DROPS Belle
DROPS Belle
53% Bómull, 33% Viscose, 14% Hör
frá 447.00 kr /50g
Þú færð garn sem þarf í að gera þetta mynstur frá 2235.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Sweet Impressions

Prjónaður toppur með laskalínu úr DROPS Belle. Stykkið er prjónað ofan frá og niður með gatamynstri. Stærð S - XXXL.

DROPS 211-12
DROPS Design: Mynstur vs-061
Garnflokkur B
-------------------------------------------------------

STÆRÐ:
S - M - L - XL - XXL - XXXL

EFNI:
DROPS BELLE frá Garnstudio (tilheyrir garnflokki B)
250-250-250-300-300-350 g litur 16, malva

PRJÓNFESTA:
21 lykkja á breidd og 28 umferðir á hæð með sléttprjóni = 10 x 10 cm.

PRJÓNAR:
DROPS HRINGPRJÓNAR NR 3: lengd 40 cm og 80 cm fyrir garðaprjón.
DROPS HRINGPRJÓNAR NR 4: lengd 40 cm og 60 cm eða 80 cm fyrir sléttprjón.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Belle
DROPS Belle
53% Bómull, 33% Viscose, 14% Hör
frá 447.00 kr /50g
Þú færð garn sem þarf í að gera þetta mynstur frá 2235.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------<br />
UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað í hring):
*1 umferð slétt og 1 umferð brugðið*, endurtakið frá *-*.

MYNSTUR:
Sjá mynsturteikningu A.1 og A.2.

ÚTAUKNING (á við um hliðar á fram- og bakstykki):
Prjónið þar til 2 lykkjur eru eftir á undan prjónamerki, sláið 1 sinni uppá prjóninn, prjónið 4 lykkjur slétt (prjónamerki er staðsett mitt í þessum lykkjum), sláið 1 sinni uppá prjóninn. Í næstu umferð eru uppslættirnir prjónaðir snúnir slétt svo ekki myndist gat. Prjónið síðan nýjar lykkjur í sléttprjóni.

AFFELLING:
Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá 1 sinni uppá prjóninn á eftir ca 4. hverja lykkju jafnframt því sem fellt er af (uppslátturinn er felldur af eins og venjuleg lykkja).

-------------------------------------------------------

BYRJIÐ Á STYKKI HÉR:

-------------------------------------------------------

TOPPUR - STUTT ÚTSKÝRING Á STYKKI:
Kantur í hálsmáli og berustykki er prjónað í hring á hringprjón, ofan frá og niður. Berustykkið skiptist fyrir fram- og bakstykki og ermar. Fram- og bakstykki er prjónað í hring á hringprjón, ofan frá og niður.

KANTUR Í HÁLSMÁLI:
Fitjið upp 102-102-102-120-120-120 lykkjur á hringprjón 3 með Belle. Prjónið 4 umferðir GARÐAPRJÓN – sjá útskýringu að ofan. Skiptið yfir á hringprjón 4.

BERUSTYKKI:
Byrjun á umferð er í skiptingunni á milli vinstri axlar og bakstykkis. Prjónið mynstur þannig: * 1 lykkja slétt, A.1a (= 4 lykkjur), A.1b yfir næstu 18-18-18-27-27-27 lykkjur (2-2-2-3-3-3 mynstureiningar með 9 lykkjum), A.1c (= 6 lykkjur), 2 lykkjur slétt, A.2 (= 19 lykkjur), 1 lykkja slétt *, prjónið frá *-* 2 sinnum. Prjónið og aukið út eins og útskýrt er í mynsturteikningu, þegar A.1 og A.2 hefur verið prjónað einu sinni á hæðina heldur mynstrið og útaukningar áfram alveg eins.
Aukið út um 8 lykkju í annarri hverri umferð, lykkjurnar eru prjónaðar jafnóðum inn í mynstur. Aukið svona út í annarri hverri umferð alls 22-25-28-32-35-38 sinnum. Eftir allar útaukningar eru 278-302-326-376-400-424 lykkjur í umferð. ATHUGIÐ PRJÓNFESTUNA! Næsta umferð er prjónuð þannig (byrjið þessa umferð 2-3-3-1-3-4 lykkjur fyrir lok á fyrri umferð): Prjónið fyrstu 78-86-92-105-115-125 lykkjurnar eins og áður (án útaukninga), prjónið garðaprjón yfir næstu 61-65-71-83-85-87 lykkjur, prjónið næstu 78-86-92-105-115-125 lykkjur eins og áður (án útaukninga), prjónið garðaprjón yfir síðustu 61-65-71-83-85-87 lykkjur. Haldið svona áfram þar til prjónaðar hafa verið 4 umferðir garðaprjón. Næsta umferð er prjónuð þannig: Prjónið sléttar lykkjur yfir fyrstu 78-86-92-105-115-125 lykkjurnar (= bakstykki), fellið af næstu 61-65-71-83-85-87 lykkjur, prjónið sléttar lykkjur yfir næstu 78-86-92-105-115-125 lykkjur (= framstykki), fellið af síðustu 61-65-71-83-85-87 lykkjur. HÉÐAN ER NÚ MÆLT!

