DROPS Super Sale - 30% AFSLÁTTUR á 6 garntegundum í allan júní!

Hvernig á að prjóna stuttar umferðir með uppslætti frá röngu

Video thumbnail for Hvernig á að prjóna stuttar umferðir með uppslætti frá röngu
Í þessu DROPS myndbandi sýnum við hvernig við prjónum stuttar umferðir með uppslætti frá röngu. Stundum innihalda mynstrin styttri umferðir til þess að móta flíkina. Þegar stuttar umferðir eru prjónaðar er hægt að ná fram mjúkum línum eða aðlaga flíkina betur að líkamanum.
Stuttar umferðir eru umferðir sem ekki eru prjónaðar út alla umferðina. Þegar snúið er við og slegið er uppá prjóninn þá er komið í veg fyrir að það myndist gat.
Frá röngu: Prjónið þann fjölda lykkja samkvæmt mynstri, leggið þráðinn aftan við stykkið, lyftið 1 lykkju af prjóni eins og prjóna eigi brugðið, leggið þráðinn framan við stykkið, setjið lyftu lykkjuna aftur yfir á vinstri prjón, snúið við og prjónið til baka.
Í næstu umferð þegar komið er að lyftu lykkjunni, prjónið lykkjuna og þráðinn sem liggur í utan um hana (uppsláttinn) saman eins og eina lykkju og prjónið síðan út umferðina.
Fylgja þarf uppskrift til þess að geta fylgt myndbandinu eftir.
Þú finnur mynstur þar sem þessi aðferð er notuð með því að smella á myndirnar að neðan.

Mynstur þar sem þessi aðferð er notuð

DROPS 239-20

DROPS 239-20
DROPS 240-16

DROPS 240-16
DROPS 240-15

DROPS 240-15
DROPS 241-9

DROPS 241-9
Annað tungumál:

Myndband #73, skráð í: Lærðu að prjóna, Prjón leiðbeiningar & aðferðir, Stuttar umferðir

Myndböndin okkar hafa ekkert hljóð. Við erum alþjóðlegt fyrirtæki og fólk sem skoðar myndböndin okkar talar mörg mismunandi tungumál og margir skilja ekki ensku. Þar sem það er ekkert gefið tungumál fyrir okkur að nota, höfum við í staðinn skrifaðar leiðbeiningar fyrir myndböndin og ekkert hljóð sem truflar þegar þú horfir.

Þú getur breytt hraðanum á þessu myndbandi með því að smella á táknið á spilastikunni.

Country flag Irisheyn skrifaði:

Subterrenene submurine

28.02.2013 - 20:49

Country flag Regina skrifaði:

Tack för en väldigt bra beskrivning. Jag har försökt göra snygga förkortade enligt beskrivningar i böcker om stickteknik, men det var er video som fick mig att lyckas.

18.08.2012 - 19:23

Melek skrifaði:

Çok teşekkürler. Please added language Turkish from your page. Thaks.

14.01.2012 - 13:17

Любовь skrifaði:

Большое спасибо. Помогли разобраться!!! Все оказалось так легко!

12.09.2011 - 09:59

Country flag Tinna skrifaði:

Tak for hjælpen, det er en super god video :o)

06.08.2011 - 14:19

Country flag Hanitra skrifaði:

Merci pour toutes ces aides, si précieuses pour une débutante mais déjà accro comme moi...

21.06.2011 - 13:48

Country flag Anne skrifaði:

Grand merci pour votre aide à une débutante !!

20.06.2011 - 22:15

Country flag Christa skrifaði:

Bin begeistert und danke herzlichst. Das hat mir sehr geholfen. Weiter so!

14.02.2011 - 16:43

Skrifaðu athugasemdir eða spurningar fyrir þetta myndband

Netfangið þitt verður ekki birt. Það verður að merkja við svæði merktri með *.

Þú gætir líka haft gaman af...

