DROPS / 206 / 48

Winter Wheat by DROPS Design

Prjónuð peysa með laskalínu úr DROPS Puna. Stykkið er prjónað ofan frá og niður með áferðamynstri á ermum. Stærð S - XXXL.

DROPS Design: Mynstur pu-042
Garnflokkur B
-------------------------------------------------------

STÆRÐ:
S - M - L - XL - XXL – XXXL

EFNI:
DROPS PUNA frá Garnstudio (tilheyrir garnflokki B)
400-450-500-550-600-650 g litur 02, beige

PRJÓNFESTA:
20 lykkjur á breidd og 26 umferðir á hæð með sléttprjóni = 10 x 10 cm.
Ca 24 lykkjur á breidd með áferðamynstri (A.2) = 10 x 10 cm.
(áferðamynstrið dregst aðeins saman í Puna og er teygjanlegt).

PRJÓNAR:
DROPS HRINGPRJÓNAR NR 4,5: lengd 40 cm og 60 cm eða 80 cm fyrir sléttprjón/áferðamynstur.
DROPS HRINGPRJÓNAR NR 3: lengd 40 cm fyrir stroff í hálsi.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!

Ertu ekki viss hvaða stærð þú þarft? Þá hjálpar það kannski að fyrirsætan á myndinni er ca 170 cm á hæð og notar stærð S eða M. Ef þú gerir peysu, jakkapeysu, kjól eða álíka þá getur þú fundið teikningu með máli neðst í mynstri.

100% Alpakka
frá 902.00 kr /50g
DROPS Puna natural DROPS Puna natural 902.00 kr /50g
Gallery Spuni
Panta
DROPS Puna natural mix DROPS Puna natural mix 902.00 kr /50g
Gallery Spuni
Panta
DROPS Puna uni colour DROPS Puna uni colour 968.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 7216kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

MYNSTUR:
Sjá mynsturteikningu A.1 til A.3.

ÚTAUKNING (jafnt yfir):
Til þess að reikna út hvernig auka eigi jafnt út, teljið fjölda lykkja sem auka á út yfir (t.d. 4 lykkjur) og deilið lykkjum með fjölda útaukninga sem á að gera (t.d. 4) = 1.
Í þessu dæmi er aukið út með því að slá 1 sinni uppá prjóninn á eftir hverja lykkju. Í næstu umferð er uppslátturinn prjónaður snúinn svo að ekki myndist gat.

ÚTAUKNING ERMI:
Prjónið fram að miðju lykkju á ermi (= lykkja með prjónamerki í), prjónið * 1 lykkju slétt, sláið 1 sinni uppá prjóninn *, prjónið *-* alls 2 sinnum í sömu lykkju, prjónið 1 lykkju slétt í sömu lykkju (= 4 lykkjur fleiri í sömu lykkju). Endurtakið á hinni erminni. Nýjar lykkjur eru prjónaðar inn í mynstur A.2.

ÚRTAKA (á við um ermi):
Fækkið lykkjum í mismunandi stærðum þannig:
Stærð L og XXXL:
Prjónið þar til 2 lykkjur eru eftir á undan lykkju með prjónamerki í, prjónið 2 lykkjur slétt saman, 1 lykkja brugðið (prjónamerkið situr í þessari lykkju), takið 1 lykkju óprjónaða eins og prjóna eigi slétt, 1 lykkja slétt, steypið óprjónuðu lykkjunni yfir (= 2 lykkjur færri).
Stærð XL og XXL:
Prjónið þar til 3 lykkjur eru eftir á undan lykkju með prjónamerki í, prjónið 2 lykkjur slétt saman, prjónið næstu 3 lykkjur (prjónamerkið situr í miðju á þessum 3 lykkjum), takið 1 lykkju óprjónaða eins og prjóna eigi slétt, 1 lykkja slétt, steypið óprjónuðu lykkjunni yfir (= 2 lykkjur færri).

-------------------------------------------------------

BYRJIÐ Á STYKKI HÉR:

-------------------------------------------------------

PEYSA – STUTT ÚTSKÝRING Á STYKKI:
Stykkið er prjónað í hring á hringprjón, ofan frá og niður. Ermar eru prjónaðar í hring á sokkaprjóna/stuttan hringprjón. Prjónið sléttprjón á fram- og bakstykki og áferð á ermum.

