DROPS Baby / 36 / 1

Baby Fox by DROPS Design

Prjónuð peysa og vettlingar fyrir börn með refamynstri úr DROPS Alpaca. Stærð fyrirburar -4 ára.

DROPS Design: Mynstur z-103-by
Garnflokkur A
-----------------------------------------------------------

ALLT SETTIÐ:

STÆRÐ:
Stærð: 1/3 - 6/9
Höfuðmál í cm:
ca 40/42 - 42/44 cm

EFNI:
DROPS ALPACA frá Garnstudio (tilheyrir garnflokki A)
50-50 g litur 2925, appelsína
50-50 g litur 9020, ljós perlugrár
Afgangur af lit 506, dökk grár

HÚFA:

STÆRÐ:
Stærð: (<0) 0/1 - 1/3 - 6/9 - 12/18 mánaða (2 - 3/4) ára
Höfuðmál í cm:
ca (28/32) 34/38 - 40/42 - 42/44 - 44/46 (48/50 - 50/52) cm

EFNI:
DROPS ALPACA frá Garnstudio (tilheyrir garnflokki A)
(50) 50-50-50-50 (50-50) g litur 2925, appelsína
(50) 50-50-50-50 (50-50) g litur 9020, ljós perlugrár
Afgangur af lit 506, dökk grár

PRJÓNFESTA:
24 lykkjur á breidd og 32 umferðir á hæð með sléttprjóni = 10 x 10 cm.

PRJÓNAR:
DROPS HRINGPRJÓNAR NR 3: lengd 40 cm, 60 cm eða 80 cm fyrir sléttprjón.
DROPS HRINGPRJÓNAR NR 2,5: lengd 40 cm, 60 cm eða 80 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

VETTLINGAR:

STÆRÐ:
Stærð: 1/3 - 6/9 ára

EFNI:
DROPS ALPACA frá Garnstudio (tilheyrir garnflokki A)
50-50-50 g litur 2925, appelsína
50-50-50 g litur 9020, ljós perlugrár
Afgangur af lit 506, dökk grár

PRJÓNFESTA:
26 lykkjur á breidd og 34 umferðir á hæð með sléttprjóni = 10 x 10 cm.

PRJÓNAR:
DROPS HRINGPRJÓNAR NR 2,5.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!


100% Alpakka
frá 902.00 kr /50g
DROPS Alpaca uni colour DROPS Alpaca uni colour 902.00 kr /50g
Gallery Spuni
Panta
DROPS Alpaca mix DROPS Alpaca mix 968.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 1804kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

MYNSTUR:
Húfa: Sjá mynsturteikningu A.1 – veldu mynsturteikningu fyrir þína stærð.
Vettlingar: Sjá mynsturteikningu A.2 – veldu mynsturteikningu fyrir þína stærð.
Mynsturteikning er prjónuð í sléttprjóni.
ATH: Til að koma í veg fyrir að það myndist gat við litaskipti, verður að tvinna þræðina um hvorn annan þegar skipt er um lit.
Stóra rúðan utan um lykkjurnar merkir hvar sauma á lykkjuspor fyrir nef á ref.
Mynsturteikning sýnir allar umferðir í mynstri séð frá réttu.

ÚRTAKA (á við um húfu).
Fækkið lykkjum jafnt frá röngu með því að prjóna 2 lykkjur brugðið saman (= 1 lykkja færri).

-------------------------------------------------------

BYRJIÐ Á STYKKI HÉR:

-------------------------------------------------------

HÚFA - STUTT ÚTSKÝRING Á STYKKI:
Stykkið er prjónað fram og til baka á hringprjón í 2 stykkjum sem saumuð eru saman í lokin.
Fyrra stykkið er prjónað með refamynstri og seinna stykkið er prjónað í einum lit.

