DROPS / 188 / 19

Madrid by DROPS Design

Prjónuð peysa með laskalínu, köðlum, gatamynstri og klauf í hliðum, prjónuð ofan frá og niður. Stærð S - XXXL. Stykkið er prjónað úr DROPS Cotton Light.

DROPS Design: Mynstur cl-089
Garnflokkur B
-----------------------------------------------------------
Stærð: S - M - L - XL - XXL - XXXL
Efni:
DROPS COTTON LIGHT frá Garnstudio (tilheyrir garnflokki B)
500-550-600-650-700-800 g litur 21, ljós beige

Einnig er hægt að prjóna stykkið með garni frá: "Garnmöguleiki (Garnflokkur B)" – sjá tengil að neðan.

DROPS SOKKAPRJÓNAR OG HRINGPRJÓNAR (40 og 80 cm) NR 4 – eða þá stærð sem þarf til að 21 lykkja og 28 umferðir með sléttprjóni verði 10 cm á breidd og 10 cm á hæð.

DROPS SOKKAPRJÓNAR OG HRINGPRJÓNAR (40 og 80 cm) NR 3,5 fyrir stroff – eða þá stærð sem þarf til að 22 lykkjur og 30 umferðir með sléttprjóni verði 10 cm á breidd og 10 cm á hæð.

DROPS KAÐLAPRJÓNN – fyrir kaðla.
----------------------------------------------------------

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!

Ertu ekki viss hvaða stærð þú þarft? Þá hjálpar það kannski að fyrirsætan á myndinni er ca 170 cm á hæð og notar stærð S eða M. Ef þú gerir peysu, jakkapeysu, kjól eða álíka þá getur þú fundið teikningu með máli neðst í mynstri.

50% Bómull, 50% Polyester
frá 224.00 kr /50g
DROPS Cotton Light uni colour DROPS Cotton Light uni colour 224.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 2240kr. Sjá hér.

Leiðbeiningar um mynstur

UPPLÝSINGAR FYRIR MYNSTUR:

GARÐAPRJÓN (prjónað í hring):
*1 umferð slétt og 1 umferð brugðin*, endurtakið frá *-*.

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

MYNSTUR:
Sjá mynsturteikningu A.1 til A.4. Mynsturteikning sýnir allar umferðir í mynstri séð frá réttu.

LASKALÍNA:
Aukið er út um 1 lykkju hvoru megin við hverja mynstureiningu A.1/A.2 (= 8 lykkjur fleiri í umferð). Aukið út um 1 lykkju með því að slá 1 sinni uppá prjóninn. Í næstu umferð er uppslátturinn prjónaður snúinn slétt svo að ekki myndist gat.

ÚTAUKNING-1 (jafnt yfir):
Til þess að reikna út hvernig auka eigi jafnt út, teljið fjölda lykkja í umferð (t.d. 110 lykkjur) og deilið með fjölda útaukninga sem á að gera (t.d. 4) = 27,5.
Í þessu dæmi þá er aukið út til skiptis á eftir 27. og 28. hverri lykkju.
Aukið út um 1 lykkju með því að slá 1 sinni uppá prjóninn, í næstu umferð er uppslátturinn prjónaður snúinn svo að ekki myndist gat.

ÚTAUKNING-2 (á við um hliðar):
Prjónið þar til 2 lykkjur eru eftir á undan prjónamerki, sláið 1 sinni uppá prjóninn, prjónið 4 lykkjur slétt (prjónamerki er staðsett mitt í þessum lykkjum), sláið 1 sinni uppá prjóninn. Í næstu umferð eru uppslættirnir prjónaðir snúnir slétt svo að ekki myndast göt.

ÚRTAKA (á við um ermi):
Fækkið um 1 lykkju hvoru megin við prjónamerki þannig: Prjónið þar til 2 lykkjur eru eftir á undan prjónamerki. Prjónið 2 lykkjur slétt saman, (prjónamerki er staðsett hér), takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir lykkjuna sem var prjónuð.
----------------------------------------------------------

PEYSA:
Stykkið er prjónað í hring á hringprjón ofan frá og niður alveg niður að klauf neðst á fram- og bakstykki, síðan er framstykki og bakstykki prjónað fram og til baka hvort fyrir sig. Ermar eru prjónaðar í hring á sokkaprjóna/stuttan hringprjón.

