DROPS Baby / 14 / 4

Little Miss Berry by DROPS Design

Heklaður kjóll fyrir börn og sumarhattur úr DROPS Alpaca. Prjónuð og þæfð taska úr DROPS Alaska. Stærð 1 mán - 4 ára.

DROPS design: Mynstur nr z-028-by
Garnflokkur A
--------------------------------------------------------
Stærð: 1/3 - 6/9 - 12/18 mán (2 - 3/4) ára
Stærð í cm: 50/56- 62/68- 74/80 (86/92-98/104)

Efni:
DROPS Alpaca frá Garnstudio
Kjóll:
150-200-200-250-250 gr nr 3720 millibleikur
+ afgangur af nr 7300 lime og 3140 ljós bleikur (fyrir blóm)
Hattur:
50-50 (100) gr nr 3720 millibleikur
+ afgangur af nr 7300 lime og 3140 ljós bleikur
(fyrir blóm)

Taska:
50 gr nr 02, natur DROPS Alaska frá Garnstudio + afgangur af nr 21 natur DROPS Vienna frá Garnstudio og nr 36 bleikur DROPS Vienna frá Garnstudio + afgangur nr 3140 ljós bleikur DROPS Alpaca frá Garnstudio.

DROPS HEKLUNÁL NR 3 – eða þá stærð sem þarf til að 24 stuðlar og 13 umferðir með Alpaca verði 10 x 10 cm.
DROPS PRJÓNAR NR 5,5 (fyrir tösku) – eða þá stærð sem þarf til að 16 lykkjur og 20 umferðir í sléttprjóni með Alaska verði 10 x 10 cm.
DROPS HEKLUNÁL NR 6 (fyrir hjarta á tösku)
DROPS TRÉ TALA, ljós NR 503: 2 st (fyrir kjól)
--------------------------------------------------------

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!


100% Alpakka
frá 902.00 kr /50g
DROPS Alpaca uni colour DROPS Alpaca uni colour 902.00 kr /50g
Gallery Spuni
Panta
DROPS Alpaca mix DROPS Alpaca mix 968.00 kr /50g
Gallery Spuni
Panta

100% Ull
frá 550.00 kr /50g
DROPS Alaska uni colour DROPS Alaska uni colour 550.00 kr /50g
Gallery Spuni
Panta
DROPS Alaska mix DROPS Alaska mix 550.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 4158kr. Sjá hér.

Leiðbeiningar um mynstur

AFFELLING-1:
Fellið af 1 stuðul með því að hekla saman 2 stuðla, þ.e.a.s. heklið 1 stuðul en bíðið með að bregða þræðinum um heklunálina og að draga þráðinn í gegn í lokin (= 2 lykkjur eftir á heklunálinni), heklið 1 stuðul í næsta stuðul og dragið þráðinn í lokin í gegnum allar 3 lykkjurnar á heklunálinni.

AFFELLING-2:
Fækkið lykkjum í byrjun á umferð þannig: Skiptið út 1 fastalykkju/stuðli með 1 keðjulykkju.
Fækkið lykkjum í lok umferðar þannig: Snúið stykkinu þegar eftir er sá fjöldi fastalykkja/stuðla sem fækka á og heklið til baka.

LEIÐBEININGAR:
Í byrjun á hverri umferð með stuðlum er fyrsta stuðli skipt út fyrir 3 loftlykkjur og í lok umferðar er síðasti stuðull heklaður í 3. loftlykkju í byrjun á fyrri umferð. Heklað er í hvern stuðul (ekki á milli).
--------------------------------------------------------

KJÓLL:

