DROPS Nepal
DROPS Nepal
65% Ull, 35% Alpakka
frá 704.00 kr /50g
DROPS Super Sale

Roses at Dawn

Prjónuð peysa með laskalínu úr DROPS Nepal. Stykkið er prjónað ofan frá og niður með köðlum. Stærð S - XXXL.

DROPS 206-27
DROPS Design: Mynstur ne-312
Garnflokkur C eða A + A
-------------------------------------------------------

STÆRÐ:
S - M - L - XL - XXL - XXXL

EFNI:
DROPS NEPAL frá Garnstudio (tilheyrir garnflokki C)
550-600-700-750-800-900 g litur 8912, blush

PRJÓNFESTA:
16 lykkjur á breidd og 20 umferðir á hæð með sléttprjóni = 10 x 10 cm.

PRJÓNAR:
DROPS SOKKAPRJÓNAR NR 5,5.
DROPS HRINGPRJÓNAR NR 5,5: lengd 40 cm og 80 cm fyrir sléttprjón.
DROPS SOKKAPRJÓNAR NR 4,5.
DROPS HRINGPRJÓNAR NR 4,5: lengd 40 cm og 80 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Nepal
DROPS Nepal
65% Ull, 35% Alpakka
frá 704.00 kr /50g

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------<br />
UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

MYNSTUR:
Sjá mynsturteikningu A.1 til A.6. Veldu mynsturteikningu fyrir þína stærð. Mynsturteikning A.4 á ekki við um stærð S.

LASKALÍNA:
Aukið út fyrir laskalínu hvoru megin við hverja mynstureiningu A.5 (= 8 lykkjur fleiri í umferð). Aukið út um 1 lykkju með því að slá 1 sinni uppá prjóninn. Í næstu umferð (frá röngu) er uppslátturinn prjónaður snúinn brugðinn svo ekki myndist gat. Prjónið síðan nýjar lykkjur í sléttprjóni.

ÚRTAKA (á við um ermi):
Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa lykkja), takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir lykkjuna sem var prjónuð (= 2 lykkjur færri).

ÚTAUKNING (jafnt yfir):
Til þess að reikna út hvernig auka eigi jafnt út, teljið fjölda lykkja í umferð (t.d. 19 lykkjur) og deilið lykkjum með fjölda útaukninga sem á að gera (t.d. 6) = 3,1.
Í þessu dæmi er aukið út með því að slá 1 sinni uppá prjóninn á eftir ca 3. hverja lykkju. Í næstu umferð er uppslátturinn prjónaður snúinn svo ekki myndist gat.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA – STUTT ÚTSKÝRING Á STYKKI:
Stykkið er prjónað í hring á hringprjón, ofan frá og niður, frá miðju að aftan. Ermar eru prjónaðar í hring á stuttan hringprjón/sokkaprjóna, ofan frá og niður.

KANTUR Í HÁLSMÁLI:
Fitjið upp 88-94-94-102-102-110 lykkjur á hringprjón 4,5 með Nepal.
Prjónið 1 umferð slétt, síðan er prjónað stroff þannig:
Prjónið A.1 (= 1-2-2-4-4-6 lykkjur), prjónið A.2 (= 20 lykkjur), prjónið 3 lykkjur slétt, prjónið A.2 (= 20 lykkjur), prjónið A.3 (= 1-4-4-8-8-12 lykkjur), prjónið A.2 (= 20 lykkjur), prjónið 3 lykkjur slétt, prjónið A.2 (= 20 lykkjur) og prjónið A.4 (= 0-2-2-4-4-6 lykkjur). Haldið svona áfram hringinn þar til mynsturteikning hefur verið prjónuð til loka á hæðina. Í síðustu umferð í A.1, A.2, A.3 og A.4 eru lykkjur auknar út og lykkjum fækkað – eins og útskýrt er í mynsturteikningu = 104-108-112-116-120-124 lykkjur.

