DROPS Paris
DROPS Paris
100% Bómull
frá 246.00 kr /50g
Þú færð garn sem þarf í að gera þetta mynstur frá 1722.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Lilly Pond

Prjónaður toppur úr DROPS Paris. Stykkið er prjónað í garðaprjóni og gatamynstri. Stærð S - XXXL.

DROPS 211-9
DROPS Design: Mynstur w-811
Garnflokkur C eða A + A
-------------------------------------------------------

STÆRÐ:
S - M - L - XL - XXL - XXXL

EFNI:
DROPS PARIS frá Garnstudio (tilheyrir garnflokki C)
350-350-400-450-450-500 g litur 29, ísblár

PRJÓNFESTA:
17 lykkjur á breidd og 33 umferðir á hæð með garðaprjóni = 10 x 10 cm.

PRJÓNAR:
DROPS HRINGPRJÓNAR NR 4,5: lengd 60 cm eða 80 cm.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

DROPS PERLUTALA, Blóm (hvítt) NR 600: 1 stykki í allar stærðir.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Paris
DROPS Paris
100% Bómull
frá 246.00 kr /50g
Þú færð garn sem þarf í að gera þetta mynstur frá 1722.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------<br />
UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

MYNSTUR:
Sjá mynsturteikningu A.1. Mynsturteikning sýnir allar umferðir í mynstri séð frá réttu.

ÚRTAKA-1 (á við um hliðar á fram- og bakstykki):
Fækkið lykkjum innan við 1 kantlykkju í garðaprjóni í byrjun á umferð þannig: Prjónið 2 lykkjur slétt saman.
Fækkið lykkjum innan við 1 kantlykkju í garðaprjóni í lok umferðar þannig: Prjónið þar til 3 lykkjur eru eftir í umferð, lyftið 1 lykkju eins og prjóna eigi slétt, 1 lykkja slétt, steypið lyftu lykkjunni yfir.

ÚRTAKA-2 (á við um handveg):
Öll úrtaka er gerð frá réttu!
Fækkið lykkjum í byrjun á umferð frá röngu þannig (= vinstri handvegur): Prjónið 2 lykkjur garðaprjón, prjónið 2 lykkjur slétt saman (= 1 lykkja færri).
Fækkið lykkjum í lok umferðar frá réttu þannig (= hægri handvegur): Prjónið þar til 4 lykkjur eru eftir í umferð, prjónið 2 lykkjur slétt saman (= 1 lykkja færri), prjónið síðustu 2 lykkjur í umferð.

ÚRTAKA-3 (á við um hálsmál):
Öll úrtaka er gerð frá réttu!
Fækkið lykkjum í hálsmáli þannig: Prjónið þar til 4 lykkjur eru eftir, prjónið 2 lykkjur slétt saman (= 1 lykkja færri), prjónið síðustu 2 lykkjur fyrir hálsmál.
Fækkið lykkjum frá hálsmáli þannig: Prjónið 2 lykkjur garðaprjón, prjónið 2 lykkjur slétt saman (= 1 lykkja færri).

-------------------------------------------------------

BYRJIÐ Á STYKKI HÉR:

-------------------------------------------------------

TOPPUR - STUTT ÚTSKÝRING Á STYKKI:
Stykkið er prjónað fram og til baka á hringprjóna. Framstykki og bakstykki er prjónað hvort fyrir sig og saumað saman í lokin.

