DROPS Baby / 31 / 18

Ready, Set, Go by DROPS Design

Settið samanstendur af: Peysu fyrir börn með röndum og laskalínu, prjónuð ofan frá og niður. Húfa fyrir börn með röndum og eyrnaleppum og sokkar. Stærð fyrirburar - 4 ára. Settið er prjónað úr DROPS Alpaca.

DROPS Design: Mynstur z-099-by
Garnflokkur A
-----------------------------------------------------------

Í ALLT SETTIÐ ÞARF:

Stærð: 1/3 - 6/9 - 12/18 mán (2 - 3/4) ára
Stærðin jafngildir ca hæð á barni í cm:
56/62 - 68/74 - 80/86 (92 - 98/104)
Höfuðmál: 40/42 - 42/44 - 44/46 (48/50 - 50/52) cm
Lengd fótar: 10-11-12 (14-16) cm
Efni:
DROPS ALPACA frá Garnstudio (tilheyrir garnflokki A)
150-200-200 (200-250) g litur 618, ljós beige
50-50-50 (50-50) g litur 506, dökk grár
50-50-50 (50-50) g litur 101, hvítur
50-50-50 (50-50) g litur 3900, tómatrauður

Einnig er hægt að prjóna stykkið með garni frá: "Garnmöguleiki (Garnflokkur A)" – sjá tengil að neðan.

DROPS HRINGPRJÓNAR OG SOKKAPRJÓNAR (40 cm) NR 3 – eða þá stærð sem þarf til að 24 lykkjur og 32 umferðir með sléttprjóni verði 10 cm á breidd og 10 cm á hæð.

DROPS HEKLUNÁL NR 3 – fyrir snúru.

DROPS TRÉTALA, Eik NR 503: 4 st í allar stærðir.
-----------------------------------------------------------

PEYSA:
Stærð: (0) 0/1 - 1/3 - 6/9 - 12/18 mán (2 - 3/4) ára
Stærðin jafngildir ca hæð á barni í cm:
(40/44) 48/52 - 56/62 - 68/74 - 80/86 (92 - 98/104)
Efni:
DROPS ALPACA frá Garnstudio (tilheyrir garnflokki A)
(100) 100-100-100-150 (150-150) g litur 618, ljós beige
(50) 50-50-50-50 (50-50) g litur 506, dökk grár
(50) 50-50-50-50 (50-50) g litur 101, hvítur
(50) 50-50-50-50 (50-50) g litur 3900, tómatrauður

Einnig er hægt að prjóna stykkið með garni frá: "Garnmöguleiki (Garnflokkur A)" – sjá tengil að neðan.

DROPS HRINGPRJÓNAR (40 cm) NR 3 – eða þá stærð sem þarf til að 24 lykkjur og 32 umferðir með sléttprjóni verði 10 cm á breidd og 10 cm á hæð.

DROPS TRÉTALA, Eik NR 503: 4 st í allar stærðir.
----------------------------------------------------------

HÚFA:
Stærð: (0) 0/1 - 1/3 - 6/9 - 12/18 mán (2 - 3/4) ára
Höfuðmál: (28/32) 34/38 - 40/42 - 42/44 - 44/46 (48/50 - 50/52) cm
Efni:
DROPS ALPACA frá Garnstudio (tilheyrir garnflokki A)
(50) 50-50-50-50 (50-50) g litur 618, ljós beige
(50) 50-50-50-50 (50-50) g litur 506, dökk grár
(50) 50-50-50-50 (50-50) g litur 101, hvítur
(50) 50-50-50-50 (50-50) g litur 3900, tómatrauður

Einnig er hægt að prjóna stykkið með garni frá: "Garnmöguleiki (Garnflokkur A)" – sjá tengil að neðan.

DROPS SOKKAPRJÓNAR NR 3 – eða þá stærð sem þarf til að 24 lykkjur og 32 umferðir með sléttprjóni verði 10 cm á breidd og 10 cm á hæð.

