkja í hvorri hlið) á prjón 3,5 með Merino Extra Fine. Prjónið stroff = 1 lykkja slétt/1 lykkja brugðin með 1 kantlykkju í hvorri hlið í 4 cm. Skiptið yfir á hringprjón 4,5, prjónið 1 umferð slétt frá réttu – JAFNFRAMT er fækkað um 5-5-9 (9-13) lykkjur jafnt yfir = 61-69-73 (81-85) lykkjur. Prjónið 1 umferð slétt frá röngu. Næsta umferð er prjónuð (frá réttu) þannig: 1 kantlykkja, 12-16-18 (22-24) lykkjur sléttprjón, 2 lykkjur brugðnar, M.1, 2 lykkjur brugðnar, M.2, 2 lykkjur brugðnar, M.1, 2 lykkjur brugðnar, 12-16-18 (22-24) lykkjur sléttprjón og 1 kantlykkja. Haldið áfram með þetta mynstur fram og til baka.
ATHUGIÐ PRJÓNFESTUNA!
Þegar stykkið mælist 16-17-19 (20-22) cm eru fitjaðar upp nýjar lykkjur í hvorri hlið fyrir ermar – fitjið upp í lok hverrar umferðar í báðum hliðum: 4 lykkjur 2-2-1 (1-1) sinnum, 6 m 1-1-1 (2-1) sinnum, 8 lykkjur 0-0-1 (1-2) sinnum og 10-11-11 (14-20) lykkjur 1 sinni = 109-119-131 (157-177) lykkjur – nýjar lykkjur eru prjónaðar í sléttprjóni. Haldið síðan áfram með mynstur og sléttprjóni eins og áður.
Þegar stykkið mælist ca 22-24-26 (28-31) cm fækkið lykkjum í næstu umferð frá réttu: 5 lykkjur jafnt yfir M.2 og 2 lykkjur jafnt yfir hvert M.1 = 100-110-122 (148-168) lykkjur. Í næstu umferð eru miðju 10-10-12 (14-16) lykkjurnar settar á band fyrir háls og hvor hlið er prjónuð til loka fyrir sig.
VINSTRI ÖXL/ERMI: = 45-50-55 (67-76) lykkjur. Haldið áfram með sléttprjón yfir lykkjur í M.1 og aðrar lykkjur eins og áður. JAFNFRAMT er fellt af í byrjun á hverri umferð frá hálsi: 2 lykkjur 1 sinni og 1 lykkja 2 sinnum = 41-46-51 (63-72) lykkjur á öxl/ermi. Fellið af þegar stykkið mælist 26-28-31 (33-36) cm.
HÆGRI ÖXL/ERMI: = 45-50-55 (67-76) lykkjur. Prjónið og fellið af fyrir hálsmáli eins og vinstri öxl/ermi. Þegar stykkið mælist 24-26-29 (31-34) cm prjónið áfram með garðaprjóni yfir ystu 12-13-14 (15-16) lykkjur að hálsi (aðrar lykkjur eru prjónaðar eins og áður). Eftir 4 umferðir í garðaprjóni er fellt af fyrir 2 hnappagötum þannig (frá réttu): 2 lykkjur slétt saman, sláið 1 sinni uppá prjóninn, 5-6-7 (8-9) lykkjur slétt, 2 lykkjur slétt saman, sláið 1 sinni uppá prjóninn, prjónið út umferðina. Prjónið síðan með sléttprjóni og garðaprjóni yfir fyrstu 12-13-14 (15-16) lykkjur við háls þar til stykkið mælist 26-28-31 (33-36) cm. Fellið af.

