DROPS / 210 / 18

City Streets by DROPS Design

Prjónuð peysa úr DROPS Brushed Alpaca Silk. Stykkið er prjónað með áferðamynstri og stuttum ermum. Stærð XS - XXL.

DROPS Design: Mynstur as-133
Garnflokkur C eða A + A
-------------------------------------------------------

STÆRÐ:
XS- S - M - L - XL - XXL
EFNI:
DROPS BRUSHED ALPACA SILK frá Garnstudio (tilheyrir garnflokki C)
125-125-150-150-175-175 g litur 21, salvíugrænn

PRJÓNFESTA:
17 lykkjur á breidd og 22 umferðir á hæð með áferðamynstri = 10 x 10 cm.

PRJÓNAR:
DROPS SOKKAPRJÓNAR NR 5.
DROPS HRINGPRJÓNAR NR 5: lengd 40 cm og 80 cm fyrir áferðamynstur.
DROPS SOKKAPRJÓNAR NR 4.
DROPS HRINGPRJÓNAR NR 4: lengd 60 cm og 80 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

DROPS PERLUTALA, Bogalaga (hvít) NR 521: 6 stykki í allar stærðir.

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!

Ertu ekki viss hvaða stærð þú þarft? Þá hjálpar það kannski að fyrirsætan á myndinni er ca 170 cm á hæð og notar stærð S eða M. Ef þú gerir peysu, jakkapeysu, kjól eða álíka þá getur þú fundið teikningu með máli neðst í mynstri.

77% Alpakka, 23% Silki
frá 814.00 kr /25g
DROPS Brushed Alpaca Silk uni colour DROPS Brushed Alpaca Silk uni colour 814.00 kr /25g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 4070kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

MYNSTUR:
Sjá mynsturteikningu A.1. Mynsturteikning sýnir allar umferðir í mynstri séð frá réttu.

ÚTAUKNING (á við um hliðar á fram- og bakstykki og mitt undir ermum):
Öll útaukning er gerð frá réttu!
Prjónið fram að lykkju með prjónamerki, sláið 1 sinni uppá prjóninn, prjónið lykkju með prjónamerki í garðaprjóni eins og áður, sláið 1 sinni uppá prjóninn (= 2 lykkjur fleiri við prjónamerki).
Í næstu umferð eru uppslátturinn prjónaður snúinn svo ekki myndist gat. Prjónið síðan nýju lykkjur jafnóðum inn í A.1.

HNAPPAGAT:
Fellið af fyrir hnappagötum á hægri kant að framan. 1 HNAPPAGAT = byrjið frá réttu og prjónið þriðju og fjórðu lykkju frá kanti slétt saman, sláið síðan 1 sinni uppá prjóninn. Í næstu umferð (ranga) er uppslátturinn prjónaður slétt = gat.
Fellið af fyrir hnappagötum þegar stykkið mælist:
XS: 2, 8, 14½, 20½, 27 og 34 cm
S: 2, 8½, 15, 21½, 28 og 35 cm
M: 2, 9, 16, 23, 30 og 36 cm
L: 2, 9, 16, 23, 30 og 38 cm
XL: 2, 9, 16½, 23½, 31 og 39 cm
XXL: 2, 9½, 17, 24½, 32 og 40 cm
ATH: Fellt er af fyrir síðasta hnappagatinu af þessum 6 hnappagötum í kanti í hálsi.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Fram- og bakstykki er prjónað fram og til baka á hringprjón, neðan frá og upp að handveg. Fellt er af fyrir handveg. Prjónið síðan bakstykki og framstykki fram- og til baka á hringprjón hvort fyrir sig. Ermar eru prjónaðar í hring á sokkaprjóna / stuttan hringprjón, neðan frá og upp þar sem ermakúpan byrjar. Síðan er ermakúpan prjónuð fram og til baka á hringprjóna. Stykkið er saumað saman á öxlum og ermar eru saumaðar í. Að lokum er prjónaður kantur í hálsi í stroffprjóni.