KANTUR Í HÁLSI:
Fitjið upp 110-115-120-125-135-145 lykkjur á hringprjón 3,5 með Cotton Light. Prjónið 1 umferð slétt. Prjónið síðan stroff (3 lykkjur slétt, 2 lykkjur brugðnar) í 4 cm. Prjónið 2 umferðir GARÐAPRJÓN – sjá útskýringu að ofan, þar sem í fyrstu umferð með garðaprjóni er aukið út um 4-7-10-9-11-17 lykkjur jafnt yfir – lesið ÚTAUKNING-1 (jafnt yfir) = 114-122-130-134-146-162 lykkjur.

BERUSTYKKI:
Skiptið yfir á hringprjón 4. Setjið eitt prjónamerki hér. HÉÐAN ER NÚ MÆLT!
Prjónið mynstur þannig: 8-10-12-13-16-20 lykkjur slétt (= hálft bakstykki), sláið 1 sinn uppá prjóninn, A.1 (= 20 lykkjur), sláið 1 sinni uppá prjóninn, 1 lykkja slétt (= ermi), sláið 1 sinni uppá prjóninn, A.2 (= 20 lykkjur), sláið 1 sinni uppá prjóninn, 16-20-24-26-32-40 lykkjur slétt (= framstykki), sláið 1 sinni uppá prjóninn, A.1, sláið 1 sinni uppá prjóninn, 1 lykkja slétt (= ermi), sláið 1 sinni uppá prjóninn, A.2, sláið 1 sinni uppá prjóninn, 8-10-12-13-16-20 lykkjur slétt (= hálft bakstykki).
Fyrsta útaukning fyrir LASKALÍNA – sjá útskýringu að ofan, er nú lokið. Haldið svona áfram með mynstur og aukið út í annarri hverri umferð alls 24-27-30-33-36-39 sinnum = 306-338-370-398-434-474 lykkjur. ATHUGIÐ PRJÓNFESTUNA! Þegar allar útaukningar fyrir laskalínu er lokið mælist stykkið 17-19-21-24-26-28 cm. Haldið síðan áfram með mynstur án útaukningar þar til stykkið mælist 19-21-23-24-26-29 cm. Næsta umferð er prjónuð þannig:
Prjónið 32-37-42-46-52-59 lykkjur slétt, prjónið næstu 6 lykkjur í mynstri eins og áður, 2 lykkjur brugðnar, 2 lykkjur slétt (= hálft bakstykki), setjið næstu 69-75-81-87-93-99 lykkjur á band (= ermi), fitjið upp 8 nýjar lykkjur á prjóninn (= í hlið undir ermi), prjónið 2 lykkjur slétt, 2 lykkjur brugðnar, prjónið næstu 6 lykkjur í mynstri eins og áður, prjónið 64-74-84-92-104-118 lykkjur slétt, prjónið næstu 6 lykkjur í mynstri eins og áður, prjónið 2 lykkjur brugðnar, 2 lykkjur slétt (= framstykki), setjið næstu 69-75-81-87-93-99 lykkjur á band (= ermi), fitjið upp 8 nýjar lykkjur á prjóninn (= í hlið undir ermi), prjónið 2 lykkjur slétt, 2 lykkjur brugðnar, prjónið næstu 6 lykkjur eins og áður, prjónið 32-37-42-46-52-59 lykkjur slétt (= hálft bakstykki). HÉÐAN ER NÚ MÆLT!

