Butterfly Explosion by DROPS Design
Prjónuð peysa úr DROPS Air. Stykkið er prjónað með gatamynstri. Stærð XS - XXL.
Garnflokkur C eða A + A
-------------------------------------------------------
STÆRÐ:
XS - S - M - L - XL - XXL
EFNI:
DROPS AIR frá Garnstudio (tilheyrir garnflokki C)
250-300-350-350-400-450 g litur 01, natur
PRJÓNFESTA:
16 lykkjur á breidd og 20 umferðir á hæð með sléttprjóni = 10 x 10 cm.
PRJÓNAR:
DROPS HRINGPRJÓNAR NR 5,5: lengd 80 cm fyrir sléttprjón.
DROPS HRINGPRJÓNAR NR 4,5: lengd 40 cm og 80 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.
-------------------------------------------------------
Prjónfesta – Sjá hvernig mæla á prjónfestu og afhverju hér
Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér
-------------------------------------------------------
|
DROPS Air 65% Alpakka, 28% Polyamide, 7% Ull |
frá 1364.00 kr /50g | Panta | ||||||||
|
|||||||||||
|
Prjónar & Heklunálar | Panta | |||||||||
Þú gætir líka haft gaman af...
UPPLÝSINGAR FYRIR MYNSTUR:
-------------------------------------------------------
GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.
MYNSTUR:
Sjá mynsturteikningu A.1 til A.3. Mynsturteikning A.1 og A.3 á einungis við um stærð S-L-XXL.
ÚRTAKA (jafnt yfir):
Til þess að reikna út hvernig fækka eigi jafnt í umferð, teljið fjölda lykkja í umferð (t.d. 164 lykkjur), deilið þessum lykkjufjölda með fjölda úrtöku sem á að gera (t.d. 6) = 27,33. Í þessu dæmi þá er lykkjum fækkað með því að prjóna ca 26. og 27. hverja lykkju slétt saman.
AFFELLING:
Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá uppá einu sinni uppá prjóninn á eftir ca 4. hverja lykkju jafnframt því sem fellt er af (uppslátturinn er felldur af eins og venjuleg lykkja).
-------------------------------------------------------
BYRJIÐ Á STYKKI HÉR:
-------------------------------------------------------
PEYSA - STUTT ÚTSKÝRING Á STYKKI:
Fram- og bakstykki er prjónað í hring á hringprjón. Lykkjur eru felldar af fyrir handveg og framstykki og bakstykki er prjónað til loka hvort fyrir sig.
Ermar eru prjónaðar fram og til baka á hringprjón. Stykkin eru saumuð saman í lokin.
FRAM- OG BAKSTYKKI:
Fitjið upp 156-164-180-192-208-220 lykkjur á hringprjón 4,5 með Air. Prjónið 1 umferð slétt.
Prjónið síðan stroff (= 2 lykkjur slétt, 2 lykkjur brugðið).
Þegar stroffið mælist 5 cm, prjónið 1 umferð slétt þar sem fækkað er um 6 lykkjur jafnt yfir – sjá ÚRTAKA = 150-158-174-186-202-214 lykkjur.
Skiptið yfir á hringprjón 5,5.
Prjónið * 2-0-1-0-1-0 lykkjur slétt, A.1 (= 4 lykkjur) alls 0-1-0-1-0-1 sinnum, A.2 (= 14 lykkjur) alls 5-5-6-6-7-7 sinnum, A.3 (= 5 lykkjur) alls 0-1-0-1-0-1 sinni, 3-0-2-0-2-0 sléttar lykkjur *, prjónið frá *-* alls 2 sinnum.
Endurtakið mynstur á hæðina. ATHUGIÐ PRJÓNFESTUNA!
Þegar stykkið mælist 29-30-31-32-33-34 cm frá uppfitjunarkanti (nú eru eftir ca 17-18-19-20-21-22 cm, prjónið e.t.v. að óskaðri lengd), fellið af lykkjur fyrir handveg þannig: Fellið af fyrstu 4-4-5-5-6-6 lykkjurnar, prjónið 10-12-12 lykkjur, prjónið 67-71-77-83-89-95 lykkjur eins og áður og fellið af síðustu 4-4-5-5-6-6 lykkjurnar. Klippið frá.
