DROPS Big Merino
DROPS Big Merino
100% Ull
frá 924.00 kr /50g
Þú færð garn sem þarf í að gera þetta mynstur frá 11088.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Dripping Diamonds

Prjónuð peysa með laskalínu úr DROPS Big Merino. Stykkið er prjónað ofan frá og niður með gatamynstri. Stærð S - XXXL.

DROPS 210-13
DROPS Design: Mynstur mb-059
Garnflokkur C eða A + A
-------------------------------------------------------

STÆRÐ:
S - M - L - XL - XXL - XXXL

EFNI:
DROPS BIG MERINO frá Garnstudio (tilheyrir garnflokki C)
600-600-700-750-800-900 g litur 01, natur

PRJÓNFESTA:
17 lykkjur á breidd og 22 umferðir á hæð með sléttprjóni = 10 x 10 cm.

PRJÓNAR:
DROPS SOKKAPRJÓNAR NR 5.
DROPS HRINGPRJÓNAR NR 5: lengd 40 cm, 60 cm og 80 cm fyrir sléttprjón.
DROPS SOKKAPRJÓNAR NR 4,5.
DROPS HRINGPRJÓNAR NR 4,5: lengd 40 cm og 80 cm fyrir kanta með garðaprjóni.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Big Merino
DROPS Big Merino
100% Ull
frá 924.00 kr /50g
Þú færð garn sem þarf í að gera þetta mynstur frá 11088.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------<br />
UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað í hring):
*1 umferð slétt og 1 umferð brugðið*, endurtakið frá *-*.

MYNSTUR:
Sjá mynsturteikningu A.1 til A.4. Mynsturteikning sýnir allar umferðir í mynstri séð frá réttu.

ÚTAUKNING-1 (jafnt yfir):
Til þess að reikna út hvernig auka eigi jafnt út, teljið fjölda lykkja í umferð (t.d. 78 lykkjur) og deilið lykkjum með fjölda útaukninga sem á að gera (t.d. 8) = 9,75.
Í þessu dæmi er aukið út með því að slá 1 sinni uppá prjóninn á eftir ca 10. hverja lykkju. Í næstu umferð er uppslátturinn prjónaður snúinn slétt svo ekki myndist gat.

ÚTAUKNING-2 (á við um hliðar á fram- og bakstykki):
Öll útaukning er gerð frá réttu!
Prjónið þar til 2 lykkjur eru eftir á undan prjónamerki, sláið 1 sinni uppá prjóninn, prjónið 4 lykkjur slétt (prjónamerki er staðsett mitt á milli þessa lykkja), sláið 1 sinni uppá prjóninn. Í næstu umferð eru uppslættirnir prjónaðir snúnir slétt svo ekki myndist gat. Prjónið síðan nýjar lykkjur í sléttprjóni.

ÚRTAKA (á við um ermi):
Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa lykkja), takið 1 lykkju óprjónaða eins og prjóna eigi slétt, 1 lykkja slétt, steypið óprjónuðu lykkjunni yfir lykkjuna sem var prjónuð.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Kantur í hálsmáli. berustykki og fram- og bakstykki er prjónað í hring á hringprjón. Byrjun á umferð er í skiptingunni á milli vinstri axlar og bakstykkis. Ermar eru prjónaðar í hring á sokkaprjóna/stuttan hringprjón, ofan frá og niður.

KANTUR Í HÁLSMÁLI:
Fitjið upp 80-80-80-88-88-88 lykkjur á hringprjón 4,5 með Big Merino. Prjónið 1 umferð slétt, prjónið síðan stroff 2 lykkjur slétt, 2 lykkjur brugðið. Þegar stykkið mælist 3 cm, prjónið 2 umferðir GARÐAPRJÓN yfir allar lykkjur – sjá útskýringu að ofan. Prjónið 1 umferð slétt þar sem aukið er út um 6-6-6-18-18-18 lykkjur jafnt yfir – sjá ÚTAUKNING-1 = 86-86-86-106-106-106 lykkjur. Skiptið yfir á hringprjón 5.

