DROPS / 212 / 12

Late Nights Jacket by DROPS Design

Prjónuð peysa með laskalínu úr DROPS Brushed Alpaca Silk. Stykkið er prjónað með gatamynstri. Stærð XS - XXL.

  • Late Nights Jacket / DROPS 212-12 - Prjónuð peysa með laskalínu úr DROPS Brushed Alpaca Silk. Stykkið er prjónað með gatamynstri. Stærð XS - XXL.
  • Late Nights Jacket / DROPS 212-12 - Prjónuð peysa með laskalínu úr DROPS Brushed Alpaca Silk. Stykkið er prjónað með gatamynstri. Stærð XS - XXL.
DROPS Design: Mynstur as-128
Garnflokkur C eða A + A
-------------------------------------------------------

STÆRÐ:
XS - S - M - L - XL – XXL

EFNI:
DROPS BRUSHED ALPACA SILK frá Garnstudio (tilheyrir garnflokki C)
100-125-125-150-150-175 g litur 22, ljós ryð

PRJÓNFESTA:
17 lykkjur á breidd og 22 umferðir á hæð með sléttprjóni = 10 x 10 cm.

PRJÓNAR:
DROPS SOKKAPRJÓNAR NR 5.
DROPS HRINGPRJÓNAR NR 5: lengd 40 cm og 80 cm fyrir sléttprjón.
DROPS SOKKAPRJÓNAR NR 4.
DROPS HRINGPRJÓNAR NR 4: lengd 80 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

DROPS PERLUTALA, Hringlaga (ljós bleik) NR: 618: 6-6-6-7-7-7 st.

-------------------------------------------------------
Prjónfesta – Sjá hvernig mæla á prjónfestu og afhverju hér
Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér
-------------------------------------------------------


77% Alpakka, 23% Silki
frá 814.00 kr /25g
DROPS Brushed Alpaca Silk uni colour DROPS Brushed Alpaca Silk uni colour 814.00 kr /25g
Gallery Spuni
Panta
needles Prjónar & Heklunálar Panta

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

MYNSTUR:
Sjá mynsturteikningu A.1 til A.4. Veldu mynsturteikningu fyrir þína stærð (á við um A.1a til A.1c).

ÚRTAKA (jafnt yfir):
Til þess að reikna út hvernig fækka eigi lykkjum jafnt í umferð, teljið fjölda lykkja í umferð (t.d. 184 lykkjur), mínus kanta að framan (t.d. 10 lykkjum) deilið þessum lykkjufjölda sem eftir er með fjölda úrtöku sem á að gera (t.d. 23) = 7,5. Í þessu dæmi þá er lykkjum fækkað með því að prjóna til skiptis 6. og 7. hverja lykkju og 7. og 8. hverja lykkju slétt saman.

ÚTAUKNING (á við um ermar):
Prjónið þar til 2 lykkjur eru eftir á undan prjónamerki, sláið 1 sinni uppá prjóninn, prjónið 4 lykkjur slétt (prjónamerki er staðsett mitt í þessum lykkjum), sláið 1 sinni uppá prjóninn. Í næstu umferð eru uppslættirnir prjónaðir snúnir svo ekki myndist gat. Prjónið síðan nýjar lykkjur í sléttprjóni.

LASKALÍNA:
Öll úrtaka er gerð frá réttu!
Fækkið um 1 lykkju hvoru megin við prjónamerki í hverri skiptingu á milli fram- og bakstykkis og erma (= 8 lykkjur færri) þannig: Prjónið þar til 2 lykkjur eru eftir á undan prjónamerki, prjónið 2 lykkjur slétt saman, prjónamerki situr hér, lyftið 1 lykkju eins og prjóna eigi slétt, 1 lykkja slétt, steypið lyftu lykkjunni yfir.