FRAMSTYKKI:
Lesið LEIÐBEININGAR! Heklið 106-116-126 (135-145) frekar lausar loftlykkjur (meðtaldar 3 loftlykkjur til að snúa við með) með heklunál 3 og millibleikur.
Fyrsta umferðin er hekluð þannig: 1 stuðull í 4. loftlykkju frá heklunálinni, * hoppið yfir 1 loftlykkju, 1 stuðull í hverja og eina af 3 næstu loftlykkjum *, endurtakið frá *-* út umferðina en í stærð 1/3 mán + 12/18 mán er endað með 1 stuðli í hverja og eina af 5 síðustu loftlykkjum (í stað 3 síðustu loftlykkjum) og í stærð 2 ára er endað með 1 stuðli í hverja og eina af 6 síðustu loftlykkjum (í stað 3 síðustu loftlykkjum), í stærð 3/4 ára er endað með 1 stuðli í hverja og eins af 4 síðustu loftlykkjum = 79-86-94 (101-108) stuðlar, snúið stykkinu. Heklið 1 stuðul í hvern stuðul jafnframt því sem felldur er af 1 stuðull í hvorri hlið alls 12 sinum – sjá AFFELLING-1: Í stærð 1/3 mán: til skiptis í hverri og annarri hverri umferð, í stærð 6/9 + 12/18 mán: í annarri hverri umferð, stærð 2 + 3/4 ára: í 3. hverri umferð = 55-62-70 (77-84) st. Þegar stykkið mælist ca 17-18-21 (24-26) cm fellið af fyrir handveg í hvorri hlið í hverri umferð – sjá AFFELLING-2: 5 stuðlar 1 sinni, 2 stuðlar 1 sinni og 1 stuðull 3 sinnum = 35-42-50 (57-64) stuðlar. Þegar stykkið mælist ca 23-29-35 (40-44) cm setjið 1 prjónamerki mitt í stykkið (í stærð 1/3 mán og 2 ára er prjónamerkið sett í miðju stuðul). Fellið nú af fyrir hálsmáli þannig: Heklið frá öxl og inn að hálsi þar til eftir eru 2-3-5 (5-6) stuðlar á undan prjónamerki (í stærð 1/3 mán og 2 ára á þetta við á undan stuðli með prjónamerki í), snúið stykkinu.
Fellið síðan af við háls í hverri umferð – sjá AFFELLING-2: 2 stuðlar 2 sinnum og 1 stuðull 3 sinnum = 8-11-13 (16-19) stuðlar eftir á öxl. Klippið frá og festið enda þegar stykkið mælist ca 27-33-39 (45-49) cm og endurtakið á hinni hlið á hálsi.

BAKSTYKKI:
Fitjið upp og heklið eins og framstykki – setjið 1 prjónamerki mitt í stykkið (í stærð 1/3 mán og 2 ára er prjónamerkið sett í miðju stuðul). Fellið af fyrir handveg eins og á framstykki, en þegar stykkið mælist 19-25-31 (37-41) cm skiptist stykkið við miðju að aftan fyrir op og hvor hluti er heklaður áfram hvor fyrir sig (í stærð 1/3 mán og 2 ára er ekki heklað áfram yfir miðju lykkju með prjónamerki í). Þegar stykkið mælist ca 25-31-37 (43-47) cm fellið af fyrir hálsmáli að aftan þannig: Heklið 9-12-14 (17-20) stuðla frá öxl og inn að hálsi, snúið stykkinu og fellið af 1 stuðul í næstu umferð – sjá AFFELLING-2. Heklið út umferðina, klippið frá og festið enda, stykkið mælist ca 27-33-39 (45-49) cm. Endurtakið á hinni hlið á hálsi.

FRÁGANGUR:
Saumið axlasauma. Saumið hliðarsauma kant í kant með smáu spori.

KANTUR:
Heklið kant meðfram öllu hálsmálinu (og opi að aftan) og í kringum báða handvegi með heklunál 3 og millibleikur þannig: 1 fastalykkja í fyrstu lykkju, * 6 loftlykkjur, hoppið yfir ca ½ - 1 cm, 1 fastalykkja í næstu lykkju *, endurtakið frá *-* og endið með 6 loftlykkjum og 1 keðjulykkju í fyrstu fastalykkju í byrjun á umferð.
Saumið 2 tölur meðfram hægra opi að aftan (ca ½ cm inn á stykki) – efsta talan er staðsett ca ½ - 1 cm ofan frá, notið loftlykkjubogana á gagnstæðri hlið fyrir hnappagöt.

