DROPS / 196 / 3

Daisy Delight Cardigan by DROPS Design

Prjónuð peysa með hringlaga berustykki úr DROPS BabyMerino. Stykkið er prjónað ofan frá og niður með norrænu mynstri og garðaprjóni. Stærð S - XXXL.

DROPS Design: Mynstur bm-058
Garnflokkur A
-------------------------------------------------------

Stærð: S - M - L - XL - XXL - XXXL
Efni:
DROPS BABY MERINO frá Garnstudio (tilheyrir garnflokki A)
350-400-450-450-500-550 g litur 41, plóma
50-50-50-50-50-50 g litur 45, sítrónupúns
50-50-50-50-50-50 g litur 02, natur

-------------------------------------------------------
FYLGIHLUTIR FYRIR STYKKIÐ:

PRJÓNFESTA:
24 lykkjur á breidd og 32 umferðir á hæð með sléttprjóni = 10 x 10 cm.

PRJÓNAR:
DROPS SOKKAPRJÓNAR OG HRINGPRJÓNAR NR 3: lengd 40 cm og 80 cm fyrir stykkið.
DROPS SOKKAPRJÓNAR OG HRINGPRJÓNAR NR 2,5: lengd 80 cm fyrir stroff og kant með garðaprjóni.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir á grófari prjóna. Ef þú ert með of fáar lykkjur á 10 cm, skiptu yfir á fínni prjóna.

DROPS PERLUTALA, Bogalaga (hvít) NR 521: 8-8-8-9-9-9 st.

-------------------------------------------------------
Samsetning lita sem sýndar eru:
A) DROPS Baby Merino 22, 04, 20.
B) DROPS Baby Merino 37, 41, 3.
C) DROPS Baby Merino 38, 46, 09.
D) DROPS Baby Merino 20, 39, 45.

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!

Ertu ekki viss hvaða stærð þú þarft? Þá hjálpar það kannski að fyrirsætan á myndinni er ca 170 cm á hæð og notar stærð S eða M. Ef þú gerir peysu, jakkapeysu, kjól eða álíka þá getur þú fundið teikningu með máli neðst í mynstri.

100% Ull
frá 748.00 kr /50g
DROPS Baby Merino uni colour DROPS Baby Merino uni colour 748.00 kr /50g
Gallery Spuni
Panta
DROPS Baby Merino mix DROPS Baby Merino mix 748.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 6732kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað í hring):
*1 umferð slétt og 1 umferð brugðin*, endurtakið frá *-*.

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

MYNSTUR:
Sjá mynsturteikningu A.1 til A.4. Veldu mynsturteikningu fyrir þína stærð (á við um A.1). Mynsturteikning sýnir allar umferðir í mynstri séð frá réttu.

LEIÐBEININGAR:
Til að koma í veg fyrir að prjónfestan verði of stíf þegar mynstrið er prjónað er mikilvægt að herða ekki á þráðunum á bakhlið á stykkinu. Skiptið e.t.v. yfir á grófari prjóna þegar mynstrið er prjónað ef það herpist saman.

ÚTAUKNING-1 (jafnt yfir):
Til þess að reikna út hvernig auka eigi jafnt út, teljið fjölda lykkja í umferð (t.d. 116 lykkjur) mínus kanta að framan (= 5 lykkjur á hvorri hlið á stykki = 10 lykkjur) og deilið með fjölda útaukninga sem á að gera (t.d. 5) = 21,2.
Í þessu dæmi er aukið út með því að slá 1 sinni uppá prjóninn á eftir ca 21. hverja. Í næstu umferð er uppslátturinn prjónaður snúinn svo að ekki myndist gat.

ÚTAUKNING-2 (á við um hliðar á fram- og bakstykki):
Öll útaukning er gerð frá réttu!
Prjónið þar til 8 lykkjur eru eftir á undan prjónamerki, sláið 1 sinni uppá prjóninn, prjónið 16 lykkjur slétt (prjónamerki er staðsett mitt á milli þessa lykkja), sláið 1 sinni uppá prjóninn.
Í næstu umferð er uppslátturinn prjónaður snúinn brugðinn, svo að ekki myndist gat.

UPPHÆKKUN:
Setjið 1 prjónamerki í miðju lykkju í umferð (= miðja að aftan). Byrjið frá réttu með plóma og prjónið sléttprjón þar til prjónaðar hafa verið 8-8-8-9-9-10 lykkjur framhjá prjónamerki, snúið, herðið á bandi og prjónið 16-16-16-18-18-20 lykkjur sléttprjón. Snúið, herðið á bandi og prjónið 24-24-24-27-27-30 lykkjur sléttprjón, snúið, herðið á bandi og prjónið sléttprjón þar til 5 lykkjur eru eftir á prjóni, 5 kantlykkjur að framan með garðaprjóni. Prjónið 1 umferð til baka frá röngu.