Video thumbnail for Hvernig á að prjóna ermi í flík með evrópskri öxl með stuttum umferðum
13:07
Hvernig á að prjóna ermi í flík með evrópskri öxl með stuttum umferðum

Í þessu DROPS myndbandi sýnum við hvernig við prjónum upp lykkjur fyrir ermi, prjónaðar eru stuttar umferðir, lykkjum fækkað undir ermi, lykkjur auknar út á undan stroffi, skipt er yfir í styttri prjón og smá brot af affellingu (fellt er af með sléttum lykkjum yfir sléttar lykkjur og brugðnum lykkjum yfir brugðnar lykkjur). Setjið 1 prjónamerki efst í handvegi (ATH! Ekki þar sem lykkjur voru prjónaðar upp fyrir framstykki, en nokkra cm neðar á framstykki, þetta er mitt ofan á öxl). Byrjið mitt í nýjum lykkjum sem fitjaðar voru upp undir ermi og prjónið upp þann fjölda lykkja sem stendur í mynstri hringinn í handvegi – passið uppá að prjónaðar séu upp jafnmargar lykkjur hvoru megin við prjónamerki meðfram handvegi. Prjónið sléttprjón fram og til baka með stuttum umferðum yfir ermakúpuna, þetta er gert til að ermin passi betur og fái betra form. Eftir það er prjónað í hring með úrtöku undir ermi. Fylgið útskýringu í mynstri hvernig stuttar umferðir eru prjónaðar, hversu mörgum sinnum úrtaka er gerð, hversu lengi á að prjóna ermina fyrir stroff. Í þessu myndbandi prjónum við með 2 garntegundum, DROPS Lima litur nr 9029 salvíu grænn og DROPS Kid-Silk litur nr 45, mjúk mynta og prjón 5 mm. Fylgja þarf uppskrift og mynsturteikningu til þess að geta fylgt myndbandinu eftir. Þú getur séð viðeigandi mynstur með því að smella á myndina að neðan.
Video thumbnail for Hvernig á að prjóna kant í hálsmáli með stuttum umferðum
15:03
Hvernig á að prjóna kant í hálsmáli með stuttum umferðum

Í þessu DROPS myndbandi sýnum við hvernig við prjónum eftir mynsturteikningu A.1 og A.2 í kant í hálsmáli í stuttum umferðum í peysunni «Spring Fuzz» í DROPS 213-27. Við prjónum fyrst hægri kant í hálsmáli samkvæmt mynsturteikningu A.1 og stuttar umferðir-1, eftir það vinstri kant í hálsmáli samkvæmt mynsturteikningu A.2 og stuttar umferðir-2. Að lokum sýnum við hvernig kantar í hálsmáli eru prjónaðir saman. Þessi peysa er prjónuð úr DROPS Melody, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að prjóna upphækkun við miðju að aftan
11:13
Hvernig á að prjóna upphækkun við miðju að aftan

Í þessu DROPS myndbandi sýnum við hvernig við prjónum upphækkun með snúningum. Þessi aðferð er oft notuðu í uppskriftunum okkar á buxum eða aftan í hnakka á peysum og jakkapeysum. Í þessu myndbandi byrjum við frá byrjun á umferð (= prjónamerki /miðja að aftan) og prjónum þannig: prjónið 10 lykkjur, snúið við (til þess að koma í veg fyrir göt þá tökum við lykkju af prjóni óprjónaða þegar prjónað er til baka og herðum aðeins á þræðinum), prjónið 20 lykkjur, snúið við, prjónið 30 lykkjur, snúið við og prjónið 40 lykkjur, snúið við. Að lokum prjónum við 1 umferð sléttprjón yfir allar lykkjur. Við höfum nú gert eina upphækkun (= fleiri umferðir) fyrir miðju á stykki. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
Video thumbnail for Hvernig á að prjóna stuttar umferðir með japanskri aðferð
9:57
Hvernig á að prjóna stuttar umferðir með japanskri aðferð

