Hvernig á að hekla glasamottu

Í þessu DROPS myndbandi sýnum við hvernig við heklum glasamottu. Við höfum nú þegar heklað hring með hálfum stuðlum þannig: Heklið 4 loftlykkjur í Litur 1 og tengið saman í hring með 1 keðjulykkju í 1. loftlykkju.
UMFERÐ 1: Heklið 2 loftlykkjur (= 1 hálfur stuðull), 9 hálfir stuðlar um loftlykkjuhringinn, endið með 1 keðjulykkju í 2. loftlykkju í byrjun á umferð = 10 hálfir stuðlar.
UMFERÐ 2: Heklið 2 loftlykkjur (= 1 hálfur stuðull), 1 hálfur stuðull í sömu lykkju, 2 hálfir stuðlar í hverja lykkju umferðina hringinn, endið með 1 keðjulykkju í 2. loftlykkju í byrjun á umferð = 20 hálfir stuðlar.
UMFERÐ 3: Heklið 2 loftlykkjur (= * 1 hálfur stuðull), 1 hálfur stuðull í sömu lykkju, 1 hálfur stuðull í næstu lykkju *, endurtakið frá *-* umferðina hringinn og endið með 1 keðjulykkju í 2. loftlykkju í byrjun á umferð = 30 hálfir stuðlar. Einnig er hægt að hekla aðrar lykkjur en hálfa stuðla, t.d. fastalykkjur og stuðla. Við byrjum myndbandið frá umferð 4.
UMFERÐ 4: Heklið 5 loftlykkjur, dragið í síðustu loftlykkjuna þannig að hún verði löng. Sleppið niður lykkjunni, stingið heklunálinni í næstu lykkju, sækið nýja litinn (Litur 2) og dragið þráðinn í gegnum lykkjuna. Heklið 5 loftlykkjur, dragið í síðustu loftlykkjuna þannig að hún verði löng. Sleppið lykkjunni niður og stingið heklunálinni í fyrstu löngu loftlykkjuna (Litur 1), herðið að lykkjunni, hoppið yfir loftlykkjuröðina í Litur 2 og heklið 1 keðjulykkju í næstu lykkju, 5 loftlykkjur, * dragið í síðustu loftlykkjuna þannig að hún verði löng. Sleppið niður lykkjunni og stingið heklunálinni í aðra löngu loftlykkjuna (Litur 2), herðið að lykkjunni, hoppið yfir loftlykkjuröðina í Litur 1 og heklið 1 keðjulykkju í næstu lykkju, 5 loftlykkjur, dragið í síðustu loftlykkjuna þannig að hún verði löng. Sleppið niður lykkjunni og stingið heklunálinni í aðra löngu loftlykkjuna (Litur 1), herðið að lykkjunni, hoppið yfir loftlykkjuröð í Litur 2 og heklið 1 keðjulykkju í næstu lykkju, 5 loftlykkjur *, endurtakið frá *-* þar til 1 lykkja er eftir. Sleppið niður lykkjunni og stingið heklunálinni inn í aðra löngu loftlykkjuna (Litur 1), herðið að lykkjunni, hoppið yfir loftlykkjuröðina í Litur 2 og heklið 1 keðjulykkju í síðustu lykkju lykkjuna, klippið frá (Litur 1). Stingið heklunálinni í aðra löngu loftlykkjuna (Litur 2), herðið að lykkjunni, hoppið yfir loftlykkjuröð í Litur 1 og stingið heklunálinni aftan í keðjulykkjuna í byrjun á umferð (sami litur), brjótið aftur á bak loftlykkjubogana, bregðið bandi um heklunálina og dragið þráðinn í gegnum lykkjuna á heklunálinni. Klippið frá og dragið þráðinn í gegnum lykkjuna. Stingið heklunálinni aftan í og sækið þráðinn, festið þráðinn á bakhlið. Festið alla enda.
Með lykkju: Heklið frá *-*: 1 keðjulykkju í síðustu lykkju, 20 loftlykkjur, 1 keðjulykkja í sömu lykkju, klippið þráðinn frá (Litur 1). Stingið heklunálinni í aðra löngu loftlykkjuna (Litur 2), herðið að lykkjunni, hoppið yfir loftlykkju lykkju í Litur 1 og stingið heklunálinni aftan í keðjulykkjuna í byrjun á umferð (sami litur), brjótið aftur á bak loftlykkjubogana, bregðið bandi um heklunálina og dragið þráðinn í gegnum lykkjuna á heklunálinni. Klippið þráðinn frá og dragið í gegnum lykkjuna. Stingið heklunálinni aftan í og sækið þráðinn, festið þráðinn á bakhlið. Festið alla enda. Í myndbandinu notum við garnið DROPS Eskimo, en litlu glasamotturnar eru heklaðar úr DROPS Muskat (heklunál nr 4).

Tags: borðbúnaður, eldhús, hringur, lykkja, rendur,

Available in:

Skrifa athugasemd við þetta myndband

Your email address will not be published. Required fields are marked *.