DROPS Super Sale - 30% AFSLÁTTUR á 6 garntegundum í allan júní!

Hvernig á að prjóna hnappagat lóðrétt

Video thumbnail for Hvernig á að prjóna hnappagat lóðrétt
Í þessu DROPS myndbandi sýnum við hvernig við prjónum hnappagat lóðrétt. Þetta lóðrétta hnappagat er á prjónuðum tvöföldum kanti. Þegar prjónaður er tvöfaldur kantur getur hann orðið of þykkur með garni sem er grófara en frá garnflokki A, en við notum garn frá garnflokki B til þess að sýna þessa aðferð til að gatið verði sýnilegri. Afgangurinn af peysunni getur verið með grófara garni, passið bara að liturinn passi við kantinn.
Gatið er byggt upp með stuttum enda af tvöföldum auka þræði, sama og í kantinum.
Settu eins margar lykkjur eins og passar við breiddina á tölunni á auka þræðinum, byrjið og endið á brugðinni lykkju. Síðan er fitjaður upp sami fjöldi lykkja í staðinn í kringum hinn endann á auka þræðinum. Prjónið áfram nokkrar umferðir, takið síðan báða endana á auka þræðinum og þræðið í gegnum lykkjuna og þræðið síðan í kringum gatið, ekki herða of fast. Festið endana síðar.
Fylgja þarf uppskrift til þess að geta fylgt myndbandinu eftir.
Þú finnur mynstur þar sem þessi aðferð er notuð með því að smella á myndirnar að neðan.
Annað tungumál:

Myndband #268, skráð í: Lærðu að prjóna, Prjón leiðbeiningar & aðferðir, Prjónaðir kantar og hnappagöt

Myndböndin okkar hafa ekkert hljóð. Við erum alþjóðlegt fyrirtæki og fólk sem skoðar myndböndin okkar talar mörg mismunandi tungumál og margir skilja ekki ensku. Þar sem það er ekkert gefið tungumál fyrir okkur að nota, höfum við í staðinn skrifaðar leiðbeiningar fyrir myndböndin og ekkert hljóð sem truflar þegar þú horfir.

Þú getur breytt hraðanum á þessu myndbandi með því að smella á táknið á spilastikunni.

Country flag Norah Ledermann skrifaði:

I love the look of this buttonhole and wonder if there are any written instructions to go along with the tutorial. I find it very difficult to follow with no verbal or written instructions to go with the tutorial. The instructor seems to be pointing out specific instructions but not sure what the reference is without sound. Is there a basic formula for this technique? Thank you for any help you can send my way.

12.11.2015 - 22:07

DROPS Design :

Dear Mrs Ledermann, the basic technique is explained above the video, you have then to follow the pattern as it is explained for the number of sts for each buttonhole (which depends to the yarn worked, the tension worked, the size of the buttons, etc. ie the pattern you are working on). Happy knitting!

13.11.2015 - 09:33

Country flag NTD skrifaði:

Magnifique

13.02.2014 - 10:16

Country flag Roberta Carraro skrifaði:

Fantasticamente perfetto. Roberta

13.12.2013 - 21:10

Tanja skrifaði:

For me it looks quite hard to do. I always bind off the stitches and cast them on again, but I have to say the result is not that stretchy as it looks in this video.

14.11.2012 - 09:43

Skrifaðu athugasemdir eða spurningar fyrir þetta myndband

Netfangið þitt verður ekki birt. Það verður að merkja við svæði merktri með *.

Þú gætir líka haft gaman af...

Video thumbnail for Hvernig á að prjóna kant með tvöföldu sléttprjóni
5:56
Hvernig á að prjóna kant með tvöföldu sléttprjóni

Í þessu DROPS myndbandi sýnum við hvernig við prjónum kant með tvöföldu sléttprjóni. Við notum garn frá garnflokki B og best er að nota ekki grófara garn en það eða fínna, jafnvel þó að stykkið þitt hefur grófara garn. Frá réttu: Takið upp þann fjölda lykkja sem passar meðfram kanti á stykkinu. Þar sem við notum garn frá garnflokki B og prjóna nr 4,5 þá tökum við upp ca 10 lykkjur per 5 cm. Ef notað er garn frá garnflokki A og prjóna nr 3 þá eru teknar upp ca 15 lykkjur per 5 cm. UMFERÐ 1 (ranga): Prjónið 1 lykkju slétt í aftari lykkjubogann, * sláið 1 sinni uppá prjóninn, 1 lykkja slétt í aftari lykkjubogann *, endurtakið frá *-* út umferðina. UMFERÐ 2 (rétta): Prjónið alla uppslætti slétt og lyftið öllum brugðnu lykkjunum yfir á hægri prjón með þráðinn framan við stykkið. UMFERÐ 3 (ranga): Prjónið alla uppslætti slétt og lyftið öllum brugðnu lykkjunum yfir á hægri prjón með þráðinn framan við stykkið. Haldið áfram eins og umferð 3 að óskaðri breidd á kanti. Fellið af frá röngu með því að prjónið 2 lykkjur brugðið saman, síðan aftur 2 lykkjur brugðið saman og steypið næst síðustu lykkju yfir síðustu lykkju eins og þegar fellt er venjulega af.
Video thumbnail for Hvernig á að prjóna skáhallandi öxl, fitja upp fyrir hálsmáli, prjóna bakstykkið saman, ásamt i-cord
21:11
Hvernig á að prjóna skáhallandi öxl, fitja upp fyrir hálsmáli, prjóna bakstykkið saman, ásamt i-cord