BAKSTYKKI:
Fitjið upp 66-74-82 (90-98) lykkjur (meðtalin 1 kantlykkja í hvorri hlið) á prjón 3,5 með Merino Extra Fine. Prjónið stroff = 1 lykkja slétt/1 lykkja brugðin með 1 kantlykkju í hvorri hlið í 4 cm. Skiptið yfir á hringprjón 4,5 og prjónið 1 umferð slétt frá réttu – JAFNFRAMT er fækkað um 14-14-18 (18-22) lykkjur jafnt yfir = 52-60-64 (72-76) lykkjur. Prjónið 1 umferð slétt frá röngu, haldið áfram með sléttprjón. Þegar stykkið mælist 16-17-19 (20-22) cm fitjið upp nýjar lykkjur í hvorri hlið fyrir ermar eins og á framstykki = 100-110-122 (148-168) lykkjur. Haldið áfram með sléttprjón yfir allar lykkjur.
Þegar stykkið mælist 24-26-29 (31-34) cm fellið af miðju 16-16-18 (20-22) lykkjurnar fyrir hálsmáli og hvor öxl/ermi er prjónað til loka fyrir sig.
VINSTRI ÖXL/ERMI: = 42-47-52 (64-73) lykkjur. Haldið áfram með sléttprjón – JAFNFRAMT er felld af 1 lykkja í næstu umferð frá hálsi = 41-46-51 (63-72) lykkjur á öxl/ermi. Fellið af þegar stykkið mælist 26-28-31 (33-36) cm.
HÆGRI ÖXL/ERMI: = 42-47-52 (64-73) lykkjur. Prjónið og fellið af fyrir hálsmáli eins og vinstri öxl/ermi = 41-46-51 (63-72) lykkjur. Þegar stykkið mælist 26-28-31 (33-36) cm fellið af fyrstu 29-33-37 (48-56) lykkjur frá neðst á ermi og upp úr. Prjónið síðan 1½ cm með sléttprjóni og 1 lykkju garðaprjón í hvorri hlið yfir þær 12-13-14 (15-16) lykkjur sem eftir eru (= tölu kantur), prjónið síðan 1 umferð slétt frá röngu yfir allar lykkjur, áður en fellt er af með sléttu frá réttu.

FRÁGANGUR:
Saumið sauma yfir ermum með lykkjuspori – á hægri öxl/ermi er einungis saumað fram að tölukanti.

STROFF:
Takið upp 38-42-46 (50-54) lykkjur á prjón 3,5 neðst meðfram annarri erminni. Prjónið 2 umferðir slétt, haldið áfram með stroff = 1 lykkja slétt/1 lykkja brugðin með 1 kantlykkju í hvorri hlið. Fellið af þegar stroffið mælist 4 cm. Endurtakið á hinni erminni. Saumið hliðarsauma og sauma undir ermum innan við 1 kantlykkju.

KANTUR Í HÁLSI.
Prjónið upp frá réttu ca 52 til 68 lykkjur í kringum háls (meðtaldar lykkjur á bandi að framan) á prjón 3,5. Prjónið 5 umferðir slétt, fellið síðan af. Saumið tölur á öxl.
----------------------------------------------------------

SOKKAR:
Lengd á fæti: 10-11-12 (14-16) cm

HÆLÚRTAKA:
UMFERÐ 1 (= rétta): Prjónið þar til 5-5-5 (6-6) lykkjur eru eftir, takið 1 lykkju óprjónaða, 1 lykkja slétt, steypið óprjónuðu lykkjunni yfir, snúið við.
UMFERÐ 2 (= ranga): Prjónið þar til 5-5-5 (6-6) lykkjur eru eftir, takið 1 lykkju óprjónaða, 1 lykkja brugðin, steypið óprjónuðu lykkjunni yfir, snúið við.
UMFERÐ 3 (= rétta): Prjónið þar til 4-4-4 (5-5) lykkjur eru eftir, takið 1 lykkju óprjónaða, 1 lykkja slétt, steypið óprjónuðu lykkjunni yfir, snúið við.
UMFERÐ 4 (= ranga): Prjónið þar til 4-4-4 (5-5) lykkjur eru eftir, takið 1 lykkju óprjónaða, 1 lykkja brugðin, steypið óprjónuðu lykkjunni yfir, snúið við.
Haldið áfram á sama hátt með því það fækki um 1 lykkju áður en 1 lykkju er steypt yfir þar til 7-9-9 (9-9) lykkjur eru eftir á prjóni.