BERUSTYKKI:
Skiptið yfir á hringprjón 5,5. Næsta umferð er prjónuð þannig: Prjónið 1-2-3-4-5-6 lykkjur slétt, prjónið A.5 (= 24 lykkjur) yfir A.2 (= hálft bakstykki), * sláið 1 sinni uppá prjóninn, 1 lykkja slétt *, prjónið frá *-* alls 3 sinnum, sláið 1 sinni uppá prjóninn (= 7 lykkjur ermi), prjónið A.5 (= 24 lykkjur) yfir A.2, prjónið A.2, prjónið 1-3-5-7-9-11 lykkjur slétt (= mitt að framan) og prjónið A.5 (= 24 lykkjur) yfir A.2 (= framstykki), * sláið 1 sinni uppá prjóninn, 1 lykkja slétt *, prjónið frá *-* alls 3 sinnum, sláið 1 sinni uppá prjónn (= 7 lykkjur ermi), prjónið A.5 (= 24 lykkjur) yfir A.2, prjónið 0-1-2-3-4-5 lykkjur slétt (= hálft bakstykki). Prjónið 1 umferð í mynstur, 4 uppslættirnir yfir hvorri ermi eru prjónaðir snúnir slétt svo að ekki myndist gat = 112-116-120-124-128-132 lykkjur í umferð. ATHUGIÐ PRJÓNFESTUNA!
Nú er haldið áfram með A.5 og sléttprjóni yfir þær lykkjur sem eftir eru, JAFNFRAMT í fyrstu umferð er aukið út um 1 lykkju hvoru megin við hvert A.5 fyrir LASKALÍNA – sjá útskýringu að ofan. Aukið svona út í annarri hverri umferð alls 18-20-22-25-27-31 sinnum = 256-276-296-324-344-380 lykkjur. Nú heldur útaukning fyrir laskalínu áfram á ermum 4-4-3-2-1-0 sinnum til viðbótar (þ.e.a.s. aukið út 22-24-25-27-28-31 sinnum í hvorri hlið á ermi), þær lykkjur sem eftir eru, eru prjónaðar í mynstri eins og áður. Þegar allar útaukningar hafa verið gerðar til loka, eru 272-292-308-332-348-380 lykkjur í umferð. Stykkið mælist ca 25-27-28-30-31-34 cm frá uppfitjunarkanti og niður mitt að framan. Prjónið áfram eins og áður, en án útaukninga, þar til stykkið mælist 26-28-29-31-33-35 cm frá uppfitjunarkanti og niður mitt að framan.
Næsta umferð er prjónuð þannig:
Prjónið fyrstu 43-46-49-53-56-61 lykkjur (= hálft bakstykki), setjið næstu 51-55-57-61-63-69 lykkjur á þráð fyrir ermi, fitjið upp 6-6-8-8-10-10 nýjar lykkjur á prjóninn (= hlið undir ermi), prjónið næstu 85-91-97-105-111-121 lykkjur (= framstykki), setjið næstu 51-55-57-61-63-69 lykkjur á þráð fyrir ermi, fitjið upp 6-6-8-8-10-10 nýjar lykkjur á prjóni (= í hlið undir ermi) og prjónið 42-45-48-52-55-60 lykkjur (= hálft bakstykki). HÉÐAN ER NÚ MÆLT!

FRAM- OG BAKSTYKKI:
Nú eru 182-194-210-226-242-262 lykkjur fyrir fram- og bakstykki.
Haldið nú áfram hringinn með A.5 eins og áður og prjónið sléttprjón yfir þær lykkjur sem eftir eru. Þegar stykkið mælist 26-26-27-27-27-27 cm frá skiptingu – stillið af þannig að endað sé eftir heila einingu A.5 á hæðina, prjónið slétt fram að fyrstu mynstureiningu A.5 í umferð. Setjið eitt prjónamerki hér. Þetta er núna byrjun á umferð. Næsta umferð er prjónuð þannig: * Prjónið A.6 (= 24 lykkjur) yfir A.5, sléttprjón yfir næstu 6-6-8-8-10-10 lykkjur og aukið JAFNFRAMT út 2-2-0-0-2-2 lykkjur jafnt yfir, prjónið A.6 (= 24 lykkjur) yfir A.5, sléttprjón yfir næstu 37-43-49-57-63-73 lykkjur og aukið JAFNFRAMT út 11-9-11-15-17-19 lykkjur jafnt yfir *, prjónið frá *-* 1 sinni í umferð. Þegar A.6 hefur verið prjónað til loka eru 192-200-216-240-264-288 lykkjur í umferð.
Skiptið yfir á hringprjón 4,5. Prjonið stroff (= 2 lykkjur slétt/2 lykkjur brugðið) umferðina hringinn – byrjið með 1 lykkju slétt þannig að stroffið gangi upp með slétt yfir slétt og brugðið yfir brugðið yfir lykkjur í A.6.
Þegar stroffið mælist 4 cm, fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Peysan mælist ca 56-58-60-62-64-66 cm frá öxl og niður.