STYKKI 1 (með refamynstri):
Fitjið upp (40) 44-48-52-52 (56-60) lykkjur (meðtalin 1 kantlykkja í hvorri hlið á stykki) á hringprjón 2,5 með appelsína.
Prjónið 1 umferð brugðið frá röngu. Prjónið síðan frá réttu þannig:
Prjónið 1 kantlykkju GARÐAPRJÓN – sjá útskýringu að ofan, * 2 lykkjur slétt, 2 lykkjur brugðið *, prjónið frá *-* þar til 3 lykkjur eru eftir, endið með 2 lykkjur slétt og 1 kantlykkju garðaprjón.
Þegar stroffið mælist (2) 2-2-2-3 (3-3) cm, skiptið yfir á hringprjón 3. Prjónið 1 umferð brugðið frá röngu og fækkið um (3) 1-0-2-0 (0-2) lykkjur jafnt yfir – sjá ÚRTAKA = (37) 43-48-50-52 (56-58) lykkjur. Prjónið síðan mynstur þannig:
Prjónið 1 kantlykkju garðaprjón (kantlykkjan er prjónuð í sama lit og fyrsta lykkjan í A.1), A.1 (= (35) 41-46-48-50 (54-56) lykkjur) og endið með 1 kantlykkju garðaprjón (kantlykkjan er prjónuð í sama lit og síðasta lykkjan í A.1).
Þegar prjónað er með 2 litum er fyrri einingin með ljós perlugrár prjónuð með þræðinum utan með dokkunni, einingin með appelsína er prjónuð með 1 þræði appelsína og seinni einingin með ljós perlugrár er prjónuð með þræðinum innan úr dokkunni (þ.e.a.s. prjónið alls með 3 þráðum, 2 þráðum ljós grár og 1 þræði appelsína í sömu umferð).
Haldið svona áfram með mynstur. ATHUGIÐ PRJÓNFESTUNA!
Þegar allar lykkjurnar eru prjónaðar í appelsína (stykkið mælist ca (10) 11-12-13-15 (15-16) cm), prjónið fram og til baka í sléttprjóni með appelsína þar til stykkið mælist (16) 16-17-18-19 (20-21) cm. Fellið af með sléttum lykkjum frá réttu.

STYKKI 2 (einlitt):
Fitjið upp (40) 44-48-52-52 (56-60) lykkjur (meðtalin 1 kantlykkja í hvorri hlið á stykki) á hringprjón 2,5 með appelsína.
Prjónið 1 umferð brugðið frá röngu. Prjónið síðan frá réttu þannig:
Prjónið 1 kantlykkju garðaprjón, * 2 lykkjur brugðið, 2 lykkjur slétt *, prjónið frá *-* þar til 3 lykkjur eru eftir, endið með 2 lykkjur brugðið og 1 kantlykkju garðaprjón.
Þegar stroffið mælist (2) 2-2-2-3 (3-3) cm, skiptið yfir á hringprjón 3. Prjónið 1 umferð brugðið frá röngu og fækkið um (3) 1-0-2-0 (0-2) lykkjur jafnt yfir = (37) 43-48-50-52 (56-58) lykkjur.
Prjónið sléttprjón með 1 kantlykkju garðaprjón í hvorri hlið, með appelsína þar til stykkið mælist (16) 16-17-18-19 (20-21) cm, stillið hæðina af eftir stykki 1.
Fellið af með sléttum lykkjum frá réttu.

FRÁGANGUR:
Saumið húfuna saman innan við 1 kantlykkju garðaprjón í hvorri hlið. Toppurinn á húfunni er saumaður fallega saman. Saumið þríhyrning í hvert horn efst, saumað er í gegnum bæði lögin, frá ca 3 cm niður í hlið til ca 3 cm lengst meðfram toppi á húfunni (= refaeyru).
Saumið nef og augu með lykkjuspori með dökk grár – sjá merkingar í mynsturteikningu.

-------------------------------------------------------

VETTLINGAR - STUTT ÚTSKÝRING Á STYKKI:
Stykkið er prjónað fram og til baka á hringprjóna.

VETTLINGUR:
Fitjið upp 42-48 lykkjur (meðtalin 1 kantlykkja í hvorri hlið á stykki) á hringprjón 2,5 með appelsína. Prjónið 1 umferð brugðið frá röngu. Prjónið stroff (= 2 lykkjur slétt, 2 lykkjur brugðið) með byrjun frá réttu, með 1 kantlykkju í GARÐAPRJÓN – sjá útskýringu að ofan, í hvorri hlið á stykki.
Þegar stykkið mælist 4 cm, prjónið sléttprjón með 1 kantlykkju garðaprjón í hvorri hlið á stykki þar til stykkið mælist 5-6½ cm.
ATHUGIÐ PRJÓNFESTUNA!
Prjónið 1 kantlykkju garðaprjón, A.2 (= 40-44 lykkjur) og 1 kantlykkju garðaprjón.
Þ.e.a.s. þegar prjónað er með 2 litum er fyrri einingin með ljós perlugrár prjónuð með þræðinum utan með dokkunni, fyrri einingin með appelsína er prjónuð með þræðinum utan með dokkunni, seinni einingin með ljós perlugrár er prjónuð með þræðinum innan úr dokkunni og seinni einingin með appelsína er prjónuð með þræðinum innan úr dokkunni (þ.e.a.s. prjónið alls með 4 þráðum, 2 þráðum ljós grár og 2 þráðum appelsína í sömu umferð).
Þegar A.2 hefur verið prjónað 1 sinni á hæðina eru 10 lykkjur eftir í umferð.
Klippið frá og þræðið þráðinn í gegnum þær lykkjur sem eftir eru og festið vel. Vettlingurinn mælist ca 12-14 cm.

Prjónið annan vettling alveg eins.

