DROPS / 196 / 26

Green Echo by DROPS Design

Prjónuð peysa með hringlaga berustykki úr DROPS Nord. Stykkið er prjónað með gatamynstri og áferðamynstri. Stærð S – XXXL.

DROPS Design: Mynstur no-012
Garnflokkur A
-----------------------------------------------------------

Stærð: S - M - L - XL - XXL - XXXL
Efni:
DROPS NORD frá Garnstudio (tilheyrir garnflokki A)
350-350-400-450-500-550 g litur 19, skógargrænn

-------------------------------------------------------
FYLGIHLUTIR FYRIR STYKKIÐ:

PRJÓNFESTA:
24 lykkjur á breidd og 32 umferðir á hæð með sléttprjóni = 10 x 10 cm.
32 lykkjur á breidd og 32 umferðir á hæð með áferðamynstri í A.1 = 10 x 10 cm.

PRJÓNAR:
DROPS SOKKAPRJÓNAR NR 3: fyrir ermar.
DROPS HRINGPRJÓNAR NR 3: lengd 80 cm fyrir sléttprjón.
DROPS SOKKAPRJÓNAR NR 2,5: fyrir stroff
DROPS HRINGPRJÓNAR NR 2,5: lengd 40 og 80 cm fyrir áferðamynstur/garðaprjón.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir á grófari prjóna. Ef þú ert með of fáar lykkjur á 10 cm, skiptið yfir á fínni prjóna.

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!

Ertu ekki viss hvaða stærð þú þarft? Þá hjálpar það kannski að fyrirsætan á myndinni er ca 170 cm á hæð og notar stærð S eða M. Ef þú gerir peysu, jakkapeysu, kjól eða álíka þá getur þú fundið teikningu með máli neðst í mynstri.

45% Alpakka, 30% Polyamide, 25% Ull
frá 682.00 kr /50g
DROPS Nord uni colour DROPS Nord uni colour 682.00 kr /50g
Gallery Spuni
Panta
DROPS Nord mix DROPS Nord mix 704.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 4774kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað í hring):
*1 umferð slétt og 1 umferð brugðin*, endurtakið frá *-*.

MYNSTUR:
Sjá mynsturteikningu A.1. Veldu mynsturteikningu fyrir þína stærð.

ÚRTAKA (á við um fram- og bakstykki):
Fækkið um 1 lykkju hvoru megin við hvert prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa lykkja), takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir lykkjuna sem var prjónuð (= 2 lykkjur færri við hvert prjónamerki = alls 4 lykkjur færri í umferð).

ÚTAUKNING (á við um ermar):
Prjónið þar til 2 lykkjur eru eftir á undan prjónamerki, sláið 1 sinni uppá prjóninn (= 1 lykkja fleiri), prjónið 4 lykkjur slétt (prjónamerki situr mitt á milli þessa lykkja), sláið 1 sinni uppá prjóninn (= 1 lykkja fleiri).
Uppslátturinn er prjónaður snúinn slétt í næstu umferð, það eiga ekki að myndast göt.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Stykkið er prjónað neðan frá og upp. Fram- og bakstykki er prjónað fyrst í hring á hringprjón. Síðan eru ermar prjónaðar í hring á sokkaprjóna. Ermar og fram- og bakstykki er sett á sama hringprjón og prjónað í hring með áferðarmynstri yfir berustykki.

FRAM- OG BAKSTYKKI:
Fitjið upp 254-272-284-315-336-372 lykkjur á hringprjón 2,5 með Nord. Prjónið 6 umferðir GARÐAPRJÓN – sjá útskýringu að ofan. Skiptið yfir á hringprjón 3 og prjónið síðan sléttprjón.
Umferðin byrjar við miðju að aftan. Prjónið 63-68-71-78-84-93 lykkjur slétt (= hálft bakstykki), setjið 1 prjónamerki, prjónið 127-136-142-158-168-186 lykkjur slétt (= framstykki), setjið 1 prjónamerki og prjónið síðustu 64-68-71-79-84-93 lykkjurnar slétt (= hálft bakstykki). ATHUGIÐ PRJÓNFESTUNA!
Þegar stykkið mælist 8 cm er fækkað um 1 lykkju hvoru megin við hvort prjónamerki – sjá ÚRTAKA!
Fækkið lykkjum svona með 2½ cm millibili alls 10 sinnum = 214-232-244-275-296-332 lykkjur. Þegar stykkið mælist 33-33-34-34-34-34 cm fellið af fyrir handveg í næstu umferð þannig:
Prjónið 49-54-56-63-68-77 lykkjur slétt, fellið af næstu 8-8-10-10-12-12 lykkjurnar, 99-108-112-128-136-154 lykkjur slétt, fellið af næstu 8-8-10-10-12-12 lykkjurnar og prjónið 50-54-56-64-68-77 lykkjur slétt = 198-216-224-255-272-308 lykkjur. Geymið stykkið og prjónið ermar.