DROPS HEKLUNÁL NR 3 – fyrir snúru.
----------------------------------------------------------

SOKKAR:
Stærð: 1/3 - 6/9 - 12/18 mán (2- 3/4) ára
Lengd fótar: 10-11-12 (14-16) cm
Efni:
DROPS ALPACA frá Garnstudio (tilheyrir garnflokki A)
50-50-50 (50-50) g litur 618, ljós beige

Einnig er hægt að prjóna stykkið með garni frá: "Garnmöguleiki (Garnflokkur A)" – sjá tengil að neðan.

DROPS SOKKAPRJÓNAR NR 2,5 - eða þá stærð sem þarf til að 26 lykkjur og 34 umferð með sléttprjóni verði 10 cm á breidd og 10 cm á hæð.
----------------------------------------------------------

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!


100% Alpakka
frá 902.00 kr /50g
DROPS Alpaca uni colour DROPS Alpaca uni colour 902.00 kr /50g
Gallery Spuni
Panta
DROPS Alpaca mix DROPS Alpaca mix 968.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 5412kr. Sjá hér.

Leiðbeiningar um mynstur

PEYSA:
Stykkið er prjónað ofan frá og niður. Fyrst er berustykkið prjónað fram og til baka síðan skiptist stykkið fyrir fram- og bakstykki og ermar. Fram- og bakstykki er síðan prjónað í hring á hringprjón, síðan eru ermar prjónaðar í hring á sokkaprjóna. Lykkjur eru prjónaðar upp fyrir kant að framan hvoru megin við laska op og kantur í hálsi er prjónaður fram og til baka í lokin.

BERUSTYKKI:
Fitjið upp (88) 88-92-92-96 (100-100) lykkjur (meðtalin 1 kantlykkja á hvorri hlið á stykki) á hringprjón 3 með ljós beige. Prjónið nú fram og til baka frá annarri laskalínunni (þ.e.a.s. á milli framstykkis og vinstri ermi).
Prjónið frá réttu þannig:
Prjónið 1 kantlykkju með GARÐAPRJÓN – sjá útskýringu að ofan, prjónið 1 lykkju sléttprjón og setjið 1. prjónamerki í þessa lykkju, (16) 16-14-14-14 (16-14) lykkjur með sléttprjóni og aukið út um (2) 4-4-6-6 (6-6) lykkjur jafnt yfir (= vinstri ermi) – lesið ÚTAUKNING, prjónið 1 lykkju sléttprjón og setjið 2. prjónamerki í þessa lykkju, (24) 24-28-28-30 (30-32) lykkjur með sléttprjóni, prjónið 1 lykkju sléttprjón og setjið 3. prjónamerki í þessa lykkju (= bakstykki), (20) 20-18-18-18 (20-18) lykkjur sléttprjón og aukið út um (2) 4-4-6-6 (6-6) lykkjur jafnt yfir (= hægri ermi), prjónið 1 lykkju sléttprjón og setjið 4. prjónamerki í þessa lykkju, prjónið (21) 21-25-25-27 (27-29) lykkjur sléttprjón, prjónið 1 lykkju sléttprjón og setjið 5. prjónamerki í þessa lykkju og endið með 1 kantlykkju með garðaprjóni = (92) 96-100-104-108 (112-112) lykkjur.
Prjónið 1 umferð brugðna frá röngu með 1 kantlykkju með garðaprjóni á hvorri hlið á stykki. Í næstu umferð frá réttu er aukið út fyrir laskalínu þannig: Aukið út um 1 lykkju á eftir 1. Prjónamerki, 1 lykkja hvoru megin við 2., 3. og 4. prjónamerkis (= alls 2 lykkjur fleiri hvoru megin við þessi prjónamerki) og auki út um 1 lykkju á undan 5. prjónamerki (= alls 8 lykkjur fleiri í hverri umferð sem aukið er út). Aukið út í annarri hverri umferð alls (2) 4-8-9-13 (14-20), síðan í hverri umferð alls (4) 4-3-3-2 (2-0) (= alls (6) 8-11-12-15 (16-20) sinnum) = (140) 160-188-200-228 (240-272) lykkjur. ATHUGIÐ PRJÓNFESTUNA!
Þegar stykkið mælist (7) 8-9-10-11 (12-13) cm fitjið upp 2 nýjar lykkjur í lok 2 næstu umferða = (144) 164-192-204-232 (244-276) lykkjur. Prjónið nú stykkið í hring með sléttprjóni (umferðin byrjar í skiptingunni á milli vinstri ermi og framstykkis) þar til stykkið mælist (8) 9-10-11-12 (13-14) cm. Nú skiptist fram- og bakstykki og ermar þannig: Setjið (34) 40-44-48-54 (58-64) fyrstu lykkjurnar á band fyrir ermi (= vinstri ermi), fitjið upp 8 lykkjur undir ermi, prjónið (38) 42-52-54-62 (64-74) lykkjur slétt, setjið næstu (34) 40-44-48-54 (58-64) lykkjur á band fyrir ermi (= hægri ermi), fitjið upp 8 lykkjur undir ermi, prjónið sléttar lykkjur yfir síðustu (38) 42-52-54-62 (64-74) lykkjurnar.