FRÁGANGUR:
Saumið nef og augu með lykkjuspori með dökk grár – sjá merkingar í mynsturteikningu.
Saumið vettlinginn saman innan við 1 kantlykkju garðaprjón.

Mynstur

= slétt lykkja frá réttu, brugðin lykkja frá röngu með appelsína
= slétt lykkja frá réttu, brugðin lykkja frá röngu með ljós perlugrár
= í þessa lykkju á að sauma augun í með lykkjuspori
= Frá réttu: Prjónið 2 lykkjur slétt saman með appelsína. Frá röngu: Prjónið 2 lykkjur brugðið saman með appelsína
= Frá réttu: Lyftið 1 lykkju eins og prjóna eigi slétt, prjónið 1 lykkju slétt með appelsína, steypið lyftu lykkjunni yfir lykkjuna sem var prjónuð. Frá röngu: Prjónið 2 lykkjur brugðið með appelsína
= Frá réttu: Prjónið 2 lykkjur slétt saman með ljós perlugrár. Frá röngu: Prjónið 2 lykkjur brugðið saman með ljós perlugrár
= Frá réttu: Lyftið 1 lykkju eins og prjóna eigi slétt, prjónið 1 lykkju slétt með ljós perlugrár, steypið lyftu lykkjunni yfir lykkjuna sem var prjónuð. Frá röngu: Prjónið 2 lykkjur brugðið saman með ljós perlugrár.






Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS Baby 36-1) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (7)

Reveillaud 27.05.2020 - 23:19:

Bonjour je ne trouve le schéma largeur/hauteur en cm du bonnet fini svp. Je fais la taille 0/1. Cordialement

DROPS Design 28.05.2020 kl. 08:16:

Bonjour Mme Reveillaud, nous n'avons pas de schéma de mesure pour les bonnets - pensez à bien vérifier votre échantillon et conservez la bonne tension en tricotant le bonnet, ainsi vous obtiendrez la bonne taille. Bon tricot!

Susanne 26.05.2020 - 21:55:

Gibt es einen Grund, das ganze nicht in Runden zu stricken und (bei der Mütze) open zusammen zu nähen, bei den Handschuhen wie bei Socken abzunehmen? Ich könnte mir vorstellen, daß weniger Naht angenehmer an der Haut ist?

DROPS Design 27.05.2020 kl. 08:49:

Liebe Susanne, wegen dem Fuchsmuster muss mann lieber in Hin- und Rückreihen stricken, deshalb wird die Mütze in 2 Teilen gestrickt und die Handschuhen in 1 Teil aber mit einer Naht. Viel Spaß beim stricken!

Susi 18.05.2020 - 23:29:

This would be a perfect present for my sister who loves foxes and is expecting BUT I don't think giving a new parent an item of clothing that is hand-wash only is a kindness. Do you have recommendation for yarn that is machine washable, soft enough for baby skin, and would fit regarding colors?

DROPS Design 19.05.2020 kl. 07:52:

Dear Susi, you can use DROPS BabyMerino, DROPS Fabel or even DROPS Safran which is a cotton yarn. Your DROPS store will help you to chose the best matching yarn to fit your wishes. Happy knitting!

Anneli 19.03.2020 - 21:09:

Hej! Jag förstår inte hur man ska kunna göra vanten i ett stycke när man kommer till minskningarna. Troligtvis gör jag något fel. Skulle vilja ha en bättre förklaring.

DROPS Design 23.03.2020 kl. 12:29:

Hei Anneli. Usikker på hva du gjør alt under fellingen, men husk at diagramtekstene forklarer hvordan diagrammene skal strikkes både fra retten og hvordan de strikkes fra vrangen (når man skal felle på hver pinne). Kanskje det er der du har misforstått noe? mvh DROPS design

Gudrun Maria Gudmundsdottir 10.03.2020 - 16:28:

Vettlingarnir sýna teikningu uppí stærð 3-4 ára en textinn er bara gefinn upp fyrir tvær stærðir. Eiga vettlingarnir ekki að vera líka uppí 3-4 ára?

Andrea 16.02.2020 - 22:21:

Hat: Are the garter stitch edge stitches already accounted for in the co numbers?

DROPS Design 17.02.2020 kl. 04:18:

Dear Andrea, yest the number of stitches for cast on does include the edge stitches (that should be knitted with garter stitch). Happy Knitting!

Sacha 16.02.2020 - 18:31:

Hi, these fox patterns are very cute. I am trying to do the hat but I can’t see why it should be knitted with a circular needle if I am joining up the two sections (which I presume are front and back). Please can you help? Thanks Sacha

DROPS Design 17.02.2020 kl. 13:06:

Dear Sacha, hat is worked back and forth on circular needle to get enough room for all stitches. You can use straight needles instead of you like to. Happy knitting!

Skrifaðu athugasemd um DROPS Baby 36-1

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.