Í þessu DROPS myndbandi sýnum við hvernig við prjónum stuttar umferðir með japanskri aðferð. Við höfum nú þegar prjónað smá stykki í sléttprjóni og höldum áfram með myndbandið þannig: Prjónið slétt þar til 5 lykkjur eru eftir, snúið við, setjið prjónamerki (notið prjónamerki eða nælu) á þráðinn frá dokkunni lengst inn við stykkið (prjónamerkið hangir á bakhlið á stykki), lyftið lykkju með merki af prjóni eins og prjóna eigi brugðið, prjónið brugðið þar til 5 lykkjur eru eftir, snúið við, setjið prjónamerki á þráðinn frá dokkunni lengst inn við stykkið (prjónamerki hangir á bakhlið á stykki), lyftið lykkju með merki af prjóni eins og prjóna eigi brugðið, prjónið slétt þar til 10 lykkjur eru eftir, snúið við, setjið prjónamerki á þráðinn frá dokkunni lengst inn við stykkið (prjónamerki hangir á bakhlið á stykki), lyftið lykkju með merki af prjóni eins og prjóna eigi brugðið, prjónið brugðið þar til 10 lykkjur eru eftir, snúið við, setjið prjónamerki á þráðinn frá dokkunni lengst inn við stykkið (prjónamerki hangir á bakhlið á stykki), lyftið lykkju með merki af prjóni eins og prjóna eigi brugðið. Prjónið slétt t.o.m. lykkju með prjónamerki, lyftið lykkju með merki af prjóni og setjið á vinstri prjón, takið prjónamerki frá, prjónið þessa og næstu lykkju slétt saman, gerið það sama með næsta prjónamerki frá réttu, prjónið slétt út umferðina, snúið við, prjónið brugðið t.o.m. lykkju með prjónamerki, takið næsta prjónamerki af prjóni, lyftið lykkju með merki og setjið yfir á vinstri prjón, takið prjónamerki af, steypið til baka lausu lykkjunni á vinstri prjóni, prjónið þessar tvær brugðið saman, gerið það sama með næsta prjónamerki frá röngu. Prjónið brugðið út umferðina.
Video thumbnail for Hvernig á að fella af fyrir hæl með stuttum umferðum í DROPS 131-25
21:49
Hvernig á að fella af fyrir hæl með stuttum umferðum í DROPS 131-25

Í þessu DROPS myndbandi sýnum við hvernig við fellum af fyrir hæl með stuttum umferðum sem prjónaðar eru fram og til baka í sokknumm í DROPS 131-25. Við höfum nú þegar prjónað stroff þar til það mælist 12 cm. Prjóni áfram frá réttu þannig: * Prjónið 6 lykkju slétt, snúið við og prjónið 3 lykkju slétt til baka, aukið út með því að prjóna 2 lykkjur slétt í síðustu lykkju í umferð, snúið við *, endurtakið frá *-* alls 4 sinnum. * Prjónið 8 lykkjur slétt, snúið við og prjónið 6 lykkjur slétt til baka, fellið af með því að prjóna saman 3 síðust lykkjur slétt saman, snúið við *, endurtakið frá *-* alls 4 sinnum. Prjónið 1 umferð yfir allar lykkjur – setjið prjónamerki í þessa umferð – héðan er nú mælt. Næsta umferð er prjónuð frá röngu: * Prjónið 6 lykkjur brugðið, snúið við og prjónið 5 lykkjur brugðið til baka, aukið út með því að prjóna 2 lykkjur brugðið í síðustu lykkju í umferð, snúið við *, endurtakið frá *-* alls 2 sinnum. * Prjónið 8 lykkjur brugðið, snúið við og prjónið 6 lykkjur brugðið til baka, fellið af með því að prjóna síðustu 2 lykkjur brugðið saman, snúið við *, endurtakið alls 4 sinnum = 18-18-19 lykkjur. Þessir sokkar eru prjónaðir úr DROPS Polaris, en í myndbandinu prjónum við með; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að prjóna rendur og stuttar umferðir í garðaprjóni
6:19
Hvernig á að prjóna rendur og stuttar umferðir í garðaprjóni

Í þessu DROPS myndbandi sýnum við hvernig við prjónum rendur í garðaprjóni og samtímis prjónum við stuttar umferðir. Prjónið þannig: UMFERÐ 1 (rétta): Prjónið þar til 2 lykkjur eru eftir, snúið við og prjónið til baka, prjónið þar til 4 lykkjur eru eftir, snúið við og prjónið til baka. Haldið svona áfram (fyrir hvert skipti sem snúið er við eru prjónaðar 2 lykkjur færri en fyrra skiptið) þar til prjónað hefur verið fram og til baka yfir tvær síðustu lykkjur í umferð. Prjónið jafnframt RENDUR. Að lokum eru prjónaðar 2 umferðir slétt yfir allar lykkjur. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.