DROPS Super Sale - 30% AFSLÁTTUR á 6 garntegundum í allan júní!

Hvernig á að prjóna kant í hálsmáli í DROPS 187-14

Video thumbnail for Hvernig á að prjóna kant í hálsmáli í DROPS 187-14
Í þessu DROPS myndbandi sýnum við hvernig við prjónum kant í hálsmáli eftir mynsturteikningu A.4 í Adele peysunni í DROPS 187-14. Við höfum nú þegar prjónað 4 umferðir garðaprjón, 1 umferð slétt og 3 umferðir í mynsturteikningu A.4. Við byrjum í umferð 4 í mynsturteikningu = umferð með 2 lykkjur slétt saman og sláum 1 sinni uppá prjóninn (uppslátturinn er prjónaður slétt í næstu umferð svo það myndist gat). Þegar umferð 7 hefur verið prjónuð til loka, prjónið 1 umferð slétt, áður en fellt er af þannig: Fellið af með sléttum lykkjum, en á undan 4 hverri lykkju er slegið 1 sinni uppá prjóninn. Uppslátturinn er felldur af eins og lykkja.
Eftir þetta brjótum við stykkið saman við gataumferð í A.4 þannig að stykkið með uppábroti kemur innan við kantinn. Saumið affellingarkantinn við efstu umferð með garðaprjóni.
Þessi peysa er prjónuð úr DROPS Belle, en í myndbandinu notum við grófara garn: DROPS Snow.
Fylgja þarf uppskrift með þessari aðferð til þess að geta fylgt myndbandinu eftir.
Þú finnur mynstrið með því að smella á myndina að neðan.

Mynstur þar sem þessi aðferð er notuð

DROPS 187-14

DROPS 187-14
Annað tungumál:

Myndband #1300, skráð í: Lærðu að prjóna, Mynstur kennslumyndbönd, Áferðaprjón, Prjónaðir kantar, Dömur, affellingarkantur, Prjónamynstur, Peysur & jakkapeysur

Myndböndin okkar hafa ekkert hljóð. Við erum alþjóðlegt fyrirtæki og fólk sem skoðar myndböndin okkar talar mörg mismunandi tungumál og margir skilja ekki ensku. Þar sem það er ekkert gefið tungumál fyrir okkur að nota, höfum við í staðinn skrifaðar leiðbeiningar fyrir myndböndin og ekkert hljóð sem truflar þegar þú horfir.

Þú getur breytt hraðanum á þessu myndbandi með því að smella á táknið á spilastikunni.

Country flag Veronique skrifaði:

Waar kan ik mijn huidige projecten vinden. Waar ik foto's op heb bewaard

30.05.2018 - 15:09

DROPS Design :

Dag Veronique, Deze vind je door helemaal rechts boven aan op de link 'Jouw favorieten' (of het hartje) te klikken.

08.06.2018 - 10:21

Radwa skrifaði:

Thank you ❤️ This is a very useful and clear tutorial 👍

11.05.2018 - 15:03

Skrifaðu athugasemdir eða spurningar fyrir þetta myndband

Netfangið þitt verður ekki birt. Það verður að merkja við svæði merktri með *.

Þú gætir líka haft gaman af...

Video thumbnail for Hvernig á að prjóna upp lykkjur fyrir ermi með klauf fyrir handveg
10:08
Hvernig á að prjóna upp lykkjur fyrir ermi með klauf fyrir handveg

Í þessu DROPS myndbandi sýnum við hvernig við prjónum upp lykkjur fyrir ermi með klauf fyrir handveg. Fyrst sýnum við hvernig við prjónum upp lykkjur með með heklunál og setjum lykkjurnar á prjón. Næst sýnum við hvernig við prjónum upp lykkjur með prjóni. Byrjið neðst í handvegi (ekki mitt undir ermi) og prjónið upp lykkjufjöldann sem tilgreindur er í uppskriftinni sem þú prjónar eftir hinni hlið handvegsins. Lykkjur eru prjónaðar upp innan við 1 lykkju, þessi lykkja er oft prjónuð í garðaprjóni. Snúið og prjónið til baka, prjónið svona fram og til baka að því máli sem kemur fram í uppskriftinni sem þú ert að prjóna eftir, prjónaðu hugsanlega stuttar umferðir til að flíkin komi til með að passa betur. Síðan er stykkið sett saman, síðan prjónað í hring (sjá mynstur sem þú prjónar fyrir lengd, úrtöku og stroff). Í myndbandinu prjónum við aðeins 6-7 cm af erminni. Saumið saman opið undir erminni. Við notum andstæða lit í þessu myndbandi við þegar við saumum saman. Við notum garnið DROPS Air í myndbandinu. Þessa tækni er hægt að nota í nokkrum uppskriftum - þú getur fundið uppskriftir með því að smella á myndirnar hér að neðan:
Video thumbnail for Hvernig á að prjóna peysu í DROPS 248-5 - Hluti 4
8:39
Hvernig á að prjóna peysu í DROPS 248-5 - Hluti 4

