DROPS / 196 / 35

Warm Fall by DROPS Design

Prjónuð peysa með laskalínu úr DROPS Eskimo. Stykkið er prjónað ofan frá og niður með gatamynstri og háum kraga. Stærð S - XXXL.

DROPS Design: Mynstur ee-634
Garnflokkur E eða C + C
-------------------------------------------------------

Stærð: S - M - L - XL - XXL - XXXL
Efni:
DROPS ESKIMO frá Garnstudio (tilheyrir garnflokki E)
550-600-650-750-800-900 g litur 13, púður

-------------------------------------------------------

FYLGIHLUTIR FYRIR STYKKIÐ:

PRJÓNFESTA:
9 lykkjur á breidd og 12 umferðir á hæð með sléttprjóni = 10 x 10 cm.

PRJÓNAR:
DROPS SOKKAPRJÓNAR OG HRINGPRJÓNAR NR 10: lengd 60 cm eða 80 cm fyrir stykkið/fyrir sléttprjón.
DROPS SOKKAPRJÓNAR OG HRINGPRJÓNAR NR 9: lengd 80 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir á grófari prjóna. Ef þú ert með of fáar lykkjur á 10 cm, skiptið yfir á fínni prjóna.

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!

Ertu ekki viss hvaða stærð þú þarft? Þá hjálpar það kannski að fyrirsætan á myndinni er ca 170 cm á hæð og notar stærð S eða M. Ef þú gerir peysu, jakkapeysu, kjól eða álíka þá getur þú fundið teikningu með máli neðst í mynstri.

100% Ull
frá 339.00 kr /50g
DROPS Eskimo uni colour DROPS Eskimo uni colour 339.00 kr /50g
Gallery Spuni
Panta
DROPS Eskimo mix DROPS Eskimo mix 385.00 kr /50g
Gallery Spuni
Panta
DROPS Eskimo print DROPS Eskimo print 416.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 3729kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað í hring):
*1 umferð slétt og 1 umferð brugðin*, endurtakið frá *-*.

ÚRTAKA/ÚTAUKNING (jafnt yfir):
Til þess að reikna út hvernig fækka/fjölga eigi jafnt í umferð, teljið fjölda lykkja í umferð (t.d. 56 lykkjur), deilið þessum lykkjufjölda með fjölda úrtöku/útaukninga sem á að gera (t.d. 12) = 4,7.
Í þessu dæmi er fækkað með því að prjóna til skiptis ca 3. og 4. hverja lykkju og 4. og 5. hverja lykkju slétt saman.
Ef auka á út þá er slegið uppá prjóninn til skiptis á eftir 4. og 5. hverja lykkju. Í næstu umferð er uppslátturinn prjónaður snúinn slétt svo að ekki myndist gat.

MYNSTUR:
Sjá mynsturteikningu A.1 og A.2. Mynsturteikning sýnir allar umferðir í mynstri séð frá réttu.

LASKALÍNA:
Aukið út um 1 lykkju hvoru megin við A.1/A.2 í hverri skiptingu á milli fram- og bakstykkis og erma (= 8 lykkjur fleiri í umferð). Aukið út um 1 lykkju með því að slá 1 sinni uppá prjóninn. Í næstu umferð er uppslátturinn prjónaður snúinn slétt, svo að ekki myndist gat.
Prjónið síðan nýjar lykkjur með sléttprjóni.

ÚTAUKNING-2 (á við um hliðar á fram- og bakstykki):
Prjónið þar til 2 lykkjur eru eftir á undan prjónamerki, sláið 1 sinni uppá prjóninn, prjónið 4 lykkjur slétt (prjónamerki er staðsett mitt í þessum lykkjum), sláið 1 sinni uppá prjóninn. Í næstu umferð eru uppslættirnir prjónaðir snúnir brugðnir svo að ekki myndast göt. Prjónið síðan nýjar lykkjur með sléttprjóni.