FRAM- OG BAKSTYKKI:
= (92) 100-120-124-140 (144-164) lykkjur. Setjið 1 prjónamerki í stykkið, HÉÐAN ER NÚ MÆLT! Prjónið síðan í hring með sléttprjóni. Þegar stykkið mælist (6) 9-12-13-14 (17-20) cm prjónið A.1. Þegar A.1 hefur verið prjónað 1 sinni, prjónið næstu umferð brugðna (= uppábrot). Prjónið 12 sléttar umferðir með ljós beige. Fellið af með sléttum lykkjum.

ERMI:
Setjið (34) 40-44-48-54 (58-64) lykkjur af bandi á annarri hlið á stykki á sokkaprjón 3. Takið upp 1 lykkju í hverja og eina af 8 lykkjum sem fitjaðar voru upp undir ermi = (42) 48-52-56-62 (66-72) lykkjur. Setjið 1 prjónamerki mitt undir ermi. Prjónið sléttprjón hringinn. Þegar stykkið mælist 2 cm frá þar sem stykkið skiptist frá fram- og bakstykki, fækkið um 1 lykkju hvoru megin við prjónamerki – lesið ÚRTAKA.
Fækkið lykkjum svona í (2.) 4.-4.-4.-4. (4.-5.) hverri umferð (3) 5-7-9-11 (12-14) sinnum = (36) 38-38-38-40 (42-44) lykkjur. Þegar stykkið mælist (4) 8-10-12-15 (18-23) cm prjónið A.2 (síðustu 12 umferðirnar af A.2 á að brjóta inn og sauma við ermi í lokin). Fellið af með ljós beige. Prjónið hina ermina alveg eins.

LASKA OP:
Prjónið nú upp 1 kant að framan innan við 1 kantlykkju á framstykki, fram og til baka, þannig: Prjónið upp (17) 19-22-24-26 (29-31) lykkjur á hringprjón 3 með ljós beige frá réttu. Prjónið A.3 (fyrsta umferð er prjónuð frá röngu, síðustu 10 umferðirnar af A.3 á að brjóta inn og sauma að peysu frá röngu í lokin).
JAFNFRAMT í 6. umferð (= frá réttu) er fellt af fyrir 3 hnappagötum jafnt yfir með því að prjóna 2 lykkjur slétt saman og slá 1 sinni uppá prjóninn (fyrsta hnappagatið er gert ca 2 cm niður af hálsi, deilið jafnt fyrir hinum 2 hnappagötunum sem eftir eru). Fellið af fyrir hnappagötum alveg eins í 16. umferð. Munið eftir að hnappagötin verði að liggja yfir hvert annað þegar brotið er uppá kantinn, þannig að tölum er hneppt í gegnum bæði götin.
Prjónið nú 1 kant að framan innan við 1 kantlykkju á vinstri ermi, fram og til baka þannig:
Prjónið upp (17) 19-22-24-26 (29-31) lykkjur á hringprjón 3 með ljós beige frá réttu. Prjónið 10 umferðir sléttprjón (fyrsta umferð er prjónuð frá röngu), fellið af með sléttum lykkjum frá röngu.