BERUSTYKKI:
Prjónið þannig: A.1 A (= 5 lykkjur), A.1 B yfir næstu 20-20-20-30-30-30 lykkjurnar ( = 2-2-2-3-3-3 mynstureiningar með 10 lykkjum), A.1 C (= 6 lykkjur), 2 lykkjur sléttprjón (= laskalína), sláið 1 sinni uppá prjóninn, 8 lykkjur sléttprjón (= ermi), sláið 1 sinni uppá prjóninn, 2 lykkjur sléttprjón (= laskalína), A.1 A, A.1 B yfir næstu 20-20-20-30-30-30 lykkjurnar, A.1 C, 2 lykkjur sléttprjón (= laskalína), sláið 1 sinni uppá prjóninn, 8 lykkjur sléttprjón (= ermi), sláið 1 sinni uppá prjóninn, 2 lykkjur sléttprjón (= laskalína) = 8 lykkjur fleiri. Nú eru 94-94-94-114-114-114 lykkjur í umferð.

Haldið áfram með þetta mynstur. Á fram- og bakstykki er aukið út í hvorri hlið eins og útskýrt er í A.1, á ermum er aukið út með uppslætti hvoru megin við lykkjur á ermi (laskalína = alltaf 2 lykkjur). Aukið svona út í annarri hverri umferð. Í næstu umferð er uppslátturinn prjónaður slétt svo að það myndist gat. Útauknar lykkjur eru prjónaðar í sléttprjóni á ermum. Á fram- og bakstykki eru lykkjurnar prjónaðar jafnóðum inn í mynstur eins og útskýrt er í A.1.
ATHUGIÐ PRJÓNFESTUNA!
Þegar A.1 hefur verið prjónað 1 sinni á hæðina, eru 166-166-166-186-186-186 lykkjur í umferð. Haldið svona áfram með mynstur, þ.e.a.s. mynstrið endurtekur sig eins og útskýrt er í A.1. Í hvert skipti sem prjónaðar hafa verið 20 umferðir á hæðina, er pláss fyrir 2 einingar fleiri í A.1 B á breiddina á bakstykki/framstykki.
Þegar aukið hefur verið út alls 22-22-27-27-27-32 sinnum hvoru megin við A.1, eru 262-262-302-322-322-362 lykkjur í umferð og stykkið mælist ca 24-24-28-28-28-33 cm frá kanti í hálsmáli.

Næsta umferð er prjónuð þannig: Prjónið 75-75-85-95-95-105 lykkjur eins og áður (= bakstykki), setjið næstu 56-56-66-66-66-76 lykkjur á þráð fyrir ermi, fitjið upp 6-8-8-8-12-14 nýjar lykkjur á prjóninn (= í hlið undir ermi), prjónið næstu 75-75-85-95-95-105 lykkjur eins og áður (= framstykki), setjið næstu 56-56-66-66-66-76 lykkjur á þráð fyrir ermi, fitjið upp 6-8-8-8-12-14 nýjar lykkjur á prjóninn (= í hlið undir ermi). Fram- og bakstykki og ermar er síðan prjónað hvert fyrir sig. HÉÐAN ER NÚ MÆLT!

FRAM- OG BAKSTYKKI:
= 162-166-186-206-214-238 lykkjur. Setjið 1 prjónamerki í hvora hlið, mitt í 6-8-8-8-12-14 lykkjur sem fitjaðar voru upp undir hvorri ermi. Látið prjónamerkin fylgja með í stykkinu, það á að nota þau síðar þegar auka á út.
Fyrsta umferðin er prjónuð þannig með byrjun 3-4-4-4-6-7 lykkjur á eftir prjónamerki (byrjið í umferð merktri með ör í hverri mynsturteikningu): A.2 (= 7 lykkjur), prjónið A.3 yfir næstu 60-60-70-80-80-90 lykkjurnar (= 6-6-7-8-8-9 mynstureining með 10 lykkjum), A.4 (= 8 lykkjur), prjónið 6-8-8-8-12-14 lykkjur sléttprjón (prjónamerki situr mitt á milli þessa 6-8-8-8-12-14 lykkja), A.2 (= 7 lykkjur), prjónið A.3 yfir næstu 60-60-70-80-80-90 lykkjur (= 6-6-7-8-8-9 mynstureiningar með 10 lykkjum), A.4 (= 8 lykkjur), prjónið 6-8-8-8-12-14 lykkjur sléttprjón (prjónamerki situr mitt á milli þessa 6-8-8-8-12-14 lykkja).

