DROPS / 202 / 27

Robin Song by DROPS Design

Prjónuð peysa með v-hálsmáli úr DROPS Air. Stykkið er prjónað með gatamynstri. Stærð S - XXXL.

DROPS Design: Mynstur ai-197
Garnflokkur C eða A + A
-------------------------------------------------------

STÆRÐ:
S - M - L - XL - XXL - XXXL

EFNI:
DROPS AIR frá Garnstudio (tilheyrir garnflokki C)
300-300-350-350-400-450 g litur 13, appelsínugulur

PRJÓNFESTA:
15 lykkjur á breidd og 19 umferðir á hæð með sléttprjóni = 10 x 10 cm.

PRJÓNAR:
DROPS SOKKAPRJÓNAR NR 6 fyrir sléttprjón.
DROPS HRINGPRJÓNAR NR 6: lengd 60 cm eða 80 cm fyrir sléttprjón.
DROPS SOKKAPRJÓNAR NR 5 fyrir stroff.
DROPS HRINGPRJÓNAR NR 5: lengd 60 eða 80 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir á grófari prjóna. Ef þú ert með of fáar lykkjur á 10 cm, skiptu yfir á fínni prjóna.

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!

Ertu ekki viss hvaða stærð þú þarft? Þá hjálpar það kannski að fyrirsætan á myndinni er ca 170 cm á hæð og notar stærð S eða M. Ef þú gerir peysu, jakkapeysu, kjól eða álíka þá getur þú fundið teikningu með máli neðst í mynstri.

65% Alpakka, 28% Polyamide, 7% Ull
frá 1364.00 kr /50g
DROPS Air mix DROPS Air mix 1364.00 kr /50g
Gallery Spuni
Panta
DROPS Air uni colour DROPS Air uni colour 1364.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 8184kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

MYNSTUR:
Sjá mynsturteikningu A.1 til A.4. Mynsturteikning sýnir allar umferðir í mynstri séð frá réttu.

ÚRTAKA-1 (jafnt yfir):
Til þess að reikna út hvernig fækka eigi jafnt í umferð, teljið fjölda lykkja í umferð (t.d. 105 lykkjur) mínus kantlykkjur (2 lykkjur) og deilið þessum lykkjufjölda lykkja sem eftir er með fjölda úrtöku sem á að gera (t.d. 21) = 4,9. Í þessu dæmi þá er lykkjum fækkað með því að prjóna ca 4. og 5. hverja lykkju slétt saman.

ÚRTAKA-2 (á við um háls á bakstykki):
Öll úrtaka er gerð frá réttu.
Fækkið um 1 lykkju á eftir 2 lykkjur garðaprjón frá hálsi þannig: Takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir lykkjuna sem var prjónuð.
Fækkið um 1 lykkju á undan 2 lykkjur garðaprjón við háls: Prjónið 2 lykkjur slétt saman.

ÚTAUKNING (á við um ermar):
Prjónið þar til 2 lykkjur eru eftir á undan A.7 og undir ermi, sláið 1 sinni uppá prjóninn, prjónið 1 lykkjur slétt, A.7, 2 lykkjur slétt, sláið 1 sinni uppá prjóninn. Í næstu umferð er uppslátturinn prjónaður snúinn slétt svo að ekki myndist gat. Prjónið síðan nýjar lykkjur í sléttprjóni.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA – STUTT ÚTSKÝRING Á STYKKI:
Stykkið er prjónað fram og til baka á hringprjón í stykkjum og saumað saman í lokin. Ermar eru prjónaðar í hring á sokkaprjóna.