ERMI:
Setjið til baka 51-55-57-61-63-69 lykkjur af þræði í annarri hlið á stuttan hringprjón/sokkaprjóna 5,5 og prjónið að auki upp 1 lykkju í hverja af 6-6-8-8-10-10 lykkjum sem fitjaðar voru upp undir ermum = 57-61-65-69-73-79 lykkjur. Setjið eitt prjónamerki mitt í nýjar 6-6-8-8-10-10 lykkjur undir ermi (= 3-3-4-4-5-5 nýjar lykkjur hvoru megin við prjónamerki). Prjónið sléttprjón hringinn. Þegar ermin mælist 4 cm frá skiptingu, fækkið um 1 lykkju hvoru megin við prjónamerki undir ermi – sjá ÚRTAKA. Fækkið lykkjum svona með ca 2½-2-2-1½-1½-1 cm millibili alls 11-12-13-14-16-18 sinnum = 35-37-39-41-41-43 lykkjur. Prjónið þar til ermin mælist 35-34-33-31-30-28 cm (eða prjónið áfram að óskuðu máli, nú eru eftir ca 4 cm að loka máli – ATH: Styttra mál í stærri stærðum vegna víðari hálsmáls og lengra berustykkis). Í næstu umferð eru auknar út 5-7-5-7-7-9 lykkjur jafnt yfir = 40-44-44-48-48-52 lykkjur. Skiptið yfir á sokkaprjón 4,5. Prjónið stroff (= 2 lykkjur slétt, 2 lykkjur brugðið) hringinn í 4 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Ermin mælist ca 39-38-37-35-34-32 cm.
Prjónið hina ermina á sama hátt.

Þetta mynstur hefur verið leiðrétt.

Yfirfarið á vefsvæði: 18.06.2020
Leiðrétting: Þetta mynstur hefur verið leiðrétt á nokkrum stöðum. Mynsturteikning A.1 (í XXL) hefur verið leiðrétt og 2 númerum í teikningu með máli hefur verið breytt.
Yfirfarið á vefsvæði: 05.03.2021
Mynsturteikning A.4, stærð XL hefur verið uppfærð

Mynstur

symbols = slétt
symbols = brugðið
symbols = 2 lykkjur brugðið saman
symbols = 2 lykkjur slétt saman
symbols = prjónið 3 lykkjur slétt, lyftið fyrstu lykkjunni sem var prjónuð yfir 2 síðustu lykkjurnar þannig að þessi lykkja liggi utan um hinar tvær lykkjurnar (= 1 lykkja færri)
symbols = á milli 2 lykkja er slegið 1 sinni uppá prjóninn. Í næstu umferð er uppslátturinn prjónaður slétt svo að það myndist gat
symbols = á milli 2 lykkja er slegið 1 sinni uppá prjóninn. Í næstu umferð er uppslátturinn prjónaður snúinn slétt svo að ekki myndist gat
symbols = þessi rúða sýnir enga lykkju, farðu beint áfram í næsta tákn í mynsturteikningu
diagram
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 206-27

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (35)

country flag Jacqueline Van Loon wrote:

Hallo, in bovenstaande beschrijving staat dat het patroon is aan gecorrigeerd (zie hieronder. IS dit dan automatisch aangepast of ??? Het is voor mij de eerste keer dat ik een patroon van jullie kies met een correctie. groetjes Jacqueline patroon is gecorrigeerd. Klik hier om de correcties te bekijken. Gewijzigd online: 18.06.2020 Correctie: Dit patroon is op verschillende plaatsen aangepast. Telpatroon A.1 (in XXL) is aangepast en er zijn 2 getallen in de tekening vervangen

14.02.2024 - 17:37

DROPS Design answered:

Dag Jacqueline,

De correcties zijn in de online versie altijd al verwerkt, zodra er bij staat dat het patroon gecorrigeerd is. Als je een afdruk hebt van voor de correctiedatum, dan is de aanpassing dus nog niet verwerkt in de afdruk.

14.02.2024 - 20:08

country flag Tatyana wrote:

Super

15.11.2023 - 23:41

country flag Sanni wrote:

Suomenkielisen ohjeen L koossa virhe: pääntien reunuksen oikea aloitussilmukkamäärä on 94, ei 96.