HNAPPAGAT (neðan frá og upp):
Fellið af fyrir hnappagötum á hægri kant að framan. 1 HNAPPAGAT = prjónið þriðju og fjórðu lykkju frá kanti slétt saman, sláið síðan 1 sinni uppá prjóninn. Í næstu umferð er uppslátturinn prjónaður slétt = gat.
Fellið af fyrir hnappagötum þegar stykkið mælist:
XS: 5, 12½, 20, 27½, 35 og 42½ cm
S: 5, 12½, 20, 27½, 35 og 42½ cm
M: 4, 12, 20, 28, 36 og 44 cm
L: 4, 11, 18, 25, 32, 39 og 46 cm
XL: 3, 10½, 18, 25½, 33, 40½, og 48 cm
XXL: 5, 12½, 20, 27½, 35, 42½ og 50 cm

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Fram- og bakstykki er prjónað fram og til baka frá miðju að framan á hringprjón, neðan frá og upp að handveg. Síðan eru ermarnar prjónaðar í hring á sokkaprjóna/stuttan hringprjón upp að handveg. Síðan eru ermarnar settar inn á sama hringprjón og fram- og bakstykki. Berustykkið og kantur í hálsi er prjónað fram og til baka frá miðju að framan.

FRAM- OG BAKSTYKKI:
Fitjið upp 184-208-216-244-264-284 lykkjur (meðtaldar 5 kantlykkjur í hvorri hlið við miðju að framan) á hringprjón 4 með Brushed Alpaca Silk. Prjónið 1 umferð brugðið frá röngu. Prjónið síðan stroff þannig: 5 kantlykkjur að framan GARÐAPRJÓN – sjá útskýringu að ofan, * 2 lykkjur slétt, 2 lykkjur brugðið *, prjónið frá *-* þar til 7 lykkjur eru eftir í umferð, 2 lykkjur slétt, 5 kantlykkjur að framan í garðaprjóni.
Haldið svona áfram með stroff í 3 cm – munið eftir HNAPPAGAT í hægri kanti að framan – sjá útskýringu að ofan.
Þegar stroffið hefur verið prjónað til loka, prjónið 1 umferð slétt frá réttu þar sem fækkað er um 23-29-31-35-37-39 lykkjur jafnt yfir – sjá ÚRTAKA = 161-179-185-209-227-245 lykkjur. Prjónið 1 umferð brugðið frá röngu (kantar að framan eru prjónaðir í garðaprjóni). Skiptið yfir á hringprjón 5.
Prjónið mynstur þannig – veldu mynsturteikningu fyrir þína stærð: 5 kantlykkjur að framan garðaprjón, A.1a yfir fyrstu 6 lykkjur, A.1b þar til 12 lykkjur eru eftir í umferð (= alls 23-26-27-31-34-37 mynstureiningar með 6 lykkjum), A.1c yfir næstu 7 lykkjur, 5 kantlykkjur að framan í garðaprjóni. Haldið svona áfram fram og til baka. ATHUGIÐ PRJÓNFESTUNA! Þegar eftir er 1 umferð í A.1a til A.1c, mælist stykkið ca 23 cm.
Næsta umferð frá röngu er prjónuð þannig: Prjónið fyrstu 37-43-43-48-54-60 lykkjur (= vinstra framstykki), fellið af næstu 9-9-9-11-11-11 lykkjur fyrir handveg, prjónið næstu 69-75-81-91-97-103 lykkjur (= bakstykki), fellið af næstu 9-9-9-11-11-11 lykkjur fyrir handveg, prjónið þær 37-43-43-48-54-60 lykkjur sem eftir eru (= hægra framstykki). Nú eru 143-161-167-187-205-223 lykkjur eftir í umferð. Klippið frá. Leggið stykkið til hliðar og prjónið ermar.