FRAM- OG BAKSTYKKI:
Prjónið fyrstu 78-86-92-105-115-125 lykkjur í sléttprjóni, fitjið upp 6-6-8-8-10-12 nýjar lykkjur, prjónið 78-86-92-105-115-125 lykkjur í sléttprjóni, fitjið upp 6-6-8-8-10-12 nýjar lykkjur og prjónið síðan hringinn = 168-184-200-226-250-274 lykkjur. Prjónið sléttprjón, en yfir nýjar 6-6-8-8-10-12 lykkjur í hvorri hlið eru prjónaðar 4 umferðir garðaprjón, áður en haldið er áfram í sléttprjóni yfir allar lykkjur. Setjið 1 prjónamerki í hvora hlið, mitt í nýjar lykkjur sem fitjaðar voru upp. Þegar stykkið mælist 4 cm aukið út um 1 lykkju hvoru megin við prjónamerki í hlið – sjá ÚTAUKNING. Endurtakið útaukningu með 3 cm millibili alls 5 sinnum = 188-204-220-246-270-294 lykkjur. Þegar stykkið mælist 19-19-19-18-18-17 cm frá skiptingu, prjónið 4 umferðir garðaprjón yfir allar lykkjur, fellið síðan af – sjá AFFELLING.

Þetta mynstur hefur verið leiðrétt.

Yfirfarið á vefsvæði: 06.01.2021
Leiðrétting: BERUSTYKKI:...ATHUGIÐ PRJÓNFESTUNA! Næsta umferð er prjónuð þannig (byrjið þessa umferð 2-3-3-1-3-5 lykkjur fyrir lok á fyrri umferð):...
Yfirfarið á vefsvæði: 09.09.2022
Ný mynsturteikning A.1 + A.2

Mynstur

symbols = slétt lykkja
symbols = brugðin lykkja
symbols = á milli 2 lykkja er slegið 1 sinni uppá prjóninn, í næstu umferð er uppslátturinn prjónaður slétt, það eiga að myndast göt
symbols = á milli 2 lykkja er slegið 1 sinni uppá prjóninn, í næstu umferð er uppslátturinn prjónaður snúinn, það eiga ekki að myndast göt
symbols = 2 lykkjur slétt saman
symbols = lyftið 1 lykkju eins og prjóna eig slétt, prjónið 1 lykkju slétt, steypið lyftu lykkjunni yfir lykkjuna sem var prjónuð
diagram
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Sweet Impressions

Frida, Germany

Sweet Impressions

Renate Heinz, Germany

Sweet Impressions

Ester, Andorra

Skrifaðu athugasemd um DROPS 211-12

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (56)

country flag Karin Westman wrote:

Längden efter delningen av arbetet står det 20cm gör 4 varv rätstickning avmaska sedan det kan väl inte stämma

26.02.2023 - 21:32

DROPS Design answered:

Hei Karin. Hva mener du ikke stemmer? Etter delingen strikkes det 19-19-19-18-18-17 cm og deretter strikkes det 4 omganger (1 omgang rett, 1 omgang vrang, 1 omgang rett og 1 omgang vrang), før det felles det av. mvh DROPS Design

06.03.2023 - 11:18

country flag Eryn wrote:

Hey! may i know what the measurements of the final sizes are? i’m not sure where i can find it

20.11.2022 - 10:47

DROPS Design answered:

Dear Eryn, you can see all measurements in cm for the garment in the measurements schematic under the pattern instructions; see here how to interpret it: https://www.garnstudio.com/lesson.php?id=24&cid=19. Happy knitting!

21.11.2022 - 00:49

country flag Cornelia wrote:

Zu Beginn heißt es bei der Beschreibung: von *_* noch 2x wiederholen. Muss es nicht heißen: noch 1x wiederholen?

