DROPS / 205 / 14

Simply Confident by DROPS Design

Prjónuð peysa með laskalínu og v-hálsmáli úr DROPS Lace og DROPS Kid-Silk eða DROPS Sky. Stykkið er prjónað ofan frá og niður. Stærð S - XXXL.

DROPS Design: Mynstur la-042
Garnflokkur A + A eða B
-------------------------------------------------------

STÆRÐ:
S - M - L - XL - XXL – XXXL

EFNI:
DROPS LACE frá Garnstudio (tilheyrir garnflokki A)
100-150-150-150-150-200 g litur 0501, ljós grár
Og notið:
DROPS KID-SILK frá Garnstudio (tilheyrir garnflokki A)
100-100-125-125-150-150 g litur 10, grár

Eða notið:
DROPS SKY frá Garnstudio (tilheyrir garnflokki B)
250-250-250-300-300-350 g litur 04, grár

PRJÓNFESTA:
21 lykkja á breidd og 28 umferðir á hæð með sléttprjóni og 1 þræði Lace + 1 þráð Kid-Silk (= 2 þræðir) eða 1 þráð Sky = 10 x 10 cm.

PRJÓNAR:
DROPS SOKKAPRJÓNAR NR 4.
DROPS HRINGPRJÓNAR NR 4: Lengd 40 cm og 80 cm fyrir sléttprjón.
DROPS SOKKAPRJÓNAR NR 3,5.
DROPS HRINGPRJÓNAR NR 3,5: Lengd 80 cm fyrir kant með garðaprjóni.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!

Ertu ekki viss hvaða stærð þú þarft? Þá hjálpar það kannski að fyrirsætan á myndinni er ca 170 cm á hæð og notar stærð S eða M. Ef þú gerir peysu, jakkapeysu, kjól eða álíka þá getur þú fundið teikningu með máli neðst í mynstri.

74% Alpakka, 18% Polyamide, 8% Ull
frá 1496.00 kr /50g
DROPS Sky uni colour DROPS Sky uni colour 1496.00 kr /50g
Panta
DROPS Sky mix DROPS Sky mix 1496.00 kr /50g
Panta

75% Mohair, 25% Silki
frá 1298.00 kr /25g
DROPS Kid-Silk uni colour DROPS Kid-Silk uni colour 1298.00 kr /25g
Panta
DROPS Kid-Silk long print DROPS Kid-Silk long print 1298.00 kr /25g
Panta
Prjónar & Heklunálar
Þú færð garn sem þarf í að gera þetta mynstur frá 12672kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað í hring):
*1 umferð slétt og 1 umferð brugðin*, endurtakið frá *-*.

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

MYNSTUR:
Sjá mynsturteikningu A.1. Mynsturteikning sýnir allar umferðir í mynstri séð frá réttu.

STUTTAR UMFERÐIR-1 (á við um hægri kant í hálsi):
Byrjið frá réttu og prjónið þannig: * 2 umferðir garðaprjón fram og til baka yfir 3 fyrstu lykkjurnar, 2 umferðir garðaprjón fram og til baka yfir allar 4 lykkjurnar *, prjónið frá *-* alls 3 sinnum.

STUTTAR UMFERÐIR-2 (á við um vinstri kant í hálsi):
Byrjið frá röngu og prjónið þannig: * 2 umferðir garðaprjón fram og til baka yfir 3 fyrstu lykkjurnar, 2 umferðir garðaprjón fram og til baka yfir allar 4 lykkjurnar *, prjónið frá *-* alls 3 sinnum, prjónið síðan 1 umferð slétt frá röngu yfir allar 4 lykkjurnar.

LASKALÍNA:
Öll úrtaka er gerð frá réttu!
Fækkið um 1 lykkju hvoru megin við prjónamerki þannig: Prjónið þar til 1 lykkja er eftir á undan prjónamerki, sláið 1 sinni uppá prjóninn, 1 lykkja slétt (prjónamerki situr hér), 1 lykkja slétt, sláið 1 sinni uppá prjóninn. Endurtakið við hvert og eitt af prjónamerkjum sem eftir eru (= 8 lykkjur fleiri í umferð). Í næstu umferð eru uppslættirnir prjónaðir snúnir svo að ekki myndist gat. Prjónið síðan nýjar lykkjur í sléttprjóni.