BLÚNDA:
Heklið kant neðst á kjól með heklunál 3 og millibleikur þannig:

HEKLLEIÐBEININGAR:
Þegar hekla á saman nokkra tvíbrugðna stuðla þá er það gert þannig: Heklið 1 tvíbrugðinn stuðul en bíðið með að bregða bandi um heklunálina og að draga bandið í gegn í lokin (= 2 lykkjur á heklunálinni), heklið næsta tvíbrugðna stuðulinn en bíðið með að bregða bandi um heklunálina og að draga bandið í gegn í lokin (= 3 lykkjur á heklunálinni), haldið svona áfram þar til heklaður hefur verið sá fjöldi tvíbrugðna stuðla sem hekla á saman og dragið bandið í gegnum allar lykkjurnar á heklunálinni.

UMFERÐ 1: Byrjið í hlið. Heklið 1 fastalykkju í fyrsta stuðul, 4 loftlykkjur (= 1 tvíbrugðinn stuðull), heklið saman 2 tvíbrugðna stuðla í sama stuðul, 3 loftlykkjur og 3 tvíbrugðnir stuðlar saman áfram í sama stuðul, * hoppið yfir ca 2 - 2½ cm, í næsta stuðul eru heklaðir 3 tvíbrugðnir stuðlar saman, 3 loftlykkjur og 3 tvíbrugðnir stuðlar saman *, endurtakið frá *-* umferðina hringinn og endið með 1 keðjulykkju í 4. loftlykkju sem var hekluð í byrjun umferðar.
UMFERÐ 2: Heklið keðjulykkju fram að fyrsta loftlykkjuboga, 4 loftlykkjur (= 1 tvíbrugðinn stuðull), 3 tvíbrugðnir stuðlar saman um sama loftlykkjuboga, 4 loftlykkjur, 4 tvíbrugðnir stuðlar saman um sama loftlykkjuboga, * í næsta loftlykkjuboga eru heklaðir 4 tvíbrugðnir stuðlar saman, 4 loftlykkjur og 4 tvíbrugðnir stuðlar saman *, endurtakið frá *-* umferðina hringinn og endið með 1 keðjulykkju í 4. loftlykkju sem var hekluð í byrjun á umferð.
UMFERÐ 3: Heklið eins og umferð 2.
UMFERÐ 4: Heklið eins og umferð 2, nema 5 loftlykkjur í hvern loftlykkjuboga (í stað 4 loftlykkjur).
UMFERÐ 5: Heklið 1 fastalykkju efst í fyrsta stuðlahóp, * 6 loftlykkjur, 1 fastalykkja í næsta tvíbrugðna stuðlahóp *, endurtakið frá *-* umferðina hringinn og endið með 6 loftlykkjur og 1 keðjulykkju í fyrstu loftlykkju í byrjun á umferð.

HEKLAÐ BLÓM:
Heklið 3 loftlykkjur með heklunál 3og ljós bleikur og tengið saman í hring með 1 keðjulykkju í 1. loftlykkju.
UMFERÐ 1: Heklið 5 loftlykkjur um hringinn og endið með 1 keðjulykkju í fyrstu fastalykkju í byrjun á umferð.
UMFERÐ 2: * 4 loftlykkjur, 1 stuðull í fyrstu af 4 loftlykkjum sem eru heklaðar, 1 fastalykkja í næstu lykkju *, endurtakið frá *-* umferðina hringinn = 5 blöð, klippið frá.
Heklið 3 loftlykkjur með heklunál 3 og lime og tengið saman í hring með 1 keðjulykkju í 1. loftlykkju.
UMFERÐ 1: Heklið 5 fastalykkjur um hringinn og endið með 1 keðjulykkju í fyrstu fastalykkju í byrjun á umferð.
UMFERÐ 2: * 4 loftlykkjur, heklið 3 stuðla í fyrstu af 4 loftlykkjum sem voru heklaðar, 1 fastalykkja í næstu lykkju *, endurtakið frá *-* umferðina hringinn = 5 blöð, klippið frá. Festið ljós bleika blómið ofan á blómið úr lime og saumið blómið mitt framan á kjólinn.
--------------------------------------------------------

