DROPS Air
DROPS Air
65% Alpakka, 28% Polyamide, 7% Ull
frá 1364.00 kr /50g
Þú færð garn sem þarf í að gera þetta mynstur frá 9548.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Graceful Cables

Hekluð peysa með laskalínu úr DROPS Air. Stykkið er heklað ofan frá og niður með köðlum og stuðlakrókalykkjum. Stærð XS - XXL.

DROPS 210-12
DROPS Design: Mynstur ai-268
Garnflokkur C eða A + A
-------------------------------------------------------

STÆRÐ:
XS - S - M - L - XL – XXL

EFNI:
DROPS AIR frá Garnstudio (tilheyrir garnflokki C)
350-400-450-500-500-550 g litur 03, perlugrár

HEKLFESTA:
14 stuðlar á breidd og 8,5 umferðir á hæðina = 10 x 10 cm. 12 umferðir með mynstri A.1 mælist 10,5 cm á hæðina.

HEKLUNÁL:
DROPS HEKLUNÁL NR 5.
Nálarstærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari heklunál. Ef þú ert með of fáar lykkjur á 10 cm, skiptu yfir í fínni heklunál.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Air
DROPS Air
65% Alpakka, 28% Polyamide, 7% Ull
frá 1364.00 kr /50g
Þú færð garn sem þarf í að gera þetta mynstur frá 9548.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------<br />
UPPLÝSINGAR FYRIR MYNSTUR:

-------------------------------------------------------

LEIÐBEININGAR:
Fyrsta umferð með stuðlum er hekluð frá réttu á stykki. Endið umferð með 1 keðjulykkju í 3. loftlykkju frá byrjun á umferð. Snúið stykkinu og heklið næstu umferð frá röngu á stykki. Endið umferð með 1 keðjulykkju í 1. loftlykkju í byrjun á umferð. Snúið stykkinu og heklið næstu umferð frá réttu á stykki.
Haldið svona áfram fram og til baka, með til skiptis umferð með stuðlum frá réttu og einni umferð með fastalykkjum frá röngu.

LOFTLYKKJA:
Ef þú heklar yst á heklunálinni þá kemur loftlykkjan oft til með að verða of stíf. 1 loftlykkja á að vera álíka löng og breiddin á 1 fastalykkju/stuðli.

HEKLLEIÐBEININGAR:
Í byrjun á hverri umferð með stuðlum eru heklaðar 3 loftlykkjur, þessar loftlykkjur koma ekki í stað 1. stuðuls. Umferðin endar með 1 keðjulykkju í 3. loftlykkju í byrjun á umferð.
Í byrjun á hverri umferð með fastalykkjum er hekluð 1 loftlykkja, þessi loftlykkja kemur ekki í stað 1. fastalykkju. Umferðin endar með 1 keðjulykkju í fyrstu fastalykkju í umferð.

LASKALÍNA:
Aukið er út hvoru megin við prjónamerki í hverri skiptingu á milli fram- og bakstykkis og ermar (= 8 lykkjur fleiri í umferð).
Aukið svona út á eftir prjónamerki þannig: Heklið 1 lykkju í fyrstu lykkju, heklið 2 lykkjur í næstu lykkju (= 1 lykkja fleiri).
Aukið út á undan prjónamerki þannig: Heklið þar til 2 lykkjur eru eftir á undan prjónamerki, heklið 2 lykkjur í fyrstu lykkju (= 1 lykkja fleiri), 1 lykkja í næstu lykkju.
Nýjar lykkjur eru heklaðar inn í mynstur A.1, þ.e.a.s. í annarri hverri umferð með stuðlum og fastalykkjum (á fram- og bakstykki eru fyrstu 4 útaukningar teiknaðar inn hvoru megin við mynsturteikningu A.2).

MYNSTUR:
Sjá mynsturteikningu A.1 til A.3.

ÚRTAKA-1 (á við um ermar):
Fækkið um 1 fastalykkju hvoru megin við prjónamerki þannig: Heklið þar til 3 lykkjur eru eftir á undan prjónamerki, heklið 2 FASTALYKKJUR SAMAN – sjá útskýringu að neðan, heklið 1 fastalykkju í hvora af næstu 2 fastalykkjum (prjónamerki situr á milli þessa lykkja), heklið 2 fastalykkjur saman.

HEKLIÐ 2 FASTALYKKJUR SAMAN:
* Stingið heklunálinni í gegnum næstu lykkju, sækið þráðinn *, heklið frá *-* alls 2 sinnum, bregðið þræðinum 1 sinni uppá heklunálina og dragið þráðinn í gegnum allar 3 lykkjurnar á heklunálinni (= 1 lykkja færri).

