Hvernig á að snúa við þegar prjónað er eftir mynsturteikningu í DROPS Baby 20-14

Í þessu DROPS myndbandi sýnum við hvernig við snúum við þegar prjónað er eftir mynsturteikningu í topp í DROPS Baby 20-14. Þessi toppur er prjónaður frá hlið, með stuttum umferðum og gatamynstri í berustykki sem sýnir eina mynstureiningu.
Prjónamerki 1 = 1. snúningur.
Prjónamerki 2 = hér byrjar mynstur.
Prjónamerki 3 = 2. snúningur.
Prjónamerki 4 = hér endar mynstur og 3. snúningur.
ATH: Í mynstri er hægt að sjá hvernig 1. lykkja er tekin óprjónuð til þess að koma í veg fyrir gat þegar snúið er við, þetta er ekki sýnt á myndbandinu. Þessi toppur er prjónaður úr DROPS Baby Merino, en í myndbandinu notum við grófara garn; DROPS Snow.
Fylgja þarf uppskrift til þess að geta fylgt myndbandinu eftir.
Þú finnur mynstrið með því að smella á myndina að neðan.

Mynstur þar sem þessi aðferð er notuð

DROPS Baby 20-14

Myndband #187, skráð í: Mynstur kennslumyndbönd, Ungabörn & Börn, Prjónamynstur

Myndböndin okkar hafa ekkert hljóð. Við erum alþjóðlegt fyrirtæki og fólk sem skoðar myndböndin okkar talar mörg mismunandi tungumál og margir skilja ekki ensku. Þar sem það er ekkert gefið tungumál fyrir okkur að nota, höfum við í staðinn skrifaðar leiðbeiningar fyrir myndböndin og ekkert hljóð sem truflar þegar þú horfir.

Þú getur breytt hraðanum á þessu myndbandi með því að smella á táknið á spilastikunni.

Marieanne Holmkvist skrifaði:

Beskrivningen till modell nr BM-007-by, är dåligt beskrivet så man förstår inte hur man ska göra. Trodde att jag förstod men när jag tittade på videon så fattade jag ingenting. Jag förstår verkligen inte hur man ska göra, så det får nog bli en annan kofta. Tråkigt för jag tyckte det var ett bra mönster och en fin kofta. Bra att sticka i sidled. //Marianne

20.04.2014 - 22:01

Anna Grete Granquist skrifaði:

Jättesöt kofta, men jättekrångligt mönster,

23.07.2012 - 20:09

Marzak skrifaði:

PLEASE TRANSLATE THIS SITE TO PERSION. THANK YOU

17.10.2011 - 10:10

Ana skrifaði:

Me alegra mucho ver esta ayuda porque como principiante me costaba entender el diagrama y los terminos

01.07.2011 - 06:30

Inger Fridén skrifaði:

Har prövat ett antal gånger sticka ett avigt varv tillbaka, kunde stått någonstans, nära att ge upp, nu ska jag försöka igen, tycker detta mönster är krångligt men fint!

20.06.2011 - 18:45

Kerstin Strömwall skrifaði:

Krångligt mönster! Bra vidoe. Varför inte vända vid 60m ist för 65m mitt i mönstret? Borde bli samma effekt. Skriv gärna varvnr i kanten, lätt att tro att man stickar ett avigt varv mellan varje mönstervarv! Brukligt på många andra mönster!

09.05.2011 - 11:46

Patricia Romero skrifaði:

Preciosos videos y de mucha mucha utilidad muy agradecida desde colombia

07.04.2011 - 06:03

Skrifaðu athugasemdir eða spurningar fyrir þetta myndband

Netfangið þitt verður ekki birt. Það verður að merkja við svæði merktri með *.

Nafn:*

Er þetta athugasemd eða spurning?

Country:

Athugasemd:*

Þú gætir líka haft gaman af...

