DROPS Super Sale - 30% AFSLÁTTUR á 6 garntegundum í allan júní!

Hvernig á að prjóna magic loop

Video thumbnail for Hvernig á að prjóna magic loop
Í þessu DROPS myndbandi sýnum við hvernig hægt er að prjóna með magic loop. Í mynstri þar sem nota á sokkaprjóna og hringprjóna með sama númeri í mynstri, þá er hægt að notast við hringprjóna og prjóna magic loop / galdralykkju með hringprjóni í stað sokkaprjóna.
Hringprjóninn þarf að vera langur (minnst 80 cm) og vera með sveiganlegri snúru. Fitjið upp þann fjölda lykkja sem á að vera í mynstri, færið lykkjurnar til að miðju á snúrunni.
Skiptu lykkjunum í tvennt og dragðu snúruna út á milli lykkja í miðju. Færið til prjónaendana að hvorri hlið, passið að lykkjurnar verði ekki snúnar. Þráðar endinn sem prjóna á með, er á aftari prjóninum og byrjað er að prjóna lykkjur af fremri prjóninum. Dragið út aftari prjóninn til þess að prjóna lykkjur á þeim fremri. Þegar lykkjur af fremri prjóninum hafa verið prjónaðar, snúið við og færið lykkjur til baka á auða prjóninn og prjónið þá hlið á sama hátt. Haldið svona áfram í hring, passið alltaf upp á að draga út þann prjón frá þeirri hlið sem þú hefur þráðar endann.
Fylgja þarf uppskrift til þess að geta fylgt myndbandinu eftir.
Þú finnur mynstur þar sem þessi aðferð er notuð með því að smella á myndirnar að neðan.

Mynstur þar sem þessi aðferð er notuð

DROPS 251-11

DROPS 251-11
DROPS 251-10

DROPS 251-10
DROPS 251-12

DROPS 251-12
DROPS Children 48-14

DROPS Children 48-14
Annað tungumál:

Myndband #120, skráð í: Lærðu að prjóna, Prjón leiðbeiningar & aðferðir, Önnur prjónaráð & aðferðir

Myndböndin okkar hafa ekkert hljóð. Við erum alþjóðlegt fyrirtæki og fólk sem skoðar myndböndin okkar talar mörg mismunandi tungumál og margir skilja ekki ensku. Þar sem það er ekkert gefið tungumál fyrir okkur að nota, höfum við í staðinn skrifaðar leiðbeiningar fyrir myndböndin og ekkert hljóð sem truflar þegar þú horfir.

Þú getur breytt hraðanum á þessu myndbandi með því að smella á táknið á spilastikunni.

Country flag Elna skrifaði:

Ik heb een tenniselleboog, brei met 4 lange priemen en moet mijn brei-uurtjes doseren, ik ga morgen een rondbreinaald halen en ga aan de slag...! Bedankt!

16.12.2012 - 19:25

Amelia Garduño Vargas skrifaði:

Hola, gracias por estos maravillosos videos e ideas. Las innstrucciones muy claras y con el apoyo de los videos, un trabajo sin duda maravilloso, Saludos cordiales desde Durango, México

12.10.2012 - 19:20

Country flag Oma skrifaði:

Geweldig, nu kan ik ook weer breien.

29.07.2012 - 14:24

Country flag Hen Van Gils skrifaði:

Ik brei al jaren zo, na een tenniselleboog, eerst aan de ene, daarna aan de andere elleboog. Je kunt de meest ingewikkelde ajourpatronen en kabels net zo gemakkelijk op deze manier breien.Ik haak alleen de draad andersom, dat is nog een simpelere beweging.

27.06.2012 - 21:57

Country flag Anne-Miek skrifaði:

Simpel. Maar met dunne sokkenwol blijven mijn steken haken bij de overgang van naald en koord. Dus ik blijf bij mijn 5 sokpennetjes. Overigens wel continentaal, kan dat iedereen aanraden.

27.06.2012 - 16:51

Country flag Lieve skrifaði:

Geweldig! Eindelijk zie ik eens hoe je kleine werkjes met een rondbreinaald kunt breien. Was me een totaal raadsel.

27.06.2012 - 11:57

Country flag J.wensink skrifaði:

Geef mij maar 4 rondbreinaalden. dat heen en weer geschuif over die naald vind ik niks. de naald schiet door en dan heb ik steeds de steken eraf gavallen.

26.06.2012 - 22:09

Country flag Marie-Chantal skrifaði:

Amaai, zo eenvoudig is het dus ;). Ik zag het niet zitten om met die naalden sokken te breien, alhoewel ze daarvoor gemaakt zijn. Simpel dus. Maar ik moest het eerst eens gezien hebben: bedankt!!!