KANTUR Í HÁLSI:
Fitjið upp 100-108-108-116-116-124 lykkjur á hringprjón 3 með Puna. Prjónið 1 umferð slétt. Prjónið síðan stroff (= 1 lykkja slétt/1 lykkja brugðið) hringinn í 3 cm. Setjið eitt prjónamerki hér. HÉÐAN ER NÚ MÆLT!

BERUSTYKKI:
Skiptið yfir á hringprjón 4,5. Prjónið nú mynstur þannig: Prjónið slétt yfir fyrstu 4-6-6-8-8-10 lykkjurnar og aukið jafnframt út 4-2-4-2-5-4 lykkjur jafnt yfir – sjá ÚTAUKNING (jafnt yfir), prjónið A.1 yfir næstu lykkju, setjið eitt prjónamerki hér (= skipting á milli hálfs bakstykkis og hægri ermi), prjónið A.2 yfir næstu 40 lykkjur, prjónið fyrstu lykkju í A.2, setjið eitt prjónamerki hér (= skipting milli hægri ermi og framstykkis), A.3 yfir næstu lykkju, slétt yfir næstu 7-11-11-15-15-19 lykkjur og aukið jafnframt út 7-4-7-3-9-7 lykkjur jafnt yfir, A.1 yfir næstu lykkju, setjið eitt prjónamerki hér (= skipting milli framstykkis og vinstri ermi), prjónið A.2 yfir næstu 40 lykkjur, prjónið fyrstu lykkju í A.2, setjið eitt prjónamerki hér (= skipting milli vinstri ermi og hálfs bakstykkis), prjónið A.3 yfir næstu lykkju, slétt yfir næstu 3-5-5-7-7-9 lykkjur og aukið jafnframt út 3-2-3-1-4-3 lykkjur jafnt yfir = 118-120-126-126-138-142 lykkjur í umferð.
Nú er 1 prjónamerki í hverri skiptingu á milli fram- og bakstykkis og erma (= 4 prjónamerki í stykki). Setjið eitt prjónamerki í miðju lykkju á hvorri ermi (= slétt lykkja). ATHUGIÐ PRJÓNFESTUNA! Haldið áfram hringinn með mynstri A.2 á milli prjónamerkis á ermi og A.1/A.3 + sléttprjón yfir þær lykkjur sem eftir eru á framstykki og bakstykki – JAFNFRAMT í 3. umferð í A.1/A.3 byrjar ÚTAUKNING ERMI – sjá útskýringu að ofan (= 4 lykkjur fleiri á hvorri ermi). Aukið svona út í 8.-8.-6.-6.-4.-4. hverri umferð alls 6-7-10-11-13-14 sinnum. Þegar A.1 og A.3 hefur verið prjónað til loka á hæðina, endurtakið mynstureiningu að laskalínu 7-8-9-10-11-12 sinnum til viðbótar (alls 8-9-10-11-12-13 sinnum), síðan eru prjónaðar fyrstu 3-3-1-1-0-0 umferðir í mynsturteikningu.
Þegar allar útaukningar hafa verið gerðar á ermum, framstykki og bakstykki eru 302-328-366-390-430-458 lykkjur í umferð (nú hafa verið auknar út 24-28-40-44-52-56 lykkjur á hvorri ermi og það hafa verið auknar út 35-39-41-45-48-52 lykkjur í hvorri hlið á bakstykki og framstykki). Stykkið mælist nú ca 20-22-24-26-28-30 cm frá prjónamerki sem sett var í eftir kant í hálsi. Ef stykkið er styttra en þetta er prjónað áfram með áferðamynstri og sléttprjóni eins og áður.
Næsta umferð er prjónuð þannig: Prjónið fyrstu 44-48-52-56-62-67 lykkjur (= ca hálft bakstykki), setjið næstu 65-69-81-85-93-97 lykkjur á þráð fyrir ermi og fitjið upp 9-9-9-11-11-13 nýjar lykkjur á prjóninn (= í hlið undir ermi), prjónið næstu 86-95-102-110-122-132 lykkjur (= framstykki), setjið næstu 65-69-81-85-93-97 lykkjur á þráð fyrir ermi og fitjið upp 9-9-9-11-11-13 nýjar lykkjur á prjóninn (= í hlið undir ermi), prjónið 42-47-50-54-60-65 lykkjur sem eftir eru (= ca hálft bakstykki). Prjónið síðan fram- og bakstykki og ermar til loka hvort fyrir sig. HÉÐAN ER NÚ MÆLT!

