DROPS / 186 / 36

Pacific Best by DROPS Design

Hekluð fernings peysa með gatamynstri. Stærð S - XXXL. Stykkið er heklað úr DROPS Big Delight.

DROPS Design: Mynstur db-091
Garnflokkur C eða A + A
-----------------------------------------------------------
Stærð: S - M - L - XL - XXL - XXXL
Efni:
DROPS BIG DELIGHT frá Garnstudio (tilheyrir garnflokki C)
500-550-600-700-750-800 g litur 04, sæblár

Einnig er hægt að hekla stykkið með garni frá: "Garnmöguleiki (Garnflokkur C)" – sjá tengil að neðan.

DROPS HEKLUNÁL NR 5 – eða þá stærð sem þarf til að fá (1 stuðul + 3 loftlykkjur) 4 sinnum á breidd og 6 umferðir verði 10 cm á breidd og 10 cm á hæð.
----------------------------------------------------------

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!

Ertu ekki viss hvaða stærð þú þarft? Þá hjálpar það kannski að fyrirsætan á myndinni er ca 170 cm á hæð og notar stærð S eða M. Ef þú gerir peysu, jakkapeysu, kjól eða álíka þá getur þú fundið teikningu með máli neðst í mynstri.

100% Ull
frá 1672.00 kr /100g
DROPS Big Delight print DROPS Big Delight print 1672.00 kr /100g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 8360kr. Sjá hér.

Leiðbeiningar um mynstur

UPPLÝSINGAR FYRIR MYNSTUR:

MYNSTUR:
Sjá mynsturteikningu A.1 til A.6.

HEKLLEIÐBEININGAR (á við um A.4).
Fyrsti stuðull í byrjun á umferð er skipt út fyrir 3 loftlykkjur.

ÚRTAKA (á við um ermi):
Fækkið um 1 mynstureiningu (= 1 stuðull + 3 loftlykkjur) með því að hekla 2 stuðla í 2 stuðul þannig: Heklið 1 stuðul um fyrsta loftlykkjuboga, en bíðið með að bregða bandi um heklunálina og að draga bandið í gegn í lokin, heklið 1 stuðul um næsta loftlykkjuboga og dragið bandið í gegnum allar 3 lykkjurnar á heklunálinni, 3 loftlykkjur.
----------------------------------------------------------

PEYSA:
Stykkið er heklað í hring frá miðju aftan á baki og út í ferning. Heklað er í hring ein og spíral frá og með annarri umferð og síðan til loka á ferningi. Heklið síðan áfram fram og til baka á framstykki. Ermar eru heklaðar í hring út frá fram- og bakstykki.

FRAM- OG BAKSTYKKI:
Stykkið er heklað í hring í ferning með byrjun frá miðju á ferning.
Byrjið með heklunál 5 og Big Delight og heklið mynstur í hring eftir mynsturteikningu A.1 – ATH: Eins og sýnt er í mynsturteikningu er einungis fyrsta umferðin sem er hekluð saman í lok á umferð, hinar umferðirnar eru heklaðar í hring í spíral. ATHUGIÐ HEKLFESTUNA!
Þegar mynsturteikning hefur verið hekluð eru 9 loftlykkjubogar meðfram hverri og einni af 3 fyrstu hliðunum og 11 loftlykkjubogar meðfram síðustu hliðinni (= neðri kantur á peysu).
Endurtakið síðan 3 síðustu umferðirnar, þ.e.a.s. aukið er út um 1 stuðul + 1 loftlykkjuboga frá horni að horni (= alls 4 útaukningar í umferð) í hverri umferð með loftlykkjubogum.
Haldið svona áfram með mynstur þar til ferningurinn mælist ca 36-38-40-42-44-46 x 36-38-40-42-44-46 cm – stillið af þannig að endað sé eftir síðustu af 3 umferðum.
Heklið nú handveg þannig: Heklið eins og áður fram að miðju á fyrstu hliðinni, heklið síðan loftlykkjur fram að fyrsta horni þannig: Heklið 1 loftlykkju fyrir hverja loftlykkju/stuðul sem hoppað var yfir, heklið 1 tvíbrugðinn stuðul + 3 loftlykkjur + 1 tvíbrugðinn stuðul um hornið, haldið áfram með mynstur eins og áður meðfram næstu hlið og heklið 1 tvíbrugðinn stuðul + 3 loftlykkjur + 1 tvíbrugðinn stuðul um hornið, heklið loftlykkjur fram að miðju á næstu hlið þannig: Heklið 1 loftlykkju fyrir hverja loftlykkju/stuðul sem hoppað var yfir, haldið áfram með mynstur á seinni helming á þessari hlið og síðan umferðina út.
Heklið síðan 2 umferðir eins og fyrstu á þessum 3 umferðum á þessari mynstureiningu (þ.e.a.s. umferð með loftlykkjubogum) – einnig er heklað um loftlykkjur fyrir handveg.
Heklið síðan 1 umferð eins og ein af þessum 3 umferðum á þessari mynstureiningu (þ.e.a.s. umferð með stuðlahópum).
Heklið nú hringinn (með útaukningum eins og áður) eftir mynsturteikningu A.2 alls 1 sinni á hæðina, síðan er heklað í hring (með útaukningum eins og áður) eftir mynsturteikningu A.3. Endurtakið A.3 á hæðina til loka.
Haldið svona áfram þar til ferningurinn mælist ca 84-86-88-90-92-94 cm x 84-86-88-90-92-94 cm – stillið af þannig að endað sé eftir eina umferð með loftlykkjubogum (þ.e.a.s. ca 24 cm í öllum stærðum frá handveg). Klippið frá og festið enda.