FRAM- OG BAKSTYKKI:
Fitjið upp 137-153-163-177-195-217 lykkjur (meðtaldar 5 kantlykkjur að framan í hvorri hlið við miðju að framan) á hringprjón 4 með Brushed Alpaca Silk. Prjónið 1 umferð brugðið (= ranga). Næsta umferð er prjónuð frá réttu þannig: Prjónið 5 kantlykkjur að framan í GARÐAPRJÓN – sjá útskýringu að ofan, * 1 lykkja slétt, 1 lykkja brugðið *, prjónið frá *-* þar til 6 lykkjur eru eftir á prjóni, prjónið 1 lykkju slétt og endið með 5 kantlykkjum að framan í garðaprjóni. Haldið svona áfram með stroff í 4 cm – munið eftir HNAPPAGAT á hægri kanti að framan – sjá útskýringu að ofan.
Þegar stroffið hefur verið prjónað til loka, skiptið yfir á hringprjón 5. Setjið 1 prjónamerki í 37.-41.-43.-47.-51.-57. lykkju inn frá hvorri hlið (þ.e.a.s. í brugðna lykkju séð frá réttu). Það eru 63-71-77-83-93-103 lykkjur á bakstykki á milli lykkja með prjónamerki í. Látið prjónamerkin fylgja með í stykkinu. Þau eru notuð síðar þegar auka á út í hliðum á fram- og bakstykki.
Næsta umferð er prjónuð frá réttu þannig: Prjónið 5 kantlykkjur að framan í garðaprjóni, prjónið A.1A þar til 6 lykkjur eru eftir á prjóni, prjónið A.1B (= 1 lykkja) og endið með 5 kantlykkjum að framan í garðaprjóni. Haldið svona áfram með mynstur. ATHUGIÐ PRJÓNFESTUNA!
Þegar stykkið mælist 5 cm, aukið út um 1 lykkju hvoru megin við bæði prjónamerkin – sjá ÚTAUKNING (= 4 lykkjur fleiri). Aukið svona út með 5-5-6-6-6-7 cm millibili alls 4 sinnum á hæðina í hvorri hlið = 153-169-179-193-211-233 lykkjur.
Prjónið áfram án útaukningar þar til stykkið mælist 26-27-28-29-30-31 cm.
Fellið nú af fyrir handveg, þ.e.a.s. næsta umferð er prjónuð þannig: Prjónið 38-41-43-47-51-57 lykkjur eins og áður (= framstykki), fellið af 5-7-7-7-7-7 lykkjur fyrir handveg (lykkja með prjónamerki í er lykkjan í miðjunni af þessum 5-7-7-7-7-7 lykkjum), prjónið 67-73-79-85-95-105 lykkjur eins og áður, fellið af 5-7-7-7-7-7 lykkjur fyrir handveg og prjónið síðan þær 38-41-43-47-51-57 lykkjur sem eftir eru (= framstykki). Prjónið bakstykki og framstykki til loka hvort fyrir sig eins og útskýrt er að neðan.

BAKSTYKKI:
= 67-73-79-85-95-105 lykkjur. Haldið áfram með A.1 fram og til baka eins og áður og fellið af fyrir handveg í byrjun á hverri umferð í hvorri hlið þannig: Fellið af 3 lykkjur 0-0-0-0-1-1 sinni, 2 lykkjur 0-1-2-2-2-3 sinnum og 1 lykkju 1-2-2-2-3-5 sinnum = 65-65-67-73-75-77 lykkjur eftir.
Þegar stykkið mælist 41-43-45-47-49-51 cm, fellið af miðju 23-23-25-25-25-27 lykkjurnar af fyrir hálsmáli og hvor öxl er prjónuð til loka fyrir sig.
Haldið áfram með A.1 og fellið af 2 lykkjur í næstu umferð frá hálsi = 19-19-19-22-23-23 lykkjur eftir á öxl. Prjónið þar til 1 lykkja er eftir þar til stykkið mælist 44-46-48-50-52-54 cm. Prjónið 1 umferð slétt frá röngu. Fellið síðan laust af með sléttum lykkjum frá réttu. Prjónið hina öxlina alveg eins.

HÆGRA FRAMSTYKKI:
= 38-41-43-47-51-57. Haldið áfram með A.1 fram og til baka eins með 5 kantlykkjum að framan í garðaprjóni mitt að framan. JAFNFRAMT er fellt af fyrir handveg í byrjun á hverri umferð frá hlið þannig: Fellið af 3 lykkjur 0-0-0-0-1-1 sinni, 2 lykkjur 0-1-2-2-2-3 sinnum og 1 lykkju 1-2-2-2-3-5 sinnum. JAFNFRAMT þegar stykkið mælist 32-33-34-36-37-38 cm setjið ystu 8-8-8-8-8-9 lykkjur mitt að framan á 1 þráð fyrir hálsmáli, en til að þurfa ekki að klippa þráðinn frá sem prjónað er með, prjónið lykkjurnar áður en þær eru settar á þráðinn.
Haldið áfram með A.1 og fellið af fyrir hálsmáli í byrjun á hverri umferð frá hálsi þannig: Fellið af 2 lykkjur 3 sinnum og 1 lykkju 4-4-4-5-4-5 sinnum.
Eftir alla affellingu fyrir handveg og hálsmáli eru 19-19-19-22-23-23 lykkjur eftir á öxl. Prjónið þar til 1 umferð er eftir þar til stykkið mælist 44-46-48-50-52-54 cm. Prjónið 1 umferð slétt frá röngu. Fellið síðan laust af með sléttum lykkjum frá réttu.