HATTUR:
Stærð: 1/3 - 6/18 mån (2/4) ára
Höfuðmál: ca 40/42 - 44/46 (48/50) cm

LEIÐBEININGAR:
Í byrjun á hverri umferð með stuðlum er 1. stuðli skipt út fyrir 3 loftlykkjur og umferðin endar með 1 keðjulykkju í 3. loftlykkju í byrjun umferðar.
--------------------------------------------------------

HATTUR:
Heklið 4 loftlykkjur með heklunál 3 og millibleikur og tengið saman í hring með 1 keðjulykkju í 1. Loftlykkju.
UMFERÐ 1: Heklið 12 stuðla um hringinn – sjá LEIÐBEININGAR!
UMFERÐ 2: Heklið 2 stuðla í hvern stuðul = 24 stuðlar.
UMFERÐ 3: Heklið 1 stuðul í hvern stuðul = 24 stuðlar.
UMFERÐ 4: * 1 stuðull í hvern og einn af 2 fyrstu stuðlum, 2 stuðlar í næsta stuðul *, endurtakið frá *-* umferðina hringinn = 32 stuðlar.
UMFERÐ 5: * 1 stuðull í hvern og einn af 3 fyrstu stuðlum, 2 stuðlar í næsta stuðul *, endurtakið frá *-* umferðina hringinn = 40 stuðlar.
UMFERÐ 6: * 1 stuðull í hvern og einn af 4 fyrstu stuðlum, 2 stuðlar í næsta stuðul *, endurtakið frá *-* umferðina hringinn = 48 stuðlar.
UMFERÐ 7: * 1 stuðull í hvern og einn af 5 fyrstu stuðlum, 2 stuðlar í næsta stuðul *, endurtakið frá *-* umferðina hringinn = 56 stuðlar.
UMFERÐ 8: * 1 stuðull í hvern og einn af 6 fyrstu stuðlum, 2 stuðlar í næsta stuðul *, endurtakið frá *-* umferðina hringinn = 64 stuðlar.
UMFERÐ 9: * 1 stuðull í hvern og einn af 7 fyrstu stuðlum, 2 stuðlar í næsta stuðul *, endurtakið frá *-* umferðina hringinn = 72 stuðlar.
UMFERÐ 10: * 1 stuðull í hvern og einn af 8 fyrstu stuðlum, 2 stuðlar í næsta stuðul *, endurtakið frá *-* umferðina hringinn = 80 stuðlar. Endið útaukningu hér í stærð 1/3 mán.
UMFERÐ 11: * 1 stuðull í hvern og einn af 9 fyrstu stuðlum, 2 stuðlar í næsta stuðul *, endurtakið frá *-* umferðina hringinn = 88 stuðlar. Endið útaukningu hér í stærð 6/18 mán.
UMFERÐ 12: * 1 stuðull í hvern og einn af 10 fyrstu stuðlum, 2 stuðlar í næsta stuðul *, endurtakið frá *-* umferðina hringinn = 96 stuðlar. Endið útaukningu hér í stærð 2/4 ára.
Allar stærðir. Haldið áfram hringinn með stuðlum án þess að auka út þar til stykkið mælist ca 13-14 (16) cm ofan frá.
Heklið nú 1 umferð með stuðlum með 2 stuðla í 8. hvern stuðul = 90-99 (108) stuðlar í umferð. Heklið 1 umferð með stuðlum án þess að auka út, heklið síðan 1 umferð með stuðlum og með 2 stuðla í 6. hvern stuðul (í stærð 6/18 mán verða 3 stuðlar eftir í umferð á eftir síðustu útaukningu í stað 6) = 105-115 (126) stuðlar í umferð.