ÚRTAKA:
Fellið af á undan prjónamerki: Prjónið 2 lykkjur saman.
Fellið af á eftir prjónamerki: Takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir.
--------------------------------------------------------

SOKKUR:
Sokkurinn er prjónaður í hring á sokkaprjóna.
Fitjið upp 30-30-36 (36-36) lykkjur á sokkaprjóna nr 3 með Merion Extra Fine og prjónið stroff = 3 lykkjur slétt/3 lykkjur brugðnar í 8-8-9 (9-10) cm. Prjónið nú 1 umferð sléttprjón JAFNFRAMT er fækkað um 2-0-4 (2-0) lykkjur jafnt yfir = 28-30-32 (34-36) lykkjur. Prjónið nú 1 lykkju slétt og 1 lykkju brugðið. Haldið eftir fyrstu 15-17-17 (19-19) lykkjum á prjóni fyrir hæl og hinar 13-13-15 (15-17) lykkjur eru settar á band (= ofan á rist). Prjónið nú sléttprjón fram og til baka yfir hællykkjur í 3-3½-4 (4-4½) cm – setjið eitt prjónamerki. Prjónið nú HÆLÚRTAKA – sjá skýringu að ofan! Prjónið nú upp 7-8-9 (9-10) lykkjur hvoru megin við hæl og lykkjur af bandi (ofan á rist) eru settar til baka á prjóninn = 34-38-42 (42-46) lykkjur.
Haldið áfram hringinn með sléttprjóni. JAFNFRAMT í fyrstu umferð er fellt af þannig: Þær 2 síðustu lykkjur á undan 13-13-15 (15-17) lykkum á fæti eru prjónaðar snúnar slétt saman (prjónið aftan í lykkjubogann í stað framan) og þær 2 fyrstu lykkjur á eftir 13-13-15 (15-17) lykkjum á fæti eru prjónaðar slétt saman. Endurtakið úrtöku í annarri hverri umferð alls 4-6-6 (6-6) sinnum = 26-26-30 (30-34) lykkjur. Prjónið áfram þar til sokkurinn mælist ca 8-9-9½ (11½-12½) cm frá prjónamerki á hæl (nú eru eftir ca 2-2-2½ (2½-3½). Setjið nú prjónamerki í hvora hlið, þ.e.a.s. þannig að það verða 13-13-15 (15-17) lykkjur bæði ofan á rist og undir il.
Fellið af fyrir tá hvoru megin við prjónamerkin – SJÁ ÚRTAKA. Fellið af í annarri hverri umferð 2-2-3 (3-5) sinnum og síðan í hverri umferð 3-3-3 (3-2) sinnum = 6 lykkjur eftir á prjóni. Klippið frá og dragið bandið í gegnum þær lykkjur sem eftir eru, herðið að og festið vel. Sokkurinn mælist ca 10-11-12 (14-16) cm.

Mynstur

= slétt frá réttu, brugðið frá röngu
= brugðið frá réttu, slétt frá röngu
= setjið 3 lykkjur á hjálparprjón fyrir framan stykkið, 3 lykkjur slétt, 3 lykkjur slétt af hjálparprjóni
= setjið 3 lykkjur á hjálparprjón fyrir framan stykkið, 1 lykkja brugðin, 3 lykkjur slétt af hjálparprjóni
= setjið 1 lykkju á hjálparprjón aftan við stykkið, 3 lykkjur slétt, 1 lykkja brugðin af hjálparprjóni
= setjið 3 lykkjur á hjálparprjón aftan við stykkið, 3 lykkjur slétt, 3 lykkjur slétt af hjálparprjóni


Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS Baby 16-20) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (31)

Jennifer Dorndorf 26.01.2020 - 10:50:

Hallo, Es ist der erste Pulli den ich jemals stricke! Bisher fand ich es immer komplizierter als häkeln! Aber so ist gar nicht! Dennoch habe ich eine Frage! Ich habe die Maschen auf den Hilfsfaden gelegt, muss ich denn für die Ärmel/ Schultern eine weitere Stricknadel dazu nehmen? Und die Ärmel getrennt stricken? Ich hoffe ihr versteht was ich meine! Liebe Grüße

DROPS Design 27.01.2020 kl. 09:08:

Liebe Frau Dorndorf, nachdem Sie die Maschen für den Haslausschnitt stillgelegt haben, dann stricken Sie beiden Schulter separat, der eine Schulter nach der andere. Viel Spaß beim stricken!