Í þessu DROPS myndbandi sýnum við hvernig á að prjóna hvert framstykki með skáhallandi öxl og stuttum umferðum, stykkið er prjónað neðan frá og upp. Síðan sýnum við hvernig á að auka út lykkjur fyrir hálsmáli og sameina axlirnar fyrir bakstykki, síðan er prjónað ofan frá og niður. I-cord kantur er í hvorri hlið. Við höfum nú þegar prjónað einn hluta af framstykki og fækkað lykkjum í hálsmáli. Myndbandið sýnir hvernig við prjónum 6 stuttar umferðir (German short rows) á hægra framstykki og myndum skáhalldandi öxl. Síðan sýnum við hvernig auka á um 1 lykkju 3 sinnum í átt að hálsmáli, sem er nú bakstykkið. Þá sýnum við það sama fyrir vinstri öxl og fitjum að lokum upp 12 lykkjur á milli axla áður en axlirnar eru prjónaðar saman. Við notum garnið DROPS Snow í myndbandinu. Þessi tækni er notuð í mynstrinu DROPS 255-9, Driftwood West, með öðrum lykkjufjölda, fjölda stuttra umferða og lykkjum í uppfitjun. Þú getur fundið mynstur með því að smella á myndirnar hér að neðan:
Video thumbnail for Hvernig á að prjóna tvöfaldan kant að framan án hnappagata
7:38
Hvernig á að prjóna tvöfaldan kant að framan án hnappagata

Í þessu DROPS myndbandi sýnum við hvernig við prjónum tvöfaldan kant að framan. Byrjið á að taka upp lykkju efst í stykki, t.d. í gegnum öxl á framstykki, prjónið upp 1 lykkju í hverja prjónaða umferð meðfram öllu stykkinu eða hoppið yfir ca 4-5 lykkju innan við 1 kantlykkju, lestu hvað stendur í uppskrift sem prjónað er eftir. Eftir að lykkjur hafa verið teknar upp fitjið upp 12 lykkjur yfir kant að framan (= neðst á stykki / framstykki), lykkjufjöldinn getur verið breytilegur frá mynstri til mynsturs. Nú er kanturinn að framan prjónaður yfir 12 lykkjurnar jafnframt því sem kanturinn er prjónaður saman með lykkjum sem prjónaðar voru upp meðfram stykki / framstykkið þannig: UMFERÐ 1 (ranga): Prjónið 1 lykkju slétt, * lyftið lykkju yfir á hægri prjón eins og prjóna eigi brugðið með þráðinn framan við stykkið, prjónið 1 lykkju slétt *, prjónið frá *-* þar til 1 lykkja er eftir af 12 kantlykkjum að framan, takið 2 næstu lykkjur yfir á hægri prjón eins og prjóna eigi brugðið saman með þráðinn framan við stykkið, snúið. UMFERÐ 2 (rétta): Prjónið 2 lykkjur slétt saman, * takið 1 lykkju yfir á hægri prjón eins og prjóna eigi brugðið með þráðinn framan við stykkið, prjónið 1 lykkju slétt *, prjónið frá *-* þar til 1 lykkja er eftir, lyftið síðustu lykkjunni laust yfir á hægri prjón eins og prjóna eigi brugðið með þráðinn framan við stykkið, snúið. Endurtakið umferð 1 og 2. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
Video thumbnail for Hvernig á að prjóna tvöfaldan kant að framan með hnappagötum
14:14
Hvernig á að prjóna tvöfaldan kant að framan með hnappagötum