V-HÁLSMÁL:
Öll útaukning er gerð frá réttu!
Aukið út um 1 lykkju innan við 4 lykkjur garðaprjón í hvorri hlið á stykki með því að slá 1 sinni uppá prjóninn. Í næstu umferð eru allir uppslættirnir prjónaðir snúnir brugðnir svo að ekki myndist gat. Prjónið síðan nýjar lykkjur í sléttprjóni.

ÚRTAKA (á við um ermar):
Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa lykkja), takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir lykkjuna sem var prjónuð.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Fyrst eru prjónaðir 2 lausir kantar í hálsi. Þeir eru settir inn á hringprjóninn þegar fitjaðar eru upp lykkjur fyrir hálsmáli eins og útskýrt er í uppskrift (kantar í hálsi eru síðar saumaðir saman við miðju að aftan og saumaðir síðan við hálsmál aftan í hnakka).
Prjónið síðan berustykki fram og til baka á hringprjón frá miðju að framan, ofan frá og niður, JAFNFRAMT er aukið út fyrir v-hálsmáli og laskalínu. Þegar útaukning fyrir v-hálsmáli er lokið er prjónað áfram í hring á hringprjón. Ermar eru prjónaðar í hring á sokkaprjóna/stuttan hringprjón, ofan frá og niður.

KANTUR Í HÁLSI:
Fitjið upp 4 lykkjur á prjón 3,5 með Lace + Kid-Silk (= 2 þræðir) eða 1 þræði Sky og prjónið GARÐAPRJÓN fram og til baka – sjá útskýringu að ofan (1. umferð = rétta).
Þegar kantur í hálsi mælist ca 6-6-6½-6½-7-7½ cm, prjónið STUTTAR UMFERÐIR-1 – sjá útskýringu að ofan. Þegar stuttar umferðir hafa verið prjónaðar til loka, prjónið garðaprjón fram og til baka yfir allar 4 lykkjurnar í 6 cm í öllum stærðum, endið eftir 1 umferð slétt frá röngu (allur hægri kantur í hálsi mælist nú ca 14-14-14½-14½-15-15½ cm innst þar sem stykkið er styst). Klippið frá og geymið kantinn í hálsi.
Prjónið vinstri kant í hálsi alveg eins, en þegar kantur í hálsi mælist ca 6-6-6½-6½-7-7½ cm, prjónið STUTTAR UMFERÐIR-2 – sjá útskýringu að ofan. Þegar stuttar umferðir hafa verið prjónaðar til loka eins og útskýrt er að ofan, prjónið garðaprjón fram og til baka yfir allar 4 lykkjurnar í 6 cm í öllum stærðum, endið eftir 1 umferð slétt frá réttu (allur vinstri kantur í hálsi mælist nú ca 14-14-14½-14½-15-15½ cm innst þar sem stykkið er styst). Setjið lykkjur á hringprjón 4, ekki klippa þráðinn frá, en fitjið nú upp 66-66-68-68-70-72 lykkjur á sama hringprjón strax eftir vinstri kant í hálsi og prjónið nú síðan slétt frá röngu yfir 4 lykkjur á hægri kanti í hálsi = 74-74-76-76-78-80 lykkjur í umferð. Prjónið næstu umferð frá röngu þannig: 4 lykkjur garðaprjón, prjónið 2 lykkjur í næstu lykkju (= 1 lykkja fleiri), prjónið brugðið þar til 5 lykkjur eru eftir á prjóni, prjónið 2 lykkjur í næstu lykkju (= 1 lykkja fleiri), prjónið 4 lykkjur garðaprjón = 76-76-78-78-80-82 lykkjur. Setjið eitt prjónamerki mitt í 4 lykkjur fyrir kant í hálsi í annarri hliðinni. HÉÐAN ER NÚ MÆLT! Prjónið nú berustykki eins og útskýrt er að neðan.

