DROPS / 206 / 36

Stone Circle Jacket by DROPS Design

Hekluð hringpeysa úr DROPS Big Delight. Stykkið er heklað frá miðju og út í hring. Stærð S - XXXL.

DROPS Design: Mynstur db-108
Garnflokkur C eða A + A
-------------------------------------------------------

STÆRÐ:
S - M - L - XL - XXL – XXXL

EFNI:
DROPS BIG DELIGHT frá Garnstudio (tilheyrir garnflokki C)
500-600-600-700-700-800 g litur 13, grár

HEKLFESTA:
12 stuðlar á breidd og 4,5 umferðir á hæðina = 10 x 10 cm.

HEKLUNÁL:
DROPS HEKLUNÁL NR 6.
Nálarstærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari heklunál. Ef þú ert með of fáar lykkjur á 10 cm, skiptu yfir í fínni heklunál.

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!

Ertu ekki viss hvaða stærð þú þarft? Þá hjálpar það kannski að fyrirsætan á myndinni er ca 170 cm á hæð og notar stærð S eða M. Ef þú gerir peysu, jakkapeysu, kjól eða álíka þá getur þú fundið teikningu með máli neðst í mynstri.

100% Ull
frá 1672.00 kr /100g
DROPS Big Delight print DROPS Big Delight print 1672.00 kr /100g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 8360kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

LOFTLYKKJA:
Ef þú heklar yst á heklunálinni þá kemur loftlykkjan oft til með að verða of stíf. 1 loftlykkja á að vera álíka löng og breiddin á 1 tvíbrugðinn stuðull.

HEKLLEIÐBEININGAR:
Fyrsta tvíbrugðna stuðli er skipt út fyrir 4 loftlykkjur. Endið með 1 keðjulykkju í fjórðu loftlykkju í byrjun á umferð.

ÚRTAKA (á við um ermar):
2 tvíbrugðnir stuðlar er heklaðir saman í 1 tvíbrugðinn stuðul þannig: Heklið 1 tvíbrugðinn stuðul, en bíðið með að bregða þræðinum um heklunálina og að draga þráðinn í gegn í lokin, heklið 1 tvíbrugðinn stuðul í næstu lykkju, en nú er síðasti uppslátturinn dreginn í gegnum allar 3 lykkjurnar á heklunálinni.

-------------------------------------------------------

BYRJIÐ Á STYKKI HÉR:

-------------------------------------------------------

HRINGPEYSA - STUTT ÚTSKÝRING Á STYKKI:
Stykkið er heklað í hring frá miðju og út. Ermar eru heklaðar frá handveg og niður.

HRINGUR:
Heklið 4 LOFTLYKKJUR – sjá útskýringu að ofan, með Big Delight með heklunál 6 og tengið saman í hring með 1 keðjulykkju í 1. loftlykkju í umferð. Heklið mynstur hringinn eftir mynsturteikningu A.1. Þegar A.1 hefur verið heklað til loka á hæðina, setjið eitt prjónamerki í byrjun á umferð. Prjónamerki fylgir með í stykkinu. Nú er heklað mynstur í hring þannig: Heklið A.2 alls 14 sinnum hringinn í umferð. ATHUGIÐ HEKLFESTUNA! Þegar allt A.2 hefur verið heklað til loka heldur mynstrið áfram og útaukning á sama hátt, en í hverri umferð sem er hekluð er heklaður 1 tvíbrugðinn stuðull + 1 loftlykkja fleiri á milli hverra útaukninga = 14 tvíbrugðnir stuðlar + 14 loftlykkjur fleiri í hverri umferð.
Haldið áfram þar til 112-112-126-126-140-140 tvíbrugðnir stuðlar + 112-112-126-126-140-140 loftlykkjur eru í umferð, hringurinn mælist ca 20-20-23-23-25-25 cm frá miðju (= 40-40-46-46-50-50 cm að þvermáli).

Næsta umferð er hekluð (án útaukningar) þannig: Heklið 1 tvíbrugðinn stuðul + 1 loftlykkju í hvern og einn af fyrstu 16-16-18-18-20-20 tvíbrugðnu stuðlum, heklið 24-24-28-28-32-32 lausar loftlykkjur fyrir handveg, hoppið yfir næstu 16-16-18-18-20-20 tvíbrugðna stuðla, heklið 1 tvíbrugðinn stuðul + 1 loftlykkju í hvern tvíbrugðinn stuðul þar til eftir eru 32-32-36-36-40-40 tvíbrugðnir stuðlar í umferð, heklið 24-24-28-28-32-32 lausar loftlykkjur fyrir handveg, hoppið yfir næstu 16-16-18-18-20-20 tvíbrugðna stuðla, heklið 1 tvíbrugðinn stuðul + 1 loftlykkju í hvern og einn af síðustu 16-16-18-18-20-20 tvíbrugðnu stuðlum.