LASKALÍNA:
Öll útaukning er gerð frá réttu!
Aukið út um 1 lykkju hvoru megin við hvert prjónamerki (= 8 lykkjur fleiri í umferð). Prjónið þar til 1 lykkja er eftir á undan prjónamerki, sláið 1 sinni uppá prjóninn, prjónið 2 lykkjur slétt (prjónamerki er staðsett á milli þessa lykkja), sláið 1 sinni uppá prjóninn. Endurtakið við hin prjónamerkin. Í næstu umferð er uppslátturinn prjónaður snúinn, svo að ekki myndist gat.

ÚRTAKA (á við um ermar):
Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki er staðsett á milli þessa lykkja), takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir lykkjuna sem var prjónuð.

HNAPPAGAT:
Fellið af fyrir hnappagötum á hægri kant að framan (þegar flíkin er mátuð). 1 HNAPPAGAT = Prjónið frá réttu þar til 3 lykkjur eru eftir á prjóni, sláið 1 sinni uppá prjóninn, prjónið 2 lykkjur slétt saman og endið með 1 lykkju slétt. Í næstu umferð (ranga) er uppslátturinn prjónaður slétt svo að það myndist gat. Fellt er af fyrir fyrsta hnappagatinu þegar kantur í hálsi mælist 1½-2 cm. Fellið síðan af fyrir 7-7-7-8-8-8 næstu hnappagötum með ca 7 cm millibili.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Stykkið er prjónað fram og til baka á hringprjóna ofan frá og niður. Ermar eru prjónaðar í hring á sokkaprjóna/stuttan hringprjón.

KANTUR Í HÁLSI:
Fitjið upp 116-120-125-135-140-144 lykkjur á hringprjón 2,5 með plóma. Prjónið 10 umferðir GARÐAPRJÓN – sjá útskýringu að ofan. Fellt er af fyrir hnappagötum á hægri kant að framan – sjá útskýringu að ofan!