Haldið svona áfram með mynstur, A.2, A.3 og A.4 er endurtekið á hæðina. Þegar stykkið mælist 5 cm frá skiptingu, aukið út um 1 lykkju hvoru megin við bæði prjónamerkin – sjá ÚTAUKNING-2 = 4 lykkjur fleiri. Aukið svona út með 7 cm millibili alls 4 sinnum = 178-182-202-222-230-254 lykkjur. Prjónið áfram þar til stykkið mælist ca 29-31-29-31-33-31 cm frá skiptingu. Skiptið yfir á hringprjón 4,5. Prjónið 4 umferðir garðaprjón. Skiptið til baka yfir á hringprjón 5. Fellið af. Peysan mælist ca 58-60-62-64-66-68 cm frá öxl og niður.

ERMI:
Setjið 56-56-66-66-66-76 lykkjur frá þræði í annarri hlið á stykki á stuttan hringprjón/sokkaprjóna 5 og prjónið að auki upp 1 lykkju í hverja af 6-8-8-8-12-14 lykkjum sem fitjaðar voru upp undir ermi = 62-64-74-74-78-90 lykkjur. Setjið 1 prjónamerki mitt í 6-8-8-8-12-14 lykkjur undir ermi – látið prjónamerkið fylgja með í stykkinu, það á að nota það síðar þegar fækka á lykkjum. Byrjið umferð við prjónamerki og prjónið sléttprjón hringinn. Þegar stykkið mælist 3 cm frá skiptingu, fækkið um 2 lykkjur mitt undir ermi – sjá ÚRTAKA. Fækkið lykkjum með 2 ½-2 ½-2-1½.-1½-1 cm millibili alls 12-12-16-16-17-22 sinnum = 38-40-42-42-44-46 lykkjur. Prjónið áfram þar til stykkið mælist ca 32-33-30-28-29-26 cm frá skiptingu (styttra mál í stærri stærðum vegna lengra berustykkis). Skiptið yfir á sokkaprjóna 4,5.
Prjónið 1 umferð slétt þar sem lykkjufjöldinn er jafnaður til 40-40-44-44-44-48 lykkjur. Prjónið 1 umferð brugðið. Prjónið stroff hringinn með 2 lykkjur slétt, 2 lykkjur brugðið í 4 cm. Fellið af með sléttum lykkjum, en passið uppá að affellingarkanturinn verði ekki stífur. Ermin mælist ca 36-37-34-32-33-30 cm frá skiptingu.
Prjónið hina ermina á sama hátt.

Þetta mynstur hefur verið leiðrétt.

Yfirfarið á vefsvæði: 14.08.2020
KANTUR Í HÁLSI: Fitjið upp 80-80-80-88-88-88 lykkjur á hringprjón 4,5 með Big Merino. Prjónið 1 umferð slétt, prjónið síðan stroff 2 lykkjur slétt, 2 lykkjur brugðið. Þegar stykkið mælist 3 cm, prjónið 2 umferðir GARÐAPRJÓN yfir allar lykkjur – sjá útskýringu að ofan. Prjónið 1 umferð slétt þar sem aukið er út um 6-6-6-18-18-18 lykkjur jafnt yfir

Mynstur

symbols = slétt lykkja frá réttu, brugðin lykkja frá röngu
symbols = brugðin lykkja frá réttu, slétt lykkja frá röngu
symbols = á milli 2 lykkja er slegið 1 sinni uppá prjóninn
symbols = 2 lykkjur slétt saman
symbols = lyftið 1 lykkju eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð
symbols = lyftið 1 lykkju eins og prjóna eigi slétt, prjónið 2 lykkjur slétt saman, steypið lyftu lykkjunni yfir lykkjurnar sem prjónaðar voru saman
symbols = sýnir 1 einingu á hæðina og hvernig gatamynstrið er staðsett yfir hvert annað
symbols = þessi rúða sýnir enga lykkju, farðu beint áfram í næsta tákn í mynsturteikningu
symbols = fram- og bakstykki byrjar í þessari umferð

diagram
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Dripping diamonds

Magda, Italy

210-13 Dripping Diamonds

Annika, Estonia

Skrifaðu athugasemd um DROPS 210-13

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (20)

country flag Sabine wrote:

Guten Tag, ich bin am Anfang des Pullovers und habe an der Halsblende gleichmäßig verteilt Maschen zugenommen. In der nächsten Runde muss ich u.a. zwei Maschen rechts zusammen stricken. Können Sie mir sagen wie man das macht, wenn eine der beiden Maschen nur ein Umschlag ist? Bei meinem bisherigen Versuch ist ein Loch entstanden, das da sicher nicht sein soll. Vielen Dank und viele Grüße Sabine

05.05.2023 - 15:47

DROPS Design answered:

Liebe Sabine, so stricken Sie A.1A bei der 1. Runde: Umschlag, 1 M rechts, Umschlag, 2 M rechts, 1 M abheben, 1 M rechts, die abgehobene Masche über die gestrickte Masche ziehen; A.1B: 1 M links, 2 M re zs, 2 M re, Umschlag, 1 M re, Umschlag, 2 M re, 1 M abheben, 1 M rechts, die abgehobene Masche über die gestrickte Masche ziehen, A.1C: 1 M li, 2 M re zs, 2 M re, Umschlag, 1 M re, Umschlag. Bei der nächsten Runde stricken Sie alle Umschläge rechts, es sollen Löcher entstehen. Viel Spaß beim stricken!

05.05.2023 - 17:06

country flag Melanie wrote:

Bonjour, j ai deux questions : la première on augmente bien de 8mailles (4 par manches) tous les 2 rangs ? La deuxième est sur le fait de faire 2 fois A1b après on doit faire A1a et a1c 1 fois du coup ?

19.09.2022 - 12:29

DROPS Design answered:

Bonjour Melanie, on augmente 8 mailles par tour: 1 maille de chaque côté des 2 mailles du raglan tricotées en jersey à la transition du dos/devant et des manches. Quand on a tricoté 20 rangs (et augmenté comme dans les diagrammes A et C), on a augmenté 10 mailles dans A et dans C = soit 1 motif de B en plus de chaque côté; tricotez A.1A au-dessus des 5 premières m de A.1A précédent et les 10 m suivantes en B, puis les 10 premières m du C précédent en B et les 6 dernières mailles en C. Bon tricot!

20.09.2022 - 09:37

country flag Diana wrote:

Siempre me respondieron las consultas, no se que pasa que con esta no tengo novedades. Me gustaría poder avanzar con el tejido, sigo esperando la respuesta a mi pregunta. Gracias!!!

22.07.2022 - 01:24

country flag Diana wrote:

Hola! Estoy tejiendo este patrón en talla XL. La indicación dice que al terminar 20 vueltas de A1 debería tener 186 puntos, pero sumando los aumentos de las mangas yo tengo 230 puntos. Los aumentos de las mangas van en todas las vueltas? Por otro lado, no me queda claro como comenzar la segunda repetición, ya que en lo que sería A1.A y A1. C ahora hay más puntos, no se como distribuírlos.

21.07.2022 - 01:21

DROPS Design answered:

Hola Diana, A.1A y A.1C se trabajan siempre en los extremos. Después de cada 20 filas trabajas 2 repeticiones más de A.1B entre A.1A y A.1C. Los aumentos para el cuerpo están en A.1A y A.1C. Los aumentos de la manga son aparte y se trabajan cada 2ª fila. Después de la 1ª fila con aumentos tienes 114 pts. En la siguiente fila no aumentas. En cada fila con aumentos (que es cada 2ª fila, es decir, una sí y en la siguiente no) aumentas 8 pts. En las 18 filas de A.1 restantes, aumentas 8 pts en cada fila y aumentas en filas alternas/ cada 2ª fila, así que has aumentado 72 pts más. En total, deberías tener 186 pts, incluyendo todo tipo de aumentos.