FRAM- OG BAKSTYKKI:
= 184-204-224-240-264-292 lykkjur. Setjið 1 prjónamerki í hvora hlið, mitt í nýjar lykkjur sem fitjaðar voru upp.
Haldið áfram hringinn með sléttum lykkjum og prjónið A.3 (= 28 lykkjur) yfir 8 nýjar lykkjur sem fitjaðar voru upp undir ermum og 10 lykkjur hvoru megin við þær (þ.e.a.s. 14 lykkjur hvoru megin við prjónamerki á hvorri hlið). Þegar A.3 hefur verið prjónað til loka á hæðina mælist stykkið 9 cm. Haldið síðan áfram hringinn með sléttum lykkjum og í næstu umferð er aukið út um 1 lykkju hvoru megin við prjónamerki á hvorri hlið – lesið ÚTAUKNING-2 (á við um hliðar)! Aukið svona út með 3 cm millibili alls 3 sinnum = 196-216-236-252-276-304 lykkjur. Haldið síðan áfram með sléttum lykkjum þar til stykkið mælist 16-16-16-17-17-16 cm. Skiptið nú stykkinu í fram- og bakstykki og stykkin eru prjónuð til loka fram og til baka hvort fyrir sig. Setjið 98-108-118-126-138-152 lykkjur á milli prjónamerkja í hliðum á band fyrir framstykki og prjónið bakstykki þannig:

BAKSTYKKI:
= 98-108-118-126-138-152 lykkjur. Prjónið sléttprjón með 5 lykkjur með garðaprjóni á hvorir hlið. Þegar stykkið mælist 23-23-23-24-24-23 cm er aukið út um 30-30-30-37-40-41 lykkjur jafnt yfir (en ekki yfir lykkjur með garðaprjóni) = 128-138-148-163-178-193 lykkjur. Skiptið yfir á hringprjón 3,5. Prjónið 2 umferðir garðaprjón. Prjónið stroff frá réttu þannig: 5 lykkjur með garðaprjóni, (3 lykkjur slétt, 2 lykkjur brugðnar) þar til 8 lykkjur eru eftir á prjóni, 3 lykkjur slétt, 5 lykkjur með garðaprjóni. Haldið svona áfram þar til stroffið mælist 5 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Til að koma í veg fyrir að affellingarkanturinn verði stífur er hægt að slá 1 sinni uppá prjóninn á eftir ca 5. hverri lykkju. Uppslátturinn er felldur af eins og eigin lykkja. Stykkið mælist alls 52-54-56-58-60-62 cm frá öxl og niður.

FRAMSTYKKI:
= 98-108-118-126-138-152 lykkjur. Setjið til baka lykkjur á hringprjón 4 og prjónið alveg eins og á bakstykki.

ERMI:
Setjið 69-75-81-87-93-99 lykkjur af bandi á annarri hlið á stykki á sokkaprjóna/stuttan hringprjón 4 og prjónið að auki 1 nýja lykkju í hverja og eina af 8 nýju lykkjum sem fitjaðar voru upp undir ermi = 77-83-89-95-101-107 lykkjur. Setjið eitt prjónamerki mitt í nýjar lykkjur (= 4 nýjar lykkjur hvoru megin við prjónamerki). Prjónið A.4 (= 28 lykkjur) mitt undir ermi þannig að það verða 14 lykkjur af A.4 hvoru megin við prjónamerki mitt undir ermi. Aðrar lykkjur í umferð eru prjónaðar slétt. Þegar allt A.4 hefur verið prjónað til loka á hæðina hefur fækkað um 18 lykkjur = 59-65-71-77-83-89 lykkjur. Fækkið síðan um 2 lykkjur undir ermi – lesið ÚRTAKA! Fækkið lykkjum svona í 10.-7.-6.-5.-4.-3. hverri umferð alls 7-9-11-13-15-17 sinnum = 45-47-49-51-53-55 lykkjur.
Haldið síðan áfram með sléttar lykkjur þar til ermin mælist 37-35-34-33-32-29 cm. Nú er aukið út um 5-8-6-9-7-10 lykkjur jafnt yfir = 50-55-55-60-60-65 lykkjur. Skiptið yfir á sokkaprjóna 3,5. Prjónið 2 umferðir garðaprjón. Prjónið síðan stroff (= 3 lykkjur slétt, 2 lykkjur brugðnar) þar til ermin mælist 42-40-39-38-37-34 cm frá skiptingu. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Til að koma í veg fyrir að affellingarkanturinn verði stífur er hægt að slá 1 sinni uppá prjóninn á eftir ca 5. hverri lykkju. Uppslátturinn er felldur af eins og eigin lykkja.