BAKSTYKKI:
Fitjið upp 105-111-117-129-141-153 lykkjur (meðtalin 1 kantlykkja í hvorri hlið) á hringprjón 5 með Air. Prjónið 1 umferð brugðið frá röngu. Prjónið síðan stroff þannig: 1 kantlykkja GARÐAPRJÓN – sjá útskýringu að ofan, (1 lykkja slétt, 2 lykkjur brugðið) þar til 2 lykkjur eru eftir á prjóni, 1 lykkja slétt, 1 kantlykkja garðaprjón. Haldið svona áfram fram og til baka þar til stykkið mælist 4 cm. Prjónið nú 1 umferð slétt frá réttu þar sem fækkað er um 21-21-21-27-29-33 lykkjur jafnt yfir – sjá ÚRTAKA-1= 84-90-96-102-112-120 lykkjur. Skiptið yfir á hringprjón 6. Prjónið sléttprjón með 1 kantlykkju garðaprjón í hvorri hlið þar til stykkið mælist 39-40-41-42-43-44 cm. ATHUGIÐ PRJÓNFESTUNA! Í byrjun á næstu 2 umferðum eru felldar af 3-4-4-5-6-6 lykkjur fyrir handveg = 78-82-88-92-100-108 lykkjur. Haldið síðan áfram með sléttprjón og 1 kantlykkju garðaprjón í hvorri hlið.
Þegar stykkið mælist 50-52-54-56-58-60 cm, prjónið garðaprjón yfir miðju 18-18-20-20-22-22 lykkjurnar. Þegar prjónaðar hafa verið 4 umferðir garðaprjón yfir miðju lykkjurnar, prjónið næstu umferð frá réttu þannig: Prjónið fyrstu 32-34-36-38-41-45 lykkjurnar og setjið þær á band fyrir hægri öxl, fellið af næstu 14-14-16-16-18-18 lykkjurnar fyrir hálsmáli, prjónið þær 32-34-36-38-41-45 lykkjur sem eftir eru. Prjónið síðan axlir til loka hvora fyrir sig. Prjónið 1 kantlykkju garðaprjón við handveg, 2 lykkjur garðaprjón við háls og sléttprjón yfir þær lykkjur sem eftir eru. Í næstu umferð frá réttu er fækkað um 1 lykkju innan við 2 lykkjur garðaprjón við háls – sjá ÚRTAKA-2 = 31-33-35-37-40-44 lykkjur. Haldið áfram þar til stykkið mælist 15-16-17-18-19-20 cm. Fellið af. Stykkið mælist ca 54-56-58-60-62-64 cm frá öxl og niður. Prjónið hina öxlina alveg eins.

FRAMSTYKKI:
Fitjið upp 105-111-117-129-141-153 lykkjur (meðtalin 1 kantlykkja í hlið) á hringprjón 5 með Air. Prjónið 1 umferð brugðið frá röngu. Prjónið síðan stroff þannig: 1 kantlykkja garðaprjón, (1 lykkja slétt, 2 lykkjur brugðið) þar til 2 lykkjur eru eftir á prjóni, 1 lykkja slétt, 1 kantlykkja garðaprjón. Haldið svona áfram fram og til baka þar til stroffið mælist 4 cm. Prjónið nú þannig: Prjónið fyrstu 51-54-57-63-68-75 lykkjur og fækkið jafnframt um 10-10-10-13-14-16 lykkjur jafnt yfir, prjónið A.1 11-11-11-14-15-17 lykkjur jafnt yfir = 84-90-96-102-112-120 lykkjur. Skiptið yfir á hringprjón 6. Haldið áfram fram og til baka með A.1 yfir miðju 2 lykkjurnar íumferð, sléttprjón og 1 kantlykkju garðaprjón í hvorri hlið. Þegar stykkið mælist 34-36-37-39-40-42 cm, prjónið A.2 yfir miðju 20 lykkjurnar í umferð. Þær 2 miðju lykkjur í A.2 eiga að passa yfir tvær lykkjur í A.1. Þegar umferð með stjörnu hefur verið prjónuð til loka hefur fækkað um 2 lykkjur í A.2 og stykkið skiptist fyrir miðju þannig að fyrri helmingur af lykkjum (séða frá réttu) eru settar á band (= vinstra framstykki/öxl) og prjónað er síðan fram og til baka yfir hægra framstykki/öxl. Haldið áfram með sléttprjón, 1 kantlykkju garðaprjón við handveg og A.2 við háls, þ.e.a.s. lykkjum er fækkað fyrir hálsmáli eins og sýnt er í síðustu 6 umferðum í mynsturteikningu (3 af úrtökunum eru teiknaðar inn í mynsturteikningu) þar til fækkað hefur verið alls 8-8-9-9-10-10 sinnum, JAFNFRAMT þegar stykkið mælist 39-40-41-42-43-44 cm fellið af 3-4-4-5-6-6 lykkjur í byrjun á umferð frá handveg. Þegar úrtaka fyrir hálsmáli hefur verið prjónuð til loka er prjónað eins og útskýrt er í A.3 yfir ystu 5 lykkjurnar á hægra framstykki við háls til loka. Þegar allar úrtökur hafa verið gerðar fyrir hálsmáli og handveg eru 31-33-35-37-40-44 lykkjur fyrir öxl. Haldið áfram þar til handvegur mælist ca 15-16-17-18-19-20 cm – stillið af eftir bakstykki. Fellið af. Stykkið mælist ca 54-56-58-60-62-64 cm frá öxl og niður.
Setjið til baka lykkjur af bandi á hringprjón og prjónið hægra framstykki/öxl alveg eins og vinstra framstykki/öxl, nema spegilmynd. Þ.e.a.s. byrjið frá röngu við háls í umferð á eftir stjörnu í A.2 og prjónið þannig: Prjónið 9 lykkjur í A.2, prjónið sléttprjón þar til 1 lykkja er eftir, 1 kantlykkja garðaprjón. Haldið áfram fram og til baka svona og fækkið lykkjum fyrir hálsmáli og handveg alveg eins og vinstra framstykki. Þegar 8-8-9-9-10-10 úrtökur fyrir hálsmáli hafa verið gerðar til loka prjónið A.4 yfir ystu 5 lykkjurnar við háls til loka. Stillið lengdina eftir vinstra framstykki/öxl og bakstykki.