FRAM- OG BAKSTYKKI:
Nú eru 190-208-222-242-266-290 lykkjur fyrir fram- og bakstykki. Haldið áfram hringinn með sléttprjóni þar til stykkið mælist 21 cm. Prjónið kant með mynstri A.2 hringinn í umferð. Þegar kanturinn mælist 4 cm, fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Peysan mælist ca 50-52-54-56-58-60 cm frá öxl og niður.

ERMI:
Setjið til baka 65-69-81-85-93-97 lykkjur af þræði í annarri hlið á stuttan hringprjón/sokkaprjóna 4,5. Prjónið að auki upp 1 lykkju í hverja og eina af 9-9-9-11-11-13 nýjum lykkjum sem fitjaðar voru upp í hlið undir ermi = 74-78-90-96-104-110 lykkjur. Prjónið mynstur A.2 hringinn eins og áður. Mynstrið á að ganga jafnt upp alla leiðina hringinn í umferð. Prjónið í mismunandi stærðum þannig:
Stærð S, M:
Prjónið áferðamynstur hringinn þar til ermin mælist 41-39 cm frá skiptingu. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur.
Stærð L, XL, XXL og XXXL:
Prjónið áferðamynstur hringinn þar til ermin mælist 4 cm frá skiptingu. Setjið eitt prjónamerki í miðju lykkjuna undir ermi. Í næstu umferð byrjar úrtaka undir ermi – sjá ÚRTAKA. Fækkið lykkjum svona í annarri hverri umferð alls 4-4-4-4 sinnum = 82-88-96-102 lykkjur. Haldið áfram með áferðamynstur þar til ermin mælist 38-37-36-34 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur.

Mynstur

= slétt lykkja
= brugðin lykkja
= á milli 2 lykkja er slegið 1 sinni uppá prjóninn, í næstu umferð er uppslátturinn prjónaður snúinn slétt svo að ekki myndist gat.

Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS 206-48) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (47)

Laura 25.05.2020 - 18:48:

Hi, a clarification about the sleeve increase/A2 pattern: when I'm increasing the sleeve by knitting/yo 4 sts in the same stitch it messes up the pattern during the next round. Only knitted rows get a purl stitch and vice versa (after the increase part), is this supposed to happen or should the stockinette and garter stitch rows always continue like in ribbing? If the pattern is supposed to continue, what am I doing wrong?

DROPS Design 26.05.2020 kl. 08:38:

Dear Laura, when increasing 4 sts in the middle st in A.2 you now have 5 sts instead of 1, so that the pattern will keep going right - you are increasing on a round with only knit sts, on next round work the 5 sts in A.2 as follows (previous st is a purl stitch): knit, purl, knit, purl, knit (next st is a purl stitch). Insert the marker in the middle stitch and continue in pattern as before. Happy knitting!

Beth 07.05.2020 - 22:14:

Hello, I'm having a lot of trouble with this pattern. I'm making a medium jumper and have got to the point where I have 120 sts but cannot work out how to start the next row. The instructions seem to suggest starting with A.2 but the start of the row is in the middle of of either the back or the right sleeve (I can't work out which). Please Help!

DROPS Design 08.05.2020 kl. 09:12:

Dear Beth, rounds starts at before increasing for body (A.1 includes the increases for raglan for end of back piece). Then work A.2 over the stitches on sleeves (since the number of sts is odd, you have to finish with the first st in A.2, so that pattern is symetrical). Work then A.3 to increase for raglan on front piece, stocking stitch and A.1 to increase for raglan on front piece. Repeat Sleeve. Finish wit A.3 (increase raglan beg of back piece) and stocking stitch. You will then increase for sleeve as explained in the middle of A.2. Happy knitting!

Sophie 16.03.2020 - 13:29:

Skal følgetråden i A2 ikke sættes efter sidste maske? I opskriften står der, at den skal sættes efter første maske (overgang ml ærme forstykke), men er dette ikke først ved A3? Overgangen er vel først efter færdigstrikket A2?

DROPS Design 19.03.2020 kl. 13:45:

Hej igen Sophie, tråden sættes i den ekstra maske du strikker efter A2. God fornøjelse!

Sophie 16.03.2020 - 13:27:

Str. XL: halskant = 116 masker Når arbejdet fortsætter på bærestykke bruges kun 114 masker. Ved omgang slut er der derfor to masker i overskud. Uden udtagning er det således: Ret 8 m, A1 = 1m, A2 = 40m, A3 = 1m, ret 15m, A1 =1m, A2= 40m, A3 = 1m, ret 7m Samlet 114 masker. Hvad skal der gøres ved de to overskydende masker?