ERMI:
Fitjið upp 52-56-56-64-64-68 lykkjur á sokkaprjóna 4 með Brushed Alpaca Silk. Prjónið 1 umferð slétt. Prjónið síðan stroff (= 2 lykkjur slétt, 2 lykkjur brugðið) hringinn í 3 cm. Prjónið 1 umferð slétt þar sem fækkað er um 10-8-8-10-10-8 lykkjur jafnt yfir = 42-48-48-54-54-60 lykkjur. Skiptið yfir á sokkaprjón 5. Setjið eitt prjónamerki í byrjun á umferð (= mitt undir ermi).
Prjónið nú mynstur A.1b – veldu mynsturteikningu fyrir þína stærð, hringinn í umferð (= 7-8-8-9-9-10 mynstureiningar með 6 lykkjum). Þegar A.1b hefur verið prjónað til loka á hæðina, mælist ermin ca 23 cm.
Prjónið nú eins margar einingar með gatamynstri í A.3 og pláss er fyrir í umferð – stillið af að stjarnan í A.3 sé prjónuð yfir stjörnu í A.1b! Hinar lykkjurnar í umferð eru prjónaðar í sléttprjóni. JAFNFRAMT í fyrstu umferð byrjar útaukning undir ermi – sjá ÚTAUKNING. Aukið svona út með ca 3-4-3-2-1-1 cm millibili alls 6-5-6-7-10-10 sinnum = 54-58-60-68-74-80 lykkjur. Þegar mynsturteikning hefur verið prjónuð til loka á hæðina, haldið áfram með sléttprjón til loka. Þegar ermin mælist 41-43-41-40-38-37 cm, fellið af 9-9-9-11-11-11 lykkjur undir ermi (fellið af 5-5-5-6-6-6 lykkjur á undan prjónamerki og 4-4-4-5-5-5 lykkjur á eftir prjónamerki) = 45-49-51-57-63-69 lykkjur fyrir ermi. Geymið stykkið og prjónið hina ermina alveg eins.

BERUSTYKKI:
Setjið ermar á sama hringprjón og fram- og bakstykki þar sem fellt var af fyrir handveg = 233-259-269-301-331-361 lykkjur. Nú eru sett 4 prjónamerki í stykkið. Setjið prjónamerkin 2-0-2-2-0-2 inn á framstykki og bakstykki (mælt frá skiptingunni á milli fram- og bakstykki og erma). Þ.e.a.s. í stærð S og XL setjið prjónamerki í skiptinguna á milli fram- og bakstykkis og erma í stærð XS, M, L, XXL setjið prjónamerkin þannig að 2 lykkjur í hvorri hlið á fram- og bakstykki komi inn á ermar.
Prjónið nú mynstur þannig:
Prjónið hægra framstykki þannig:
5 kantlykkjur garðaprjón, 6-3-0-6-3-6 lykkjur í sléttprjóni, A.2 (= 4 lykkjur), A.3 yfir næstu 12-24-24-24-36-36 lykkjur (= 1-2-2-2-3-3 mynstureiningar með 12 lykkjum), A.4 yfir næstu 3 lykkjur, 5-4-5-4-3-4 lykkjur í sléttprjóni, prjónamerkið situr hér.
Prjónið hægri ermi þannig:
Prjónið sléttprjón yfir næstu 49-49-55-61-63-73 lykkjur (= hægri ermi), prjónamerki situr hér.
Prjónið bakstykki þannig:
Prjónið 5-4-5-4-3-4 lykkjur í sléttprjóni, A.2 (= 4 lykkjur), A.3 yfir næstu 48-60-60-72-84-84 lykkjur (= 4-5-5-6-7-7 mynstureiningar með 12 lykkjum), A.4 (= 3 lykkjur), prjónið 5-4-5-4-3-4 lykkjur í sléttprjóni, prjónamerkið situr hér.
Prjónið vinstri ermi þannig:
Prjónið sléttprjón yfir næstu 49-49-55-61-63-73 lykkjur, prjónamerki situr hér.
Prjónið vinstra framstykki:
Prjónið 5-4-5-4-3-4 lykkjur í sléttprjóni, A.2 yfir næstu 4 lykkjur, A.3 yfir næstu 12-24-24-24-36-36 lykkjur (= 1-2-2-2-3-3 mynstureiningar með 12 lykkjum), A.4 yfir næstu 3 lykkjur, 6-3-0-6-3-6 lykkjur í sléttprjóni, 5 kantlykkjur að framan í garðaprjóni.