03.08.2022 - 21:43

DROPS Design answered:

Dear Cornelia, man soll von *-* insgesamt 2 Mal wiederholen, d.h. zuerst einmal von *-* stricken dann noch einmal von *- * stricken. Viel Spaß beim stricken!

04.08.2022 - 08:10

country flag Maite wrote:

I’m a total beginner and am having some doubts about how to get started. After doing the neck edge, do I work the first round (with A12, A12, etc) without the yarn overs, K2Tog and Slip, K, PSSO? So just K and P? Or do I jump right in and follow the pattern with the YO, and other diagram explanations? I’m confused by the “when A1 and A2 have been worked 1 time vertically” Thanks for your help, I can’t wait to give this pattern a go!

20.07.2022 - 18:29

DROPS Design answered:

Dear Maite, after first 2 rounds in garter st. (= neck edge) you change needle to size 4 and start working pattern: * Knit 1, A.1a (= 4 sts), A.1b over the next 18-18-18-27-27-27 sts (2-2-2-3-3-3 repetitions of 9 sts), A.1c (= 6 sts), knit 2, A.2 (= 19 sts), knit 1 *, work from *-* 2 times. Continue in this pattern layout, till you work all rows from diagram (= 1 pattern repeat vertically). At this point you should have 278-302-326-376-400-424 sts on the needle (depending on which size you are knitting). Everything you need is shown in the diagram, just follow it! Happy knitting!

20.07.2022 - 20:31

country flag Jutta wrote:

In A1a in runde 12(6.Rückrunde) beginnt die Runde mit 3 rechten Maschen. In A1c endet sie aber mit 1 linken M und der mustersatz A2 hat auch am Anfang u d Ende eine linke Masche. Muss in A1a auch am Anfang eine linke Masche hin?

21.06.2022 - 18:04

DROPS Design answered:

Liebe Jutta, ja genau, es sollte 1 Masche links hier sein, eine Korrektur erfolgt, danke für den Hinweis. Viel Spaß beim stricken!

22.06.2022 - 08:06

country flag Jutta wrote:

Hallo, muss man den Umschlag links oder rechts verschränkt stricken. Da steht nur: in der nächsten Reihe verschränkt stricken

21.06.2022 - 12:41

DROPS Design answered:

Liebe Jutta, meinen Sie die Umschläge in A.1? Die stricken Sie entweder rechts oder links, je nach der nächsten Runde im Diagram, aber immer verschränkt. Viel Spaß beim stricken!

21.06.2022 - 13:56

country flag Marie Christine BARBE wrote:

Une fois les augmentations faites, je souhaiterais savoir pourquoi on doit récupérer 2 mailles du rang précédent pour tricoter les 78 mailles. Merci d’ avance Marie Christine Barbe

25.05.2022 - 14:21

DROPS Design answered:

Bonjour Mme Barbe, pour que le raglan tombe là où on le souhaite, on va décaler le tour de la division. Bon tricot!

25.05.2022 - 16:25

country flag Lars Laursen wrote:

Der mangler mindst 10 cm i længden, h is toppen skal ligne den på modellen - uanset h ad mål skitsen siger

06.03.2022 - 22:52

country flag Annelise wrote:

Jeg vil gerne ha resten af diagrammet , strikker str. m og skal tage ud 25 gange, der er kun til 17 udtagninger i diagrammet, hvordan gør jeg 🤔🤔 Mvh Annelise

13.08.2021 - 14:08

country flag Maj wrote:

Hej, Jeg forstår desværre slet ikke dette: "Der tages 8 masker ud på hver 2.omgang, maskerne strikkes løbende ind i mønsteret. Tag ud på hver 2.omgang totalt 22-25-28-32-35-38 gange." Jeg strikker i str. M. Jeg er færdig med at strikke A1+A2 en gang i højde. Hvor mange ekstra omgange med mønster skal jeg lave? (Jeg kan ikke forstå sammenhængen mellem 8 udtagninger og 25 gange. ) På forhånd tak for hjælpen Mvh Maj

14.06.2021 - 09:31

DROPS Design answered:

Hej Maj, jo de 8 udtagninger på hver 2.omgang er samme som dem du strikker ifølge diagrammet, og dem fortsætter du med til du har taget ud totalt 25 gange. 8x25=200+ de 102 du startede med = 302 masker som det står i opskriften :)

15.06.2021 - 15:38