BERUSTYKKI:
Setjið 1 prjónamerki í hverja skiptingu á milli fram- og bakstykkis og erma (= 4 prjónamerki) þannig: Setjið eitt prjónamerki eftir 5 lykkjur inn frá hvorri hlið, þ.e.a.s. eftir 4 lykkjur garðaprjón + 1 lykkja slétt (= í skiptinguna á milli framstykkis og erma), setjið næstu 2 prjónamerki eftir 16 nýjar lykkjur í hvorri hlið (= í skiptinguna á milli erma og bakstykkis). Nú eru 34-34-36-36-38-40 lykkjur á milli 2 síðustu prjónamerkja sem sett voru í stykkið (= bakstykki). Prjónið sléttprjón með 4 lykkjum garðaprjón í hvorri hlið við v-hálsmáls mitt að framan. ATHUGIÐ PRJÓNFESTUNA!

LASKALÍNA:
Í fyrstu umferð frá réttu byrjar útaukning fyrir LASKALÍNA – sjá útskýringu að ofan. Aukið út fyrir laskalínu í annarri hverri umferð alls 24-28-31-34-36-38 sinnum.

V-HÁLSMÁL:
Í 3. umferð byrjar útaukning fyrir V-HÁLSMÁL – sjá útskýringu að ofan. Aukið svona út í 4. hverri umferð 4-5-6-7-8-8 sinnum, síðan í annarri hverri umferð 10-9-9-8-8-9 sinnum (= alls 14-14-15-15-16-17 lykkjur fleiri fyrir v-hálsmái í hvorri hlið).
Þegar öll útaukning fyrir v-hálsmáli hefur verið gerð til loka, klippið frá. Setjið eitt prjónamerki mitt aftan á peysuna. Nú er þetta byrjun á umferð. Prjónið nú stykkið áfram hringinn frá réttu og yfir 8 lykkjur í garðaprjóni er prjónað mynstur A.1. Þegar A.1 hefur verið prjónað til loka á hæðina hefur fækkað um 4 lykkjur í mynsturteikningu. Þegar öll útaukning fyrir v-hálsmáli og laskalínu (+ 4 úrtökur í A.1) er lokið eru 292-324-352-376-396-416 lykkjur í umferð. Prjónið nú áfram með sléttprjóni þar til stykkið mælist 19-21-23-25-28-30 cm frá prjónamerki. Endið umferð mitt á bakstykki. Næsta umferð er prjónuð þannig:
ATH: Stykkið skiptist fyrir ermar og fram- og bakstykki og 1-1-1-2-4-6 lykkjur frá hvorri hlið á ermum eru prjónaðar inn á prjóninn fyrir fram- og bakstykki, þannig að skiptingin á milli fram- og bakstykkis og ermar er ekki lengur við prjónamerkin: Prjónið fyrstu 42-46-50-54-59-64 lykkjurnar (= hálft bakstykki), setjið næstu 62-70-76-80-80-80 lykkjur á þráð fyrir ermi og fitjið upp 8-8-10-10-12-16 nýjar lykkjur á prjóninn (= í hlið undir ermi), prjónið næstu 84-92-100-108-118-128 lykkjur (= framstykki), setjið næstu 62-70-76-80-80-80 lykkjur á þráð fyrir ermi og fitjið upp 8-8-10-10-12-16 nýjar lykkjur á prjóninn (= í hlið undir ermi), prjónið 42-46-50-54-59-64 lykkjur sem eftir eru (= hálft bakstykki). Prjónið síðan fram- og bakstykki og ermar til loka hvort fyrir sig. HÉÐAN ER NÚ MÆLT!