ERMI:
Fitjið upp 57-60-63-66-66-69 lykkjur á sokkaprjón 2,5 og prjónið stroff (= 1 lykkja slétt, 2 lykkjur brugðnar) yfir allar lykkjurnar. Þegar stykkið mælist 5 cm, skiptið yfir á sokkaprjóna 3 og prjónið áfram með sléttprjóni. Í fyrstu umferð er fækkað um 12-11-13-13-10-11 lykkjur jafnt yfir = 45-49-50-53-56-58 lykkjur. Setjið 1 prjónamerki í byrjun á umferð. Þegar ermin mælist 8-10-6-12-12-9 cm, aukið út um 1 lykkju hvoru megin við prjónamerki – sjá ÚTAUKNING! Aukið svona út með 2-1½-1½-1-1-1 cm millibili alls 16-19-23-24-25-26 sinnum = 77-87-96-101-106-110 lykkjur. Þegar stykkið mælist 43-42-41-39-38-36 cm, fellið af fyrstu 4-4-5-5-6-6 lykkjurnar og síðustu 4-4-5-5-6-6 lykkjurnar fyrir handveg = 69-79-86-91-94-98 lykkjur. Geymið stykkið og prjónið aðra ermi alveg eins.

BERUSTYKKI:
Setjið inn ermar á sama hringprjón 3 og fram- og bakstykki, þar sem fellt var af fyrir handveg = 336-374-396-437-460-504 lykkjur. Prjónið sléttprjón í 0-0-1-0-2-0 cm. Skiptið yfir á hringprjón 2,5.
Prjónið A.1a (= 21-22-22-23-23-24 lykkjur) yfir allar lykkjurnar (= 16-17-18-19-20-21 sinnum á breiddina).

Haldið svona áfram með mynstur. Þegar A.1a hefur verið prjónað 1 sinni á hæðina eru 304-340-360-399-420-504 lykkjur í umferð. Nú er prjónað A.1b yfir A.1a. Þegar A.1b hefur verið prjónað 1 sinni á hæðina eru 112-119-126-133-140-147 lykkjur í umferð. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Berustykki mælist ca 22-24-25-27-29-31 cm.

FRÁGANGUR:
Saumið saman undir ermum, kant í kant í ysta boga á ystu lykkju.

Þetta mynstur hefur verið leiðrétt. .

Yfirfarið á vefsvæði: 23.10.2018
Leiðrétting: FRÁGANGUR: Saumið saman undir ermum, kant í kant í ysta boga á ystu lykkju.

Mynstur

= slétt
= brugðið
= takið 2 lykkjur óprjónaðar yfir á hægri prjón eins og prjóna eigi þær slétt saman, 1 lykkja slétt, steypið óprjónuðu lykkjunni yfir lykkjuna sem var prjónuð
= á milli 2 lykkja er slegið 1 sinni uppá prjóninn, uppslátturinn er ekki prjónaður snúinn í næstu umferð, það eiga að myndast göt
= prjónstefna
= á milli 2 lykkja er slegið 1 sinni uppá prjóninn, uppslátturinn er prjónaður snúinn í næstu umferð, það eiga ekki að myndast göt
= 2 lykkjur brugðnar saman





Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS 196-26) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

Við höfum einnig skref-fyrir-skref leiðbeiningar fyrir mismunandi aðferðir sem þú finnur hér.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (14)

Svetlana 10.01.2020 - 16:38:

Bonjour,je fais la taille XL. Pour les manches, je commence par 53 mailles après les côtes et j’ajoute 2 mailles à chaque rang. A la fin, je dois avoir 106 mailles. Comment peut-on avoir un nombre pair en partan par un nombre impair, y ajoutant 2 mailles chaque fois?

