Hvernig á að prjóna skuggaprjón

Í þessu DROPS myndbandi sýnum við hvernig prjóna á skuggaprjón. Skuggaprjón er einföld prjónaðferð sem gefur skemmtilega áferð. Prjónað er með 2 mismunandi litum, andstæðir litir eru áhrifaríkastir. Prjónaðar eru tvær umferðir með hvorum lit. Frá réttu eru allar lykkjur prjónaðar slétt, frá röngu er skipt á milli slétt og brugðið eftir því hvernig mynstur þú vilt gera. Mynstrið kemur fram með því að þú færð dökkan hluta með garðaprjóni í ljósu einingunni og ljósan hluta með garðaprjóni í dökku einingunni. Í þessu myndbandi prjónum við einfalt mynstur. Við prjónum 10 slétt, 10 brugðnar með ljósa litnum og 10 brugðnar, 10 slétt með dökka litnum. Horfa verður á stykkið frá sérstöku sjónarhorni til að mynstrið verði sýnilegt. Þegar stykkið hreyfist myndast skugga áferð og mynstrið skiptir um útlit eftir því hvernig það hreyfist. Í myndbandinu prjónum við þannig:
UMFERÐ 1: Prjónið allar lykkjur slétt með dökka litnum.
UMFERÐ 2: Prjónið 10 lykkjur slétt, 10 lykkjur brugðnar með dökka litnum.
UMFERÐ 3: Prjónið allar lykkjur slétt með ljósa litum.
UMFERÐ 4: Prjónið 10 lykkjur brugðnar, 10 lykkjur slétt með ljósa litnum.
Endurtakið umferð 1-4.