FRAMSTYKKI:
Fitjið upp 79-85-93-101-111-121 lykkjur á hringprjón 4,5 með Paris. Prjónið 4 umferðir GARÐAPRJÓN – sjá útskýringu að ofan, yfir allar lykkjur í umferð. Prjónið síðan mynstur þannig: Prjónið 12-15-11-15-12-17 lykkjur garðaprjón, A.1 (= 16 lykkjur) yfir næstu 48-48-64-64-80-80 lykkjur (= 3-3-4-4-5-5 mynstureiningar á breidd), prjónið fyrstu 7 lykkjur í A.1, 12-15-11-15-12-17 lykkjur garðaprjón.
Þegar stykkið mælist 4-5-6-4-5-6 cm, byrjar úrtaka í hvorri hlið – sjá ÚRTAKA-1. Fækkið lykkjum svona með ca 8-8-8-9-9-9 cm millibili alls 4 sinnum = 71-77-85-93-103-113 lykkjur. ATHUGIÐ PRJÓNFESTUNA! Þegar A.1 hefur verið prjónað til loka á hæðina, endurtakið mynsturteikningu á hæðina.
Þegar stykkið mælist 32-33-34-35-36-37 cm, fellið af 4-5-6-8-10-12 lykkjur í byrjun á næstu 2 umferðum fyrir handveg. Fækkið síðan um 1 lykkju innan við 2 lykkjur garðaprjón í hvorri hlið – sjá ÚRTAKA-2 (á við um handveg). Fækkið lykkjum svona í hverri umferð frá réttu alls 3-4-6-7-8-9 sinnum = 57-59-61-63-67-71 lykkjur. Jafnframt eru prjónaðar eins margar heilar mynstureiningar með gatamynstri (A.1) og pláss er fyrir á breiddina. Þegar öll úrtaka fyrir handveg hefur verið gerð til loka, haldið áfram með gatamynstur eins og áður yfir miðju 55 lykkjur í öllum stærðum. Þær lykkjur sem eftir eru í hvorri hlið (þ.e.a.s. 1-2-3-4-6-8 lykkjur í hvorri hlið) eru prjónaðar í garðaprjóni.
Þegar stykkið mælist 40-42-43-45-46-48 cm – stillið af að prjónað er með minnst 4 umferðum í garðaprjóni á hæðina á eftir síðasta gatamynstri sem var prjónað og að næsta umferð sé prjónuð frá réttu: Prjónið fyrstu 13-14-14-15-16-18 lykkjur, fellið af næstu 31-31-33-33-35-35 lykkjur fyrir hálsmáli, prjónið þær 13-14-14-15-16-18 lykkjur sem eftir eru. Hvor öxl er nú prjónuð til loka hvor fyrir sig. Haldið áfram fram og til baka í garðaprjóni og í fyrstu umferð frá réttu er fækkað um 1 lykkju fyrir hálsmáli með því að prjóna 2 lykkjur slétt saman innan við 2 lykkjur garðaprjón við/frá hálsmáli – sjá ÚRTAKA-3 = 12-13-13-14-15-17 lykkjur fyrir öxl. Þegar stykkið mælist 8-8-9-9-10-10 cm frá þar sem lykkjur voru felldar af fyrir hálsmáli. Stykkið mælist ca 48-50-52-54-56-58 cm frá öxl og niður.
Prjónið hina öxlina á sama hátt.

BAKSTYKKI:
Fitjið upp og prjónið mynstur á sama hátt og framstykki, JAFNFRAMT þegar stykkið mælist 32-33-34-35-36-37 cm, fellið af fyrir handveg á sama hátt og á framstykki (= 57-39-61-63-67-71 lykkjur í umferð þegar úrtöku fyrir handveg er lokið). Þegar stykkið mælist 36-38-39-41-42-44 cm – stillið af þannig að prjónaðar séu minnst 4 umferðir garðaprjón á hæðina eftir síðasta gatamynstri sem var prjónað og að næsta umferð sé prjónuð frá réttu. Í fyrstu umferð frá réttu er prjónað op aftan í hnakka þannig: Prjónið yfir fyrstu 27-28-29-30-32-34 lykkjur (= hægra bakstykki), fellið af næstu 3 lykkjur fyrir opi, prjónið næstu 27-28-29-30-32-34 lykkjur (= vinstra bakstykki). Haldið áfram fram og til baka í garðaprjóni þannig: Snúið og prjónið fram og til baka yfir lykkjur fyrir vinstra bakstykki. Þegar stykkið mælist 6 cm frá þar sem lykkjur voru felldar af fyrir opi, prjónið næstu umferð frá réttu þannig: Fellið af fyrstu 14-14-15-15-16-16 lykkjur fyrir hálsmáli, prjónið þær 13-14-14-15-16-18 lykkjur sem eftir eru fyrir öxl. Haldið áfram fram og til baka í garðaprjóni, en í fyrstu umferð frá réttu er fækkað um 1 lykkju fyrir hálsmáli með því að prjóna 2 lykkjur slétt saman innan við 2 lykkjur garðaprjón frá hálsmáli – munið eftir ÚRTAKA-3 = 12-13-13-14-15-17 lykkjur fyrir öxl. Þegar stykkið mælist 6-6-7-7-8-8 cm frá þar sem lykkjur voru felldar af fyrir hálsmáli, fellið af. Stykkið mælist ca 48-50-52-54-56-58 cm frá öxl og niður.
Prjónið nú yfir 27-28-29-30-32-34 lykkjur fyrir hægri öxl. Prjónið garðaprjón fram og til baka þar til stykkið mælist 5 cm frá þar sem 3 lykkjur voru felldar af fyrir opi – stillið af þannig að næsta umferð sé prjónuð frá réttu. Prjónið yfir 27-28-29-30-32-34 lykkjur, fitjið upp 5 nýjar lykkjur á prjóninn, snúið, fellið af 5 lykkjur (= lykkja – sem er gerð síðar), prjónið til baka yfir 27-28-29-30-32-34 lykkjur. Snúið og prjónið fyrstu 13-14-14-15-16-18 lykkjur, fellið af næstu 14-14-15-15-16-16 lykkjur. Klippið frá en skiljið eftir smá enda ca 20 cm til að festa lykkjuna með. Prjónið síðan fram og til baka yfir 13-14-14-15-16-18 lykkjur fyrir öxl og í fyrstu umferð frá réttu er fækkað um 1 lykkju við hálsmál – munið eftir ÚRTAKA = 12-13-13-14-15-17 lykkjur. Þegar stykkið mælist 6-6-7-7-8-8 cm frá þar sem lykkjur voru felldar af fyrir hálsmáli, fellið af. Stykkið mælist ca 48-50-52-54-56-58 cm frá öxl og niður. Saumið niður enda á 5 lykkjum sem fitjaðar voru upp og fellið af (= lykkja) við ystu lykkju við op þannig að hægt sé að hneppa. Saumið tölu í gagnstæða hlið á opi.