ERMI:
Ermin er prjónuð í hring á sokkaprjóna.
Fitjið upp 42-42-45-48-48-51 lykkjur á sokkaprjón 5. Prjónið 1 umferð slétt. Prjónið síðan stroff (1 lykkja slétt, 2 lykkjur brugðið) í 4 cm. Skiptið yfir á sokkaprjón 6. Næsta umferð er prjónuð þannig: Prjónið 2 lykkjur slétt, prjónið A.1 yfir næstu 2 lykkjurnar, prjónið sléttar lykkjur út umferðina og fækkið jafnframt um 9-8-8-10-9-11 lykkjur jafnt yfir = 34-35-37-38-39-40 lykkjur. Haldið áfram hringinn með sléttprjóni og A.1 mitt undir ermi, JAFNFRAMT þegar stykkið mælist 8-9-9-9-8-8 cm, aukið út um 1 lykkju í hvorri hlið – sjá ÚTAUKNING. Aukið út eftir mismunandi stærðum þannig:
Stærð S: Aukið út til skiptis í 6. og 7. hverjum cm alls 6 sinnum.
Stærð M: Aukið út í 5. hverjum cm alls 7 sinnum.
Stærð L: Aukið út í 5. hverjum cm alls 7 sinnum.
Stærð XL: Aukið út í 4. hverjum cm alls 8 sinnum.
Stærð XXL: Aukið út til skiptis í 3. og 4. hverjum cm alls 9 sinnum.
Stærð XXXL: Aukið út í 3. hverjum cm alls 10 sinnum.
Þegar allar útaukningar hafa verið gerðar eru 45-48-51-54-57-60 lykkjur í umferð. Haldið áfram þar til stykkið mælist 45-44-43-42-40-38 cm (styttra mál í stærri stærðum vegna breiðari axla). Endið umferð mitt í mynsturteikningu A.1 (= mitt undir ermi). Prjónið nú áfram fram og til baka með sléttprjóni yfir allar lykkjur þannig að mögulegt er að sauma ermina í handveginn. Þegar prjónað hefur verið fram og til baka í sléttprjóni í 2-3-3-4-4-4 cm mælist ermin alls 47-47-46-46-44-42 cm. Fellið af. Prjónið hina ermina alveg eins.

