DROPS Baby / 16 / 16

Miss Mossy Jacket by DROPS Design

Prjónuð peysa fyrir börn án ermasauma úr DROPS Eskimo.

DROPS design: Mynstur nr ee-0115-by
Garnflokkur E
--------------------------------------------------------
Stærð: 1/3 - 6/9 - 12/18 mán (2 – 3/4) ára
Stærði í cm: 50/56-62/68-74/80 (86/92-98/104)
Efni:
DROPS ESKIMO frá Garnstudio
200-250-250 (300-350) g nr 01, natur.

DROPS HRINGPRJÓNAR (60 cm) NR 8 – eða þá stærð sem þarf til að 11 lykkjur og 15 umferðir í sléttprjóni verði 10 x 10 cm.
DROPS TRÉTALA NR 501: 4-4-5 (5-5) st
--------------------------------------------------------

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!


100% Ull
frá 550.00 kr /50g
DROPS Eskimo uni colour DROPS Eskimo uni colour 550.00 kr /50g
Gallery Spuni
Panta
DROPS Eskimo mix DROPS Eskimo mix 638.00 kr /50g
Gallery Spuni
Panta
DROPS Eskimo print DROPS Eskimo print 682.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 2200kr. Sjá hér.

Leiðbeiningar um mynstur

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

PERLUPRJÓN:
UMFERÐ 1: * 1 lykkja slétt, 1 lykkja brugðin *, endurtakið frá *-*.
UMFERÐ 2: sléttar lykkjur yfir brugðnar lykkjur og brugðnar lykkjur yfir sléttar lykkjur.
Endurtakið umferð 2.

ÚRTAKA:
Fækkið lykkjum frá réttu á eftir 3 lykkjur garðaprjón þannig: Takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir.
Fækkið lykkjum frá réttu á undan 3 lykkjur garðaprjón þannig: Prjónið 2 lykkjur slétt saman.

ÚTAUKNING:
Aukið út með því að slá 1 sinni uppá prjóninn. Í næstu umferð er uppslátturinn prjónaður snúinn (þ.e.a.s. í aftari hluta á lykkju) svo að ekki myndist gat.

HNAPPAGAT:
Fellið af fyrir hnappagötum á hægri kant að framan.
1 hnappagat = fellið af 3. lykkju frá miðju að framan og fitjið upp 1 nýja lykkju yfir þá sem felld var af í næstu umferð.
Fellið af fyrir hnappagötum þegar stykkið mælist:
STÆRÐ: 1/3 mán: 3, 10, 16 og22 cm
STÆRÐ 6/9 mán: 3, 10, 17 og 24 cm
STÆRÐ 12/18 mán: 4, 10, 16, 22 og 28 cm
STÆRÐ 2 ára: 4, 11, 18, 25 og 31 cm
STÆRÐ 3/4 ára: 4, 12, 19, 27 og 34 cm
--------------------------------------------------------

PEYSA:
Peysan er prjónuð sem eitt stykki – byrjið neðst á framstykki, fitjið upp lykkjur fyrir ermi og fellið af neðst á bakstykki. Til þess að fá pláss fyrir allar lykkjurnar er prjónað fram og til baka á hringprjón.

VINSTRA FRAMSTYKKI:
Fitjið upp 18-20-21 (23-25) lykkjur (meðtalin 1 kantlykkja í hlið og 3 kantlykkjur við miðju að framan) á hringprjón 8 með Eskimo. Prjónið 6 umferðir GARÐAPRJÓN – sjá útskýringu að ofan! Haldið áfram með sléttprjón og 3 kantlykkjur við miðju að framan í garðaprjóni.
ATHUGIÐ PRJÓNFESTUNA!
Þegar stykkið mælist 13-14-17 (20-22) cm prjónið 2 umferðir garðaprjón yfir allar lykkjur, prjónið síðan PERLUPRJÓN – sjá útskýringu að ofan – með kanta að framan áfram í garðaprjóni. JAFNFRAMT þegar stykkið mælist 16-17-20 (23-25) cm fitjið upp nýjar lykkjur í hlið fyrir ermi. Fitjið upp í lok umferðar í hlið: 4 lykkjur 1-1-2 (2-3) sinnum, 5 lykkjur 1-1-1 (1-1) sinni og 8-9-8 (12-12) lykkjur 1 sinni = 35-38-42 (48-54) lykkjur. Nýjar lykkjur eru prjónaðar í perluprjóni. ATH! Eftir síðustu útaukningu eiga 3 ystu lykkjurnar á ermi að prjónast með garðaprjóni. Þegar stykkið mælist 22-24-28 (31-34) cm prjónið 2 umferðir með garðaprjón yfir 9-10-10 (11-11) lykkjur við miðju að framan (meðtaldar 3 kantlykkjur að framan), aðrar lykkjur eru prjónaðar eins og áður. Í næstu umferð frá miðju að framan eru felldar af ystu 6-7-7 (8-8) lykkjurnar fyrir hálsmáli, fellið síðan af fyrir hálsmáli í annarri hverri umferð – sjá ÚRTAKA: 1 lykkja 2 sinnum = 27-29-33 (38-44) lykkjur eftir á öxl/ermi.
Prjónið áfram perluprjón og 3 lykkjur garðaprjón í hvorri hlið. Þegar stykkið mælist 27-29-33 (37-40) cm er sett 1 prjónamerki (= mitt á öxl). HÉÐAN ER NÚ MÆLT!
Þegar stykkið mælist 1 cm er aukið út um 1 lykkju við háls í næstu umferð, frá réttu, innan við 3 lykkjur garðaprjón – sjá ÚTAUKNING = 28-30-34 (39-45) lykkjur. Prjónið 1 umferð til baka þannig að næsta umferð sé frá réttu. Setjið lykkjur á band.