02.11.2023 - 19:13

country flag Tove Lasota wrote:

Strikker str xl men kan ikke få maskeantallet til at passe efter starten på bærestykket jeg har 116 m når jeg starter men ender med 108 når jeg har strikket omgangene færdige men skal ende med 124m hvad gør jeg forkert. venlig hilsen Tove Lasota

02.08.2023 - 21:07

DROPS Design answered:

Hej Tove, du har 116 masker. Strik 4 ret, strik A.5 (= 24 masker) over A.2 (= halv bagstykke), * slå om, 1 ret, *, strik fra *-* totalt 3 gange, slå om (3+4= 7 masker ærme), strik A.5 (= 24 masker) over A.2, strik 7 ret (= midt foran), og strik A.5 (= 24 masker) over A.2 (= forstykke), * slå om, 1 ret *, strik fra *-* totalt 3 gange, slå om (3+4= 7 masker ærme), strik A.5 (= 24 masker) over A.2, strik 3 ret (= halv bagstykke) = 4+24+3+24+7+24+3+24+3= 116 m (+ 8 omslag) . Strik 1 omgang i mønster, de 4 omslag over hvert ærme strikkes drejet ret så der ikke bliver hul = 124.

07.08.2023 - 15:46

country flag Hauchecorne Nathalie wrote:

Magnifique pull à tricoter , très agreable

17.01.2022 - 23:03

country flag François wrote:

Bonjour Au 1 tour de l’empiècement a la fin on a plus de mailles de 108 on passe a 116 mes il y a pas d’augmentations ???

06.02.2021 - 08:10

DROPS Design answered:

Bonjour Francoise, au premier tour de l'empiecement vous avez 8 jetes et ce sont justement les 8 mailles supplementaires. Bon tricot!

06.02.2021 - 19:31

country flag Silvana wrote:

I gettati nel diagramma A5 NON vanno lavorati ritorti? Grazie

02.02.2021 - 17:12

DROPS Design answered:

Buonasera Silvana, i gettati del diagramma A.5 vanno lavorati come indicato nel giro successivo del diagramma, cioè a diritto. Buon lavoro!

02.02.2021 - 21:14

country flag Silvana wrote:

Buonasera, i gettati eseguiti nel diagramma A5 vanno lavorati normalmente non ritorti? Insomma li i l buchino deve venire? Grazie

02.02.2021 - 17:10

DROPS Design answered:

Buonasera Silvana, i gettati del diagramma A.5 vanno lavorati come indicato nel giro successivo del diagramma, cioè a diritto. Buon lavoro!

02.02.2021 - 21:14

country flag Saskia wrote:

Help! Ik brei maat S en kan niet verder. Ik vermoed minstens 2 fouten in het patroon. Wat nu? Na 18x (elke andere) naald te meerderen op de raglan, moet nog 4x zo voorts alleen voor de mouwen (2x2 = 4 meerderingen per naald). Het patroon zegt dat dit 22 steken meer zijn, maar 4x4=16 (en 5x4=20?!). Daarbij verschilt ook de lengte waar ik op uitkom. Patroon zegt 25 cm, ik heb 23 cm. Kan dat anders ook zijn doordat ik 16x20 stekenverhouding meet NA blocken? (Zo heb ik het geleerd te doen)

13.01.2021 - 21:18

DROPS Design answered:

Dag Saskia,

Bij dit werk zou de stekenverhouding voor en na het blokken hetzelfde moeten zijn. Je meerdert eerst voor de raglan op zowel de panden als de mouwen in totaal 18 keer, dus 18 keer 8 steken= 144 steken meer. Daarna meerder je 4 keer alleen op de mouwen, dus 4 x 4 = 16 steken erbij. Die 22 steken lijkt inderdaad niet te kloppen in het patroon, maar het totaal aantal steken klopt wel, dus je kunt zo wel verder. Als je nog niet op de juiste lengte bent kun je een stukje door breien zonder te meerderen, maar de stekenverhouding moet wel kloppen. Misschien moet je het werk een klein beetje uitrekken bij het opmeten; ik leg het zelf altijd op de (stoffen) bank.

17.01.2021 - 10:39

country flag Olfa wrote:

Bonjour Marijse, Merci pour ta réponse ! je tricote du S.

09.12.2020 - 10:59