Haldið svona áfram fram og til baka. Þegar berustykkið mælist 3-2-2-1-2-2 cm, byrjar úrtaka fyrir LASKALÍNA – sjá útskýringu að ofan. Fækkið lykkjum svona í annarri hverri umferð alls 18-19-21-24-25-28 sinnum = 89-107-101-109-131-137 lykkjur. Þegar A.2 til A.4 hefur verið prjónað 1 sinni á hæðina er haldið áfram í sléttprjóni til loka. Stykkið mælist ca 19-19-21-23-25-27 cm frá þar sem fram- og bakstykki og ermar er sett saman. Prjónið síðan kant í hálsi eins og útskýrt er að neðan.

KANTUR Í HÁLSI:
Prjónið 1 umferð slétt frá réttu þar sem fækkað er um 5-19-9-13-31-37 lykkjur jafnt yfir = 84-88-92-96-100-100 lykkjur. Skiptið yfir á hringprjón 4. Prjónið 1 umferð brugðið til baka frá röngu. Prjónið stroff þannig: 5 kantlykkjur að framan í garðaprjóni, * 2 lykkjur slétt, 2 lykkjur brugðið *, prjónið frá *-* þar til 7 lykkjur eru eftir í umferð, 2 lykkjur slétt, 5 kantlykkjur að framan í garðaprjóni.
Haldið svona áfram með stroff í 3 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Peysan mælist ca 46-46-48-50-52-54 cm frá öxl og niður.

FRÁGANGUR:
Saumið saman op undir ermum. Saumið tölur í vinstri kant að framan.

Þetta mynstur hefur verið leiðrétt. .

Yfirfarið á vefsvæði: 23.02.2021
Mynsturteikning A.1c í stærð XS-M-L-XXL hefur verið leiðrétt. Mynsturtákni bætt við í umferð 3, 11, 19 og 31.

Mynstur

symbols = slétt lykkja frá réttu, brugðin lykkja frá röngu
symbols = á milli 2 lykkja er slegið 1 sinni uppá prjóninn, í næstu umferð er uppslátturinn prjónaður brugðið svo að það myndist gat
symbols = 2 lykkjur slétt saman
symbols = lyftið 1 lykkju eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð
symbols = lyftið 1 lykkju eins og prjóna eigi slétt, prjónið 2 lykkjur slétt saman, steypið lyftu lykkjunni yfir lykkjurnar sem prjónaðar voru saman
symbols = lykkjan með stjörnu í mynsturteikningu A.2 og A.3 á að passa yfir lykkju með stjörnu í A.1a til A.1c (þetta á bara við um A.1b þegar ermarnar eru prjónaðar)
symbols = á við um ermar: Til að mynstrið gangi jafnt upp í umferð með ör, byrjar umferðin 1 lykkju á undan prjónamerki mitt undir ermi, þ.e.a.s. 1 lykkja til hægri á undan prjónamerki. Byrjið umferð þegar eftir er 1 lykkja í umferð á undan þeirri með ör
diagram
diagram
diagram
diagram
signature

Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS 212-12) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (44)

country flag Agnes Margaretha Koop 18.04.2021 - 18:00:

Hallo, zijn de knopen die bij deze vest horen nog te koop? ik ben ze helaas kwijt geraakt. knoop nr 618. alvast bedankt voor uw antwoord. met vriendelijke groet, Agnes

user icon DROPS Design 19.04.2021 kl. 20:13:

Dag Agnes,

Hiervoor kun je het beste even contact opnemen met het verkooppunt waar je de wol/knopen koopt. Hier vind je een lijst met verkooppunten.

country flag Victoria 06.04.2021 - 21:13:

Når der tages ind til raglan, skal dette så også gøres, når man strikker fra vrangen? Og hvis ja, så hvordan?

user icon DROPS Design 07.04.2021 kl. 10:08:

Hej Victoria, du tager ind til raglan på hver 2.pind, det vil sige hver pind fra retsiden. God fornøjelse!