HÆGRA FRAMSTYKKI:
Prjónið eins og vinstra framstykki, nema spegilmynd. JAFNFRAMT er fellt af fyrir HNAPPAGAT meðfram kanti að framan – sjá útskýringu að ofan!

BAKSTYKKI:
Prjónið inn lykkjur frá vinstra framstykki, fitjið upp 8-10-10 (12-12) nýjar lykkjur í hnakka og prjónið inn lykkjur frá hægra framstykki á prjóninn = alls 64-70-78 (90-102) lykkjur.
Prjónið áfram þannig: 3 lykkjur garðaprjón, 22-24-28 (33-39) lykkjur perluprjón, 14-16-16 (18-18) lykkjur garðaprjón (= aftan í hnakka), 22-24-28 (33-39) lykkjur perluprjón og 3 lykkjur garðaprjón.
Þegar 6 umferðir með garðaprjóni hafa verið prjónaðar yfir lykkju í hnakka, prjónið perluprjón yfir þessar lykkjur. Þegar stykkið mælist 8-8-9 (9-9) cm fellið laust af erma lykkjur í báðum hliðum. Fellið af í byrjun á hverri umferð: 8-9-8 (12-12) lykkjur 1 sinni, 5 lykkjur 1-1-1 (1-1) sinni og 4 lykkjur 1-1-2 (2-3) sinnum = 30-34-36 (40-44) lykkjur. Þegar stykkið mælist ca 14-15-16 (17-18) cm (brjótið stykkið saman tvöfalt við prjónamerki á öxl og passið uppá að það séu jafn margar umferðir með perluprjóni prjónaðar á bakstykki eins og á framstykki) prjónið 2 umferðir garðaprjón yfir allar lykkjur. Prjónið áfram í sléttprjóni. Þegar stykkið mælist ca 24-26-30 (34-37) cm (passið uppá að það séu jafn margar umferðir í sléttprjóni á bakstykki og á framstykki) prjónið 6 umferðir garðaprjón. Fellið laust af.

FRÁGANGUR:
Brjótið stykkið saman tvöfalt við öxl og saumið sauma undir ermum og hliðarsauma innan við 1 kantlykkju. Saumið tölur í.

Mynstur


Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS Baby 16-16) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (51)

Maria Flora 26.06.2020 - 23:55:

Salve! Bellissimo modello, sono quasi alla fine del davanti sinistro. Mi sono accorta però che nelle diminuzioni dello scollo in cui si deve chiudere una sola maglia, io anziché passarla senza lavorarla...l\'ho lavorata e poi passata sulla seguente anche questa lavorata. Sapevo che si facesse così. Posso lasciare così o è meglio che la disfi e la lavori come vostro suggerimento? Grazie!

DROPS Design 03.07.2020 kl. 08:36:

Buongiorno Maria Flora. Se preferisce, può lasciare la maglia come la ha lavorata. Buon lavoro!

Maria Flora 26.06.2020 - 23:54:

Salve! Bellissimo modello, sono quasi alla fine del davanti sinistro. Mi sono accorta però che nelle diminuzioni dello scollo in cui si deve chiudere una sola maglia, io anziché passarla senza lavorarla...l\'ho lavorata e poi passata sulla seguente anche questa lavorata. Sapevo che si facesse così. Posso lasciare così o è meglio che la disfi e la lavori come vostro suggerimento? Grazie!

Tamara 14.04.2020 - 18:27:

Ik loop helaas toch vast bij de ribbel voor 11 st middenvoor en afkanten van 8 st bij linkervoorpand. (Maat 2 jaar) -Moet ik 2 naalden lang die 11 steken middenvoor in ribbel breien en in de 3e naald afkanten? Dan wordt de hals wel heel recht en lijkt het door de ribbels ook niet op de foto. En begin ik met ribbel aan de goede kant of verkeerde kant? -Of moet ik 8 afkanten om de naald + 2 x 1 st minderen? Maar dan snap ik niet waar die 11 ribbel voor zijn. Alvast hartelijk dank!