26.06.2012 - 15:44

Country flag Linda skrifaði:

Nu kan ik eindelijk mijn rondbreinaalden gebruiken, zoals het bedoeld is. Het breiwerk is gemakkelijker mee te nemen in de tas.

24.06.2012 - 13:11

Country flag Oma Gerda skrifaði:

In het begin zat ik verbaasd naar het filmpje te kijken. Toen kreeg ik het ineens door en... het is kinderlijk eenvoudig. Dank voor de duidelijke uitleg d.m.v. het filmpje!

24.06.2012 - 12:13

Skrifaðu athugasemdir eða spurningar fyrir þetta myndband

Netfangið þitt verður ekki birt. Það verður að merkja við svæði merktri með *.

Þú gætir líka haft gaman af...

Video thumbnail for Hvernig á að prjóna German Short Rows - með tvöfaldri lykkju utan um prjóninn
8:41
Hvernig á að prjóna German Short Rows - með tvöfaldri lykkju utan um prjóninn

German short rows= Stykkinu er snúið mitt í umferð. Með því að prjóna stuttar umferðir þá myndast lítið gat - hægt er að loka þessu gati með því að herða á þræði eða nota aðferðina German short row. Umferð 1 (= rétta): Prjónið fram að þeim stað sem snúa á stykkinu, snúið, þegar prjónað er áfram þá myndast lítið gat við snúninginn – það er hægt að loka þessu gati þannig: Umferð 2 (= ranga): Lyftið 1. lykkju af vinstri prjóni eins og prjóna eigi brugðið, hafið þráðinn fyrir framan stykkið að þér, leggið þráðinn yfir hægri prjón og herðið á þræðinum vel áður en næsta lykkja er prjónuð = fyrsta lykkja á hægri prjóni hefur nú orðið að tvöfaldri lykkju (með einni lykkju og einum þræði yfir prjóninn). Prjónið fram að þeim stað þar sem snúa á stykkinu. Snúið stykkinu. Umferð 3 (= rétta): Lyftið 1. lykkju af vinstri prjóni eins og prjóna eigi brugðið, hafið þráðinn fyrir framan stykkið að þér, leggið þráðinn yfir hægri prjón og herðið á þræðinum vel áður en næsta lykkja er prjónuð = fyrsta lykkja á hægri prjóni hefur nú orðið að tvöfaldri lykkju. Prjónið fram að tvöföldu lykkjunni frá fyrri umferð og prjónið tvöföldu lykkjunni þannig að þráðurinn sem var lagður yfir prjóninn og lykkjuna er prjónað slétt saman = 1 lykkja. Prjónið fram að þeim stað þar sem snúa á stykkinu. Snúið stykkinu. Umferð 4 (= ranga): Lyftið 1. lykkju af vinstri prjóni eins og prjóna eigi brugðið, hafið þráðinn fyrir framan stykkið að þér, leggið þráðinn yfir hægri prjón og herðið á þræðinum vel áður en næsta lykkja er prjónuð = fyrsta lykkja á hægri prjóni hefur nú orðið að tvöfaldri lykkju. Prjónið fram að tvöföldu lykkjunni frá fyrri umferð og prjónið tvöföldu lykkjuna þannig að þráðurinn sem var lagður yfir prjóninn og lykkjuna er prjónað brugðið saman = 1 lykkja. Prjónið fram að þeim stað þar sem snúa á stykkinu. Snúið stykkinu. Endurtakið 3. og 4. umferð. Við notum garnið DROPS Snow í myndbandinu. Þessi aðferð er notuð í mörgum af mynstrunum okkar – Þú finnur mynstur þar sem þessi aðferð er notuð með því að smella á myndirnar að neðan.
Video thumbnail for Hvernig á að prjóna German Short Rows - með tvöfaldri lykkju fram og til baka
5:17
Hvernig á að prjóna German Short Rows - með tvöfaldri lykkju fram og til baka