country flag Catherine Roué 28.02.2021 - 06:24:

Bonjour, ma question concerne la correction du 23 février 2021. Le diagramme A1x n’existe pas. S’agit-Il du diagramme À 1b et les symboles concernés sont-ils les flèches qui ont été rajoutées ? Merci de votre aide.

user icon DROPS Design 28.02.2021 kl. 22:20:

Bonjour Catherine, il s'agit du diagramme A.1c, on va corriger cette correction tout de suite. Bon tricot!

country flag Madeleine Persson 19.02.2021 - 13:21:

Hej igen. På varv 3 i diagram A.1c för storlekar XS-M och L-XXL så får man 8 maskor, men på varv 4 är det bara 7 maskor, så det måste vara något fel. Är rätt i storlekarna S-XL. Så titta på båda diagrammen så ser ni felet. Är flera som har påpekat detta fel. Hälsningar Madeleine

user icon DROPS Design 23.02.2021 kl. 10:16:

Hej Madeleine, nu tror jeg vi kan se hvad du mener, at der mangler en indtagning i venstre side af A.1c. Vi skal lade design se på det, så kommer der en rettelse :)

country flag Madeleine 09.02.2021 - 14:34:

I diagram A.1c varv 3 är det något fel, får för många maskor, ser att flera har påpekat detta, skulle vara bra om ni ändrar i mönstret. Hälsningar

user icon DROPS Design 15.02.2021 kl. 13:13:

Hei Madeleine. Nei, det er ikke feil i oppskriften. Det er samme antall masker. Den masken som er mindre i a-diagrammet er det mer i c-diagrammet så de utligner hverandre. mvh DROPS design

country flag Irene Golden 30.01.2021 - 20:26:

Late Nights Jacket by DROPS Design I thot this was being sent. I don't see it in my email. Can you please send instructions?

user icon DROPS Design 01.02.2021 kl. 09:09:

Dear Mrs Golden, our pattern can only be printed on its pattern page - click on the printer icon and choose a virtual printer to save it as a .pdf file. Happy knitting!

country flag Irene Golden 30.01.2021 - 19:33:

What ever happened to the sweaters we voted on? I would like to make one of them.

user icon DROPS Design 30.01.2021 kl. 19:40:

Hi Irene, the voting is over and we are working on translation right now. Do not worry, the patterns will be available soon (in February) on our website. All the best from DROPS Design!

country flag BeginnerSam 06.01.2021 - 14:47:

My question is related to this "Now work as many repetitions with lace pattern A.3 there is room for on round - Adjust so that star in A.2 and A.3 is worked over star in A.1b" If I'm only doing A.3 how do I adjust for A2 to fit in as well if the star in A.2 is a fourth stitch and A. 1b is the beginning stitch? This is my first time following a pattern and making a clothing article so ik not sure what's meant in that line.

user icon DROPS Design 06.01.2021 kl. 15:44:

Dear BeginnerSam, there looks to be something wrong in the English pattern, you don't work A.2 on sleeve (only on yoke), this means when you work A.3 over A.1b, the stitch with a star in A.3 should be the one with the star in A.1b. Happy knitting!

country flag Helle Trangbæk 29.12.2020 - 10:04:

Jeg kan simpelthen ikke regne ud hvordan jeg stikker række 3 i mønsteret i str. medium.. Jeg synes ikke maskerne kommer til at gå op? hilsen helle

user icon DROPS Design 07.01.2021 kl. 13:45:

Hej Helle, jo hvis du udgår fra at omslagene skal være over omslagene på første pind i diagrammet, så skal indtagningerne være præcis midt imellem omslagene :)

country flag Vi_spa_ 28.11.2020 - 23:48:

Volendo lavorare in piano come avviare le maglie e cosa cambia negli schemi

user icon DROPS Design 29.11.2020 kl. 14:38:

Buongiorno, questo modello è lavorato tutto in piano tranne per le maniche, quindi non deve modificare nulla. Buon lavoro!

Skrifaðu athugasemd um DROPS 212-12

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.