FRÁGANGUR:
Saumið axlasauma með lykkjuspori innan við affellingarkantinn. Saumið ermi í við fram- og bakstykki. Saumið hliðarsaum innan við 1 kantlykkju í garðaprjóni í hvorri hlið. Endurtakið á hinni hliðinni.

Þetta mynstur hefur verið leiðrétt. .

Yfirfarið á vefsvæði: 24.05.2019
Leiðrétting - ERMI: Fitjið upp 42-42-45-48-48-51 lykkjur á sokkaprjón 5.

Mynstur

= slétt frá réttu, brugðið frá röngu
= brugðið frá réttu, slétt frá röngu
= á milli 2 lykkja er slegið 1 sinni uppá prjóninn, í næstu umferð (ranga) er uppslátturinn prjónaður brugðinn svo að það myndist gat
= 2 lykkjur slétt saman
= takið 1 lykkju óprjónaða eins og prjóna eigi hana slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð
= þegar þessi umferð hefur verið prjónuð til loka skiptist stykkið í hægri og vinstri öxl og hvort stykki er prjónað til loka fyrir sig
= þessi rúða sýnir enga lykkju þar sem lykkjunni var fækkað áður. Þessi rúða merkir úrtöku fyrir háls við miðju að framan


Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS 202-27) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (27)

Cécile 23.02.2020 - 16:38:

Bonjour J’aurais besoin de précisions pour démarrer A1 sur le rang de diminution juste après les côtes. Doit-on le faire sur un rang de mailles endroits ou sur un rang de mailles envers ? Et du coup le jeté de A1 doit-on le tricoter maille endroit ou maille envers ? Merci pour vos précisions Cordialement Cécile Q.

DROPS Design 24.02.2020 kl. 09:19:

Bonjour Cécile, le 1er rang de A.1 (= 2 mailles ensemble à l'endroit, 1 jeté) doit se tricoter sur l'endroit (et au milieu) . Bon tricot!

Gisela Jansson 24.01.2020 - 21:11:

Å vad jag tycker avslutet på ryggstycket känns svårt att förstå. De fyra varven rätstickning, är det en del av halsringningen?

DROPS Design 31.01.2020 kl. 08:25:

Hej Gisela, Ja det stämmer, de fyra varven du stickar innan du maskar av till hals blir till halskant. Du fortsätter med 2 m i rätstickning mot halskanten tills du maskar av. Lycka till :)

Walaa 26.12.2019 - 23:55:

I don't quite understand the part of the sleeves which says (knit 2 then work A1(= purl 1 and knit 1) should i purl 1 and knit 1 or work A1 as the diagram ? also how is this middle under arm if i knitted 2 at the first of the row this is not the middle it will be abit shifted to the right

DROPS Design 02.01.2020 kl. 11:16:

Dear Walaa, you work A.1 over the next 2 stitches (these stitches are P1 and K1), then knit to the end of the round. ie the first stitch in A.1 is worked over P1 from the rib and the 2nd stitch in A.1 is worked over K1 from the rib. Middle of the sleeve is: K2, A.1, K2 so that you will inc at the end of the round before the K2 before A.1 and after the K2 after A.1 - see INCREASE TIP (for sleeves). Happy knitting!

Nathalie 05.09.2019 - 23:04:

Bonjour, je fais ce pull en M. Le rang avec l'étoile est mon 69ème rang et est celui où je diminue les 2 m. centrales de A2. Je fais mon 70ème rang comme décrit mais à mon 71ème rang, la dernière diminution (après le jeté) est décalé donc le motif aussi.. En suivant vos explications, il ne me reste que 2m end. à la fin de A2. Je pense qu'il y a 1 m. end. de trop. Pourriez-vous m'aider svp? Merci d'avance

DROPS Design 06.09.2019 kl. 08:20:

Bonjour Nathalie, au 7ème rang de A.1 (= étoile), on diminue 2 mailles, au rang suivant, on termine chaque devant séparément, on doit tricoter 2 mailles endroit sur l'envers côté encolure, et, sur l'endroit, on va continuer la diagonale ajourée de A.2 comme avant, par ex côté droit de A.2 on doit avoir 3 m end, puis 2 m ens à l'end, 1 jeté, 1 m end, 2 m ens à l'end, 1 jeté, puis on aura 2 m end avant les 2 m ens à l'end, 1 jeté, 1 m end, 2 m ens à l'end, 1 m end. Les jours de A.2 doivent continuer en diagonale le long de l'encolure. N'hésitez pas à placer un marqueur pour délimiter A.2, ce sera plus facile de suivre le diagramme. Bon tricot!