ÚRTAKA (á við um ermi):
Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa lykkja), takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir lykkjuna sem var prjónuð.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Stykkið er prjónað í hring á sokkaprjón/hringprjón, ofan frá og niður. Þegar kraginn er tilbúinn er hægt að prjóna upphækkun aftan í hnakka til að flíkin passi betur, þannig að berustykkið verður aðeins hærra í hnakka. Hægt er að sleppa þessari upphækkun, þá verður hálsmálið alveg eins að framan og að aftan – sjá útskýringu í neðar í uppskrift. Eftir berustykki er prjónað fram- og til baka í hring á hringprjón. Ermar eru prjónaðar í hring á sokkaprjóna ofan frá og niður.

KRAGI:
Fitjið upp 56-56-60-60-64-64 lykkjur á sokkaprjón 10 með Eskimo. Skiptið yfir á sokkaprjón 9 og prjónið stroff (= 2 lykkjur slétt, 2 lykkjur brugðnar) í 14 cm.
Prjónið síðan 4 umferðir GARÐAPRJÓN – sjá útskýringu að ofan, JAFNFRAMT í þriðju umferð (= umferð með sléttum lykkjum) er fækkað um 12-10-14-12-14-12 lykkjur jafnt yfir – sjá ÚRTAKA/ÚTAUKNING = 44-46-46-48-50-52 lykkjur. Skiptið yfir á sokkaprjón 10. Nú er hægt að prjóna upphækkun aftan í hnakka eða fara beint áfram í að prjóna berustykki ef ekki er óskað eftir upphækkun.

UPPHÆKKUN Í HNAKKA:
Hoppið yfir þennan kafla ef ekki er óskað eftir upphækkun.
Setjið 1 prjónamerki í byrjun umferðar = miðja að aftan. Byrjið frá réttu og prjónið 6-6-7-7-7-8 lykkjur slétt fram hjá prjónamerki, snúið, herðið á bandi og prjónið 22-22-24-26-26-28 lykkjur brugðnar. Snúið, herðið á bandi og prjónið 33-33-36-39-39-42 lykkjur slétt, snúið, herðið á bandi og prjónið 44-44-48-52-52-56 lykkjur brugðnar, snúið, herðið á bandi og prjónið sléttar lykkjur við miðju að aftan. Klippið frá. Byrjið næstu umferð (þ.e.a.s. á berustykki) eftir fyrstu 6-6-6-7-7-8 lykkjum í umferð.