Í þessu DROPS myndbandi sýnum við hvernig við prjónum tvöfaldan kant að framan jafnframt því sem við prjónum hnappagat. Takið upp lykkjur meðfram hægra framstykki með þráðarendanum á dokkunni, byrjið að taka upp lykkjur neðst á framstykki og prjónið upp 1 lykkju í hverja prjónaða umferð meðfram öllu framstykkinu eða hoppið yfir ca 4-5 lykkju innan við 1 kantlykkju, lestu hvað stendur í mynstrinu sem þú prjónar eftir. Nú heldur stykkið áfram í þeim enda á prjóni sem dokkan er (neðst á framstykki). Fitjið upp nýjar lykkjur fyrir kant að framan frá röngu (við fitjum upp 16 nýjar lykkjur í þessu myndandi, lykkjufjöldinn getur verið breytilegur frá mynstri til mynsturs). Nú er kanturinn að framan prjónaður yfir 16 nýjar lykkjur jafnframt því sem kanturinn að framan er prjónaður saman með lykkjur sem prjónaðar voru upp meðfram framstykki þannig: UMFERÐ 1 (rétta): Lyftið yfir fyrstu lykkju á hægri prjón eins og prjóna eigi brugðið með þráðinn framan við stykkið *, prjónið 1 lykkju slétt, lyftið yfir 1 lykkju á hægri prjón eins og prjóna eigi brugðið með þráðinn framan við stykkið *, prjónið frá *-* þar til 1 lykkja er eftir af 16 kantlykkjum að framan, lyftið yfir síðustu lykkju á hægri prjón eins og prjóna eigi slétt, með þráðinn aftan við stykkið, prjónið næstu lykkju slétt, steypið lyftu lykkjunni yfir lykkjuna sem var prjónuð slétt, snúið. UMFERÐ 2 (ranga): * Lyftið yfir fyrstu/næstu lykkju á hægri prjón eins og prjóna eigi brugðið með þráðinn framan við stykkið, prjónið 1 lykkju slétt *, prjónið frá *-* yfir allar 16 kantlykkjur að framan, snúið. Endurtakið umferð 1 og 2. Lesið í mynstri þegar prjóna á hnappagat. Hnappagötin eru prjónuð þannig: Prjónið hnappagat, með byrjun frá réttu, þannig: Prjónið yfir fyrstu 8 lykkjurnar eins og áður (eða þeim lykkjufjölda sem stendur í mynstrinu sem þú prjónar), snúið og prjónið til baka yfir 8 lykkjur eins og áður, prjónið alls 3 umferðir yfir 8 lykkjurnar (síðasta umferð er prjónuð frá réttu). Klippið þráðinn. Prjónið alls 4 umferðir eins og áður yfir þær 8 kantlykkjur að framan sem eftir eru (fyrsta umferð er prjónuð frá réttu) og prjónið síðustu lykkju frá réttu saman með næstu lykkju meðfram kanti á peysu eins og áður. Í síðustu umferð frá röngu er prjónað yfir allar kantlykkjur að framan og haldið er áfram eins og áður yfir allar kantlykkjur að framan. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
Video thumbnail for Hvernig á að prjóna tvöfaldan kant í hálsmáli og kanta að framan
15:50
Hvernig á að prjóna tvöfaldan kant í hálsmáli og kanta að framan

Í þessu DROPS myndbandi sýnum við hvernig við prjónum tvöfaldan kant i hálsmáli og kant að framan sem m.a. er í «Love Links» peysu í DROPS 217-18. Við höfum nú þegar prjónað 9 cm af kanti í hálsmáli. Í umferð 1 sýnum við hvernig við fellum af 6 lykkjur (= kantur að framan) og prjónið slétt, jafnframt því sem lykkjur eru auknar út og hvernig prjónað er stroff yfir 6 síðustu lykkjurnar + 1 kantlykkju í garðaprjóni. Í umferð 2 eru felldar af 6 lykkjur (= kantur að framan) og það er prjónað brugðið yfir þær lykkjur sem eftir eru, uppslátturinn er prjónaður snúinn brugðið svo ekki myndist gat. Það er prjónuð 1 kantlykkja í garðaprjóni í hvorri hlið. Síðan er berustykkið prjónað, lestu mynstrið til að fá betri upplýsingar varðandi útaukningar, prjónamerki og e.t.v. mynstur. Eftir þetta eru lykkjur prjónaðar upp fyrir kant að framan, munið eftir hnappagötum. Saumið kanta að framan við kant í hálsi innan við 1 kantlykkju með sauminn inn að röngu á stykki. Brjótið stroffið efst í hálsi tvöfalt inn að röngu á stykki. Saumið stroffið niður. Saumið saman op við miðju að framan með smáu spori. Peysan í DROPS 217-18 er prjónuð úr DROPS Meriono Extra Fine, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að prjóna lausan kant framan á peysu
14:46
Hvernig á að prjóna lausan kant framan á peysu

Í þessu DROPS myndbandi sýnum við hvernig við prjónum hluta af lausum kanti að framan aðskilinn frá stykki, til að sauma síðan niður á framstykki í lokin. Við höfum nú þegar prjónað kant í hálsmáli í stroffprjóni með hnappagötum og 5 kantlykkjum í hvorri hlið. Þessar kantlykkjur eru prjónaðar í GARÐAPRJÓN og eru settar á lykkjuhaldara. Það er fitjuð upp ný lykkja í hvorri hlið, sem síðar er felld af = kantlykkja sem er prjónuð í garðaprjóni. Berustykkið er prjónað í sléttprjóni og aukið er út samkvæmt mynstri. Eftir það eru prjónaðir lausir kantar að framan að réttu máli áður en þeir eru settir saman við berustykki, þá er kantlykkjan einnig felld af. Munið eftir að fella af fyrir hnappagötum. Saumið kanta að framan fallega innan við 1 kantlykkju á berustykki. Við notum garnið Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.