BERUSTYKKI:
Skiptið yfir á hringprjón 3. Næsta umferð er prjónuð frá réttu þannig: 5 kantlykkjur að framan með garðaprjóni, sléttprjón þar til 5 lykkjur eru eftir á prjóni, JAFNFRAMT er aukið út um 5-11-16-16-21-27 lykkjur jafnt yfir – sjá ÚTAUKNING-1, 5 kantlykkjur að framan með garðaprjóni = 121-131-141-151-161-171 lykkjur.
Prjónið 1 umferð til baka frá röngu. Til að flíkin passi betur er hægt að prjóna upphækkun aftan í hnakka og þá verður berustykki aðeins hærra á bakstykki. Hægt er að sleppa þessari upphækkun, þá verður hálsmálið alveg eins að framan og að aftan – sjá UPPHÆKKUN.
Setjið 9-10-10-10-11-11 prjónamerki í stykkið án þess að prjóna: Setjið fyrsta prjónamerki eftir 12-11-12-12-10-10 lykkjur, setjið hvert og eitt af næstu 8-9-9-9-10-10 prjónamerkjum eftir 12-12-13-14-14-15 lykkjur, nú eru 13-12-12-13-11-11 lykkjur eftir á prjóni á eftir síðasta prjónamerki.
Prjónamerkin fylgja með í stykkinu. Nú er prjónað mynstur A.1 (veldu mynsturteikningu fyrir þína stærð) – sjá LEIÐBEININGAR, með 5 kantlykkjum að framan með garðaprjóni á hvorri hlið, JAFNFRAMT í hverri umferð með ör í mynsturteikningu er aukið út hvoru megin við prjónamerkin þannig: ATHUGIÐ PRJÓNFESTUNA!
ÖR-1: Aukið út um 1 lykkju hvoru megin við hvert prjónamerki (= 18-20-20-20-22-22 lykkjur fleiri) = 139-151-161-171-183-193 lykkjur.
ÖR-2: Aukið út um 1 lykkju hvoru megin við hvert prjónamerki (= 18-20-20-20-22-22 lykkjur fleiri) = 157-171-181-191-205-215 lykkjur.
ÖR-3: Aukið út um 1 lykkju hvoru megin við hvert prjónamerki (= 18-20-20-20-22-22 lykkjur fleiri) = 175-191-201-211-227-237 lykkjur.
ÖR-4: Aukið út um 1 lykkju hvoru megin við hvert prjónamerki (= 18-20-20-20-22-22 lykkjur fleiri) = 193-211-221-231-249-259 lykkjur.
ÖR-5: Aukið út um 1 lykkju hvoru megin við hvert prjónamerki (= 18-20-20-20-22-22 lykkjur fleiri) = 211-231-241-251-271-281 lykkjur.
Þegar allt A.1 hefur verið prjónað til loka á hæðina mælist stykkið ca 11-12-13-14-15-16 cm frá uppfitjunarkanti og niður við miðju að framan. Takið prjónamerkin úr stykkinu. Prjónið nú mynstur þannig: 5 kantlykkjur að framan með garðaprjóni, A.2 (= 1 lykkja), A.3 þar til 5 lykkjur eru eftir á prjóni (= 20-22-23-24-26-27 mynstureiningar með 10 lykkjum), 5 kantlykkjur að framan með garðaprjóni. Í næst síðustu umferð í A.2 og A.3 er aukið út um 10-11-12-14-11-11 lykkjur jafnt yfir = 301-330-345-361-386-400 lykkjur. Þegar A.2 og A.3 hefur verið prjónað til loka á hæðina mælist stykkið ca 19-20-21-22-23-24 cm frá uppfitjunarkanti og niður við miðju að framan.
Setjið nú 4 prjónamerki í stykkið þannig: Setjið 1. prjónamerki eftir fyrstu 50-54-56-60-65-69 lykkjum (= vinstra framstykki), 2. prjónamerki eftir næstu 55-62-66-66-68-67 lykkjum (= ermi), 3. prjónamerki er sett á eftir næstu 91-98-101-109-120-128 lykkjum (= bakstykki), 4. prjónamerki er sett á eftir næstu 55-62-66-66-68-67 lykkjum (= ermi). Nú eru 50-54-56-60-65-69 lykkjur eftir á prjóni á eftir síðasta prjónamerki (= hægra framstykki).
Prjónið nú mynstur A.4 með 5 kantlykkjum að framan með garðaprjóni á hvorri hlið, jafnframt í fyrstu umferð frá réttu byrjar útaukning fyrir LASKALÍNA – sjá útskýringu að ofan. Aukið svona í annarri hverri umferð alls 5-6-8-10-11-13 sinnum = 341-378-409-441-474-504 lykkjur. ATH: Þegar A.4 hefur verið prjónað til loka á hæðina 1 sinni er haldið áfram með sléttprjóni og 5 kantlykkjum að framan með garðaprjóni á hvorri hlið þar til allar útaukningar fyrir laskalínu hafa verið gerðar og stykkið mælist 22-24-26-28-30-32 cm frá uppfitjunarkanti.
Næsta umferð er prjónuð frá röngu þannig: 5 kantlykkjur að framan með garðaprjóni, 50-55-59-65-71-77 lykkjur með sléttprjóni (= hægra framstykki), setjið næstu 65-74-82-86-90-93 lykkjur á 1 band fyrir ermi, fitjið upp 10-10-12-12-14-16 nýjar lykkjur á prjóninn (= í hlið undir ermi), prjónið 101-110-117-129-142-154 lykkjur (= bakstykki), setjið næstu 65-74-82-86-90-93 lykkjur á 1 band fyrir ermi, fitjið upp 10-10-12-12-14-16 nýjar lykkjur á prjóninn (= í hlið undir ermi) og prjónið þær 50-55-59-65-71-77 lykkjur sem eftir eru með sléttprjóni (= vinstra framstykki), 5 kantlykkjur með garðaprjóni. Fram- og bakstykki og ermar er prjónað til loka fyrir sig. HÉÐAN ER NÚ MÆLT!

FRAM- OG BAKSTYKKI:
= 231-250-269-293-322-350 lykkjur. Setjið 1 prjónamerki 60-65-70-76-83-90 lykkjur inn frá hvorri hlið (nú eru 111-120-129-141-156-170 lykkjur á milli prjónamerkja á bakstykki). Haldið áfram með plóma, sléttprjón og 5 kantlykkjum að framan með garðaprjóni á hvorri hlið við miðju að framan. Þegar stykkið mælist 4 cm frá skiptingu er aukið út um 2 lykkjur á hvorri hlið – sjá ÚTAUKNING-2 (= 4 lykkjur fleiri). Aukið svona út í ca öðrum hverjum cm alls 12 sinnum = 279-298-317-341-370-398 lykkjur. Nýjar lykkjur eru prjónaðar með sléttprjóni.
Þegar stykkið mælist 28 cm frá skiptingu er aukið út um 8-10-12-12-16-18 lykkjur = 287-308-329-353-386-416 lykkjur. Skiptið yfir í hringprjón 2,5. Prjónið stroff þannig: 5 kantlykkjur að framan með garðaprjóni * 1 lykkja slétt, 2 lykkjur garðaprjón *, prjónið frá *-* fram og til baka í 2 cm. Prjónið 4 umferðir garðaprjón og fellið af. Peysan mælist ca 56-58-60-62-64-66 cm frá öxl og niður.