DROPS Design 16.04.2020 kl. 12:40:

Dag Tamara,

Ja, dat klopt: je breit die 11 steken 2 naalden in ribbelsteek, dus de heengaande naald recht en de teruggaande naald recht. In de naald die daarop volgt kant je de eerste 8 steken af. Daarna kant je nog 2 keer 1 steek af. Die 11 steken in ribbelsteek zorgen voor een mooiere halslijn.

Tamara 10.04.2020 - 21:30:

Ik ben er al uit. Er is maar één manier waarop het kan ;)

DROPS Design 13.04.2020 kl. 10:31:

Dag Tamara,

Mooi dat je er uit gekomen bent! Dankjewel voor de terugkoppeling en veel breiplezier!

Tamara 10.04.2020 - 10:30:

Goedemiddag, ik ben bezig met het linkervoorpand en moet nu steken opzetten voor de mouwen (Zet op aan de einde van iedere naald aan de zijkant: 1 keer 4 st, 1 keer 5 st en 1 keer 8 st = 35 st. ) Mijn vraag is: moet ik de extra steken alleen opzetten aan de goede kant (dus om de naald) of bij elke naald? Alvast hartelijk dank!

Jytte TØNDER 04.04.2020 - 14:47:

Hvad er 2 tråde ? Er det at strikke fra 2 nøgler? eller er det garnets beskaffenhed...hvis jeg fx skiller et stykke garn og det så består af mange tynde? Mvh og på forhånd tak Jytte.

DROPS Design 17.04.2020 kl. 12:24:

Hei Jytte. Om det står 2 tråder i en oppskrift betyr det at arbeidet er strikket med 2 tråder, eller kan strikkes med 2 tråder. Jakke du henviser spørsmålet til, BabyDROPS 16-16 er strikket med 1 tråd Eskimo, men den kan strikkes med 2 tråder fra garn i garngruppe A, f.eks DROPS Alpaca. Om du går inn på de forskjellige garnkvaliteter vi har, står det gjerne hvor mange tråder garnet består av, f.eks DROPS Lima er et 4-tråds garn som er spunnet til 1 tråd . mvh DROPS design

Marina 16.02.2020 - 18:22:

Questo capo mi piace molto e anche il filato ma chiedo : Il filato eskimo è adatto a bambini piccoli di uno o due anni? Vorrei sapere se è morbido, non pizzica e se è resiste ai lavaggi. Ho letto che è facile da infeltrire quindi temo che sia delicato, che richieda speciali attenzioni e che dopo qualche lavaggio si rovini. I lavaggi frequenti sono indispensabili per i capi dei bambini. Chiedo anche se eskimo è adatto per copertine all'uncinetto e cardigan sempre all'uncinetto. Grazie

DROPS Design 17.02.2020 kl. 14:56:

Buongiorno Marina. La percezione di un filato è sempre soggettiva. Eskimo è un filato morbido, adatto anche per bambini. Se lavato con attenzione non infeltrisce. E' un filato grosso, quindi il capo finale, soprattutto se di grandi dimensioni, potrebbe risultare un po' pesante. Buon lavoro!

Danielle 07.03.2019 - 02:07:

Quand on reprend les mailles du devant gauche pour faire la partie du dos, est-ce qu’on doit tricoter ces mailles qu’on reprend? Merci

DROPS Design 07.03.2019 kl. 09:14:

Bonjour Danielle, tout à fait, on tricote les mailles du devant gauche, on monte les mailles de l'encolure et on tricote les mailles du devant droit = on a maintenant toutes les mailles sur les aiguilles et on continue le dos. Bon tricot!

Danielle 16.02.2019 - 20:07:

J’ai dû ajouter 1 maille au milieu du dos après les 6 rangs au point mousse de l’encolure car si non j’arriverais avec 2 mailles à l’envers de suite lorsque qu’il faut continuer au point de riz... je ne semble pourtant ne pas avoir fait d’erreur, je ne comprends pas ce que j’ai fait de ne pas correct 🤷‍♀️

Elizabeth 06.06.2018 - 01:15:

Saudações Existe lãs Drops à venda no Brasil? Obrigada

DROPS Design 25.06.2018 kl. 16:37:

Boa tarde, Por enquanto, não existe uma loja DROPS no Brasil, mas pode encomendar nossos fios online em qualquer uma de nossas lojas que vendem para o mundo inteiro. Basta conferir na página de nossas lojas. Bom tricô!

Skrifaðu athugasemd um DROPS Baby 16-16

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.