DROPS / 166 / 29

Twist & Shout by DROPS Design

Prjónaðar og þæfðar tátiljur með kögri úr DROPS Eskimo. Stærð 35-44.

Leitarorð: tátiljur, þæft,
DROPS Design: Mynstur nr ee-546
Garnflokkur E eða C + C
----------------------------------------------------------
Stærð: 35/37 - 38/39 - 40/42 - 42/44
Lengd fótar eftir þæfingu: ca 22 - 24 - 26 - 28 cm
Hæð á tátilju eftir þæfingu: ca 19 cm í allar stærðir.
Efni:
DROPS ESKIMO frá Garnstudio
250-250-300-300 gr litur nr 47, ljós beige

DROPS PRJÓNAR NR 9 – eða þá stærð sem þarf til að 10 l og 14 umf með sléttprjóni verði 10 x 10 cm fyrir þæfingu (ca 13 l x 26 umf með sléttprjóni 10 x 10 cm eftir þæfingu).
DROPS HEKLUNÁL NR 7 – fyrir lykkjur.
FYLGIHLUTIR: Nylon sokkur fyrir þæfingu.
----------------------------------------------------------

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!

Ertu ekki viss hvaða stærð þú þarft? Þá hjálpar það kannski að fyrirsætan á myndinni er ca 170 cm á hæð og notar stærð S eða M. Ef þú gerir peysu, jakkapeysu, kjól eða álíka þá getur þú fundið teikningu með máli neðst í mynstri.

100% Ull
frá 550.00 kr /50g
DROPS Eskimo uni colour DROPS Eskimo uni colour 550.00 kr /50g
Gallery Spuni
Panta
DROPS Eskimo mix DROPS Eskimo mix 638.00 kr /50g
Gallery Spuni
Panta
DROPS Eskimo print DROPS Eskimo print 682.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 2750kr. Sjá hér.

Leiðbeiningar um mynstur

UPPHÆKKUN Á ÖKKLA:
Frá réttu: * Prjónið 6-6-7-7 l, snúið við – LESIÐ LEIÐBEININGAR og prjónið 6-6-7-7 l til baka. Prjónið 10-10-12-12 l, snúið við og prjónið 10-10-12-12 l til baka. Prjónið 6-6-7-7 l, snúið við og prjónið 6-6-7-7 l til baka *. Prjónið 1 umf yfir allar l, endurtakið frá *-* á gagnstæðri hlið með byrjun frá röngu. Prjónið síðan 1 umf til baka frá röngu yfir allar l.

LEIÐBEININGAR:
Í hvert skipti sem snúið er við mitt í umf þá er fyrsta l tekin óprjónuð. Herðið á þræði og prjónið áfram eins og áður. Það kemur til með að myndast gat í stykkinu en það hverfur við þæfingu.

LEIÐBEININGAR UM KÖGUR:
Svo að kögrið hangi fallega verður að bleyta það aðeins, hrista það til og þurrka áður en það er hnýtt.
----------------------------------------------------------