FRÁGANGUR:
Brjótið uppá kantinn á fram- og bakstykki og saumið fallega niður að fram- og bakstykki frá röngu með ljós beige.
Brjótið uppá kantinn á ermum og saumið niður fallega að ermum frá röngu með ljós beige.
Brjótið uppá kant að framan á framstykki saman tvöfalt, leggið kant á vinstri ermi undir og saumið niður neðst niðri þar sem fitjaðar voru upp 2 lykkjur með ljós beige.

HÁLSMÁL:
Stykkið er prjónað fram og til baka. Byrjið á kanti að framan á framstykki og prjónið upp ca 70-97 lykkjur frá réttu í kringum allan hálsinn að kanti framan á ermi (prjónaðar eru upp lykkjur í gegnum bæði lögin á kanti að framan á framstykki). Prjónið A.3 yfir allar lykkjur (1. umferð = ranga) JAFNFRAMT í 6. Umferð er fellt af fyrir 1 hnappagati, með því að prjóna 4. og 5. lykkju slétt saman og slá 1 sinni uppá prjóninn, fellið af fyrir hnappagati alveg eins í 16 umferð.
Þegar A.3 hefur verið prjónað til loka er fellt af með ljós beige. Brjótið kantinn saman tvöfaldan og saumið fallega niður þar sem prjónaðar voru upp lykkjur fyrir hálsmáli með ljós beige frá röngu. Saumið saman op hvoru megin við háls í ystu lykkjubogana með ljós beige frá réttu. Saumið tölur í kant í hálsi og kant að framan á vinstri ermi.
----------------------------------------------------------

HÚFA:
Stykkið er prjónað í hring á sokkaprjóna.
Fitjið upp (70) 82-92-96-98 (108-112) lykkjur á sokkaprjóna 3 með ljós beige. Prjónið 5 cm sléttprjón. Prjónið 1 umferð brugðna (= uppábrot). Setjið 1 prjónamerki í stykkið, HÉÐAN ER NÚ MÆLT! Prjónið A.4 yfir allar lykkjur. Þegar A.4 hefur verið prjónað 1 sinni á hæðina er stykkið prjónað áfram með ljós beige. ATHUGIÐ PRJÓNFESTUNA! Þegar stykkið mælist (9) 8-9-10-10 (10-11) cm fækkið um (4) 4-2-0-2 (0-4) lykkjur jafnt yfir = (66) 78-90-96-96 (108-108) lykkjur. Setjið síðan 6 prjónamerki með (11) 13-15-16-16 (18-18) lykkju millibili. Nú eru eftir ca (5) 6-6-6-6 (7-7) cm eftir á húfu. Fækkið um 1 lykkju á eftir hverju prjónamerki með því að prjóna 2 lykkjur slétt saman í annarri hverri umferð alls (7) 8-6-5-5 (6-6) sinnum, síðan í hverri umferð alls (2) 3-7-9-9 (10-10) sinnum = 12 lykkjur. Prjónið allar lykkjur 2 og 2 saman = 6 lykkjur. Klippið frá, dragið bandið í gegnum þær lykkjur sem eftir eru og herðið að. Öll húfan mælist ca (19) 19-20-21-21 (22-23) cm (meðtalið uppábrot).
Brjótið uppá neðri kant á húfu og saumið fallega niður frá röngu með ljós beige.