Mynstur

= slétt
= brugðið
= á milli 2 lykkja er slegið 1 sinni uppá prjóninn. Í næstu umferð er uppslátturinn prjónaður slétt, svo að það myndist gat
= á milli 2 lykkja er slegið 1 sinni uppá prjóninn. Í næstu umferð er uppslátturinn prjónaður snúinn slétt, svo að ekki myndist gat
= 2 lykkjur slétt saman
= takið 1 lykkju óprjónaða eins og prjóna eigi hana slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð
= setjið 2 lykkjur á kaðlaprjón framan við stykkið, 2 lykkjur slétt, 2 lykkjur slétt af kaðlaprjóni
= setjið 2 lykkjur á kaðlaprjón aftan við stykkið, 2 lykkjur slétt, 2 lykkjur slétt af kaðlaprjóni
= þegar mynsturteikning hefur verið prjónuð til loka á hæðina er mynstrið endurtekið frá umferð merktri með ör




Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS 188-19) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (54)

Roselyne Fougere 23.04.2020 - 11:30:

Bonjour, il est dommage que ce patron ne puisse pas s'imprimer aussi bien que d'habitude. J'ai dû l'imprimer 2 fois mais la marge à droite et en haut est insuffisante. Il n'y a que moi qui rencontre ce problème ?

DROPS Design 23.04.2020 kl. 15:02:

Bonjour Mme Fougere, pensez à bien vérifier les paramètres de votre imprimante - vérifiez également votre navigateur (mises à jour, cache, etc...). Si rien ne fonctionne, dites-nous le système d'exploitation et le navigateur (et sa version) que vous utilisez - un test a pu être fait avec succès à partir de Chrome et Firefox. Bon tricot!

PATRICIA RODRIGUES 10.04.2020 - 22:25:

Olá. Quando você diz "Tricotar 32-37-42-46-52-59 malhas meia, as 6 malhas seguintes como antes, 2 malhas liga, 2 malhas meia (= metade das costas), " esta frase "6 malhas seguintes como antes" seria como? Em meia? Obrigada.

DROPS Design 14.04.2020 kl. 11:47:

Deve tricotar essas 6 malhas seguintes como elas se apresentam (tudo indica que será em meia). Bom tricô!

Inger-Lise 11.03.2020 - 13:45:

Har kommet til A3 og får ikke mønsteret til å gå opp selv om det legges ut en maske før vrangmaskene samtidig som mønsteret skal gå innover få jeg ikke fire masker over de fire midterste maskene. Skal ikke mønsteret forskyves slik det ser ut på mønsteret?

DROPS Design 18.03.2020 kl. 14:44:

Hej Inger-Lise, vi skal forklare de første 12 masker: 1 omslag, 2vr, 1r, 2r sammen, 1 omslag, 1r, 2vr, 4r, nu er du ved de 4 midterste masker. God fornøjelse!

Pilar Serrano 22.10.2019 - 21:29:

No consigo entender el diagrama A3 del patrón DROPS-188-19 y en las fotos no se ve bien como debe quedar. Si en la parte central en una vuelta cogemos 2 puntos juntos y no echamos ninguna hebra, como es que en la siguiente vuelta volvemos a tener 2 puntos?. Esto ocurre con los 4 puntos centrales

DROPS Design 27.10.2019 kl. 18:46:

Hola Pilar. En cada fila impar (1, 3, 5...) hay 4 disminuciones y 4 aumentos (lazadas) . Dos de las lazadas ( los círculos negros en el diagrama) las trabajamos en la siguiente vuelta de derecho retorcido para que no se formen agujeros. Las otras dos lazadas (los círculos blancos) las trabajamos de derecho para que queden agujeros.