FRAMSTYKKI:
Framstykkin eru hekluð hvort fyrir sig, fram og til baka án útaukninga. Setjið 1 prjónamerki í síðustu umferð sem var hekluð – HÉÐAN ER NÚ MÆLT! Byrjið við kross í einu horninu – sjá teikningu og heklið þannig: Lesið HEKLLEIÐBEININGAR. Heklið A.4a um hornið, endurtakið A.4b þar til 1 loftlykkjubogi er eftir á undan næsta horni, heklið A.4c. Endurtakið A.4 á hæðina þar til stykkið mælist ca 19-20-21-22-23-24 cm – stillið af þannig að endað sé eftir eina umferð með loftlykkjubogum. Klippið frá og festið enda. Heklið hitt framstykkið alveg eins.

KANTUR:
Heklið eina umferð í kringum allt stykkið þannig: Heklið 1 stuðul + 4 loftlykkjur + 1 stuðul um hornið, * 4 loftlykkjur, 1 fastalykkja um loftlykkjubogann *, heklið frá *-* meðfram öllu stykkinu – en í hornið er heklaður 1 stuðull + 4 loftlykkjur + 1 stuðull. Klippið frá og festið enda.

ERMI:
Ermin er hekluð í hring ofan frá og niður frá handveg með byrjun frá miðju undir ermi, frá réttu. Fyrsta umferðin er hekluð jafnt yfir í kringum handveg, heklið þannig: Heklið A.5b alls 17-18-19-20-21-22 sinnum – A.5a sýnir hvernig umferðin byrjar og endar. A.5 er hekluð alls 2 sinnum á hæðina, síðan er A.6 heklað til loka – JAFNFRAMT er fækkað um 1 mynstureiningu í byrjun á 5. Umferð með því að hekla 2 stuðla saman mitt undir ermi – lesið ÚRTAKA. Fækkið lykkjum svona í ca 5.-5.-4.-3.-3.-3. Hverri umferð (stillið af þannig að það komi ekki ein umferð með stuðlahópum) alls 4-4-5-6-6-7 sinnum = 13-14-14-14-15-15 stuðlar/loftlykkjubogar í umferð. Haldið áfram með umferð án úrtöku þar til ermin mælist 44 cm í öllum stærðum – stillið af að endað sé eftir eina umferð með loftlykkjubogum. Heklið síðan loka umferð þannig: 1 fastalykkja um fyrsta/næsta loftlykkjuboga, 4 loftlykkjur *, heklið frá *-* umferðina hringinn, endið með 1 keðjulykkju í fyrstu fastalykkju. Klippið frá og festið enda. Heklið hina ermina alveg eins.