ERMI:
Setjið 65-74-82-86-90-93 lykkjur af öðru bandinu á annarri hlið á stykki á sokkaprjóna eða stuttan hringprjón 3 og prjónið að auki upp 1 lykkju í hverja og eina af 10-10-12-12-14-16 lykkjum sem fitjaðar voru upp undir ermi = 75-84-94-98-104-109 lykkjur. Setjið 1 prjónamerki mitt í 10-10-12-12-14-16 lykkjurnar mitt undir ermi og byrjið á umferð hér. Haldið áfram með plóma og sléttprjón. Þegar stykkið mælist 4 cm er fækkað um 2 lykkjur mitt undir ermi – sjá ÚRTAKA. Fækkið lykkjum svona í 8.-6.-5.-4.-4.-3. hverri umferð alls 13-17-21-22-23-24 sinnum = 49-50-52-54-58-61 lykkjur. Prjónið síðan áfram þar til stykkið mælist 40-38-37-35-33-32 cm frá skiptingu (styttra mál í stærri stærðum vegna víðara hálsmáls og lengra berustykkis).
Prjónið 1 umferð slétt þar sem aukið er út um 2-4-5-6-5-5 lykkjur jafnt yfir = 51-54-57-60-63-66 lykkjur. Skiptið yfir á sokkaprjón 2,5. Prjónið nú stroff * 1 lykkja slétt, 2 lykkjur garðaprjón *, prjónið frá *-* umferðina hringinn í 2 cm. Prjónið 4 umferðir garðaprjón og fellið af. Prjónið hina ermina alveg eins.

FRÁGANGUR:
Saumið tölur í vinstri kant að framan.

Þetta mynstur hefur verið leiðrétt. .

Yfirfarið á vefsvæði: 12.04.2019
Leiðrétting: FRAM- OG BAKSTYKKI:..Prjónið stroff þannig: 5 kantlykkjur að framan með garðaprjóni * 1 lykkja slétt, 2 lykkjur garðaprjón *, prjónið frá *-* fram og til baka í 2 cm.

Mynstur

= slétt frá réttu, brugðið frá röngu með plóma
= slétt frá réttu, brugðið frá röngu með natur
= slétt frá réttu, brugðið frá röngu með sítrónupúns
= brugðið frá réttu, slétt frá röngu með plóma
= á milli 2 lykkja er slegið 1 sinni uppá prjóninn. Í næstu umferð er uppslátturinn prjónaður snúinn brugðinn svo að ekki myndist gat
= þessi rúða sýnir enga lykkju, farðu beint áfram í næsta tákn í mynsturteikningu
= útauknings umferð - sjá útskýringu í uppskrift!



Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS 196-3) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

Við höfum einnig skref-fyrir-skref leiðbeiningar fyrir mismunandi aðferðir sem þú finnur hér.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (9)

Sally Juras 22.02.2020 - 16:07:

Me again! I don’t understand how to work the rib at the bottom of the cardigan. *K1, 2 stitches in garter stitch* work from * to * That reads to me that you knit all the stitches? What am I missing here?

Sally Juras 22.12.2019 - 12:54:

I’m working the medium size and just starting charts A.2 and A.3 Why does the pattern say to work 22 repeats of 10 stitches when the A.3 chart shows repeats of 12 stitches? I’m confused.

DROPS Design 24.12.2019 kl. 17:55:

Dear Sally, the black square in the pattern means that there is no stitch there, and you should skip it. Without it there is 10 stitches in the 1st row of the A.3 pattern. Happy Knitting!

María González 06.04.2019 - 18:43:

Hola. Voy a iniciar está labor. Es mi primer chaqueta con esta página. Mi primera pregunta es por qué al elegir la talla no se cual será más acertada si la XL O LA XXL. Me podrian decir que medidas de contorno de pecho y de cadera tienen estás tallas. Gracias.

DROPS Design 06.04.2019 kl. 20:48:

Hola Maria. Las medidas del contorno de pecho están en el diagrama bajo el patrón. Si tienes dudas al elegir entre dos tallas, recomendamos elegir la talla más grande. Recuerda que es importante mantener la misma tensión del tejido al trabajar la labor, para seguir las instrucciones del patrón.