KANTUR MEÐ BLÚNDU:
UMFERÐ 1: Heklið 4 loftlykkjur (= 1 tvíbrugðinn stuðull) , 2 tvíbrugðnir stuðlar saman – sjá HEKLLEIÐBEININGAR undir peysu, 3 loftlykkjur og 3 tvíbrugðnir stuðlar saman í fyrsta stuðul, * hoppið yfir ca 2 - 2½ cm, í næsta stuðul eru heklaðir 3 tvíbrugðnir stuðlar saman, 3 loftlykkjur og 3 tvíbrugðnir stuðlar saman *, endurtakið frá *-* umferðina hringinn og endið með 1 keðjulykkju í 4. loftlykkju sem var hekluð í byrjun umferðar.
UMFERÐ 2: Heklið 1 fastalykkju efst í fyrsta tvíbrugðna stuðlahópinn, * 6 loftlykkjur, 1 fastalykkja í næsta tvíbrugðna stuðlahóp *, endurtakið frá *-* umferðina hringinn og endið með 6 loftlykkjur og 1 keðjulykkju í fyrstu fastalykkju í byrjun á umferð. Klippið frá og festið enda, hatturinn mælist ca 18-19 (21) cm ofan frá.

HEKLAÐ BLÓM:
Heklið 2 blóm eins og áður – sjá útskýringu undir Peysa: Sjá DROPS Baby 14-5 – og saumið blómin niður á hattinn.
--------------------------------------------------------

TASKA:

Mál:
Fyrir þæfingu: ca 16 cm á breidd og 24 cm á hæð.
Eftir þæfingu: ca 12 cm á breidd og 15 cm á hæð.

ÞÆFING:
Setjið töskuna í þvottavél með þvottaefni án enzyma og bleikiefna. Þvoið við 40 gráður með venjulegri vindingu og án forþvottar. Eftir þvott eru taskan formuð til í rétta stærð á meðan hún er enn vot. Síðar er taskan þvegin eins og venjuleg ullarflík.

TASKA:
Fitjið laust upp 27 lykkjur (meðtalin 1 kantlykkja í hvorri hlið) á prjón 5,5 með natur Vienna. Prjónið 2 umferðir slétt, skiptið yfir í Alaska og prjónið sléttprjón þar til stykkið mælist ca 47 cm – passið uppá að næsta umferð sé prjónuð frá röngu. Skiptið til baka yfir í natur Vienna, prjónið 2 umferðir slétt og fellið laust af.

AXLARÓL:
Fitjið upp 5 lykkjur á prjón 5,5 með Alaska og prjónið sléttprjón þar til ólin mælist ca 25 cm, fellið af.
Leggið ólina saman tvöfalda á lengdina með rönguna að röngu og saumið saman í ystu lykkjubogana.

FRÁGANGUR:
Brjótið uppá töskuna tvöfalt og saumið hliðarsauma innan við 1 kantlykkju. Saumið ólina í hvora hlið á töskunni. Þæfið töskuna í þvottavél – sjá ÞÆFING!

HEKLAÐ HJARTA:
Heklið 2 loftlykkjur með heklunál 6 og bleikum Vienna og heklið 1 fastalykkju í fyrstu af 2 loftlykkjum, snúið stykkinu.
Heklið 1 loftlykkju, síðan eru heklaðar 3 fastalykkjur í fastalykkju frá fyrri umferð, snúið stykkinu.
Heklið 1 loftlykkju, 2 fastalykkjur í fyrstu fastalykkju, 1 fastalykkja í næstu fastalykkju og 2 fastalykkjur í síðustu fastalykkju = 5 fastalykkjur, snúið stykkinu.
Heklið 1 loftlykkju, 2 fastalykkjur í fyrstu fastalykkju, 1 fastalykkja í næstu fastalykkju, 2 fastalykkjur í næstu fastalykkju, 1 fastalykkja í næstu fastalykkju og 2 fastalykkjur í síðustu fastalykkjur = 8 fastalykkjur, snúið stykkinu.
* Heklið 1 loftlykkju, hoppið yfir 1 fastalykkju, 1 fastalykkja í hverja og eina af næstu 3 fastalykkjum, snúið stykkinu. Heklið 1 loftlykkju, hoppið yfir 1 fastalykkju, 1 fastalykkja í hverja og eina af næstu 2 fastalykkjum, snúið stykkinu. Heklið 1 loftlykkju, 1 fastalykkja í hverja og eina af 2 fastalykkjum, snúið stykkinu. Heklið 1 loftlykkju og 1 keðjulykkju í loftlykkju í byrjun á fyrri umferð, klippið frá of festið enda *. Endurtakið frá *-* á hinni hliðinni á hjartanu og saumið síðan hjartað á töskuna.