FRÁGANGUR:
Saumið axlasauma innan við affellingarkantinn. Saumið hliðarsauma frá handveg og niður.

Mynstur

symbols = slétt lykkja frá réttu
symbols = slétt lykkja frá röngu
symbols = á milli 2 lykkja er slegið 1 sinni uppá prjóninn, í næstu umferð er uppslátturinn prjónaður slétt svo að það myndist gat
symbols = 2 lykkjur slétt saman
symbols = lyftið 1 lykkju eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð
symbols = lyftið 1 lykkju eins og prjóna eigi slétt, prjónið 2 lykkjur slétt saman, steypið lyftu lykkjunni yfir lykkjurnar sem prjónaðar voru saman
diagram
diagram
Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 211-9

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (14)

country flag Alessia wrote:

Inoltre, c'è per caso un video dove si vede come si fa l'occhiello?

21.02.2024 - 16:32

DROPS Design answered:

Buonasera Alessia, purtroppo non ci sono video che spiegano l'occhiello deve avviare 5 maglie e poi intrecciarle. Buon lavoro!

25.02.2024 - 21:57

country flag Alessia wrote:

Buongiorno, Non mi è chiara una cosa: quando lavoro il dietro del top, devo sempre intrecciare le maglie per lo scalfo come sul davanti, o fare soltanto le diminuzioni? Grazie mille!

21.02.2024 - 16:19

DROPS Design answered:

Buonasera Alessia, deve intrecciare le maglie come sul davanti. Buon lavoro!

25.02.2024 - 21:54

country flag Sjanie Vd Berge wrote:

Bij het begin voorpand: moet je nou eerst 12 steken in ribbelsteek doen en dan A1 of 12 plus 7 dus 19 en dan beginnen met A1? Dit bij maat S groeten sjanie

28.06.2022 - 19:41

DROPS Design answered:

Dag Sjanie,

Je breit inderdaad eerst 12 teken in ribbelsteek en daarna begin je met A.1. Je breit A.1 over de volgende 48 steken en tot slot brei je op het eind nog eens 12 steken in ribbelsteek. Dit herhaal je in de hoogte, dus op elke naald aan elke kant 12 steken in ribbelsteek naast A.1

03.07.2022 - 13:25

country flag Lucie Dumas wrote:

J'ai trouvé une petite erreur dans les explications. dos: diminuer pour les emmanchures comme pour le devant (= 57-39-61-63-67-71 mailles si on suit la suite logique des mailles ça devrait être 57-59-61-63-67-71 et non 57-39 etc. MErci pour vos beaux patrons

03.06.2021 - 20:04

DROPS Design answered:

Bonjour Mme Dumas, il fallait effectivement lire 59 et non 39, cette faute de frappe a été corrigée de suite, merci pour votre retour, bonne continuation!

04.06.2021 - 07:18

country flag Lene Kjær Weng wrote:

God og nem opskrift

31.07.2020 - 20:27

country flag Cristina Giovannini wrote:

Buonasera non riesco a stampare il modello Mi potete aiutare? Grazie

01.05.2020 - 15:48

DROPS Design answered:

Buongiorno Cristina, ci può dare qualche informazione in più sulla difficoltà nella stampa? nelle pagine dei modelli c'è l'icona per la stampa: può stampare il modello o salvarlo in .pdf. Buon lavoro!

05.05.2020 - 10:50

country flag Anna Marrocco wrote:

Posso avere il pattern? È un modello molto bello

18.04.2020 - 16:07

country flag María Jose wrote:

Deseando el patrón

08.04.2020 - 13:15

country flag Kerstin wrote:

En fin modell, den skulle jag vilja sticka!

01.04.2020 - 10:17

country flag Anne Luthra wrote:

Let og luftig sommer top, vil gerne strikke den.

10.03.2020 - 12:34