Clare Myers 13.08.2019 - 10:04:

I have a question about the decrease row on the Front: XXL size. After decreases in 1st half I have 54 stitches - then A1= 2 stitches - then decreases in the 2nd half leaves 56 stitches. So A1 is not quite central 54/2/56. The following row says to do A1 over the MIDDLE two stitches. The middle 2 stitches of this row would be 55 & 56 (A1 was 57/58 the equiv of in the previous row) . Does this mean it should not line up with the A1 in the row before?

DROPS Design 13.08.2019 kl. 11:36:

Dear Mrs Myers, there are 112 sts on needle, then you decrease 2 sts on 7th row in A.2 = 110 sts remain, you should have now 55 stitches for each front piece. When you start working A.2, the 2 middle sts in A.2 should be the 2 sts from A.1 (= the 2 middle sts on piece), On 7th row, you dec the 8th and 9th stitch in A.2, K2 and dec the next 2 sts - if A.2 has been worked over A.1, you should have the 55 sts on each side. Happy knitting!

Nathalie Perlot 28.05.2019 - 14:42:

Bonjour, je commence le pull avec la laine "Air" du modèle et les aiguilles préconisées mais si mon échantillon jersey est égale au votre,lorsque je commence le modèle en côtes,je me retrouve avec 75 cm de largeur.est-ce vraiment normal de monter autant de mailles ? j'ai l'impression en voyant la photo que la bordure côte est plutôt moins large que la suite en jersey alors que si je suis les instructions,je vais avoir l'effet inverse.. merci de m'éclairer

DROPS Design 28.05.2019 kl. 14:59:

Bonjour Mme Perlot, si votre tension est correcte en jersey, vous devriez avoir, après les côtes les 110 m + 2 m lis (en taille XXL) = 73 cm (soit 112 m = 74.6 cm environ). On monte plus de mailles au début pour éviter que les côtes ne resserrent trop la base du pull, on va ensuite diminuer pour avoir la bonne largeur, ainsi, les côtes feront la même largeur que le pull. Bon tricot!

Britt 24.05.2019 - 10:04:

Der Anschlag für die Ärmel in Gr. S und M müssten doch 42 Maschen sein, sonst geht der Rapport nicht auf? Und ist es richtig, dass das Muster am unteren Ärmel gestrickt wird? (auf den Bildern ist das leider nicht zu erkennen)

DROPS Design 24.05.2019 kl. 14:06:

Liebe Britt, Sie sind ja recht, in die beiden ersten Größen muss man 42 Maschen anschlagen. Anleitung wird angepasst. Viel Spaß beim stricken!

Marianne Antonsen 20.05.2019 - 21:37:

Finner ikke diagrammene til oppskriften.

DROPS Design 21.05.2019 kl. 14:28:

Hei Marianne. Diagrammene ligger helt nederst på siden, sammen med målskissen. Om du har problemer med å se den kan du forsøke å bytte enhet, eventuelt printe ut oppskriften. God fornøyelse

Kristin Eriksen 19.05.2019 - 23:03:

Er det noen grunn til at man ikke kan strikke denne på rundpinne opp til ermhull?

Louisa 16.05.2019 - 09:10:

Bij het patroon van de hals staat bij het hokje met horizontaal streepje (-) recht aan de goede kant. Maar hoe wordt deze steek op de teruggaande naald gebreid?

DROPS Design 22.05.2019 kl. 13:30:

Dag Louisa,

Deze steek brei je ook recht aan de verkeerde kant. Dit staat er inderdaad niet goed bij; ik zal het meteen aanpassen!

Skrifaðu athugasemd um DROPS 202-27

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.