Prjónið nú framstykki og bakstykki til loka fyrir sig. Látið lykkjur fyrir framstykki hvíla á prjóni á meðan bakstykkið er prjónað til loka.
BAKSTYKKI:
Prjónið yfir fyrstu 67-71-77-83-89-95 lykkjur þannig:
Haldið áfram með gatamynstur yfir gatamynstur sem gengur jafnt upp á breiddina (þ.e.a.s. það er einungis prjónað gatamynstur ef allt gatamynstrið fær pláss á breiddina), þær lykkjur sem eftir eru, eru prjónaðar í sléttprjóni og 1 kantlykkja GARÐAPRJÓN – sjá útskýringu að ofan – í hvorri hlið á stykki.
Þegar stykkið mælist 41-43-45-47-49-51 cm frá uppfitjunarkanti, setjið miðju 31-31-33-33-35-35 lykkjur á þráð fyrir hálsmáli og næsta umferð er prjónuð frá réttu (= 18-20-22-25-27-30 lykkjur á hvorri öxl).
Ef eitt gatamynstur er byrjað er það prjónað til loka á hæðina, en ekki eru prjónaðar fleiri mynstureiningar á hæðina – lykkjur eru síðan prjónaðar í sléttprjóni og 1 kantlykkju í garðaprjóni í hvorri hlið á stykki.
Axlirnar eru nú prjónaðar til loka hvor fyrir sig.
Fellið af lykkjur fyrir hálsmáli í hverri umferð frá hálsi þannig:
Fellið af 1 lykkju 2 sinnum = 16-18-20-23-25-28 lykkjur.
Fellið af þegar stykkið mælist 46-48-50-52-54-56 cm frá uppfitjunarkanti.
Prjónið hina öxlina alveg eins.
FRAMSTYKKI:
Prjónið nú áfram yfir 67-71-77-83-89-95 lykkjur á framstykki. Prjónið eins og á bakstykki þar til stykkið mælist 36-38-38-40-40-42 cm frá uppfitjunarkanti.
Setjið miðju 17-17-19-19-21-21 lykkjur á þráð fyrir hálsmáli í næstu umferð frá réttu (= 25-27-29-32-34-37 lykkjur á hvorri öxl).
Axlirnar eru nú prjónaðar til loka hvor fyrir sig.
Prjónið mynstur, sléttprjón og 1 kantlykkju garðaprjón í hvorri hlið á stykki.
Lykkjurnar sem ekki ganga jafnt upp í gatamynstri á breiddina eru prjónaðar í sléttprjóni.
Fellið af lykkjur fyrir hálsmáli í hverri umferð frá hálsi þannig:
Fellið af 2 lykkjur 3 sinnum, síðan 1 lykkju 3 sinnum = 16-18-20-23-25-28 lykkjur.
Þegar stykkið mælist 41-43-45-47-49-51 cm frá uppfitjunarkanti, prjónið gatamynstur sem e.t.v. hefur byrjað á hæðina til loka, en ekki eru prjónaðar fleiri mynstureiningar á hæðina - lykkjur eru síðan prjónaðar í sléttprjóni og 1 kantlykkju í garðaprjóni í hvorri hlið á stykki.
Fellið af þegar stykkið mælist 46-48-50-52-54-56 cm frá uppfitjunarkanti.
Prjónið hina öxlina alveg eins.
ERMAR:
Fitjið upp 62-66-66-66-70-70 lykkjur (meðtalin 1 kantlykkja í hvorri hlið) á hringprjón 4,5 með Air. Prjónið 1 umferð brugðið frá röngu. Prjónið síðan frá réttu þannig:
Prjónið 1 kantlykkju garðaprjón, 1 lykkja slétt * 2 lykkjur brugðið, 2 lykkjur slétt *, prjónið frá *-* þar til 2 lykkjur eru eftir, 1 lykkja slétt og 1 kantlykkja garðaprjón. Þegar stroffið mælist 6 cm, prjónið 1 umferð slétt frá réttu þar sem fækkað er um 4-6-6-4-6-6 lykkjur jafnt yfir = 58-60-60-62-64-64 lykkjur.
Skiptið yfir á hringprjón 5,5.
Prjónið nú mynstur þannig:
Prjónið 1 kantlykkju garðaprjón, 0-1-1-2-3-3 lykkjur sléttprjón, A.2 alls 4 sinnum á breiddina, 0-1-1-2-3-3 lykkjur sléttprjón og 1 kantlykkja garðaprjón.