EYRNALEPPUR 1:
Haldi á húfunni með toppinn að þér og prjónið upp á 1 sokkaprjón 3 með ljós beige (18) 22-24-24-24 (28-30) lykkjur neðst meðfram annarri hlið – prjónið upp 1 lykkju í hverja lykkju. Prjónið GARÐAPRJÓN – sjá útskýringu að ofan – fram og til baka – JAFNFRAMT er fækkað um 1 lykkju á hvorri hið með því að prjóna 2 næst síðustu lykkjurnar slétt saman, fækkið lykkjum í 4. hverri umferð (5) 3-2-4-6 (5-6) sinnum og síðan í annarri hverri umferð (2) 6-8-6-4 (7-7) sinnum = 4 lykkjur, prjónið þessar lykkjur saman 2 og 2 og steypið þeim 2 lykkjum sem eftir verða yfir hvor aðra, klippið frá og dragið bandið í gegnum lykkjuna sem eftir verður. Eyrnaleppurinn mælist ca (5) 5-5-6-6½ (7-8) cm.

EYRNALEPPUR 2:
Byrjið að prjóna upp (22) 26-28-32-34 (34-34) frá fyrri lepp (þessar (22) 26-28-32-34 (34-34) lykkjur = miðja frama á húfu). Prjónið upp á 1 sokkaprjón 3 með ljós beige, 1 lykkja í hverja og eina af næstu (18) 22-24-24-24 (28-30) lykkjum. Nú eru (12) 12-16-16-16 (18-18) lykkjur á milli eyrnaleppa við miðju að aftan.
Prjónið þennan eyrnalepp alveg eins og þann fyrri.

SNÚRA:
Heklið með ljós beige með heklunál 3 þannig: Heklið 1 keðjulykkju í gegnum toppinn á erynaleppnum, heklið loftlykkjur í ca 20-30 cm, snúið stykkinu og heklið 1 keðjulykkju í hverja loftlykkju, endið með 1 keðjulykkju í toppinn á eyrnaleppnum. Klippið frá og festið enda. Heklið 1 snúru í hvorn eyrnalepp.
----------------------------------------------------------

SOKKAR:
Fitjið upp 40-44-48 (52-56) lykkjur á sokkaprjón 2,5 með ljós beige. Prjónið stroff í hring (= 2 lykkjur slétt, 2 lykkjur brugðnar) þar til stykkið mælist 5-6-7 (9-10) cm.
Setjið síðustu lykkju sem var prjónuð á sama prjón og fyrstu 19-19-23 (23-27) lykkjurnar í umferð = 20-20-24 (24-28) lykkjur á prjóni fyrir hæl.
Aðrar 20-24-24 (28-28) lykkjur (= ofan á fæti) eru settar á band - stroff ofan á fæti kemur nú til með að byrja og enda með 1 lykkju brugðinni.
Prjónið sléttprjón fram og til baka yfir hællykkjur í 3-3-4 (4-4) cm.
ATHUGIÐ PRJÓNFESTUNA! Setjið 1 prjónamerki mitt í þessar lykkjur (= 10-12-12 (14-14) lykkjur hvoru megin við prjónamerki). Í næstu umferð frá réttu er lykkjum fækkað þannig:
UMFERÐ 1 (frá réttu): Prjónið sléttar lykkjur þar til 4 lykkjur eru eftir á undan prjónamerki, takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir (= 1 lykkja færri), prjónið 4 lykkjur slétt, prjónið næstu 2 lykkjur slétt saman (= 1 lykkja færri), prjónið sléttar lykkjur út umferðina = 18-18-22 (22-26) lykkjur.
UMFERÐ 2 (= frá röngu): Prjónið brugðið.
UMFERÐ 3: Prjónið sléttar lykkjur þar til 3 lykkjur eru eftir á undan prjónamerki, takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir (= 1 lykkja færri), prjónið 2 lykkjur slétt, prjónið næstu 2 lykkjurnar sléttar saman (= 1 lykkja færri), prjónið sléttar lykkjur út umferðina = 16-16-20 (20-24) lykkjur. Fellið af þær lykkjur sem eftir eru og saumið þær saman í ystu lykkjubogana (= mitt undir fæti).
Prjónið síðan upp 24-24-28 (28-32) lykkjur í ystu lykkjubogana yfir hæl. Setjið til baka lykkjur af bandi á prjóninn = 44-48-52 (56-60) lykkjur. Haldið áfram að prjóna hringinn. ATH: Prjónið stroff yfir 20-24-24 (28-28) lykkjur ofan á fæti og sléttprjón yfir 24-24-28 (28-32) lykkjur undir fæti. JAFNFRAMT í annarri hverri umferð er fækkað um 1 lykkju hvoru megin við stroff ofan á fæti – lesið ÚRTAKA-1! Fækkið lykkjum svona 2 sinnum = 40-44-48 (52-56) lykkjur.
Þegar sokkurinn mælist 7½-8½-9 (11-12) cm frá aftast á hæl (nú eru ca 2½-2½-3 (3-4) cm til loka) skiptast lykkjurnar þannig að það verða 20-22-24 (26-28) lykkjur bæði ofan á fæti og undir il. Setjið 1 prjónamerki í hvora hlið. Prjónið sléttprjón hringinn yfir allar lykkjur – JAFNFRAMT er fækkað um 1 lykkju hvoru megin við hvort prjónamerki – lesið ÚRTAKA FYRIR TÁ!
Fækkið lykkjum svona í annarri hverri umferð alls 5-5-6 (6-7) sinnum = 20-24-24 (28-28) lykkjur. Prjónið allar lykkjur 2 og 2 saman = 10-12-12 (14-14) lykkjur. Klippið frá, dragið bandið í gegnum þær lykkjur sem eftir eru, herðið á bandi og festið vel. Sokkurinn mælist ca 10-11-12 (14-16) cm. Prjónið hinn sokkinn alveg eins.