FRAM- OG BAKSTYKKI:
= 184-200-220-236-260-288 lykkjur. Prjónið sléttprjón hringinn á hringprjón 4. Þegar stykkið mælist 30-30-30-30-29-29 cm, skiptið yfir á hringprjón 3,5. Prjónið 4 umferðir garðaprjón. Fellið af. Peysan mælist ca 54-56-58-60-62-64 cm frá öxl og niður.

ERMI:
Setjið til baka 62-70-76-80-80-80 lykkjur af þræði í annarri hlið á stykki á stuttan hringprjón/sokkaprjón 4.
Prjóni að auki upp 1 lykkju í hverja og eina af nýjum 8-8-10-10-12-16 lykkjum sem fitjaðar voru upp í hlið undir ermi = 70-78-86-90-92-96 lykkjur. Setjið eitt prjónamerki mitt í nýjar lykkjur (= 4-4-5-5-6-8 nýjar lykkjur hvoru megin við prjónamerki). Prjónið sléttprjón hringinn. Þegar ermin mælist 4 cm, fækkið um 2 lykkjur undir ermi – sjá ÚRTAKA. Fækkið lykkjum svona með 3½-2½-2-2-1½-1½ cm millibili alls 10-13-16-17-17-18 sinnum = 50-52-54-56-58-60 lykkjur. Þegar ermin mælist 44-43-42-41-38-37 cm, skiptið yfir á sokkaprjón 3,5. Prjónið 4 umferðir garðaprjón. Fellið af. Ermin mælist ca 45-44-43-42-39-38 cm. Prjónið hina ermina alveg eins.

FRÁGANGUR:
Saumið saman kant í hálsi mitt að aftan þannig að saumurinn komi á röngu. Strekkið aðeins á kantinum í hálsi og saumið við hálsmál aftan í hnakka.

Mynstur

= slétt lykkja
= bruðin lykkja
= takið 1 lykkju óprjónaða eins og prjóna eigi slétt, 2 lykkjur slétt saman, steypið óprjónuðu lykkjunni yfir (= 2 lykkjur færri)

Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS 205-14) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (31)

Karina Engel 20.06.2020 - 13:43:

Hej kan blusen strikkes i 2 tråde kid silk og såfald hvor mange nøgler til str. L. Pft vh Karina

DROPS Design 22.06.2020 kl. 13:17:

Hei Karina. Ja, det kan du. Men husk å overholde den oppgitte strikkefastheten i oppskriften. Garnmengden blir det dobbelt av Kid-Silk som står i oppskriften (i str. L). God Fornøyelse!

Victoria 12.05.2020 - 00:05:

I have finished the body, but the bottom keeps rolling up. Did I cast off too tight or loose? Is there any way to fix it? Thank you in advance!

DROPS Design 12.05.2020 kl. 09:25:

Dear Victoria, you can easily fix by blocking the finished jumper, spray some water or moisten the piece and lay it flat to dry, use some pins if necessary. Happy knitting!

Montse 28.04.2020 - 14:08:

Donde puedo ver A1???

DROPS Design 28.04.2020 kl. 16:29:

Hola Montse. El diagrama A.1 está bajo el patrón ( exactamente bajo la manga en el esquema).

Kim Wijns 09.12.2019 - 16:11:

This raglan does not come symmetrical.

KARIMA 24.11.2019 - 23:03:

Bonjour très contente de mon projet et de mes progrès vous indiquez de commencer les diminutions manche quand celle ci fait 4 cms mais ou dois je mesurer ces 4 cms ? sous la manche ? merci par avance

DROPS Design 25.11.2019 kl. 10:39:

Bonjour Karima, vous mesurez depuis la fin de l'empiècement (où il est indiqué MESURER DÉSORMAIS L'OUVRAGE À PARTIR D'ICI!), c'est-à-dire à partir du premier rang de la manche, mais bien dans le sens du tricot (le long des mailles) pour que la longueur finale soit juste. Bon tricot!