Endurtakið mynstur á hæðina. Þegar ermin mælist 16 cm, aukið út 0-0-1-1-1-1 lykkjur í hvorri hlið á stykki innan við 1 kantlykkju (= 0-0-2-2-2-2 lykkjur fleiri). Aukið svona út með 6 cm millibili alls 0-0-1-2-3-4 sinnum = 58-60-62-66-70-72 lykkjur.
Þegar ermin mælist 46-46-45-44-42-41 cm frá uppfitjunarkanti, setjið 1 prjónamerki innan við 1 kantlykkju í byrjun ánæstu umferð – prjónamerki merkir hvar botninn á handveg byrjar.
Nú eru ekki prjónuð fleiri gatamynstur, þau sem eru e.t.v. byrjuð eru prjónuð til loka. Prjónið síðan sléttprjón með 1 kantlykkju garðaprjón í hvorri hlið.
Fellið af þegar ermin mælist alls 49-49-48-47-46-45 cm – sjá AFFELLING!
Prjónið hina ermina alveg eins.
FRÁGANGUR:
Saumið axlasauma innan við affellingarkantinn. Saumið saman ermasauma, en skiljið eftir smá op 3-3-3-3-4-4 cm efst á ermi (þ.e.a.s. að prjónamerki á ermi).
Saumið opið saman efst á ermi við botn á handveg og saumið síðan ermina við fram- og bakstykki.
KANTUR Í HÁLSI:
Byrjið við aðra öxlina og prjónið upp frá réttu ca 80 til 100 lykkjur innan við 1 kantlykkju garðaprjón í kringum háls (meðtaldar lykkjur á þráðum) á hringprjón 4,5 með Air – lykkjufjöldinn á að vera deilanlegur með 4. Prjónið stroff (= 2 lykkjur slétt, 2 lykkjur brugðið) hringinn í 3 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur.
Þetta mynstur hefur verið leiðrétt. Smelltu hér til að sjá leiðréttinguna/arnar..
Nýtt efnismagn: DROPS AIR frá Garnstudio (tilheyrir garnflokki C) 250-300-350-350-400-450 g litur 01, natur
Mynstur
|
= slétt lykkja frá réttu, brugðin lykkja frá röngu |
|
= 2 lykkjur slétt saman |
|
= lyftið 1 lykkju eins og prjóna eigi slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð |
|
= á milli 2 lykkja er slegið 1 sinni uppá prjóninn |
Vantar þig hjálp með þetta mynstur?
Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS 210-11) til viðmiðunar og útreikninga.
Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.
1) Af hverju er prjón-/heklfesta svo mikilvæg?
Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.
Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.
Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.
Sjá DROPS kennsla: Hvernig á að mæla prjónfestu
Sjá DROPS myndband: Hvernig á að kanna prjónfestu /gera prufu
Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.
Smelltu hér til að fá yfirlit yfir garn í hverjum garnflokki
3) Get ég notað annað garn en sem stendur í mynstri?
Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.
Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.
Sjá DROPS kennsla: Get ég notað annað garn en það sem gefið er upp í mynstri?
4) Hvernig nota ég garnreiknivélina?
Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).
Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.
5) Af hverju fæ ég aðra prjónfestu með uppgefinni prjónastærð?
Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.
Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.
Sjá DROPS Kennsla: Hvernig á að mæla prjónfestu
Sjá DROPS myndband: Hvernig á að kanna prjónfestu / gera prufu
6) Af hverju er mynstrið unnið frá toppi og niður?
Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.
Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.
Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.
9) Hvernig á að prjóna samkvæmt mynsturteikningu?
Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.
Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.
Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.
Sjá DROPS Kennsla: Hvernig á að lesa prjón mynsturteikningu
10) Hvernig á að hekla samkvæmt mynsturteikningu?
Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..
Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.
Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.
Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.
Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.
Sjá DROPS Kennsla: Hvernig á að lesa hekl mynsturteikningu
11) Hvernig á að lesa nokkrar mynsturteikningar samtímis í sömu umferð/hring
Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.
Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.
Sjá DROPS Kennsla: Hvernig á að lesa prjón mynsturteikningu
Sjá DROPS Kennsla: Hvernig á að lesa hekl mynsturteikningu
12) Af hverju byrjar stykkið á fleiri loftlykkjum en sem unnið er með?
Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.14) Af hverju er slegið uppá prjóninn ásamt því að fella af?
Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.
Sjá DROPS myndband: Hvernig á að fella af með uppslætti
15) Hvernig á að auka út/fella af í 3. og 4. hverri umferð?
Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.
Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð
16) Af hverju er mynstrið aðeins öðruvísi en sem ég sé á myndinni?
Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.
Vertu bara viss um að fylgja vel leiðbeiningunum og skýringum á mynsturteikningu fyrir þína stærð!
17) Hvernig get ég gert peysu í hring í stað fram- og til baka?
Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.
Sjá DROPS kennslumyndband: Hvernig á að klippa upp fyrir handveg
18) Get ég prjónað peysu fram og til baka í stað þess að prjóna í hring?
Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.
Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?
19) Af hverju gefið þið upp garn sem hætt er í framleiðslu í mynstrunum?
Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.
Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.
Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.
20) Hvernig breyti ég kvenmanns stærð á peysu yfir í karlmanns stærð?
Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.
Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.
21) Hvernig er hægt að koma í veg fyrir að trefjar losni frá loðnum flíkum?
Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.
Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:
1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.
2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.
3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.
4. Þvoðu flíkina samkvæmt leiðbeiningum á leiðbeiningar miða á garninu.
22) Hvar á flíkinni er lengdin mæld?
Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.
Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.
Sjá DROPS Kennsla: Hvernig á að lesa úr stærðarteikningu
23) Hvernig veit ég hversu margar dokkur ég þarf af garni?
Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.
Athugasemdir / Spurningar (20)
Frá #dropsfan gallery
210-11 Butterfly Explosion
Hvað máttu gera með mynstrin okkar? Þú mátt deila DROPS mynstrum á netinu, nota upprunalegu myndina af mynstrinu, efni, nafn og númer. En þér er EKKI HEIMILT að endurgera allt mynstrið stafrænt á nokkurn hátt.
Garnverslanir hafa heimild til að nota DROPS mynsturgagnagrunninn til þess að auka sölu á sínu garni. Prentaðu út hvaða mynstur sem þú vilt, eins mörg eintök og þú vilt. Einu kröfurnar sem við gerum er að ekki verði gerðar neinar breytingar eða viðaukar á upprunalega skjalinu sem prentað er út. Samkvæmt grunngildum DROPS eiga mynstrin að standa viðskiptavinum til boða endurgjaldlaust.
Útgefendur sem vilja birta mynstrin okkar í prentuðum bókum eða í tímaritum geta haft samband við okkur til frekari upplýsinga. Sala á flíkum/vörum gerðar eftir DROPS mynstrum er leyfileg svo lengi sem salan einskorðast við einn hlut eða eftir pöntun, önnur almenn sala en þessi er ekki leyfileg. Skýrt skal tekið fram að flíkin/varan sé framleidd eftir hönnun frá DROPS DESIGN. Skilmálar til að fá að nota merkingu á fatnaði/vörum þar sem hönnun DROPS DESIGN hefur verið notuð er að textinn á að vera "A DROPS DESIGN made by…". Notkun DROPS mynda til markaðssetningar/sölu er aðeins leyfð þegar einungis DROPS garn hefur verið notað. Ekki má klippa myndirnar eða breyta þeim og vörumerkið á að sjást mjög greinilega.
Við áskiljum okkur allan rétt til þess draga þetta leyfi til baka hvenær sem er, án þess að tilgreina ástæðu.
Með yfir 30 ára prjóna- og hekl hönnun, býður DROPS Design uppá eitt umfangsmesta vöruúrval af mynstrum án endurgjalds á netinu – þýdd á 17 tungumálum. Í dag þá erum við komin í 268 vörulista og 9976 mynstur - 5271 mynstur sem eru þýdd á íslensku.
Við vinnum hörðum höndum við að færa þér það besta sem prjón og hekl hefur uppá að bjóða, innblástur, ráðgjöf og auðvitað frábært gæða garn á ótrúlegu verði! Langar þig að nota mynstrin okkar fyrir annað en til einkanota? Þú getur lesið hér ákvæði hvað leyfilegt er að gera í textanum Copyright sem er neðst á öllum mynstrunum okkar.