Laure 12.01.2019 - 23:11:

Bonjour, j'aurais une autre question. À la fin des explications pour le dos/devant, les dernières augmentations doivent t'elles se faire selon augmentation-2 ou elles doivent être réparties? Aussi, pour les côtes du dos/devant, je ne comprends pas qu'il fasse tricoter en rond. Et autant pour le dos que les manches, tricoter *1 m endroit, 2 m en mousse*, il me semble que ça donne que du point mousse, pas des côtes Merci

DROPS Design 14.01.2019 kl. 10:56:

Bonjour Laure, augmentez à intervalles réguliers (= AUGMENTATIONS-1). On ne tricote effectivement pas en rond (supprimé des explications, merci) mais bien comme avant en allers et retours. La m endroit des côtes va se tricoter à l'env sur l'envers. Bon tricot!

Margaretha Astin Lind 07.01.2019 - 20:57:

ÖNSKAR mer utförliga stickmönster. Alla är inte experter. Jag stickar koftan 196-3. Här kommit till mönstret och måste riva upp ett varv då det inte står hur många maskor som ska stickas efter fem frsmkantamaskor. Det stårsticcka A2 1 maska, A3 tills det återstår 5 kantmaskor. Hur många maskor innan mönstret börjar?

DROPS Design 10.01.2019 kl. 15:29:

Hei Margareta. Etter at du har strikket A.1, strikker slik: 5 kantmasker i rille, A.2 (over 1 maske), så strikker du A.3 over alle maskene, til det gjenstår 5 kantmasker, som strikkes i rille. Altså: Etter at du har strikket A.2 over den første masken (etter kantmaskene) skal A.3 gjentas: 20-22-23-24-26-27 ganger. Det er 10 masker i A.3. Du strikker A.3 over 200-220-230-240-260-270 masker. God fornøyelse

Laure 28.12.2018 - 21:16:

Bonjour, (1er jacquard!) pour la couleur "naturel", est-il préférable de couper le fil à chaque rang puisque la couleur est espacée de 11rang, ou de le faire suivre jusqu'au rang suivant? Y'a t'il une vidéo explicative pour ce type de patron? Merci

DROPS Design 02.01.2019 kl. 10:38:

Bonjour Laure, quand on tricote A.3 (= le jacquard), on doit faire suivre le fil à chaque rang, le motif va se tricoter sur l'endroit et sur l'envers (lisez les rangs sur l'endroit de droite à gauche en commençant en bas et les rangs sur l'envers de gauche à droite). Cette vidéo montre comment tricoter le jacquard de A.3 (avec un autre motif, mais répétez le diagramme en largeur le nombre de fois indiqué). Bon tricot!

May Skjerlie 06.11.2018 - 14:00:

Det skal økes ut 12 masker fra 241 m (str. L) før mønster i bærestykke, jevnt fordelt i A2 og A3 til 345 masker (str L). Men hvordan kan dette bli 345 masker etter økningen? Det må jo bli 104 masker som skal økes? Eller? Hvis det skal økes 12 m jevnt fordelt i hver rapport på 10 masker, så blir jo antall økte masker 120.

DROPS Design 20.11.2018 kl. 13:18:

Hei May. Du skal øke 12 masker jevnt fordelt på hele omgangen - på den nest siste pinnen av A.3. Du har da allerede økt 4 masker i hver rapport av A.3, dette er tegnet inn i diagrammet (2 masker på 1 omgang og 2 masker på 20 omgang. Det vil si at når du har strikket A.2 og A.3 i høyden har du økt 92 masker som en del av diagram A.3 (4 masker per 23 rapporter av A.3) og du har økt de 12 maskene jevnt fordelt på den nest siste omgangen = 104 masker økt totalt, og 345 masker på pinnen. God fornøyelse

Marianne 01.10.2018 - 02:09:

Forstår ikke afslutningskanten nederst på trøjen, hvad betyder 1r,2r

DROPS Design 01.10.2018 kl. 15:16:

Hei Marianne. Jeg kan skjønne at dette er en forvirrende formulering på dansk siden begge deler heter rett. Men du skal altså strikke 1 rettmaske (= rett fra retten, vrang fra vrangen) og 2 masker rettstrikk (rett fra retten, rett fra vrangen). Dette gjentas rundt omgangen. God fornøyelse.

Ruth Knudsen 27.09.2018 - 16:23:

I mønster 3 skal sidste firkant ikke med, så ville det være dejligt hvis i skrev rip er 2ret 2 vrang, fremfor at skrive 1 ret, 2ret

Skrifaðu athugasemd um DROPS 196-3

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.