24.07.2022 - 19:13

country flag Diana wrote:

Buenos días! Estoy tejiendo este patrón en talla XL. La indicación dice que al terminar 20 vueltas de A1 debería tener 186 puntos, pero sumando los aumentos de las mangas yo tengo 230 puntos. Por otro lado, no me queda claro como comenzar la segunda repetición, ya que en lo que sería A1.A y A1. C ahora hay más puntos, no se como distribuírlos.

20.07.2022 - 15:28

DROPS Design answered:

Hola Diana, puedes ver la respuesta arriba.

24.07.2022 - 19:14

country flag Andrea Rademacher wrote:

Hallo! Nach welchen Schema wird das Vorder bzw. Rückenteil gestrickt? Bitte um Rückmeldung. Danke! Lg Andrea Rademacher

08.11.2021 - 17:20

DROPS Design answered:

Liebe Frau Rademacher, meinen Sie Rumpfteil nach der Verteilung am Ende der Passe? Die werden mit A.2, A.3 und A.4 gestrickt mit jeweils glatt rechte Maschen an den Seiten. Viel Spaß beim stricken!

09.11.2021 - 12:47

country flag Alicja wrote:

Dzień dobry, mam problem z liczbą oczek dla rozmiaru M w Karczku - po zsumowaniu wszystkich oczek wychodzi mi 90 - a w opisie podano 94 oczka. Dodatkowo napisano, że "dodano 8 oczek", a przecież są tylko 4 narzuty. Proszę o pomoc w zrozumieniu tego opisu..

08.11.2021 - 07:36

DROPS Design answered:

Witaj Alicjo, przed rozpoczęciem karczku w rozmiarze M masz 86 oczek. W 1-szym okrążeniu karczku wykonujesz 4 narzuty i dodatkowo będziesz miała 4 dodane oczka w schematach A.1A i A.1C. W sumie po przerobieniu 1-szego okrążenia karczku jest 94 oczka. Powodzenia i miłej pracy!

08.11.2021 - 07:57

country flag Martine MARCHERON wrote:

Bonjour Madame, Je vous serais reconnaissante de bien vouloir m'indiquer si je peux réaliser ce modèle avec Drops belle uni colour, ayant fait une erreur inexplicable lors de ma commande ; cela m'éviterait de retourner mes pelotes. Je vous remercie. Cordialement. Mme Marcheron

04.08.2021 - 22:48

DROPS Design answered:

Bonjour Mme Marcheron, ce pull se tricote en DROPS Big Merino, qui appartient au groupe C de nos fils alors que Belle appartient au groupe B et ne peut donc pas être utilisé ici, l'échantillon serait différent, vous trouverez ici tous les modèles de pulls femme en laine/fil du groupe B où vous pourrez utiliser Belle, vous trouverez peut-être un autre modèle qui vous conviendra? Utilisez le convertisseur pour obtenir la quantité nécessaire en Belle si besoin. Bon tricot!

05.08.2021 - 09:06

country flag MARCHERON Martinr wrote:

Bonjour Madame, Dans empiècement, tricoter A.1A =5mailles, A.1B au dessus des 20 mailles suivantes. Au dessus ? Je ne comprends pas comment faire au dessus. Je vous remercie d'avance de me renseigner avant que j'effectue ma commande Cordialement Martine

13.05.2021 - 14:25

DROPS Design answered:

Bonjour Mme Marcheron. cela veut dire que vous devez tricoter 20 mailles suivantes ainsi: 2 x diagramme A.1B (1 rapport compte 10 mailles). Bon tricot!

13.05.2021 - 15:41

country flag Tamara Lister wrote:

Hi, I am half-way through knitting this jumper (I am enjoying it very much!), but it's for a present so needs to be finished soon. Unfortunately, your site is having some technical problems displaying the images. Is there any way you can send me a pdf version? Many thanks

16.03.2021 - 11:34

DROPS Design answered:

Dear Tamara, unfortunately we cannot send out these PDF's so, please be patient. We are working hard to restore the pictures as soon as we can. Thank you for your understanding and patience.

16.03.2021 - 12:45