VINSTRA FRAMSTYKKI:
= 38-41-43-47-51-57. Haldið áfram með A.1 fram og til baka eins með 5 kantlykkjum að framan í garðaprjóni mitt að framan. JAFNFRAMT er fellt af fyrir handveg í byrjun á hverri umferð frá hlið þannig: Fellið af 3 lykkjur 0-0-0-0-1-1 sinni, 2 lykkjur 0-1-2-2-2-3 sinnum og 1 lykkju 1-2-2-2-3-5 sinnum. JAFNFRAMT þegar stykkið mælist 32-33-34-36-37-38 cm setjið ystu 8-8-8-8-8-9 lykkjur mitt að framan á 1 þráð fyrir hálsmáli.
Haldið áfram með A.1 og fellið af fyrir hálsmáli í byrjun á hverri umferð frá hálsi þannig: Fellið af 2 lykkjur 3 sinnum og 1 lykkju 4-4-4-5-4-5 sinnum.
Eftir alla affellingu fyrir handveg og hálsmáli eru 19-19-19-22-23-23 lykkjur eftir á öxl. Prjónið þar til 1 umferð er eftir þar til stykkið mælist 44-46-48-50-52-54 cm. Prjónið 1 umferð slétt frá röngu. Fellið síðan laust af með sléttum lykkjum frá réttu.

ERMI:
Fitjið upp 42-46-46-50-52-54 lykkjur á sokkaprjóna 4 með Brushed Alpaca Silk. Prjónið 1 umferð stroff hringinn (= 1 lykkja slétt, 1 lykkja brugðið) í 4 cm. Skiptið yfir á sokkaprjóna 5. Setjið 1 prjónamerki í síðustu lykkju í umferð (= 1 lykkja brugðið). Prjónið A.1A hringinn með sléttum lykkjum yfir sléttar lykkjur og garðaprjón yfir brugðnar lykkjur. Þegar stykkið mælist 6-6-6-6-8-8 cm, aukið út um 1 lykkju hvoru megin við lykkju með prjónamerki í – sjá ÚTAUKNING. Aukið svona út með 2½-2½-1½-1½-1-1 cm millibili alls 6-6-8-8-10-10 sinnum = 54-58-62-66-72-74 lykkjur. Prjónið áfram þar til ermin mælist 22-21-20-20-19-18 cm, en endið eftir umferð þegar 2-3-3-3-3-3 lykkjur eru eftir að lykkju með prjónamerki í. ATH: Það er styttra mál í stærri stærðum vegna breiðar axlavíddar og lengri ermakúpu.
Í næstu umferð eru felldar af 7 lykkjur, prjónið síðan mynstur eins og áður út umferðina.
Prjónið síðan ermakúpu fram og til baka á hringprjón þannig: Haldið áfram með A.1 eins og áður og fellið af fyrir ermakúpu í byrjun á hverri umferð í hvorri hlið þannig: Fellið af 2 lykkjur 2-3-3-3-3-3 sinnum í hvorri hlið og 1 lykkju 1-2-2-2-2-4 sinnum í hvorri hlið. Fellið síðan af 2 lykkjur í hvorri hlið þar til ermin mælist 27-28-28-28-28-29 cm. Fellið af 3 lykkjur 1 sinni í hvorri hlið og fellið síðan af þær lykkjur sem eftir eru. Ermin mælist ca 28-29-29-29-29-30 cm ofan frá og niður alveg eins.

FRÁGANGUR:
Saumið axlasauma innan við affellingarkantinn. Saumið ermar í innan við 1 kantlykkju.

KANTUR Í HÁLSI:
Prjónið upp frá réttu ca 83 til 99 lykkjur í kringum hálsinn (meðtaldar lykkjur á þræði að framan) á hringprjón 4 með Brushed Alpaca Silk.
Byrjið frá röngu og prjónið þannig: Prjónið 5 kantlykkjur að framan í garðaprjóni, * 1 lykkja brugðið, 1 lykkja slétt *, prjónið frá *-* þar til 6 lykkjur eru eftir á prjóni, prjónið 1 lykkju brugðið og endið með 5 kantlykkjum að framan í garðaprjóni. Haldið svona áfram með stroff með sléttar lykkjur yfir sléttar lykkjur og brugðnar lykkjum yfir brugðnar lykkjur og garðaprjón yfir garðaprjón og munið eftir að fella af fyrir síðasta hnappagatinu í kanti í hálsi.
Prjónið þar til kanturinn mælist ca 3½ til 4 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur og garðaprjón yfir garðaprjón.