BERUSTYKKI:
HÉÐAN ER NÚ MÆLT!
Setjið 1 prjónamerki í byrjun á umferð og prjónið fyrstu umferð þannig: * Prjónið 1 lykkju brugðið, prjónið 2 lykkjur slétt í hverja og eina af 3 næstu umferð (prjónið í fremri og í aftari lykkjubogann = 3 lykkjur fleiri), 1 lykkja brugðin, 1 lykkja slétt (= ermakúpa), 1 lykkja brugðin, prjónið 2 lykkjur slétt í hverja og eina af 3 næstu lykkjum (= 3 lykkjur fleiri), 1 lykkja brugðin, 11-12-12-13-14-15 lykkjur slétt (= framstykki/bakstykki) *, prjónið frá *-* alls 2 sinnum = 56-58-58-60-62-64 lykkjur í umferð.
Næsta umferð er prjónuð þannig: * Prjónið A.1 (= 8 lykkjur), sláið 1 sinni uppá prjóninn, prjónið 1 lykkju slétt (= ermakúpa), sláið 1 sinni uppá prjóninn, prjónið A.2 (= 8 lykkjur), sláið 1 sinni uppá prjóninn, prjónið 11-12-12-13-14-15 lykkjur slétt (= framstykki/bakstykki), sláið 1 sinni uppá prjóninn *, prjónið frá *-* alls 2 sinnum = 64-66-66-68-70-72 lykkjur.
Fyrsta útaukning fyrir LASKALÍNA – sjá útskýringu að ofan, er nú lokið (= 8 lykkjur fleiri í umferð). Haldið svona áfram með mynstur og aukið út fyrir laskalínu í annarri hverri umferð alls 7-8-11-9-12-13 sinnum (meðtalin útaukning sem var prjónuð í síðustu umferð) og síðan í 4. hverri umferð alls 2-2-1-3-2-2 sinnum. ATHUGIÐ PRJÓNFESTUNA!
Á eftir síðustu útaukningu fyrir laskalínu eru 128-138-154-156-174-184 lykkjur í umferð. Haldið áfram með mynstur eins og áður án útaukningar þar til stykkið mælist 21-23-25-27-29-31 cm frá prjónamerki í byrjun á berustykki.
Næsta umferð er prjónuð þannig: Prjónið 3-3-3-4-4-5 lykkjur sléttprjón (= á bakstykki), setjið næstu 29-31-35-33-37-37 lykkjur á 1 band fyrir ermi, fitjið upp 4-4-4-6-6-6 nýjar lykkjur á prjóninn (= í hlið undir ermi), prjónið sléttprjón yfir næstu 35-38-42-45-50-55 lykkjurnar (= framstykki), setjið næstu 29-31-35-33-37-37 lykkjurnar á 1 band fyrir ermi, fitjið upp 4-4-4-6-6-6 nýjar lykkjur á prjóninn (= í hlið undir ermi), prjónið sléttprjón yfir síðustu 32-35-39-41-46-50 lykkjurnar (= bakstykki). Fram- og bakstykki og ermar er síðan prjónað hvort fyrir sig.
HÉÐAN ER NÚ MÆLT!

FRAM- OG BAKSTYKKI:
= 78-84-92-102-112-122 lykkjur. Setjið 1 prjónamerki mitt í 4-4-4-6-6-6 lykkjur sem fitjaðar voru upp undir ermi á hvorri hlið. Byrjið umferð við eitt af prjónamerkjunum og látið prjónamerkin fylgja áfram með í stykkinu.
Haldið áfram með sléttprjón. Þegar stykkið mælist 4 cm frá skiptingu er aukið út um 1 lykkju hvoru megin við bæði prjónamerkin – sjá ÚTAUKNING (= 4 lykkjur fleiri). Aukið svona út með 10 cm millibili alls 3 sinnum = 90-96-104-114-124-134 lykkjur.
Þegar stykkið mælist 33 cm frá skiptingu (ca 58-60-62-64-66-68 cm frá öxl) prjónið 1 umferð slétt þar sem aukið er út um 14-16-16-22-20-26 lykkjur jafnt yfir – munið eftir ÚRTAKA/ÚTAUKNING = 104-112-120-136-144-160 lykkjur.
Skiptið yfir á hringprjón 9 og prjónið stroff (= 2 lykkjur slétt, 2 lykkjur brugðnar). Þegar stroffið mælist 5 cm eru auknar út aðrar hverjar 2 lykkjur brugðnar til 3 lykkjur brugðnar = 117-126-135-153-162-180 lykkjur. Prjónið síðan sléttar lykkjur yfir sléttar lykkjur og brugðnar lykkjur yfir brugðnar lykkjur þar til stroffið mælist 8 cm. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur. Peysan mælist ca 66-68-70-72-74-76 cm frá öxl og niður.