ÚRTAKA-2 (jafnt yfir):
Til að reikna út hvernig fækka á lykkjum jafnt yfir, teljið fjölda lykkja í umferð (= t.d. 78 lykkjur) og deilið með fjölda úrtöku sem á að gera (t.d. 14) = 5,6.
Í þessu dæmi er lykkjum fækkað með því að hekla til skiptis 4. og 5. hverja fastalykkju og 5. og 6. hverja fastalykkju saman.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Stykkið er heklað ofan frá og niður. Fyrst er berustykkið heklað, síðan skiptist stykkið fyrir fram- og bakstykki og ermar. Að lokum er kantur í hálsmáli heklaður og lykkjum er fækkað jafnt yfir. Allt stykkið er heklað í hring, jafnframt er snúið við í hverri umferð – sjá HEKLLEIÐBEININGAR.

BERUSTYKKI:
Heklið 78-78-82-86-90-94 loftlykkjur með heklunál 5 með Air – sjá LOFTLYKKJA, tengið þær í hring í lokin með 1 keðjulykkju í 1. loftlykkju sem var hekluð.
UMFERÐ 1 (= frá réttu): Heklið 3 loftlykkjur – sjá HEKLLEIÐBEININGAR, 1 stuðull í hverja og eina af 78-78-82-86-90-94 loftlykkjum í umferð, endið með 1 keðjulykkju í 3. loftlykkju í byrjun á umferð, snúið stykkinu – munið eftir LEIÐBEININGAR.
Setjið nú 4 prjónamerki frá röngu á stykki þannig:
Setjið eitt prjónamerki í byrjun á umferð (= í skiptinguna á milli bakstykkis og vinstri ermi), hoppið yfir næstu 8-8-8-10-10-12 lykkjur, setjið eitt prjónamerki hér (= í skiptinguna á milli vinstri ermi og framstykkis), hoppið yfir næstu 31-31-33-33-35-35 lykkjur, setjið eitt prjónamerki hér (= í skiptinguna á milli framstykkis og hægri ermi), hoppið yfir næstu 8-8-8-10-10-12 lykkjur, setjið eitt prjónamerki hér (= í skiptinguna á milli hægri ermi og bakstykkis), nú eru 31-31-33-33-35-35 lykkjur eftir í umferð á eftir síðasta prjónamerki sem sett var í.
Látið prjónamerkin fylgja með í stykkinu. Setjið eitt prjónamerki í framstykki í fyrstu loftlykkjuröðina sem var hekluð. Berustykkið er núna mælt héðan!
Í næstu umferð byrjar útaukning fyrir LASKALÍNA – sjá útskýringu að ofan, jafnframt er mynstrið heklað þannig:
UMFERÐ 2 (= ranga): Heklið * A.1 yfir fyrstu 8-8-8-10-10-12 lykkjur, næsta prjónamerki situr hér, A.1 yfir næstu 3-3-4-4-5-5 lykkjur, A.2 yfir næstu 25 lykkjur, A.1 yfir næstu 3-3-4-4-5-5 lykkjur, næsta prjónamerki situr hér *, heklið frá *-* 1 sinni til viðbótar í umferð. ATHUGIÐ HEKLFESTUNA!
Haldið svona áfram fram og til baka með mynstur og aukið út fyrir laskalínu í hverri umferð 11-13-15-17-19-20 sinnum og í annarri hverri umferð 4 sinnum í öllum stærðum (= alls 15-17-19-21-23-24 sinnum) = 198-214-234-254-274-286 lykkjur.
Þegar A.2 hefur verið heklað til loka á hæðina, endurtakið A.3 yfir A.2 að loka máli.
Þegar öll útaukning fyrir laskalínu hefur verið gerð, heklið með mynstri þar til stykkið mælist 22-22-24-26-28-30 cm frá kanti í hálsmáli mitt að framan og niður – stillið af að næsta umferð sé umferð með fastalykkjum og sé hekluð frá röngu.