Danielle 09.08.2019 - 10:20:

Ich stricke mir jetzt zum 2. Mal diesen Pullover (andere Farbe und anderes Material) und das wird vermutlich nicht das letzte Mal sein. Ein toller Pullover, ein wunderschönes Muster, abwechslungsreich, aber nicht zu sehr, entspannt, aber nicht langweilig - perfekt!

Thytia 02.06.2019 - 18:50:

Bonjour, J'ai terminé les augmentations de raglan et je bloque sur le "tricoter 32 mailles endroit, les 6 mailles suivantes comme avant" comme avant c'est à dire ?

DROPS Design 03.06.2019 kl. 10:25:

Bonjour Thytia, les 32 premières mailles endroit correspondent au demi-dos, soit les 8 m du début + les 24 augmentations, vous tricotez ensuite les 6 mailles suivantes comme avant = comme les 6 premières m de A.1, glissez les 69 m suivantes en attente, montez 8 m tricotez 2 m end, 2 m env et les 6 m suivantes comme avant (continuez A.2) et ainsi de suite. Bon tricot!

Claire 06.05.2019 - 03:12:

Je ne comprends pas le A3. Sur les 4 mailles du centre, rang 1, il y a une diminution et un surjet simple, au deuxième rang, on retrouve encore 4 mailles, pouvez-vous m’expliquer. Je vous remercie à l’avance.

DROPS Design 06.05.2019 kl. 08:15:

Bonjour Claire, dans A3 (au debut), vous avez 4 mailles diminuees au premier rang et 4 mailles augmentes (4 jetes). Le nombre total de mailles reste le meme. Bon tricot!

Kari Holth 17.04.2019 - 14:36:

Hei, jeg anser meg for å være en meget erfaren strikker. Men her har det dukket opp et mysterium i A3. De to midterste maskene under ermet skal jo tas sammen hver sin vei. Hvordan kan de på rad 2 bli til 4 masker igjen? Mvh Kari Holth

DROPS Design 25.04.2019 kl. 11:47:

Hei Kari. Det økes på yttersiden av vrangmaskene - de sorte ovalene. Derfor forblir maskeantallet det samme. Disse kastene tilsvarer altså de fellingene du gjør midt i diagrammet. God fornøyelse

M. Santina 25.02.2019 - 19:33:

Lavorato tutto lo sprone ok. Sospeso le maniche, avviato 8 m. Sottomanica sto x lavorare il corpo col diagramma n 3....al secondo giro non mi trovo più. Sono andata in tilt o c è un qualcosa che non va.... Mi potete aiutare grazie... È così bello lo sprone... Mi dispiace non proseguire. Grazie

DROPS Design 26.02.2019 kl. 09:17:

Buongiorno M. Santina. Il diagramma si lavora su 28 m. Il numero delle maglie non cambia; ogni diminuzione è compensata da una maglia gettata. I pallini neri sono gettate che al giro successivo lavora ritorte per evitare il buco; i pallini vuoti sono gettate che lavora a diritto per formare un buco. Può esserle utile inserire un segnapunti per individuarle meglio le 28 maglie del motivo. Segua poi le indicazioni riportate nella legenda per creare correttamente il motivo. Ci riscriva se ancora in difficoltà. Buon lavoro!

Lara 11.02.2019 - 09:00:

Buongiorno, nello SPRONE verso la metà dite "...lavorare le 6 maglie successive con il motivo come prima..", non capisco a quale motivo fa rifermento. Nel CORPO invece, quando inizio con lo schema A3,? Grazie in anticipo!

DROPS Design 11.02.2019 kl. 09:24:

Buongiorno Lara. Deve lavorare le 6 m come le ha lavorate in precedenza, seguendo il diagramma (limitatamente alle 6 m). Lavora il diagramma A3 a partire dal giro successivo a quello in cui ha messo in attesa sui fermamaglie le maglie delle maniche. Buon lavoro!

Skrifaðu athugasemd um DROPS 188-19

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.