Mynstur

= slétt með tómatrauðum
= slétt með ljós beige
= slétt með dökk gráum
= slétt með hvítum
= brugðin lykkja frá réttu og slétt lykkja frá röngu með ljós beige (= uppábrot)
= prjónstefna


Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS Baby 31-18) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (13)

Anne 11.04.2020 - 08:22:

På trøjen skal man starte med at tage ud på hver 2.pind og dernæst på hver pind. Er det en fejl? Det bliver ikke pænt for der kommer huller selvom jeg drejer maskerne.

DROPS Design 24.04.2020 kl. 09:46:

Hej Anne, hvis du ikke vil have små huller, så kan du tage ud på denne måde:

How to increase: M1 (make one) from Garnstudio Drops design on Vimeo.

Anne 11.04.2020 - 07:48:

På bærestykket på trøjen skal man først tage ud på hver 2.pind og så på hver pind. Er det en fejl? Det bliver ikke så pænt, der kommer huller selvom jeg drejer maskerne.

Rina Blijdorp 29.08.2019 - 06:45:

Ik vind het jammer dat de meeraderig en voor de raglan halverwege al eindigen. Zou het niet mooier zijn om de raglan tot de onderkant van de mouw door te laten lopen? Dat zou je kunnen bereiken door elke derde naald te meerderen misschien? Ik vraag me af of ik het niet beter opnieuw kan baan doen ....

FranceDuchamp 07.08.2019 - 13:06:

Excusez moi mais votre réponse ne correspond pas à la question.dans la plus petite taille pour le pull on met 16 mailles pour manche gauche et 20 pour manche droite!

DROPS Design 30.09.2019 kl. 15:54:

Bonjour FranceDuchamp, d'un côté on va avoir la bordure du raglan, donc on aura moins de mailles pour la manche gauche que pour la manche droite où il n'y a pas de bordure à tricoter ensuite. Bon tricot!

France Duchamp 07.08.2019 - 11:03:

Bonjour,je ne comprends pas pourquoi ni comment le nombre de mailles est différent pour chaque manche au premier rang et se trouve identique dans la suite merci pour votre patience

DROPS Design 07.08.2019 kl. 12:43:

Bonjour Mme Duchamp, le nombre de mailles est différent pour chaque taille et a été calculé selon la taille et l'aisance nécessaire telle que la styliste l'a souhaité pour ce modèle. Bon tricot!