Næsta umferð er hekluð þannig:
* Heklið 1 tvíbrugðinn stuðul + 1 loftlykkja í hvern og inn af 7-7-8-8-9-9 næstu tvíbrugðnu stuðlum, heklið 1 tvíbrugðinn stuðul + 1 loftlykkju + 1 tvíbrugðinn stuðul + 1 loftlykkju í næsta tvíbrugðna stuðul *, heklið frá *-* 2 sinnum, heklið 18-18-20-20-22-22 tvíbrugðna stuðla með 1 loftlykkju á milli hverra loftlykkjuboga, * heklið 1 tvíbrugðinn stuðul + 1 loftlykkju í hvern og einn af 7-7-8-8-9-9 næstu tvíbrugðna stuðla, heklið 1 tvíbrugðinn stuðul + 1 loftlykkju + 1 tvíbrugðinn stuðul + 1 loftlykkju í næsta tvíbrugðna stuðul *, heklið frá *-* 6 sinnum, heklið 18-18-20-20-22-22 tvíbrugðna stuðla með 1 loftlykkju á milli hverra um loftlykkjuboga, heklið * 1 tvíbrugðinn stuðul + 1 loftlykkja + 1 tvíbrugðinn stuðul + 1 loftlykkja í næsta tvíbrugðna stuðul *, endurtakið frá *-* 2 sinnum = 126-126-140-140-154-154 tvíbrugðnir stuðlar + 126-126-140-140-154-154 loftlykkjur í umferð.

Heklið nú þannig: * 1 tvíbrugðinn stuðull + 1 loftlykkja í hvern og einn af næstu 8-8-9-9-10-10 tvíbrugðnu stuðum, heklið síðan 1 tvíbrugðinn stuðul + 1 loftlykkja + 1 tvíbrugðinn stuðull + 1 loftlykkja í næstu lykkju *, heklið frá *-* umferðina hringinn = 14 tvíbrugðnir stuðlar + 14 loftlykkjur fleiri í umferð.
Haldið síðan áfram í mynstri með útaukningu eins og áður, en í hverri umferð er heklaður 1 tvíbrugðinn stuðull + 1 loftlykkja fleiri á milli hverrar útaukningar = 14 tvíbrugðnir stuðlar + 14 loftlykkjur fleiri í hverri umferð. Þegar hringurinn mælist 52-54-56-58-60-62 cm frá miðju (= 104-108-112-116-120-124 cm að þvermáli), endið þannig:
Heklið 1 tvíbrugðinn stuðul + 1 loftlykkju í hvern og einn af 2 næstu tvíbrugðnu stuðlum, 1 stuðull + 1 loftlykkja í hvern og einn af 2 næstu tvíbrugðnu stuðlum, 1 hálfur stuðull + 1 loftlykkja í hvern og einn af 2 næstu tvíbrugðnu stuðlum, 1 fastalykkja + 1 loftlykkja í næsta tvíbrugðna stuðul, 1 keðjulykkja í næsta tvíbrugðna stuðul, klippið frá og festið enda.

ERMAR:
Byrjið með heklunál 6 og Big Delight – sjá HEKLLEIÐBEININGAR. Heklið 36-38-40-42-44-46 tvíbrugðna stuða í kringum opið yfir ermi, byrjun á umferð á að vera undir ermi. Heklið síðan 3 umferðir með 1 tvíbrugðinn stuðul í hvern tvíbrugðinn stuðul. Haldið áfram með 1 tvíbrugðinn stuðul í hvern tvíbrugðinn stuðul – JAFNFRAMT er fækkað um 2 tvíbrugðna stuðla mitt undir ermi – sjá ÚRTAKA. Fækkið lykkjum svona með ca 7 cm millibili alls 7 sinnum = 22-24-26-28-30-32 tvíbrugðinn stuðull. Haldið svona áfram þar til ermin mælist 54-55-54-55-54-55 cm. Klippið frá og festið enda. Heklið hina ermina alveg eins.

Mynstur

= Byrjið hér – þessi loftlykkjuhringur er útskýrður í uppskrift (= 4 loftlykkjur + 1 keðjulykkja). Haldið áfram frá tákni yfir punkti á hring og heklið til vinstri
= 1 loftlykkja – ef þú hekla yst á heklunálinni þá kemur loftlykkjan oft til með að verða of stíf. 1 loftlykkja á að vera álíka löng og breiddin á 1 tvíbrugðinn stuðull.
= 1 fastalykkja um loftlykkjuhring
= 1 hálfur stuðull um loftlykkjuhring
= 1 stuðull um loftlykkjuhring
= 1 tvíbrugðinn stuðull um loftlykkjuhring
= 1 tvíbrugðinn stuðull í lykkju
= byrjið á þessari umferð!


Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS 206-36) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (17)

Menna 05.08.2020 - 10:51:

Ik ben bezig met dit patroon, maar er is een stukje dat ik niet snap: "als A.2 helemaal is gehaakt, ga dan verder met het patroon en meerder op dezelfde manier in de hoogte, maar voor elke gehaakte toer wordt er 1 dubbel stokje + 1 losse meer tussen elke meerdering = 14 dubbele stokjes + 14 lossen gemeerderd op elke toer." betekend dit dat ik per toer eigenlijk 28 moet meerderen ipv. 14? en waar moet ik dat precies doen?

Lisa 07.07.2020 - 22:15:

Hello, I have just finished crocheting this and was wondering if I should block it. My stitches do not look as long as the picture nor do they look spaced as far apart. What is your recommendation? Thank you.

DROPS Design 08.07.2020 kl. 08:12:

Dear Lisa, blocking is often an individual question - some people block some other don't - you can moisten piece and let it dry flat. If your tension is right (= 12 treble (US crochet) x 4,5 rows = 4"x4") your work should look the same. Happy crocheting!

Rhonda 12.06.2020 - 17:51:

Hi, I love this pattern! I have completed A.2 once and on the second A.2 it looks "ruffled" like the treble stitches are too close together. I started at the

DROPS Design 15.06.2020 kl. 07:42:

Dear Rhonda, are you continuing to increase as before, ie on next round after A.2 when repeating the increases, you should have 4 trebles before every increase (2 tr in same tr), then on round after you will have 5 trebles before every increase and so on until you have 14 trebles between every increase. Remember also to keep correct tension when working the chains to avoid getting either too tight or too chains. Happy crocheting!

Rhonda 12.06.2020 - 17:50:

Hi, I love this pattern! I have completed A.2 once and on the second A.2 it looks "ruffled" like the treble stitches are too close together. I started at the

Adriana Ramírez 12.05.2020 - 21:56:

Cuantas vueltas son hasta llegar a la manga y que espacio es para la manga o tendrás el patrón de todo x favor

DROPS Design 15.05.2020 kl. 10:40:

Ver la respuesta abajo

Adriana Ramírez 12.05.2020 - 21:17:

Cuantas vueltas son hasta llegar a la manga y que espacio es para la manga

DROPS Design 15.05.2020 kl. 10:25:

Hola Adriana. Calculamos con cm, no con vueltas (porque la tensión de cada persona es diferente y para alcanzar la medida necesaria puede que haya que hacer mas o menos vueltas). En el texto pone que llegando a aprox. 20-20-23-23-25-25 cm de radio desde el centro de la labor comenzamos con la sisas. El tamaño de la sisa se calcula dependiendo del largo de la cadeneta que tengas que trabajar. Es importante que la cadeneta no quede tensa, porque en este caso la sisa queda más pequeña y deformada.

Ria 29.04.2020 - 12:11:

Ik ben bij de circel van 52 cm. Moet ik de volgende toer d stokje stokje enz herhalen tot ik weer helemaal rond ben. Want er staat geen sterretje herhalen. Vriendelijke groet ria. 306 characters

Ria 14.04.2020 - 12:17:

Ik zit bij de losseboog,waar moet ik nu haken. 453charaters left

DROPS Design 16.04.2020 kl. 12:50:

Dag Ria,

Nadat je de lossenring hebt gemaakt begin je bij de zwarte punt op de cirkel, dus bij de losse, dan 1 vaste om de lossenring, dan 1 half stokje. Zo ga je verder linksom de cirkel rond.

Jeana 01.02.2020 - 05:29:

I LOVE LOVE LOVE this I went to the English version,i read the pattern.i didn't have yarn and hook in hand while reading but I cant get it...but what an awesome jacket

DROPS Design 03.02.2020 kl. 10:44:

Dear Jeana, make sure you are reading appopriate English pattern (US and UK crochet terms are different) - this video shows how to start the jacket. Happy crocheting!

Leni 28.12.2019 - 23:01:

Hallo, ich würde die Jacke gerne ohne Ärmel häkeln. Wieviel Garn weniger brauche ich etwa?

DROPS Design 02.01.2020 kl. 12:41:

Liebe Leni, leider können wir jeder Anleitung nach jedem individuellen Frage anpassen und einzelne Modelle auf individuellen Wunsch hin umrechnen. Wenn sie Hilfe damit brauchen, wenden Sie sich bitte an dem Laden wo Sie die Wolle gekauft haben, dort hilft man Ihnen gerne weiter. Viel Spaß beim häkeln!

Skrifaðu athugasemd um DROPS 206-36

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.