German short rows = Stykkinu er snúið mitt í umferð. Stykkinu er snúið mitt í umferð. Með því að prjóna stuttar umferðir þá myndast lítið gat - hægt er að loka þessu gati með því að herða á þræði eða nota aðferðina German short row. Umferð 1 (rétta): Prjónið fram að þeim stað þar sem snúa á stykkinu, snúið, þegar prjónað er áfram verðu lítið gat við snúninginn – hægt er að loka þessu gati þannig: Umferð 2 (= ranga): Lyftið 1. lykkju af vinstri prjóni eins og prjóna eigi brugðið, hafið þráðinn fyrir framan að þér, leggið þráðinn yfir hægri prjón og herðið vel á endanum áður en næsta lykkja er prjónuð = fyrsta lykkja á hægri prjóni hefur nú orðið að tvöfaldri lykkju (lykkja og þráður yfir prjóninum). Prjónið fram að þeim stað þar sem snúa á við. Snúið stykkinu. Umferð 3 (= rétta): Lyftið 1. lykkju af vinstri prjóni eins og prjóna eigi brugðið, hafið þráðinn fyrir framan að þér, leggið þráðinn yfir hægri prjón og herðið vel á endanum áður en næsta lykkja er prjónuð = fyrsta lykkja á hægri prjóni hefur nú orðið að tvöfaldri lykkju. Prjónið fram að tvöföldu lykkjunni frá fyrri umferð og prjónið tvöföldu lykkjuna þannig að þráðurinn sem liggur yfir prjóninum og lykkjan er prjónað slétt saman = 1 lykkja. Prjónið fram að þeim stað þar sem snúa á við. Snúið stykkinu. Umferð 4 (= ranga): Lyftið 1. lykkju af vinstri prjóni eins og prjóna eigi brugðið, hafið þráðinn fyrir framan að þér, leggið þráðinn yfir hægri prjón og herðið vel á endanum áður en næsta lykkja er prjónuð = fyrsta lykkja á hægri prjóni hefur nú orðið að tvöfaldri lykkju. Prjónið fram að tvöföldu lykkjunni frá fyrri umferð og prjónið tvöföldu lykkjuna þannig að þráðurinn sem liggur yfir prjóninum og lykkjan er prjónað slétt saman = 1 lykkja. Prjónið fram að þeim stað þar sem snúa á við. Snúið stykkinu. Endurtakið umferð 3. og 4. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
Video thumbnail for Hvernig á að prjóna upp lykkjur fyrir kant í hálsmáli á peysu með evrópskri öxl
6:35
Hvernig á að prjóna upp lykkjur fyrir kant í hálsmáli á peysu með evrópskri öxl

Í þessu DROPS myndbandi sýnum við hvernig við prjónum upp lykkjur í kringum hálsmál á peysu með evrópskri öxl, notið prjón eða heklunál. Eftir það er stroffið prjónað eins og útskýrt er í mynstri. Það eru margar aðferðir við að prjóna stroff (t.d. 1 lykkja slétt / 1 lykkja brugðið, 2 lykkjur slétt / 2 lykkjur brugðið, 1 lykkja snúið slétt / 1 lykkja brugðið o.s.frv.) Hægt er að prjóna einfaldan kant í hálsmáli, tvöfaldan kant í hálsmáli eða háan kant í hálsmáli. Í myndbandinu sýnum við tvöfaldan kant í hálsmáli í stroffpróni prjónað þannig: 2 lykkjur slétt, 2 lykkjur brugðið, fellt er af með sléttum lykkjum yfir sléttar lykkjur og brugðnum lykkjum yfir brugðnar lykkjur og eftir það er stroffið brotið niður að innan verðu á stykki og fest. Í þessu myndbandi prjónum við með 2 garntegundum, DROPS Lima litur nr 9029 salvíu grænn og DROPS Kid-Silk litur nr 45, mjúk mynta og prjón 5 mm. Fylgja þarf uppskrift og mynsturteikningu til þess að geta fylgt myndbandinu eftir. Þú getur séð viðeigandi mynstur með því að smella á myndina að neðan.
Video thumbnail for Hvernig á að prjóna ermi í flík með evrópskri öxl með stuttum umferðum
13:07
Hvernig á að prjóna ermi í flík með evrópskri öxl með stuttum umferðum

Í þessu DROPS myndbandi sýnum við hvernig við prjónum upp lykkjur fyrir ermi, prjónaðar eru stuttar umferðir, lykkjum fækkað undir ermi, lykkjur auknar út á undan stroffi, skipt er yfir í styttri prjón og smá brot af affellingu (fellt er af með sléttum lykkjum yfir sléttar lykkjur og brugðnum lykkjum yfir brugðnar lykkjur). Setjið 1 prjónamerki efst í handvegi (ATH! Ekki þar sem lykkjur voru prjónaðar upp fyrir framstykki, en nokkra cm neðar á framstykki, þetta er mitt ofan á öxl). Byrjið mitt í nýjum lykkjum sem fitjaðar voru upp undir ermi og prjónið upp þann fjölda lykkja sem stendur í mynstri hringinn í handvegi – passið uppá að prjónaðar séu upp jafnmargar lykkjur hvoru megin við prjónamerki meðfram handvegi. Prjónið sléttprjón fram og til baka með stuttum umferðum yfir ermakúpuna, þetta er gert til að ermin passi betur og fái betra form. Eftir það er prjónað í hring með úrtöku undir ermi. Fylgið útskýringu í mynstri hvernig stuttar umferðir eru prjónaðar, hversu mörgum sinnum úrtaka er gerð, hversu lengi á að prjóna ermina fyrir stroff. Í þessu myndbandi prjónum við með 2 garntegundum, DROPS Lima litur nr 9029 salvíu grænn og DROPS Kid-Silk litur nr 45, mjúk mynta og prjón 5 mm. Fylgja þarf uppskrift og mynsturteikningu til þess að geta fylgt myndbandinu eftir. Þú getur séð viðeigandi mynstur með því að smella á myndina að neðan.
Video thumbnail for Hvernig á að prjóna einfalt v-hálsmál
8:36
Hvernig á að prjóna einfalt v-hálsmál