Mynstur

= 1 loftlykkja
= 3 loftlykkjur
= stuðull í lykkju
= stuðull í loftlykkjuboga/loftlykkjuhring
= 2 stuðlar um loftlykkjuboga, ( 3 loftlykkjur, 1 stuðull í fyrstu af 3 loftlykkjum) og 2 stuðlar um sama loftlykkjuboga
= 1 tvíbrugðinn stuðull + 3 loftlykkjur + 1 tvíbrugðinn stuðull um loftlykkjuboga
= umferðin byrjar með 3 loftlykkjum og endar með 1 keðjulykkju í 3. loftlykkju í byrjun á umferð
= umferðin byrjar með 3 loftlykkjum (umferðin endar EKKI – heklað er áfram í spíral frá lok á umferð og síðan eftir mynsturteikningu)
= 6 loftlykkjur, tengið lykkjurnar saman í hring með 1 keðjulykkju í fyrstu loftlykkju – sjá punkt í hring, umferðin byrjar og endar hér
= sýnir fyrri umferð. Byrjið á næstu umferð!
= þegar framstykkið er heklað byrjið hér
= stuðull um loftlykkjuboga, en þegar A.4 er endurtekið á hæðina er stuðull heklaður í lykkju




Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS 186-36) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (6)

Rochelle 28.09.2019 - 02:04:

I'm confused by the A4 section. I looked for a tutorial; none. I'm not even sure how to explain how I'm trying to read the diagram at this point. Is there anyone that can explain? Preferably with pictures(I'm a visual learner) Trying to finish to give to my daughter. Thank you so much for any help, Rochelle

DROPS Design 30.09.2019 kl. 08:27:

Dear Rochelle, you work A.4 over the front pieces only (= the parts with a x in chart). The row with a star is the last row on square and you will work from one corner to the next corner starting from RS with A.4A, then repeat A.4B and finish with A.4C to the end of the row (to next corner). read more about diagrams here. Happy crocheting!

An 04.03.2018 - 20:11:

Ik heb toch even een vraag over het ruggedeelte. Als ik de vest aantrek dan blijft het onderste deel van de rug golven, is niet mooi vierkantig, onderste deel van vierkant is breder en dus golvend !!!?????

DROPS Design 05.03.2018 kl. 19:45:

Hallo Ann, Dit is helaas een beetje inherent aan het patroon. De bovenkant blijft goed zitten, omdat die om je schouders zit en aan de onderkant gaat het altijd wat golven door dat de voorpanden los hangen en in verhouding langer zijn.

Yvonne 24.02.2018 - 15:13:

Ich hab eine Frage zu den Zunahmen beim Rückenteil. Es heißt zum Schluss „gemäß Diagramm A.3 häkeln mit Zunahmen wie zuvor“. Ich habe das so verstanden dass in jeder Luftmaschenrunde die einer Luftmaschenreihe folgt eine Zunahme gemacht wird. Allerdings ist meine Arbeit jetzt nicht mehr gleichmäßig viereckig sondern eher an den Ecken Zipfelförmig nach links. Ist das mit den Zunahmen jetzt so richtig oder eher nur eine Zunahme pro Diagramm? LG Yvonne

DROPS Design 26.02.2018 kl. 08:02:

Liebe Yvonne, beim A.3 weiterhäkeln werden Sie wie zuvor zunehmen, Sie sollen immer die gleichen LmBogen/Stb in jeder der 3 Seiten und beim letzten Seiten 2 mehr haben. Viel Spaß beim häkeln!

Sarah 09.02.2018 - 21:49:

What does this mean in the pattern? I have completed the first diagram part and I am having a hard time understanding where I need to increase. From pattern: Continue by repeating the 3 last rounds, i.e. increase 1 double crochet + 1 chain-space from corner to corner (= a total of 4 increases on the round) for each round of chain-spaces.

DROPS Design 11.02.2018 kl. 09:36:

Dear Sara, the last three rows of the diagram shows you how to increase in the corners to teh piece will be a growing square. (in each roner you increase 1 dc + 1 ch-sp - in the whole round all together four times). Continue to repeat these last rows until you reach the necessary size.

Custom Jewelry Colorado 25.01.2018 - 08:33:

Definitely, what a magnificent site and educative posts, I definitely will bookmark your blog.Best Regards!

Ebon 16.01.2018 - 14:26:

I love this one as well. It's a great way to use yarn left overs and very casual

Skrifaðu athugasemd um DROPS 186-36

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.