Barbara 28.06.2019 - 00:14:

Hallo, wenn ich bei den Raglanzunahmen zunächst in jeder 2. Reihe, dann nach Anweisung in jeder Reihe zunehme, dann habe ich in Gr. 0/1 die 160 Maschen bereits in der Höhe von 4cm statt 8 cm. Was stimmt denn da nicht?

DROPS Design 24.09.2019 kl. 14:25:

Liebe Barbara, dann stricken Sie ohne Zunahme aber wie zuvor bis die 8 cm. Viel Spaß beim stricken!

Filiz 18.05.2019 - 16:33:

Hallo, Ich verstehe nicht was '8 M unter dem Arm anschlagen' bedeutet. Und auch die Passage mit 'zusätzlich je 1 M aus den unter dem Arm angeschlagenen Maschen auffassen' ist mir unklar. Wie komme ich wenn ich eine M aufnehme dann auf 52 (die angegebene Maschenanzahl für die 3. Größe)? Ich hoffe sie können mir helfen. Vielen Dank

DROPS Design 20.05.2019 kl. 10:28:

Liebe Frau Filiz, dieses Video zeigt wie man die Maschen der Ärmel stilllegt und wie man die neuen Maschen unter dem Arm anschlägt (ab ca 07:00) - dann wie man die Maschen aufnimt und die Ärmel strickt (ab ca 9:35). Viel Spaß beim stricken!

Ella 20.04.2019 - 19:36:

Hallo! Ich habe verstehe leider die Ranlanzunahmen in der Passe nicht. Ich habe bei Gr. 56 100M und beginne dann je 8M in der Hinreihe zuzunehmen. Wie oft mache ich denn das? Und wann genau beginne ich damit in jeder Reihe 3M zuzunehmen? Wie ich es auch hin und her rechne ich komme am Ende nicht auf die 188M

DROPS Design 23.04.2019 kl. 12:49:

Liebe Ella, bei der 3. Größe nehmen Sie für den Raglan 8 Mal in jeder Hinreihe dann 3 Mal in jeder Reihe (= Hin sowie Rückreihe) = 11 Mal insgesamt x 8 Zunahmen = 88 Zunahmen + 88 = 188 Maschen. Viel Spaß beim stricken!

Teresa 13.09.2018 - 22:11:

Ich habe eine Frage zu den Zunahmen im Passe. Erfolgen diese tatsächlich in jeder 2.Reihe (also in jeder Hinreihe) oder in jeder 2. Hinrunde (und somit insgesamt in jeder 4.Reihe)? Daran anschließend stellt sich mir nämlich dann die Frage, ob die Zunahmen in"jeder" Reihe auch in Rückrunden erfolgen? Vielen Dank für eine Antwort.

DROPS Design 14.09.2018 kl. 08:25:

Liebe Teresa, wenn Sie in jeder 2. Reihe zunehmen werden Sie nur bei jeder Hinreihe zunehmen. Wenn Sie danach in jeder Reihe zunehmen, werden Sie bei jeder Hin- sowie bei jeder Rückreihe zunehmen. Viel Spaß beim stricken!

Anika Krupke 02.07.2018 - 14:29:

Hallo, ich arbeite am Pullover. Ich möchte gerne wissen, ob ich es richtig verstanden habe, dass ich die letzten Zunahmen in der Passe (in jeder Reihe insgesamt 2 Maschen zunehmen Größe 80/86) in Hin- und Rückreihe aufnehme? In Zunahmehilfe steht ja das nur in Hinreihen zugenommen wird, dann würde aber die Maschenprobe nicht mehr stimmen. Danke!

DROPS Design 02.07.2018 kl. 16:29:

Liebe Frau Krupke, in der Größe 80/86 stricken Sie in Reihen bis die Arbeit 12 cm mist, dann (2 neuen Maschen wurden kurz davor auf beiden Seiten angeschlagen) stricken Sie in der Runde = alle Raglanzunahmen werden dann von der Vorderseite = Hinreihen gearbeitet. Viel Spaß beim stricknen!

Skrifaðu athugasemd um DROPS Baby 31-18

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.