HEKLAÐ BLÓM:
Heklið 3 loftlykkjur með heklunál 3 og ljós bleikur Alpaca og tengið saman í hring með 1 keðjulykkju í 1. Loftlykkju.
UMFERÐ 1: Heklið 5 fastalykkjur um hringinn og endið með 1 keðjulykkju í fyrstu fastalykkju í byrjun á umferð.
UMFERÐ 2: * 4 loftlykkjur, 1 stuðull í fyrstu af 4 loftlykkjum sem voru heklaðar, 1 fastalykkja í næstu lykkju *, endurtakið frá *-* umferðina hringinn = 5 blöð, klippið frá. Saumið blómið mitt á hjartað.

Peysa: Sjá DROPS Baby 14-5

Skór: SjáDROPS Baby 14-5

Mynstur


Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS Baby 14-4) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

Við höfum einnig skref-fyrir-skref leiðbeiningar fyrir mismunandi aðferðir sem þú finnur hér.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (160)

Anki King 11.05.2020 - 16:35:

Jeg gav opp, er ikke så flink til å lese oppskriften og dette svaret på spørsmålet mitt forstår jeg absolutt ikke. Jeg spurte om det betydde at jeg skulle felle på annenhver rad, men svaret var: DROPS Design 11.05.2020 kl. 12:10: Hei Anki. Du bytter/veksler på, felle på hver rad, så annen rad, så hver rad, så annen hver rad (vekselsvis) osv. God Fornøyelse!

Anki King 11.05.2020 - 05:01:

Kjole 1/3, forstykket: hva betyr det når det står: Videre hekles det 1 st i hver st samtidig som det nå felles 1 st i hver side totalt 12 ganger - les Felletips-1: På Str 1/3 mnd: Vekselvis hver og hver 2.rad. Betyr det annenhver rad? Det er ikke logisk med vekselvis hver og hver 2. rad.

DROPS Design 11.05.2020 kl. 12:10:

Hei Anki. Du bytter/veksler på, felle på hver rad, så annen rad, så hver rad, så annen hver rad (vekselsvis) osv. God Fornøyelse!

Janice 07.08.2019 - 06:10:

Thank you for your response. I am not sure about the tension, I only see a gauge for the dress, not the hat. Since I am using a different heavier weight yarn than called for by the pattern, I used the recommended size hook for that yarn and thought if I followed the pattern, it would still provide the general shape desired but the hat would just be proportionately larger. I tried two weights of yarn and used the recommended hooks for each yarn but still got the odd, wide shape.

DROPS Design 07.08.2019 kl. 12:29:

Dear Janice, the gauge for the hat should be the same as the one for the dress, ie 24 dc x 13 rows = 4"x4"'. If you don't get this even with a smaller/larger hook (depending on how you are crocheting), this may explain why you don't get correct shape. Do not hesitate to contact the store where you bought the yarn - even per mail or telephone - for any further individual assistance. Happy crocheting!

Janice 03.08.2019 - 22:12:

I am making the hat for the smallest size, but it seems like the increases are too often, as the shape of the hat gets very wide instead of a gradual increasing tubular shape before reaching the rows for the lace border. I would best describe the shape when flattened as a a slice of pie, about one third of the pie. Since some of these comments are not in English, I'm not sure if there were similar questions already answered or if there are any adjustments to the instructions. Thank you.

DROPS Design 06.08.2019 kl. 16:21:

Dear Janice, do you have the correct tension in both height and width?

Viktoria 06.06.2019 - 20:12:

Hej! Kan man använda Drops Cotton Merino garn?

DROPS Design 07.06.2019 kl. 08:27:

Hei Viktoria. Det er hekle-/strikkefastheten som avgjør om du kan bytte 1 garn med et annet. I dette tilfellet strikkes med Alpaca, som tilhører garngruppe A og har en tette hekle-/strikkefasthet enn Cotton merino som tilhører garngruppe B. Jeg vil tro det er vanskelig å oppnå den angitte strikkefastheten med Cotton Merino, men du kan selvfølgelig hekle/strikke deg en prøve å se. Om du gjerne vil bruke bomull kan du vurdere Safran, som er samme garngruppe som Alpaca. God fornøyelse

Martina 20.03.2019 - 18:54:

Hallo! Wat een leuk patroon. Ik ben nu met de achterkant bezig, maar ik begrijp niet hoe het zit met de split en de halsrand. . Kunnen jullie er misschien een foto of tekening van de achterkant bijvoegen?