Klippið frá. Nú skiptist stykkið fyrir fram- og bakstykki og ermar. Skiptingin á milli fram- og bakstykkis og erma er ekki lengur við prjónamerki. Í stærð XS, S og M byrjar umferð 1-1-1 lykkju á undan prjónamerki í byrjun á umferð (séð frá röngu) og í stærð L, XL og XXL byrjar umferðin nú 1-1-2 lykkjm á eftir prjónamerki í byrjun á umferð (séð frá röngu). Færið prjónamerki hingað og heklið næstu umferð í mynstri eins og áður): Festið þráðinn með 1 keðjulykkju í fyrstu lykkju á eftir nýju prjónamerki (= byrjun á umferð), heklið 1 loftlykkju (kemur í stað fyrstu fastalykkju í þessari umferð) heklið 6-6-6-8-8-10 lausar loftlykkjur (= í hlið undir ermi), hoppið yfir næstu 40-44-48-50-54-56 lykkjur fyrir ermi, heklið yfir næstu 59-63-69-77-83-87 lykkjur (= framstykki), heklið 6-6-6-8-8-10 lausar loftlykkjur (= í hlið undir ermi), hoppið yfir næstu 40-44-48-50-54-56 lykkjur fyrir ermi, heklið yfir næstu 59-63-69-77-83-87 lykkjur (= bakstykki), endið umferð með 1 keðjulykkju í fyrstu loftlykkju sem var hekluð. Fram- og bakstykki og ermar er síðan heklað hvert fyrir sig. Klippið frá. HÉÐAN ER NÚ MÆLT!

FRAM- OG BAKSTYKKI:
= 130-138-150-170-182-194 lykkjur. Setjið 1 prjónamerki í hvora hlið mitt í nýjar loftlykkjur sem fitjaðar voru upp undir ermi (= 3-3-3-4-4-5 nýjar lykkjur hvoru megin við prjónamerki). Nú eru 65-69-75-85-91-97 lykkjur á milli prjónamerkja. Byrjið frá réttu í 3.-3.-3.-4.-4.-5. loftlykkju mitt undir ermi og heklið mynstur eins og áður – munið eftir LEIÐBEININGAR OG HEKLLEIÐBEININGAR. Þegar stykkið mælist 27-29-29-28-28-28 cm frá skiptingu – stillið af að endað sé eftir eina umferð með stuðlum, þá er peysan tilbúin. Stykkið mælist ca 52-54-56-58-60-62 cm frá öxl og niður.

ERMAR:
Festið þráðinn í 3.-3.-3.-4.-4.-5. loftlykkju mitt undir ermi og heklið A.1 hringinn eins og áður – munið eftir HEKLLEIÐBEININGAR og LEIÐBEININGAR. Heklið 1 lykkju í hverja af 3-3-3-4-4-5 lausum loftlykkjum sem voru heklaðar undir ermi = 46-50-54-58-62-66 lykkjur í umferð. Þegar ermin mælist 4 cm frá skiptingu, fækkið um 1 lykkju hvoru megin við prjónamerki – sjá ÚRTAKA-1. Fækkið lykkjum svona með ca 6 -5-4-3-2-2 cm millibili (fækkið lykkjum í umferð með fastalykkjum) alls 5-6-7-9-10-11 sinnum = 36-38-40-40-42-44 lykkjur. Haldið áfram þar til ermin mælist 41-41-40-39-37-36 cm – stillið af að endað sé eftir umferð með stuðlum. Klippið frá og festið enda.
Heklið hina ermina á sama hátt.

KANTUR Í HÁLSMÁLI:
Heklið 1 fastalykkju í hverja loftlykkju og fækkið jafnframt um 14-12-12-12-12-12 fastalykkjur jafnt yfir í umferð – sjá ÚRTAKA-2 = 64-66-70-74-78-82 fastalykkjur. Klippið frá og festið enda.

Þetta mynstur hefur verið leiðrétt.

Yfirfarið á vefsvæði: 02.03.2021
Leiðrétting í mynsturtákni: = STUÐLAKRÓKUR - FJÓRBRUGÐINN STUÐULL... * Bregðið þræðinum um heklunálina og dragið þráðinn í gegnum 2 fyrstu lykkjurnar á heklunálinni * ...