TÁTILJA:
Tátiljan er prjónuð fram og til baka. Byrjað er efst á fæti og endað á tá.
Fitjið upp 38-42-44-44 l á prjóna nr 9 með Eskimo. Prjónið 1 umf sl frá röngu (1. umf = frá röngu), 7 umf sléttprjón, 1 umf sl frá röngu (það eru heklaðar lykkjur í þessari umf síðar). ATHUGIÐ PRJÓNFESTUNA! Prjónið síðan stykkið í sléttprjóni til loka. Prjónið þannig (næsta umf = frá réttu): 2 l slétt saman, 34-38-40-40 l sl, 2 l slétt saman = 36-40-42-42 l. Næsta umf er prjónuð þannig (= frá röngu): 2 l br saman, 32-36-38-38 l br, 2 l br saman = 34-38-40-40 l. Næsta umf er prjónuð þannig (= frá réttu): Prjónið UPPHÆKKUN Á ÖKKLA yfir síðustu l á hvorri hlið – sjá útskýringu að ofan!
Prjónið 6 umf sléttprjón yfir allar l, JAFNFRAMT í 1. umf er fækkað um 4-4-4-2 l jafnt yfir = 30-34-36-38.
AUKIÐ ÚT FYRIR HÆL ÞANNIG:
Frá réttu: * Prjónið 10-10-11-12 l, snúið við og prjónið 9-9-10-11 l til baka, prjónið 2 l í síðustu l í umf. Prjónið 6-6-7-7 l, snúið við og prjónið 5-5-6-6 l til baka, prjónið 2 l í síðustu l í umf. Prjónið 1 umf yfir allar l *, endurtakið frá *-* í gagnstæðri hlið, með byrjun frá röngu. Endurtakið frá *-* 2 sinnum til viðbótar í hvorri hlið (= alls 3 sinnum á hvorri hlið) = 42-46-48-50 l.
FÆKKIÐ LYKKJUM AF FYRIR HÆL ÞANNIG:
Frá réttu: * Prjónið 10-10-11-12 l, snúið við og prjónið 8-8-9-10 l til baka, prjónið 2 síðustu l saman. Prjónið 6-6-7-7 l, snúið við og prjónið 4-4-5-5 l til baka, prjónið 2 síðustu l saman. Prjónið 1 umf yfir allar l *, endurtakið frá *-* í gangstæðri hlið, með byrjun frá röngu. Endurtakið frá *-* 2 sinnum til viðbótar í hvorri hlið (= alls 3 sinnum á hvorri hlið) = 30-34-36-38 l.
PRJÓNIÐ NÚ FÓT ÞANNIG:
Setjið 1 prjónamerki í síðustu l í annarri hliðinni, STYKKIÐ ER NÚ MÆLT HÉÐAN. Fækkið nú lykkjum frá réttu ofan á fæti þannig: Prjónið 8-8-9-10 l, prjónið næstu 2 l slétt saman, prjónið þar til 10-10-11-12 l eru eftir, prjónið næstu 2 l slétt saman, prjónið út umf, endurtakið úrtöku í hverri umf frá réttu alls 3-3-4-4 sinnum = 24-28-28-30 l. Prjónið sléttprjón án úrtöku þar til stykkið mælist ca 18-21-25-29 cm, mælt frá prjónamerki.
FÆKKIÐ LYKKJUM FYRIR TÁ ÞANNIG:
Fækkið um 3-4-4-4 l jafnt yfir í næstu umf frá réttu, endurtakið úrtöku í hverri umf frá réttu alls 4-4-4-4 sinnum = 12-12-12-14 l á prjóni. Í næstu umf frá réttu eru allar l prjónaðar slétt saman 2 og 2 = 6-6-6-7 l.
Klippið frá og þræðið þráðinn í gegnum þær l sem eftir eru, herðið að og festið vel.

LYKKJUR:
Heklið lykkjur til að festa kögrið í. Heklið í br l (þ.e.a.s. 9. umf frá uppfitjunarkanti). Heklið með heklunál nr 7 með Eskimo frá réttu þannig: Heklið 1 fl í fyrstu l, * 2 ll (= lykkja), hoppið yfir 1 l, 1 fl í næstu br l *, endurtakið frá *-* út umf. Klippið frá og festið enda.

FRÁGANGUR:
Saumið saman við miðju undir fæti og upp að uppfitjunarkanti, saumið kant í kant yst í lykkjubogann svo að saumurinn verði ekki of þykkur.
Prjónið aðra tátilju alveg eins.

ÞÆFING:
Klippið annan sokkinn af nylon sokkabuxunum í tvennt (á lengdina). Þræðið sokknum upp og niður í gegnum lykkjurnar svo að þær þæfist ekki saman, hnýtið síðan endana saman á sokknum. Leggið tátiljurnar í þvottavélina með þvottaefni án enzyma og bleikiefna. Þvoið við 40 gráður með venjulegri vindingu án forþvottar. Eftir þvott eru tátiljurnar formaðar til í rétt form á meðan þær eru enn rakar. Síðar eru þær þvegnar eins og venjuleg ullarflík.

KÖGUR:
Setjið 1 kögur í hverja lykkju eftir þæfingu – LESIÐ LEIÐBEININGAR UM KÖGUR. 1 kögur = Klippið 2 þræði ca 20 cm. Leggið þræðina saman tvöfalda þannig að það myndist lykkja, þræðið lykkjurnar í gegnum lykkjurnar á tátiljunni og dragið endana í gegnum lykkjurnar á kögri. Klippið kögrið til þannig að það verði ca 7 cm langt.

Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS 166-29) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (21)

Mari 09.03.2020 - 18:47:

Hei! Jeg skulle gjerne visst hvor mange cm tøffelen skal måle før toving i de respektive størrelsene. Altså fra hæl til tå. Jeg skal nemlig prøve å lage en str. større, og trenger det for sammenlikningens skyld.

DROPS Design 10.03.2020 kl. 10:55:

Hej Mari, du kan bruge målene til de store størrelser her: House Elves God fornøjelse!