15:52

Hvernig á að prjóna tátiljur í DROPS Children 27-19

Í þessu DROPS myndbandi sýnum við hvernig við prjónum tátiljuna “Lemon Jelly” í DROPS Children 27-19. Með því að prjóna með fínni prjónum en venjulega er gert þegar prjónað er úr garninu DROPS Snow þá verða tátiljurnar þéttari. En munið eftir að uppgefin prjónastærð í mynstri er einungis til leiðbeiningar. Við notum prjónastærð sem gefin er upp í mynstrinu (4 mm) og prjónum eftir stærð 20/21 (minnsta stærðin). Við höfum nú þegar fitjað upp 24 lykkjur og sýnum smá í umferð 1 sem er prjónuð slétt og smá í umferð 2 sem er prjónuð brugðið (= 2 umferðir garðaprjón). Það er prjónað GARÐAPRJÓN þar til stykkið mælist 3 cm. Eftir það eru fyrstu 8 lykkjunum í umferð haldið á prjóni og þær 16 lykkjur sem eru eftir eru settar á þráð. Fitjið upp 1 lykkju í byrjun og 1 lykkju í lokin á 8 lykkjunum á prjóni. Prjónið GARÐAPRJÓN fram og til baka þar til stykkið mælist 4 cm frá því þar sem lykkjurnar voru settar á þráðinn. Fellið af 1 lykkju í hvorri hlið. Prjónið upp 6 lykkjur í hvorri hlið og setjið til baka lykkjurnar af þræði á prjóninn. Setjið 1 prjónamerki mitt að framan og 1 prjónamerki mitt að aftan. Þegar stykkið mælist 2 cm frá prjónamerkjum er fækkað um 1 lykkju hvoru megin við prjónamerkin, fækkið lykkjum svona í annarri hverri umferð þar til stykkið mælist 4 cm. Eftir það eru þær lykkjur sem eftir eru felldar af og tátiljan er saumuð saman undir fæti í ysta lykkjuboga á ystu lykkju. Þessi tátilja er prjónuð úr DROPS Snow, sama garni sem er gefið upp í mynstrinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.

27:18

Hvernig á að fækka lykkjum og auka út í húfu í DROPS Baby 21-34

Í þessu DROPS myndbandi sýnum við hvernig við aukum út og fækkum lykkjum við prjónamerki. Við notum færri fjölda lykkja/umferða en sem stendur í mynstri og við höfum nú þegar prjónað fyrstu umferðina og búin að setja 7 prjónamerki í húfuna. Fyrsta og síðasta lykkjan er prjónuð slétt bæði frá réttu og frá röngu. Við byrjum á að sýna hvernig við aukum út við 1., 3., 5. og 7. prjónamerki og hvernig við fækkum um 1 lykkju hvoru megin við lykkju með prjónamerki við 2., 4. og 6. prjónamerki frá réttu. Síðan sýnum við hvernig uppslátturinn er prjónaður snúinn brugðið frá röngu til að koma í veg fyrir að það myndist gat. Eftir það sýnum við aftur 1 umferð frá réttu, með útaukningu og úrtöku. Þegar allar útaukningar hafa verið gerðar, prjónum við umferð einungis með úrtöku (við prjónamerki 2, 4 og 6) þar til 15 lykkjur eru eftir. Næsta umferð er prjónuð frá réttu þannig: 1 lykkja slétt, 2 lykkjur slétt saman, 9 lykkjur slétt, 2 lykkjur slétt saman, 1 lykkja slétt = 13 lykkjur. Endurtakið úrtöku í hverri hlið í hverri umferð (frá röngu eru prjónaðar 2 lykkjur færri og á eftir kantlykkju brugðið saman) þar til 5 lykkjur eru eftir. Í síðustu umferð rá röngu er prjónuð 1 kantlykkja, 3 lykkjur brugðið saman, 1 kantlykkja. Fellið af og dragið þráðinn í gegnum lykkjuna. Saumið húfuna saman mitt að aftan innan við 1 kantlykkju. SNÚRA: Fitjið upp 4 lykkjur. Prjónið þannig: * Prjónið 1 lykkju slétt, leggið þráðinn fyrir framan stykkið (á móti þér), takið 1 lykkju eins og prjóna eigi hana brugðið, leggið þráðinn aftur fyrir aftan stykkið (frá þér) * , endurtakið frá *-* í öllum umferðum. Prjónið að óskaðri lengd og fellið af. Saumið snúruna neðst í hornið á eyrnaleppnum. Þessi húfa er prjónuð úr DROPS Alpaca, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.