Mynstur

symbols = umferðin hefur nú þegar verið hekluð, byrjið við ör!
symbols = byrjið hér
symbols = fastalykkja í lykkju
symbols = stuðull í lykkju
symbols = STUÐLAKRÓKUR – ÞRÍBRUGÐINN STUÐULL (heklið einungis í stuðlaumferð): Heklið 1 þríbrugðinn stuðul um 1 stuðul frá fyrri stuðlaumferð (ekki er heklað í lykkjubogana, heldur utan um sjálfan stuðulinn). Hringurinn í enda á þríbrugðna stuðlinum sýnir hvaða stuðul frá fyrri stuðlaumferð á að hekla utan um. Byrjun á línu = umferðin þar sem þessi þríbrugðni stuðull byrjar
symbols = STUÐLAKRÓKUR – ÞRÍBRUGÐINN STUÐULL (heklið einungis í stuðlaumferð): Heklið 1 þríbrugðinn stuðul um 1 þríbrugðin stuðul/fjórbrugðinn stuðul frá fyrri stuðlaumferð (ekki er heklað í lykkjubogana, heldur utan um sjálfan þríbrugðna stuðulinn/fjórbrugðna stuðulinn). Svarta strikið í enda á þríbrugðna stuðli sýnir hvaða stuðul frá fyrri stuðlaumferð á að hekla utan um. Byrjun á línu = umferðin þar sem þessi þríbrugðni stuðull byrjar
symbols = STUÐLAKRÓKUR – FJÓRBRUGÐINN STUÐULL (heklið einungis í stuðlaumferð): Heklið 1 fjórbrugðinn stuðul um 1 þríbrugðin stuðul frá fyrri stuðlaumferð (ekki er heklað í lykkjubogana, heldur utan um sjálfan þríbrugðna stuðulinn/fjórbrugðna stuðulinn). Rúðan í enda á fjórbrugðna stuðlinum sýnir hvaða þríbrugðna stuðul/fjórbrugðna stuðul frá fyrri stuðlaumferð á að hekla utan um. Byrjun á línu = umferðin þar sem þessi fjórbrugðni stuðull byrjar. Heklið 1 fjórbrugðin stuðul þannig: Bregðið þræðinum 4 sinnum um heklunálina, stingið heklunálinni um lykkjuna, sækið þráðinn, * bregðið þræðinum 1 sinni um heklunálina og dragið uppsláttinn í gegnum 2 fyrstu lykkjurnar á heklunálinni *, heklið frá *-* alls 5 sinnum = 1 lykkja
symbols = STUÐLAKRÓKUR – ÞRÍBRUGÐINN STUÐULL (heklið einungis í stuðlaumferð): Heklið 1 þríbrugðinn stuðul um 1 þríbrugðinn stuðul/fjórbrugðinn stuðul frá fyrri stuðlaumferð (ekki er heklað í lykkjubogana, heldur utan um sjálfan þríbrugðna stuðulinn/fjórbrugðna stuðulinn). Stjarnan í enda á þríbrugðna stuðlinum sýnir hvaða þríbrugðna stuðul/fjórbrugðna stuðul frá fyrri stuðlaumferð á að hekla utan um. Byrjun á línu = umferðin þar sem þessi þríbrugðni stuðull byrjar. ATH: Þessi þríbrugðni stuðul er heklaður aftan við 3. fjórbrugðna stuðul/þríbrugðna stuðul í fyrsta kaðal í mynsturteikningu. Þ.e.a.s. fyrsti og síðasti kaðall í mynsturteikningu fléttast gagnstætt/spegilmynd.
diagram
diagram
Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 210-12

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (31)

country flag Elena wrote:

Da come è spiegato non si capisce bene dove inserire i segnapunti. Se si "saltano" le maglie occorrono 98 punti (taglia XXL) . I fili devono essere inseriti alla dodicesima maglia, poi alla 35a e così via. Almeno credo...Grazie per il vostro bel sito!

14.04.2023 - 11:56

DROPS Design answered:

Buonasera Elena, deve inserire i segnapunti dopo il numero di maglie indicato. Buon lavoro!

15.04.2023 - 10:22

country flag Lisa wrote:

Buongiorno, segnalo che la scritta: "Graceful Cables by DROPS Design. Maglione lavorato ai ferri con raglan in DROPS Air" è errata in quanto si tratta di un maglione lavorato all'uncinetto.

13.12.2022 - 09:47

DROPS Design answered:

Buonasera Lisa, grazie per la segnalazione: abbiamo corretto il testo. Buon lavoro!

14.12.2022 - 21:49

country flag Jennie Holmberg wrote:

Skall VARV 2 virkas med fastmaskor eller stolpar? Det står att det ska virkas på avigsidan, men att mönstret ska följas och raglan inledas.

06.08.2022 - 12:08

DROPS Design answered:

Hei Jennie. Du har allerede heklet 78-78-82-86-90-94 luftmasker, satt disse til en ring og heklet 1 stav i hver av disse luftmaskene = ovale sirkelen du ser på diagrammet. Dette er beskrevet i selve oppskriften. Raden med ovale sirkel er også markert med en stjerne (*), så når du skal begynne å hekle etter diagrammet, starter du med å hekle 2. rad i diagrammet (der pilen peker / og der ikonene viser at du skal hekle fastmasker). Husk at arbeidet hekles rundt, samtidig som arbeidet vendes for hver omgang. mvh DROPS Design

15.08.2022 - 08:38

country flag Jennie Holmberg wrote:

Är mönstret detsamma fram och bak? Har ryggen samma mönster med flätor som bröstsidan?