ERMI:
Setjið 29-31-35-33-37-37 lykkjur af bandi á annarri hlið á stykki á sokkaprjón 10, prjónið að auki upp 1 lykkju í hverja og eina af 4-4-4-6-6-6 lykkjum sem fitjaðar voru upp undir ermi = 33-35-39-39-43-43 lykkjur. Setjið 1 prjónamerki mitt í 4-4-4-6-6-6 lykkjur undir ermi og byrjið á umferð hér. Prjónið sléttprjón hringinn. Þegar stykkið mælist 2 cm frá skiptingu er fækkað um 2 lykkjur mitt undir ermi – sjá ÚRTAKA. Fækkið lykkjum svona með 5-5-3½-4-3-3 cm millibili alls 7-7-9-8-10-9 sinnum = 19-21-21-23-23-25 lykkjur. Prjónið síðan áfram þar til ermin mælist 36-35-33-32-30-29 cm frá skiptingu (styttra mál í stærri stærðum vegna lengra berustykkis).
Prjónið 1 umferð slétt þar sem aukið er út um 5-3-3-5-5-7 lykkjur jafnt yfir = 24-24-24-28-28-32 lykkjur. Skiptið yfir á sokkaprjón 9 og prjónið stroff (= 2 lykkjur slétt, 2 lykkjur brugðnar) í 8 cm.
Ermin mælist ca 44-43-41-40-38-37 cm frá skiptingu. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur – til að koma í veg fyrir að affellingarkanturinn verði stífur er slegið 1 sinni uppá prjóninn á eftir 4. hverja lykkju jafnframt því sem fellt er af (uppslátturinn er felldur af eins og venjuleg lykkja). Prjónið hina ermina alveg eins.

Mynstur

= slétt frá réttu, brugðið frá röngu
= brugðið frá réttu, slétt frá röngu
= 2 lykkjur slétt saman
= takið 1 lykkju óprjónaða eins og prjóna eigi hana slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð
= á milli 2 lykkja er slegið 1 sinni uppá prjóninn


Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS 196-35) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

Við höfum einnig skref-fyrir-skref leiðbeiningar fyrir mismunandi aðferðir sem þú finnur hér.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (14)

Anna 30.01.2020 - 22:38:

Hello, I don't understand the diagram explanation "purl from right side, knit from wrong side" or "knit from right side, purl from wrong side". Could you explain it better or is there a video that shows the technique? Thank you, Anna

DROPS Design 31.01.2020 kl. 07:23:

Dear Anna, a stitch worked purl from RS/knit from WS is a reversed stocking stitch. The diagrams are here worked in the round, this mean you will simply purl the stitches with a cross (=x) on every round - and knit the white squares. Happy knitting!

Chris 09.01.2020 - 17:17:

Hallo, ich habe eine Frage zu der Erhöhung; dazu steht am Ende: "Die nächste Runde (d.h. an der Passe) nach den ersten 6-6-6-7-7-8 Maschen der Runde beginnen." Das verstehe ich nicht; ich bin doch wieder in der Rundenmitte, und die Maschenanzahl verändert sich nicht (im Vgl. zum Stricken ohne Erhöhung). Wie verstehe ich das? Vielen Dank im Voraus :)

DROPS Design 10.01.2020 kl. 08:30:

Liebe Chris, nach dem Kragen bzw nach der Erhöhung beginnen die Runden nicht mehr bei der hinteren Mitte aber mit der Raglan-linie = mit A.1, deshalb wir die 1. Runde nach der Erhöhung nach den ersten 6-7-8 Maschen beginnen. Viel Spaß beim stricken!

Ana 19.06.2019 - 05:56:

El inicio del canesú no entiendo lo siguiente: 1 revés, 2 derechos en cada uno de los siguientes 3 puntos (trabajar en ambos bucles, posterior y anterior = 3 puntos aumentados),. Cuando aumentas los tres puntos? Tejes uno del revés y aumentas 1 y luego 2 del derecho y aumentas un punto por punto que tejes?.