8:13

Hvernig á að byrja að prjóna samfellu í DROPS Baby 31-6

Í þessu DROPS myndbandi sýnum við hvernig við byrjum á að prjóna samfellu «Celestina» í DROPS Baby 31-6. Það eru prjónaðir 4 hlutar í mynsturteikningu A.1 og eftir það eru 2 hlutar settir saman og prjónað er eftir mynsturteikningu A.2. Þessi samfella er prjónuð úr DROPS Baby Merino, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.

13:58

Hvenig á að prjóna samkvæmt mynsturteikningu í vettlingum á börn í DROPS Baby 36-10

Í þessu DROPS myndbandi sýnum við hvernig við prjónum samkvæmt mynsturteikningu A.1 í vettlingum fyrir börn «Tiny Mitts» í DROPS Baby 36-10. Við prjónum minnstu stærðina og höfum nú þegar prjónað stroff og byrjum myndbandið á að sýna 4 fyrstu umferðir í mynsturteikningu, við sýnum byrjun og lok á hverri umferð. Síðan sýnum við 1. úrtöku hvoru megin við prjónamerkin, eftir það sýnum við hvernig við prjónum 2 og 2 lykkjur saman þegar 8 lykkjur eru eftir. Þessir vettlingar eru prjónaðir úr DROPS Baby Merino, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.

Hvernig á að fækka lykkjum í húfu í DROPS Baby 33-36

Í þessu DROPS myndbandi sýnum við hvernig við fækkum lykkjum samkvæmt mynsturteikningu í húfunni «New Chick» í DROPS Baby 33-36. Við prjónum einungis 4 mynstureiningar og höfum nú þegar prjónað mynstureiningu 2 sinnum á hæðina. Fækkið lykkjum þannig: Lyftið lykkjunni / uppsláttinn frá lykkju með prjónamerki af prjóni, prjónið lykkju með prjónamerki + næstu lykkju slétt saman, steypið lyftu lykkjunni yfir (= 2 lykkjur færri). Endurtakið þessa úrtöku í öllum mynstureiningum við 3 ör. Þessi húfa er prjónuð úr DROPS BabyMerino, en í myndbandinu notum við grófara garn: DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.

4:41

Hvernig á að enda úrtöku í laskalínu á framstykki í DROPS Children 32-20

Í þessu DROPS myndbandi sýnum við 2 síðustu umferðirnar með laskalínu og úrtöku í hálsi á framstykki í DROPS Children 32-20. Miðju lykkjurnar eru settar á þráð, við erum með 5 lykkjur hvoru megin og byrjum frá réttu á vinstri öxl: Prjónið 1 kantlykkju í garðaprjóni, fækkið lykkjum fyrir laskalínu eins og áður (takið 1 lykkju óprjónaða eins og prjóna eigi slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð), prjónið 2 lykkjur slétt saman (úrtaka í hálsmáli) = 3 lykkjur á prjóni, snúið stykkinu. Prjónið brugðið frá röngu, 1 kantlykkja í garðaprjóni, snúið stykkinu. 1 kantlykkja í garðaprjóni, fækkið lykkjum fyrir laskalínu = 2 lykkjur á prjóni. Snúið stykkinu, fellið af lykkjur með brugðnu og klippið frá. Prjónið nú hægri öxl frá réttu: Prjónið 2 lykkjur slétt saman (úrtaka í hálsmáli), fækkið lykkjum fyrir laskalínu (2 lykkjur slétt saman), 1 kantlykkja í garðaprjóni (= 3 lykkjur). Snúið stykkinu og prjónið 1 kantlykkju í garðaprjóni, brugðið frá röngu, snúið stykkinu. Fækkið lykkjum fyrir laskalínu, 1 kantlykkja í garðaprjóni, snúið stykkinu og fellið af lykkjur með brugðið. Við notum garnið DROPS Air í myndbandinu, sama garn og notað er í jólapeysunni. Fylgja þarf uppskrift til þess að geta fylgt myndbandinu eftir. Þú getur séð þetta mynstur með því að smella á myndina að neðan.