FRÁGANGUR:
Saumið tölur í vinstri kant að framan.

Mynstur

= slétt lykkja frá réttu, brugðin lykkja frá röngu
= brugðin lykkja frá réttu, slétt lykkja frá röngu

Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS 210-18) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (24)

Gøril 20.05.2020 - 15:31:

Hei! Strikker denne i str m. Ved økning i sidene blir det feil i mønsteret. Jeg øker med kast på hver side av merkemasken. Når jeg strikker disse maskene gårdet ikke opp i mønsteret. Hva gjør jeg feil? Har tatt opp flere ganger.

DROPS Design 27.05.2020 kl. 14:13:

Hej Gøril, du følger mønsteret så det stemmer over maskerne på for og bagstykke som tidligere, men de nye masker strikkes ind i mønsteret efterhånden, de vil ikke stemme rundt, men ind til mærket i siden. God fornøjelse!

Paola 06.05.2020 - 16:46:

Esiste un video-tutorial per capire come si può fare un'asola che sia più grande di un punto? (asola di due o di tre punti)

DROPS Design 06.05.2020 kl. 17:03:

Buongiorno Paola. Le alleghiamo due video che spiegano come formare asole grandi o medie. Buon lavoro!

Elisabeth 24.04.2020 - 15:26:

Ik wil dit patroon graag met rechte breipennen breien en niét met een rondbreinaald. Kan dat?

KIM 24.04.2020 - 05:39:

Thanks your pattern. I finished my cardigan size S and change the length a little bit. Very nice cardigan

Diana 20.04.2020 - 16:54:

Please advise if the right side is smooth and wrong is textured, not sure I followed the pattern properly.

DROPS Design 21.04.2020 kl. 09:20:

Dear Diana, from the right side you should see (1 stitch in stocking stitch(= knit 1), 1 stitch in garter stitch) and from the wrong side (1 stitch in reversed stocking stitch (= purl 1), 1 stitch in garter stitch) as 1st and 2nd stitch in A.1A, seen from RS. Happy knitting!

KIM 10.04.2020 - 07:05:

Not sure about the buttonholds for size S: 2, 8½, 15, 21½, 28 and 35 cm The last buttonhold is on the neck, however, the neck for size S will be ~ 41 cm?

DROPS Design 12.04.2020 kl. 19:34:

Dear Kim, we start the neck with 32 cm. Therefore, at 35 cm the last buttonhole is in the neck edge. 41 cm is the total measurement from the shoulder (which is higher than the neck). Happy knitting!

Sonia 07.04.2020 - 13:01:

El resorte: "* 1 derecho, 2 reveses *, tejer de *a*[...] Continuar este resorte durante 4 cm", ¿ se interpreta con que todas las vueltas, después de los 5 puntos musgo comienzan así : 1 derecho, 2 reveses? No me queda el mismo dibujo que se ve en la foto. ¿Es una error del patrón?

DROPS Design 23.04.2020 kl. 20:41:

Hola Sonia. El elástico es * 1 derecho, 1 revés *, tejer de *a* hasta que resten 6 puntos en la hilera, tejer 1 derecho y terminar con 5 puntos del borde delantero en punto musgo. Puedes especificar, donde tienes el problema?

Maj Banner 04.04.2020 - 10:37:

Hei..på bolen står det at du skal strikke videre uten økninger til arbeidet måler 27cm..det er etter at du har økt masker i sidene 5 ganger..det kan da ikke være riktig? Jeg strikker str S.. kan dere hjelpe? På forhånd takk..Maj Banner..Runcorn..England..:)

DROPS Design 20.04.2020 kl. 11:20:

Hei Maj. Du har strikket vrangborden 4 cm, så strikker du 1 cm før du begynner med økningene., altså 1 økning ved 5 cm, 2. økning ved 10 cm, 3. økning ved 15 cm, 4. økning ved 20 cm og 5. og siste økning ved 25 cm. Strikk videre uten økninger til arbeidet måler 26 cm. Nå felles det av til ermehull. God Fornøyelse!

최창욱 01.04.2020 - 04:44:

Thank you!!!

Marilyn 27.03.2020 - 15:35:

Not sure of the garter pattern.. Would you please explain ? Is it knit every row? Many thanks.

DROPS Design 27.03.2020 kl. 16:39:

Dear Marilyn, when you work garter stitch in rows (= on the front band stitches for example), you will knit these stitches on every row, ie the 5 front band sts on each side will be knitted from RS as well as from WS. You will find here how to work diagrams A.1 and A.2. Happy knitting!

Skrifaðu athugasemd um DROPS 210-18

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.