DROPS Design 20.06.2019 kl. 23:02:

Hola Ana. Trabajar 2 derechos en cada uno de los siguientes 3 puntos, es decir, después de trabajar estos 3 puntos tenemos 6 puntos ( 3 puntos aumentados)

Maria Enrica 27.02.2019 - 21:38:

Buonasera. Mi piacciono i vostri modelli ma, avendo una certa età, sono abituata ad usare i vecchi ferri e ne ho di tutte le misure. Penso che mi troverei a disagio ad usare quelli circolari. Potreste mettere le spiegazioni per i ferri non circolari? Anche il fatto di iniziare dall'alto mi mette in difficoltà. Forse mi basterebbe che metteste i modelli dei vari pezzi. Grazie

DROPS Design 27.02.2019 kl. 23:23:

Buonasera Maria Enrica, molti dei nostri modelli sono lavorati in piano e quindi è possibile lavorarli con i ferri dritti. I ferri circolari vengono utilizzati per avere più spazio a causa del numero di maglie elevato, e sono molto popolari nella cultura maglistica all'infuori dell'Italia. Può provare ad usare i nostri video tutorials per avvicinarsi alla lavorazione in tondo. Buon lavoro!

Daniela 04.12.2018 - 10:51:

Buongiorno, vorrei sapere se possibile, perchè nel collo ci sono le diminuzioni. Grazie!

DROPS Design 04.12.2018 kl. 11:26:

Buongiorno Daniela. Le coste tendono a stringere il lavoro. Le diminuzioni vengono proposte per evitare che il lavoro si allarghi troppo una volta terminata la lavorazione a coste. Buon lavoro!

Diana 16.11.2018 - 14:56:

Hi DD, I have a question about separating the parts. It's quite hard to write it down in English, sorry. Altough I have checked the English version it's still not clear for me when and how to separate the back and front in order to place the sleeves in it. Can you please elaborate on it? Where will be these two parts separated - when should I finish the knitting in round? Diana

DROPS Design 16.11.2018 kl. 15:19:

Dear Diana, this video shows how to work a raglan jumper top down - but remember to follow the description of the pattern, ie working the stitches as explained in the pattern. Happy knitting!

Marion 28.10.2018 - 23:50:

Bonjour, j'ai un doute concernant la fin de la rehausse d'encolure. Une fois les rangs raccourcis terminés, il est écrit de "couper le fil et commencer le tour suivant après les x premières mailles du tour" Cela signifie que je dois sauter ces mailles et ne pas les tricoter ? Si oui, pourquoi ? Merci de votre aide

DROPS Design 29.10.2018 kl. 08:54:

Bonjour Marion, les tours commencent au début au milieu dos, une fois que la réhausse est faite, on va couper le fil pour commencer l'empiècement après les 6-7-8 mailles (cf taille) après le début des tours précédent. Après avoir coupé le fil, glissez ces mailles sur l'aiguille droite sans les tricoter, décalez votre marqueur de début de tours et commencez comme indiqué (avant le point fantaisie du raglan). Bon tricot!

Zarrouk Hend 21.09.2018 - 12:33:

Bonjour, je vie en Tunisie et je ne trouve pas les aiguilles circulaires pour réaliser les différents modèles que vous publiez, en l’occurence Celui ci que j’adore. Pourriez vous m’aider à trouver un moyen pour pouvoir se les procurer Merci pour votre reponse

DROPS Design 21.09.2018 kl. 13:36:

Bonjour Mme Hend, vous trouverez la liste des magasins DROPS qui expédient dans le monde entier. N'hésitez pas à les contacter pour en savoir plus. Bon tricot!

Monica Quintana Diaz 20.08.2018 - 14:44:

Hola, por favor me pueden comunicar si los patrones se traducirán al español en un futuro próximo.

DROPS Design 20.08.2018 kl. 21:01:

Hola Mónica, los patrones de la nueva colección estarán traducidos para finales de mes.

Lisa 03.08.2018 - 00:51:

Hej hvad gør jeg hvis jeres strikkefasthed er 12 pinde og 9 masker og min er 14 pinde og 11 masker på samme pind størrelse ?

Skrifaðu athugasemd um DROPS 196-35

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.