Í þessu DROPS myndbandi sýnum við aðeins hvernig ermi í Sand Diamond Cardigan er prjónuð. Við notum lykkjufjöldann fyrir stærð M. Lesið í uppskriftinni hversu margar lykkjur þarf að prjóna upp undir ermi í handvegi, hvort og hversu oft á að fækka lykkjum, skipting um grófleika á prjóni og lengd á stroffi. Saumið tölur í. Kantur að framan af hvoru framstykkinu er saumaður saman = mitt að aftan, saumið síðan kantinn við lykkjurnar í kringum hálsmál, herðið aðeins á kantinum þegar saumað er niður. Þessi peysa er prjónuð úr DROPS Daisy, en í myndbandinu notum við DROPS Cotton Merino í lit nr 30. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan. Þú finnur einnig fleiri myndbönd fyrir þessa peysu að neðan.
Video thumbnail for Hvernig á að prjóna peysu í DROPS 248-5 - Hluti 3
12:49
Hvernig á að prjóna peysu í DROPS 248-5 - Hluti 3

Í þessu DROPS myndbandi sýnum við aðeins hvernig Sand Diamond Cardigan er prjónuð. Við notum lykkjufjöldann fyrir stærð M. Við höfum nú þegar prjónað kanta að framan með i-cord kanti, prjónað smá af mynsturteikningu A.1, A.2, A.3 og A.4 (sjá myndband Hluti 1) og prjónað berustykkið fram að skiptingu fyrir fram- og bakstykki og ermar (sjá myndband Hluti 2). Við byrjum myndbandið á að prjóna umferðina þar sem við skiptum stykkinu fyrir fram- og bakstykki og ermar (frá réttu). Lesið SKIPTING FYRIR FRAM- OG BAKSTYKKI OG ERMAR – ALLAR STÆRÐIR í uppskriftinni. Í stærð M á að vera 235 lykkjur fyrir fram- og bakstykki og 56 lykkjur fyrir hvora ermi. Eftir það er prjónað frá röngu og prjónað er eftir 2. umferð í mynsturteikningu þannig: * Prjónið 7 kantlykkjur að framan eins og áður, A.6, A.3 þar til 12 lykkjur eru eftir, prjónið A.5 og 7 kantlykkjur að framan eins og áður. Prjónið mynsturteikningu 1 sinni á hæðina. Eftir það eru 7 kantlykkjur að framan prjónaðar eins og áður, prjónið A.7, A.3 þar til 18 lykkjur eru eftir, prjónið A.8 og 7 kantlykkjur að framan eins og áður. Prjónið mynsturteikningu 1 sinni á hæðina *. Prjónið frá *-* að uppgefnu máli í uppskrift, stillið af eftir heila mynstureiningu af A.3 á hæðina. Munið eftir HNAPPAGAT. Skiptið um grófleika á prjóni, prjónið stroff og aukið út lykkjur, áfram eru 7 kantlykkjur prjónaðar í hvorri hlið eins og áður, lesið uppskrift. Þessi peysa er prjónuð úr DROPS Daisy, en í myndbandinu notum við DROPS Cotton Merino í lit nr 30. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan. Þú finnur einnig fleiri myndbönd fyrir þessa peysu að neðan.
Video thumbnail for Hvernig á að prjóna peysu í DROPS 248-5 - Hluti 2
13:30
Hvernig á að prjóna peysu í DROPS 248-5 - Hluti 2