Í þessu DROPS myndbandi sýnum við hvernig við prjónum einfalt v-hálsmál í stroffprjóni með 1 lykkju slétt / 1 lykkju brugðið. Hægt er að nota sömu aðferð þegar lykkjur eru prjónaðar 2 lykkjur slétt / 2 lykkjur brugðið. Fyrst sýnum við þegar lykkjur eru prjónaðar upp, síðan prjónum við allar lykkjur slétt frá röngu, eftir það er prjónað stroffprjón jafnframt því sem lykkjum er fækkað mitt að framan í annarri hverri umferð þannig: Prjónið þar til 1 lykkja er eftir á undan sléttri lykkju mitt framan í hálsmáli, lyftið 2 lykkjum af prjóni eins og prjóna eigi slétt saman, prjónið 1 lykkju slétt, steypið 2 lyftu lykkjunum yfir lykkjuna sem var prjónuð (= 2 lykkjur færri). Með þessu þá kemur kanturinn til með að leggjast fallega og slétta lykkjan kemur til með að halda áfram sem bein lína. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
Video thumbnail for Hvernig á að prjóna tvöfalt V-hálsmál með 2 lykkjur slétt / 2 lykkjur brugðið
9:57
Hvernig á að prjóna tvöfalt V-hálsmál með 2 lykkjur slétt / 2 lykkjur brugðið

Í þessu DROPS myndbandi sýnum við hvernig við prjónum tvöfalt V-hálsmál. Kantur í hálsmáli er prjónaður í hring, en við sýnum einungis hluta um hvað gerist á framstykkinu. Við sýnum: 1) Tími: 00.04-01.36. Hvernig 2 miðjulykkjurnar eru settar á prjón og prjónaðar slétt, jafnframt því sem lykkjur eru teknar upp í kringum hálsmál. Setjið eitt prjónamerki á milli þessa 2 lykkja (= miðjulykkjur sem alltaf eru prjónaðar slétt). Það eru teknar upp 2 lykkjur fleiri á vinstri hlið en á þeirri hægri og stillið lykkjufjöldann af þannig að hann sé deilanlegur með 4. 2) Tími: 01:37 -03:12. Nú er prjónað stroff (2 lykkjur slétt / 2 lykkjur brugðið), teljið frá miðjulykkjum og til baka að byrjun þannig að stroffið geti byrjað þannig að það verða 2 lykkjur brugðið á undan 2 miðjulykkjum sem eru prjónaðar slétt. Þegar 2 lykkjur eru eftir á undan prjónamerki eru þessar 2 lykkjur prjónaðar slétt saman, (einnig ef önnur lykkjan eigi að vera brugðin lykkja). Lyftið næst 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð = 2 lykkjur slétt mitt að framan, prjónið 1 lykkju brugðið og haldið áfram með stroff (2 lykkjur slétt / 2 lykkjur brugðið). Stroffið á að vera alveg eins hvoru megin við miðjulykkjurnar. 3) Tími: 03:13 -04:10. Fækkið lykkjum einnig svona í næstu umferð. Yfir 6 miðjulykkjurnar verða þá bara sléttar lykkjur. 4) Tími: 04:12 -04:29. Haldið áfram með stroffprjón og úrtöku að uppgefnu máli. 5) Tími: 04:30-05:52. Prjónið 1 umferð stroffprjón án þess að fækka lykkjum við prjónamerki, hér á síðar að brjóta uppá kantinn í hálsmáli þannig að hann verði tvöfaldur. 6) Tími: 05:54-08:21. Nú á að auka út hvoru megin við miðjulykkjurnar í hverri umferð þannig: Prjónið stroff eins og áður fram þar til 1 lykkja er eftir að prjónamerki, sláið 1 sinni uppá prjóninn, prjónið 2 lykkjur slétt (miðjulykkjur), sláið 1 sinni uppá prjóninn, prjónið stroff eins og áður út umferðina, uppslátturinn er prjónaður snúinn í næstu umferð. 7) Tími: 08:25-09:06. Þegar stykkið hefur náð réttu máli, fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. 8) Tími: 09:10-09:38. Brjótið kant í hálsmáli inn og festið affellingarkantinn með nokkrum sporum að innanverðu á flíkinni þannig að hálsmálið liggi fallega. 9) Tími: 09:39-09:56. Tilbúið tvöfalt prjónað V-hálsmál. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.