PANZARELLA 10.11.2019 - 10:10:

Bonjour, Dans vos explications vous dites de tricoter toujours comme ceci : 1 m point mousse, 12-16-18 (22-24) m jersey, 2 m env, M1, 2 m env, M2, 2 m env, M1, 2 m env, 12-16-18 (22-24) m jersey, 1 m point mousse Je dois tricoter les mailles envers à l'endroit et à l'envers du tricot ? Je vous remercie d'avance. Bien cordialement

DROPS Design 11.11.2019 kl. 10:46:

Bonjour Mme Panzarella, les m envers sur l'endroit doivent toujours apparaître ainsi = à l'envers sur l'endroit; sur l'envers, on va les tricoter à l'endroit. Bon tricot!

Pia 08.11.2018 - 10:01:

Tack f snabbt svar, det är den fiffiga modellen med två stycken vi gillar.😊 Den finns väl inte i större storlekar?

Pia 08.11.2018 - 09:18:

Hej! Har stickat denna jättefina tröja till mitt barnbarn som älskat den. Nu är han fyra år och vill ha en ny. Tyvärr finns ju inte mönstret i större storlekar. Kan jag ta största storleken och större stickor, stickar ganska hårt, eller är det bättre att ta ett tjockare garn?

DROPS Design 08.11.2018 kl. 09:45:

Hej Pia, Jämför måttet du vill ha med måttskissen nederst i mönstret och se om du bara behöver lägga upp flera maskor och öka måttet på längden... Eller så hittar du en tröja med flätor här: tröja, barn, fläta Lycka till :)

Woody Stiles 23.10.2017 - 12:44:

The most confusing pattern I have ever knitted

DROPS Design 23.10.2017 kl. 14:39:

Dear Mrs Stiles, should you have any question about the pattern, please feel free to ask your question here or contact the store where you bought your yarn for any further personnal assistance. Happy knitting!

Mona 17.08.2016 - 10:40:

Zeigt der Mustersatz die Reihen 1-3-5... oder 1-2-3... Danke für Antworten

DROPS Design 17.08.2016 kl. 13:29:

Liebe Mona, das Diagramm zeigt alle Reihen, also 1-2-3 etc.

Carol Bentley 08.08.2016 - 14:39:

I am a bit confused about the sizing my grandson is almost 18 months and I'd love to knit this but the larger sizes seem to be a bit confusing? The instructions say including 1 edge stich? Does this mean I just knit one stitch extra at the beginning and end of each row?

DROPS Design 08.08.2016 kl. 15:22:

Dear Mrs Bentley, not sure what you mean with confusing sorry, if you like to work a larger size, you can work size 2 years (= 4th size) - you can check finished measurements in cm (taken flat from side to side) in measurement chart to check size. Including 1 edge st means that the edge sts is included you don't have to cast on the edge sts extra. Happy knitting!

Kathrin 28.12.2015 - 23:24:

Hallo, ich habe eine Frage zur Ärmelzunahme, wie nehme ich 4 bzw. 10 Maschen in einer Reihe zu, ohne dass der Pullover "blasig" wird, sondern, dass Ärmel entstehen. Ich werde jetzt das Vorderteil wieder aufräufeln , möchte den Pullover aber sehr gern stricken. Bitte, wer kann mir helfen. Vielen Dank

DROPS Design 29.12.2015 kl. 11:08:

Sie müssen die M zusätzlich zu den M auf der Nadel neu anschlagen, wie beim ersten Maschenanschlag. Wie das im Prinzip funktioniert, sehen Sie im Kopf bei den Videos unter "Seitlich neue M anschlagen".

Pia 18.10.2015 - 17:13:

Hej! Varför stickas inte hela tröjan på rundsticka? Borde vara mkt enklare och bli snyggare.

DROPS Design 20.11.2015 kl. 14:41:

Hej Pia, det kan du göra till du skall öka för ärmen. Lycka till!

Chevrot 27.07.2015 - 13:55:

Bonjour j aimerais faire ce modèle mais je ne tricote pas en aiguille circulaire mais toujours en droite en faisant le dos et après le devant j aimerais savoir comment convertir vos explications pour faire comme un tricot traditionnel merci

DROPS Design 27.07.2015 kl. 18:04:

Bonjour Mme Chevrot, ce modèle se tricote sur aiguille circulaire, mais en allers et retours pour avoir suffisamment de place pour y loger toutes les mailles (notamment quand les manches sont montées), vous pouvez ainsi utiliser des aiguilles droites mais pensez à bien vérifier et conserver la bonne tension car les mailles seront plus serrées. Bon tricot!

Skrifaðu athugasemd um DROPS Baby 16-20

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.