Nima Francine Guenin 20.12.2019 - 13:22:

Hallo, ich habe ein Paar gestrickt und gefilzt. Die Maschenprobe stimmte. Nach dem Filzen ist der Hausschuh eher ein grosses 42, ich brauche jedoch ein 40-41...habe die Angaben 40/42 gestrickt. Frage: kann ich den Hauschuh noch ein zweites Mal filzen oder riskiere ich da, dass er zu klein wird? Vielen Dank im voraus Nima

DROPS Design 20.12.2019 kl. 16:25:

Liebe Frau Guenin, hier lesen Sie mehr über Filzen - gerne wird Ihnen Ihr DROPS Laden noch weiterhelfen - auch telefonisch oder per E-Mail. Viel Spaß beim stricken!

Annette Westerberg 14.10.2019 - 21:17:

Hej! Jag undrar om det står rätt antal maskor i början då man stickar ihop maskor. Tycker inte jag får det att stämma vilket påverkar resten av mönstret. Det hoppar från 34 till 36 till 32 till 34 även om man ska sticka ihop två m för varje gång. Ska jag låta bli att titta på antalet maskor och bara följa det som står i texten? Kommer det då att stämma på slutet? Tack på förhand. MVh Annette

DROPS Design 16.10.2019 kl. 15:12:

Hej Annette, du börjar med 38, minskar 1 i varje sida = 36, minskar 1 i varje sida igen = 34, sedan minskas det 4 maskor jämt fördelat. ... Lycka till :)

Jan 06.11.2018 - 19:08:

How many stitches are cast on

DROPS Design 06.11.2018 kl. 21:04:

Dear Jan! You have to cast on 38-42-44-44 sts, choose the number according to your size (ex. in size 35/37 you have to cast on 38 sts). Happy knitting!

Linda Haverkamp 03.11.2018 - 19:59:

Pattern states: "Then work in stocking st until finished measurements." What is the finished measurement before continuing with the ankle elevation?

DROPS Design 05.11.2018 kl. 09:12:

Dear Mrs Haverkamp, you work now in stocking stitch until the slipper has been completed, ie to the end of the slipper. Happy knitting!

Aksoy 17.03.2018 - 14:00:

Kann man die Hausschuhe nicht wie "normale" Socken stricken und dann filzen.?

DROPS Design 19.03.2018 kl. 09:31:

Liebe Frau Aksoy, dafür haben wir keine Erfahrung, am besten folgen Sie die Anleitung dieser Hausschuhen wie sie erklärt wurde. Leider können wir keine individuellen Umrechnungen vornehmen, wenden Sie sich mit diesem Wunsch bitte an den Laden, in dem Sie die Wolle kaufen. Vielen Dank für Ihr Verständnis.

Irena 20.10.2017 - 12:39:

Czy przerabiając piętę, również należy po przerobieniu pierwszych oczek i obróceniu pierwsze oczko zdjąć z drutu i zacisnąć nitkę (jak wg WSKAZÓWKI przy robieniu kostki)?

DROPS Design 20.10.2017 kl. 18:01:

Witaj Ireno, dokładnie tak: zawsze gdy zawracamy w środku rzędu, zdjąć 1-sze o., zacisnąć nitkę i dalej przer. jak wcześniej. Może pojawić się dziurka, która zniknie po filcowaniu. Miłej pracy!

Heidi Breinlinger 21.08.2017 - 16:23:

Ich habe Grösse 40/42 gestrickt (brauche Grösse 37). Nach dem Waschen habe ich eine Fusslänge von 20 cm!

DROPS Design 29.08.2017 kl. 12:10:

Liebe Frau Breinlinger, hatten Sie die richtige Maschenprobe? Gerne können Sie Ihre Erfahrung Ihrem DROPS Laden mitteilen.

Jenny 13.11.2016 - 11:56:

Hvorfor er den kategoriserer under hækling? Det gør det sværere at finde den igen

DROPS Design 14.11.2016 kl. 14:32:

Hej Jenny. Der var en lille fejl i vores side her, men vi arbejder paa sagen, saa det burde vaere löst indenfor et par dage :)

Jenny 15.10.2016 - 08:42:

Hei! Ohjeessa lukee, että "neulo sitten sileää neuletta lopulliseen mittaan asti", mikä tämä lopullinen mitta on? :) Kiitos vastauksestanne jo etukäteen!

DROPS Design 18.10.2016 kl. 16:03:

Neulot sileää neuletta, kunnes tohveli on valmis. Tohvelin mitat huovutuksen jälkeen ovat seuraavat: Jalkapohjan pituus: 22-24-26-28 cm ja tohvelin korkeus: n. 19 cm.

Skrifaðu athugasemd um DROPS 166-29

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.