Beatrice 13.11.2019 - 23:51:

Bonjour! J'ai tricoté les 2 bordures au point mousse. Quand je les mets sur l'aiguille circulaire avec les 66 mailles supplémentaires, est ce qu'elles tournent vers l'intérieur ( < ---------->) ou vers l'extérieur ( > --------

DROPS Design 14.11.2019 kl. 10:07:

Bonjour Béatrice, l'arrondi des rangs raccourcis de chacune des bordures doit se trouver sous les mailles montées pour l'encolure - placez bien un marqueur sur l'endroit de chacune des bordures d'encolure pour mieux vous repérer. Bon tricot!

KARIMA 13.11.2019 - 11:39:

Bonjour Merci pour toutes vos réponses à mes questions précédentes ,j'ai bien progressé . Je suis bloquée au moment de la mise en attente des mailles pour les manches . Vous indiquez :Tricotez les mailles du demi dos , Mettre en attente les mailles de la manche et monter 8 mailles ( = côté , sous la manche ) Je les monte sur l'aiguille gauche coté demi devant alors ? merci de votre aide précieuse

DROPS Design 13.11.2019 kl. 12:15:

Bonjour Karima, vous allez mettre les mailles des manches en attente et monter vos mailles sous la manche comme au time code 07:00 de cette vidéo = sur l'aiguille droite, puis tricoter les mailles du devant et répéter pour la 2ème manche. La vidéo montre un pull différent mais la technique des manches sera la même ici. Bon tricot!

Helena 10.11.2019 - 19:59:

Hi, it is not very clear at all which way the initial neck edges should face when putting them on the circular needle. As it is very hard for me to follow right and wrong sides with the garter stitch, perhaps you could clarify this with a picture or smth. Maybe like this: assuming the neck edge makes a shape like this: < , and the new cast-on stitches are a simple line: ____, does the shape on the circular needle look like this: < ___________ > or like this: >__________< ?

DROPS Design 11.11.2019 kl. 11:28:

Dear Helena, you can insert a marker the first row worked on both neck edges, so that the marker will mark the right side of both piece and you will be sure then to continue the pattern as explained. Happy knitting!

KARIMA MIMOUNE REZIG 04.11.2019 - 14:38:

Bonjour. Que faut il faire pour avoir une encolure V plus profonde ? Merci ! Ps il fait bien rassembler les 4 mailles + 4 mailles de l encolure pour commencer à tricoter en rond ? Comment procéder ? Merci

DROPS Design 05.11.2019 kl. 08:25:

Bonjour Mme Rezig, nous ne sommes malheureusement pas en mesure de pouvoir adapter chaque modèle à chaque demande, n'hésitez pas à demander de l'aide à votre magasin, même par mail ou téléphone. Pour continuer en rond on fait glisser la moitié des mailles de l'aiguille gauche (= début des rangs sur l'endroit précédents) sur l'aiguille droite, à la suite de la dernière maille (fin des rangs sur l'endroit précédents) et on tricote A.1 sur les 4 dernières m des rangs + les 4 premières mailles des rangs = 8 mailles au milieu devant. Bon tricot!

Karima 03.11.2019 - 18:38:

Bonjour. Je viens de finir mes augmentations d’encolure. J ai coupé le fil mais je ne comprends pas comment continuer. J ai mon travail sur deux aiguilles Vous dites que les tours commencent’ ici ,? Continuez en rond ? Dois je joindre les bandes d’encolure en rond ? Je suis perdue ( pas le marqueur milieu de dos c est bien entre les raglans? ) merci

DROPS Design 05.11.2019 kl. 07:58:

Bonjour Karima, quand les augmentations de l'encolure sont terminées, on continue le pull en rond, on va donc joindre l'ouvrage sur l'aiguille circulaire pour que la dernière maille du dernier rang tricoté soit juste avant la première maille de ce même rang, on fait glisser les mailles de l'aiguille gauche sur l'aiguille droite jusqu'à ce qu'on arrive au marqueur du milieu dos, on joint le fil et on continue en rond à partir du milieu dos. Bon tricot!

Skrifaðu athugasemd um DROPS 205-14

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.