DROPS Design 21.03.2019 kl. 16:36:

Dag Martina,

Helaas is er geen foto van het achterpand, maar je moet het werk vanaf een hoogte van 19-25-31 (37-41) cm in tweeën delen vanaf de merkdraad in het midden, dus vanaf daar haak je de delen apart heen en weer zodat er een split ontstaat.

Sandra 05.03.2018 - 14:02:

Beste ,ik ben het jurkje aan het proberen te maken maar ik snap niet goed het begin van de eerste toer . is het zo dat ik het 1ste stokje in de 4 losse vanaf de naald moet doen moet ik na dit stokje terug een losse doen en dan voor verder te gaan bedoelen jullie dat ik 1 losse van de ketting moet overslagen en dan in de 3 de losse van de kettin opnieuw een stokje maken moet ik dan ook geen losse maken of hoe gaat dit in zen werk . ik ben een beginner en snap niet goed hoe te beginnen .

DROPS Design 12.03.2018 kl. 10:08:

Hallo Sandra, Je haakt eerste de ketting van lossen, dan haak je 1 stokje in de 4e losse (dus de laatste 3 losssen die je had gehaakt van de ketting sla je over en je maakt het stokje in de 4e). Na dit eerste stokje maak je steeds stokjes en je bij het insteken in de ketting sla je steeds een losse over. Je haakt er verder geen losse tussen. Je kan ook altijd bij je verkooppunt vragen om hulp, zodat iemand mee kan kijken. Succes!

Messing 04.03.2018 - 14:09:

Komme mit den Zahlen bei dem Diagrammen nicht klar. Wo kann man sich darüber belesen?

DROPS Design 05.03.2018 kl. 09:07:

Liebe Frau Messing, hier lesen Sie mehr über die Grössen und Diagramme. Viel Spaß beim häkeln!

YUTING 06.02.2018 - 18:34:

Re bonjour, j'ai trouvé l'une de vos anciennes réponses concernant la diminution 1 : En début de rang, remplacer la 1ère B par 2 ml (au lieu de 3) pour la diminution uniquement. Mais je n'aurai qu'une boucle sur le crochet puis comment je dois faire la B suivante? Dois je faire le premier jeter pour garder 3 boucles sur le crochet? Merci

DROPS Design 07.02.2018 kl. 08:29:

Bonjour Mme Yuting, en début de rang, vous remplacez la 1ère bride par 2 ou 3 ml (en fonction de la hauteur de vos ml) et crochetez la bride suivante et, au dernier jeté, écoulez les 2 boucles sur le crochet - en fin de rang, vous aurez bien 3 boucles à écouler (celle sur le crochet + les 2 brides). Bon crochet!

Yu-Ting 06.02.2018 - 17:03:

Bonjour, je suis en train de faire la robe en 1/3 mois et j'ai des questions sur la dimunition 1 et j'ai vu votre réponse à Vanessa ci-dessus. Mes questions sont : 1/ Faut-il diminuer en début du 1er rang de diminution, càd démarre avec 3ml et puis suivre la diminution 1 2/ En fin du rang, je ne fais rien. Je tourne le travail pour faire le 2ème rang sans diminution ?

DROPS Design 07.02.2018 kl. 08:25:

Bonjour Yu-Ting , pour les diminutions-1, on diminue 1 B de chaque côté, c'est-à-dire en début et en fin de rang, on commence par 2 brides écoulées ensemble et on termine le rang par 2 brides écoulées ensemble. Pour les emmanchures (diminutions-2), on commence par des mailles coulées et on termine en laissant le nbe de mailles à diminuer. Bon crochet!

Skrifaðu athugasemd um DROPS Baby 14-4

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.