DROPS Design 19.03.2020 kl. 13:44:

Hej Sophie, Det ser ud som om at du har glemt "strik første maske i A2 (den kommer lige efter at du har strikket A.2 på to steder). God fornøjelse!

Marion 07.03.2020 - 18:53:

Hallo ich komme mit der ersten Reihe nach dem Bund mit der Einteilung nicht klar. Wieviel maschen sind denn für Rücken und Vorderteil bzw für die Ärmel. Habe schon sooft probiert, aber die Anleitung verstehe ich nicht

DROPS Design 09.03.2020 kl. 10:46:

Liebe Marion, in XXL haben Sie: Half Rücken: 13 + A.1 (1 M) = 13+1+48 Zunahmen = 62 M. 2. HalfRücken: 1 M (A.3) + 11 M = 1+11+ 48 Zunahmen = 60 (= 122 M für Rücken) - Für Vorderteil: A.3 (1 M), 24, A.1 (1M = 48+1+24+1+48=122 M. Ärmel: A.2 = 41 M + 52 Zunahmen = 93 M. Viel Spaß beim stricken!

Marion 04.03.2020 - 20:56:

Hallo mit dem zunehmen, habe ich verstanden, aber, wenn ich mit der Einteilung beginne und Markierung an bringe, würde ich mit dem halben Arm und nicht wie üblich, halber Rücken. Den ich fange ja mit der ersten Markierung an, die ist Mitte Rücken, insgesamt 5 Markierungen.

Marion 02.03.2020 - 07:54:

Hallo ich verstehe leider nicht , wie ich bei 8 Maschen gleichmässig verteilt zunehmen soll: Ich stricke XXL PASSE: Zu Rundnadel Nr. 4,5 wechseln. Nun wie folgt im Muster stricken: die ersten 4-6-6-8-8-10 Maschen rechts stricken und gleichzeitig 4-2-4-2-5-4 Maschen gleichmäßig verteilt zunehmen – ZUNAHMETIPP

DROPS Design 02.03.2020 kl. 11:01:

Liebe Marion, in die Größe XXL (= 5. Größe) stricken Sie 8 Maschen und nehmen Sie gleichzeitig 5 Maschen glechmäßig verteilt = es sind jetzt 13 Maschen (über die 8 Maschen). Viel Spaß beim stricken!

Heike 27.02.2020 - 16:57:

Ganz herzlichen Dank an das DROPS Team!!! Tolle Strickanleitungen, sehr schönes Garn (incl. schnelle Zusendung) und IMMER SCHNELLE Hilfe, wenn ich stecken bleibe. Eure Web-Site ist äußerst benutzerfreundlich. Das bringt mich wirklich zum sehr häufigen Stricken. DANKE!

Heike 27.02.2020 - 12:55:

Gibt's ein Video zur Ärmelzunahme? Ich verstehe nicht, wie es geht und komme bei der Beschreibung auch nur auf 3 Zunahmen. Ich stricke die markierte Mittelmasche ab und dann einen Umschlag, dann nochmal re, dann Umschlag, dann nochmal re = 3 zugenommene Maschen aus der markierten Mittelmasche des Ärmels.

DROPS Design 27.02.2020 kl. 15:10:

Liebe Heike, Schauen Sie vielleicht dieses Video, aber bitte beachten, hier wird nicht im Patentmuster gestrickt, nur wird die Zunahmmen genauso gestrickt, dh: die Masche rechts stricken, 1 Umschlag, die Masche noch einmal rechts stricken, 1 Umschlag, die Maschen noch einmal rechts stricken = es wurden jetzt 5 Maschen aus 1 Masche gestrickt. Viel Spaß beim stricken!

Ursula 26.02.2020 - 23:52:

Liebes Team, wenn man bei der Ärmelzuname in der Mitte des Ärmels fünf Machen aus einer rechten Masche heraus strickt entsteht dabei ein kleines Loch. Ist das richtig so? Vielen Dank für die Hilfe!

DROPS Design 27.02.2020 kl. 09:28:

Liebe Ursula, ja genau so ist es auch richtig. Wenn Sie diese Löcher lieber kleiner möchten, dann können Sie sie vielleicht bei der nächsten Runde verschränkt stricken. Viel Spaß beim stricken!

Skrifaðu athugasemd um DROPS 206-48

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.