Hanne-Merete 02.10.2019 - 21:07:

Hej Drops, jeg har strikket mønstre, men dette giver mig problemer. Jeg strikker en small, men A1 ser ud til at være op til 25 masker fra højre mod.venstre. er det det?. Der står nemlig 21 over alle masker i opskriften. Eller skal man kun strikke de 21 og så slutte med en ret og begynde med en ret på pind 3-5 f.eks.? Gør jeg det, passer mønstret dog ikke. jeg har brug for at vide, hvor pinden begynder og sluttter? .Tak på forhånd

DROPS Design 03.10.2019 kl. 11:44:

Hej Hanne-Merete, Du skal vælge det diagram der står A.1a = 21 masker S (for small). Og det skal du gentage, sæt gerne et lille mærke imellem hver rapport, så du er sikker på at få alle udtagninger og indtagninger med ifølge diagrammet. God fornøjelse!

Małgorzata 26.02.2019 - 18:19:

Cześć ! Wydziergałam ten sweterek.Na początku wydawał się trudny.Ale udało się.Mam go dzięki Wam.

Lone Bertelsen 30.01.2019 - 14:27:

Ligge4 der rettelser til 196-26, mønstret passer ikke

DROPS Design 31.01.2019 kl. 10:16:

Hei Lone. Vi ser gjerne på det hvis det er noe du mener er feil i oppskriften. Kan du si noe mer spesifikt om hva/hvor det ikke passer? Hilsen Drops

Suzanne 22.01.2019 - 05:00:

Bonjour je fais le diagramme A1a gr. large et là je tricote de droite vers la gauche et je suis sur l'endroit du pull je me demande si je suis correct car je trouve le diagramme est plus beau sur l'envers du tricot. Merci de me répondre

DROPS Design 22.01.2019 kl. 09:12:

Bonjour Suzanne, le pull se tricote d'abord en rond, A.1a va donc se tricoter sur l'endroit, et tous les rangs vont se tricoter de droite à gauche (rang 1 et 2: à l'endroit avec des augmentations au 2ème rang), puis rang 3 et 4: côtes 1 m env, 1 m end, etc... Bon tricot!

Suzanne 11.01.2019 - 03:46:

Bonjour je suis entrain de faire ce pull taille XL et pour la manche je termine en rabattant 5 mailles au début du rang et 5 mailles à la fin du rang alors il reste 1 maille en plein centre que faire . Merci de me répondre

DROPS Design 11.01.2019 kl. 09:35:

Bonjour Suzanne, rabattez les 5 premières mailles du tour, tricotez ensuite comme avant les 86-91 mailles suivantes, il reste 5 mailles sur l'aiguille gauche, rabattez ces 5 dernières mailles, coupez le fil et passez-le dans la dernière maille. Mettez vos 86-91 m en attente et tricotez la deuxième manche de la même façon. Bon tricot!

Annette 08.01.2019 - 23:14:

Kan man bruge rent uldgarn til denne opskrift, og I så fald hvilket?

DROPS Design 14.01.2019 kl. 14:13:

Hei Annette, Så lenge du oppnår samme strikkefasthet som angitt kan du helt fint bytte til et rent ullgarn. Nord tilhører garngruppe A, og alle garn i denne gruppen har tilsvarende strikkefatshet. Baby Merino er et godt alternativ i 100% merinoull, mens Flora eller Alpaca gode alternativer med alpaca. her kan du se alle garnene i grangruppe A, og hva de inneholder. God fornøyelse

Comte 08.01.2019 - 10:38:

Bonjour Je suis en train de terminer ce magnifique pull. J'ai mis des perles sur les doubles diminutions. Mais comment faire pour aplatir la bande des 6 rangs de point mousse car elle se retourne et cette laine ne se repasse pas.Merci

DROPS Design 08.01.2019 kl. 11:15:

Bonjour Mme Comte, vous pouvez bloquer votre pull une fois terminé: humidifiez-le et laissez-le sécher à plat, en épinglant la bordure si besoin. Bon tricot!

Miren Díaz 12.11.2018 - 11:15:

Quiero hacer este patron en la talla XLL pero falta el gráfico A1a para esta talla y para la XL ¿Podrían corregirlo o mandar una solución? Gracias

DROPS Design 19.11.2018 kl. 22:30:

Hola Miren. Ya están disponible todos los diagramas. Ha sido un fallo al publicar los diagramas del patrón.

Maria Cecilia 20.10.2018 - 16:33:

Olá! Corrijam a tradução do português: em vez de "Tricota-se de cima para baixo", deve ser "Tricota-se de baixo para cima". ;)

Skrifaðu athugasemd um DROPS 196-26

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.