Dobry den, nerozumim jak plest v kruhove rade velikost M, pro kterou plati pouze vzor A2. Pletu stale hladce ne zerzej, kdyz pletu do kruhu? Vzor A2 plati jen spodni cast obrazku? Vrchni cast neslozi motylka, kdyz pletu vel. M , tedy vynechavam A1 a A3?
I love this pattern! I do have a question about the back piece section. While working the shoulder pieces it says to bind off 1 stitch 2 times = 20 stitches (for M size). I’m not sure what this means. Based on the previous sentence, it sounds like this action would happen for each row closest to the neck but am still unclear about what the bind off 1 st 2 times means. Please clarify. Thank you!
DROPS Design
25.02.2021 kl. 07:21:
Dear Mrs Vogel, you are right, when working the shoulder separately after you have slipped the middle stitches for neck on a thread, you will cast off stitches at the beginning of the row starting from neck towards shoulder and this will be worked 2 times (= over 4 rows : 1 stitch at the beginning of the next 2 rows starting from the neck towars shoulder). Happy knitting!Très joli modèle, mais je viens de défaire le dos et devant jusqu'à la division pour l'encolure parce que beaucoup trop large.Si ça peut aider.
Greetings from the US! Would you recommend wet blocking before or after assembling the sleeves to the body? Thank you in advance!
DROPS Design
26.01.2021 kl. 09:19:
Dear Aimee, it's a personnal choice, some people never block, some people block before sewing and some after sewing... Just make as you feel it right for you. Enjoy!Bonjour, Es ce possible de faire un e vos modèles dont celui là avec des aiguilles droites? Je n'arrive vraiment pas a utilisé des aiguilles circulaire. Bien a vous. Monique
DROPS Design
08.05.2020 kl. 11:00:
Bonjour Mme Decourty, la plupart de nos modèles peuvent facilement d'adapter sur aiguilles droites (plus d'infos ici). Bon tricot!Bonjour, Je ne comprends pas les explications du devant « Rabattre à partir de l'encolure tous les rangs à partir de l'encolure: 3 fois 2 mailles, 3 fois 1 maille = 16-18-20-23-25-28 mailles. » merci pour votre aide. Cordialement
DROPS Design
22.04.2020 kl. 08:12:
Bonjour Brigitte, quand vous avez mis en attente les mailles de l'encolure, vous terminez chaque épaule séparément, et, au début de chaque rang qui commence côté encolure (sur l'endroit pour le côté droit/sur l'envers pour le côté gauche), on va rabattre des mailles supplémentaires soit 2 mailles 3 fois de suite (= 3 fois tous les 2 rangs si vous préférez) et 1 seule maille 3 fois de suite (1 maille tous les 2 rangs). N'hésitez pas à nous dire si c'est encore flou. Bon tricot!Diagram korr. 1) rett fra retten, vrang fra vrangen 2) 2m r sammen
Her må det vel være feil i diagram?
DROPS Design
14.04.2020 kl. 13:45:
Hej Diagram-texten har nu rättats, det var fel på den norska översättningen tidigare. Mvh DROPS DesignEr det feil i Diagramforklaringen? Det står, rett fra retten, vrang fra vrangen, to ganger etter hverandre.
DROPS Design
14.04.2020 kl. 13:42:
Hej Tack för info, detta har nu rättats. Mvh DROPS DesignProszę o wyjaśnienie jak mam rozumieć następujący schemat, cyt.: "Dalej przerabiać na drutach z żyłką nr 5,5 następująco: *2-0-1-0-1-0 oczek prawych, 0-1-0-1-0-1 razy schemat A.1 (= 4 oczka), 5-5-6-6-7-7 razy schemat A.2 (= 14 oczek), 0-1-0-1-0-1 razy schemat A.3 (= 5 oczek), 3-0-2-0-2-0 oczek prawych*, przerabiać od *-* w sumie 2 razy." Co oznaczają te liczby: 2-0-1- itd. Z pozdrowieniami
DROPS Design
01.04.2020 kl. 12:24:
Witaj Aniu! Wybierasz jedną z tych liczb połączonych myślnikami w zależności od tego który rozmiar wykonujesz (XS - S - M - L - XL - XXL ). Np. dla rozmiaru XS będzie to pierwsza z tych liczb, a dla rozmiaru M trzecia z nich). Powodzenia!