03.08.2022 - 21:11

DROPS Design answered:

Hej Jennie, ja ryggen har samma mönster :)

05.08.2022 - 11:50

country flag Mari wrote:

Jag förstår inte instruktionen för varv 2 där fastmaskor virkas enligt A1 inkl ökning. Vad betyder att virka ex antal enligt A1 respektive A2 på denna rad? Hur blandas A1 och A2?

23.01.2022 - 23:22

DROPS Design answered:

Hei Mari. Hvilken størrelse hekler du og henviser du til et svar under Kommentarer / Spørsmål fra august når du skriver ex antal? Når du øker til raglan skal de nye maskene hekles inn i mønster A.1, det vil si 1 omgang med staver deretter 1 omgang med fastmasker (på for- og bakstykket er de første 4 økningene tegnet inn i hver side av diagram A.2). mvh DROPS Design

25.01.2022 - 13:09

country flag Sylvie wrote:

Bonjour, je voudrais faire ce pull en débardeur avec simplement une petite manche. Je démarre la manche et je l’arrête ça rendrait bien de faire comme ça? Pouvez-vous me dire combien de pelotes je prends en moins? Merci beaucoup!

08.10.2021 - 09:45

DROPS Design answered:

Bonjour Sylvie, nous ne sommes malheureusement pas en mesure de pouvoir adapter chacun de nos modèles à chaque demande, merci pour votre compréhension. Vous pouvez peut-être vous inspirer d'autres modèles existants; votre magasin saura vous assister, même par mail ou téléphone. Bon crochet!

08.10.2021 - 12:47

country flag Kristina wrote:

Hej! Opskriften er ekstremt forvirrende. Der mangler en forklaring på hvordan man kommer fra første række af A2 (de 25 masker) og videre rundt på mønsteret. Tallene fra runde 2 burde skrives ind for runde 3, runde 4 osv. Linjen "tag ud til raglan på hver omgang 11-13-15-17-19-20 gange og på hver 2.omgang 4 gange i alle størrelser (= totalt 15-17-19-21-23-24 gange) [...]" - hvordan tager man ulige antal ud? Og samtidig på hveranden omgang?

31.07.2021 - 21:29

DROPS Design answered:

Hei Kristina. Anbefaler å lese godt igjennom oppskriften før man begynner, spesielt punktene under "FORKLARING TIL OPPSKRIFTEN" og se/lese på diagramforklaringene. Når du hekler 1. rad og A.2 (25 masker) skal det hekles videre med A.1 over X-antall masker (avhengig av hvilken str. du hekler). Ved raglanøkningene skal du i f.eks i str S øke ut 11 ganger på hver omgang, deretter 4 ganger på hver 2. omgang. Det økes 8 steder, altså 11+4 =15 økeomganger x 8 masker = 120 økte masker. Se gjerne videoen: Hvordan hekle fletter og relieffmasker mvh DROPS design

16.08.2021 - 11:00

country flag Nienke wrote:

Haak je het patroon A2 (de kabels) ook op het achterpand of moet ik hier gewoon stokjes haken?

09.02.2021 - 10:41

DROPS Design answered:

Dag Nienke,

Ja, de kabels worden inderdaad ook op het achterpand gehaakt.

16.02.2021 - 15:53

country flag Camilla wrote:

Hvor ser jeg målene på de forskellige størrelser? På de fleste af jeres andre modeller kan man jo se målene på tegningen. Det står der også som en mulighed, men jeg kan ikke se en tegning eller mål nogen steder?

17.12.2020 - 21:40

DROPS Design answered:

Hei Camilla. Målskissen med tall på de ulike størrelsene finner du nederst på oppskriften. mvh DROPS design

21.12.2020 - 13:04

country flag LAURENT Mathilde wrote:

Bonjour, Ça ne fait que peu de temps que je fais du crochet et j'ai voulu me lancer dans la réalisation de ce pull, cependant je suis plus une personne visuelle et je ne comprends pas comment le pull peut être réalisé en une seule fois ? J'en suis qu'à l'encolure mais je suis déjà perdu Le motif est-il répété dans le dos ? Quand est-ce-qu'on arrête de travailler en cercle ?

08.12.2020 - 18:55

DROPS Design answered:

Bonjour Mme Laurent, cette leçon montre comment on tricote un pull de haut en bas, ce sera approximativement la même technique pour ce pull, on va crocheter en rond, en augmentant pour le raglan de cheque côté de chaque fil marqueur etc.. et en même temps suivre le diagramme avec la torsade devant et dans le dos (on répète les diagrammes de *-* tout le tour = dos et devant sont identiques). Bon crochet!

09.12.2020 - 06:47