Í þessu DROPS myndbandi sýnum við aðeins hvernig Sand Diamond Cardigan er prjónuð. Við notum lykkjufjöldann fyrir stærð M. Við höfum nú þegar prjónað kanta að framan með i-cord kanti, prjónað 24 umferðir í mynsturteikningu A.1 og prjónað mynsturteikningu A.2, A.3 og A.4 2 sinnum á hæðina (sjá myndband hluti-1). Þegar A.2, A.3 og A.4 hefur verið prjónað 2 sinnum á hæðina eru prjónaðar að auki 2 mynstureiningar af A.3 á milli A.2 og A.4 (= 4 mynstureiningar af A.3). Þegar A.1 hefur verið prjónað 1 sinni á hæðina hefur útaukning við miðju að framan verið prjónuð til loka, nema í stærð S en þar á að auka út fyrir laskalínu í hvert skipti í skiptingunni á milli fram- og bakstykkis og erma. Lestu að neðan BERUSTYKKI undir þeirri stærð sem þú prjónar og hvernig þú prjónar næstu umferð (við notum prjónamerki á milli mynstureininga til að fá betri yfirsýn). Mundu eftir HNAPPAGAT. Þegar A.2, A.3 og A.4 hefur verið prjónað 1 sinni á hæðina hefur öll útaukning verið gerð til loka og það eru núna 317 lykkjur á prjóni og stykkið mælist ca 27 cm frá öxl (stærð M). Þessi peysa er prjónuð úr DROPS Daisy, en í myndbandinu notum við DROPS Cotton Merino í lit nr 30. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan. Þú finnur einnig fleiri myndbönd fyrir þessa peysu að neðan.
Video thumbnail for Hvernig á að prjóna peysu í DROPS 248-5 - Hluti 1
14:08
Hvernig á að prjóna peysu í DROPS 248-5 - Hluti 1

Í þessu DROPS myndbandi sýnum við aðeins hvernig Sand Diamond Cardigan er prjónuð. Við notum lykkjufjöldann fyrir stærð M. Við höfum nú þegar prjónað kanta að framan með úrtöku og i-cord kanti og byrjum myndbandið á því að fitja upp lykkjur á milli hægri og vinstri kanti að framan (grænu merkin sýna úrtöku í hvorum kanti að framan). Síðan er prjónuð 1 umferð brugðið frá röngu, en á meðan 7 kantlykkjur að framan í hvorri hlið eru prjónaðar eins og áður. Í næstu umferð er kanturinn að framan prjónaður eins og áður, prjónað er í garðaprjóni, sléttprjóni og samkvæmt mynsturteikningu ásamt því að auka út fyrir laskalínu, lestu að neðan BERUSTYKKI í mynstri (við notum prjónamerki á milli mynstureininga til að fá betri yfirsýn). Þegar A.2, A.3 og A.4 hefur verið prjónað 1 sinni á hæðina er prjónuð 1 mynstureining fleiri af A.3 á milli A.2 og A.4 (= 4 mynstureiningar af A.3). Þessi peysa er prjónuð úr DROPS Daisy, en í myndbandinu notum við DROPS Cotton Merino í lit nr 30. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan. Þú finnur einnig fleiri myndbönd fyrir þessa peysu að neðan.
Video thumbnail for Hvernig á að prjóna kaðlamynstur samkvæmt mynsturteikningu og pífukant
13:47
Hvernig á að prjóna kaðlamynstur samkvæmt mynsturteikningu og pífukant

Í þessu DROPS myndbandi sýnum við hvernig við prjónum einfaldan kaðal samkvæmt mynsturteikningu og hvernig við endum með pífukanti. Bæði kaðallinn og pífukanturinn er í peysunni «Pearlescent Top» í DROPS 230-25. Við höfum nú þegar prjónað mynsturteikningu A.2 3 sinnum á hæðina og sýnum í myndbandinu hvernig mynsturteikningin er prjónuð 1 sinni á hæðina. Við sýnum byrjun og lok á hverri umferð. Eftir það prjónum við samkvæmt mynsturteikningu A.3, hvernig við aukum út lykkjur fyrir kanti með pífu. Þessi peysa er prjónuð úr DROPS Alpaca og DROPS Kid-Silk, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.