DROPS / 209 / 6

Ring of Spring by DROPS Design

Prjónað eyrnaband og handstúkur úr DROPS BabyMerino. Allt settið er prjónað með blaðamynstri.

DROPS Design: Mynstur bm-073
Garnflokkur A
-------------------------------------------------------

ALLT SETTIÐ:

STÆRÐ:
Eyrnaband: Ein stærð
Höfuðmál: Ca 54/60 cm
Handstúkur: S/M – L/XL

EFNI:
DROPS BABY MERINO frá Garnstudio (tilheyrir garnflokki A)
100-100 g litur 46, bleikur

EYRNABAND:

STÆRÐ:
Ein stærð
Höfuðmál: Ca 54/60 cm
Stykkið mælist ca: Hæð: 12 cm. Lengd: ca 48-52 cm.

EFNI:
DROPS BABY MERINO frá Garnstudio (tilheyrir garnflokki A)
50 g litur 46, bleikur

PRJÓNFESTA:
24 lykkjur á breidd og 32 umferðir á hæð með sléttprjóni = 10 x 10 cm.

PRJÓNAR:
DROPS PRJÓNAR NR 3: Fyrir blaðamynstur.
DROPS PRJÓNAR NR 2,5: Fyrir kant með garðaprjóni.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

HANDSTÚKUR:

STÆRÐ:
S/M – L/XL
Mál: Lengd: Ca 20-20 cm. Ummál: ca 18-20 cm.

EFNI:
DROPS BABY MERINO frá Garnstudio (tilheyrir garnflokki A)
50-50 g litur 46, bleikur

PRJÓNFESTA:
24 lykkjur á breidd og 32 umferðir á hæð með sléttprjóni = 10 x 10 cm.

PRJÓNAR:
DROPS SOKKAPRJÓNAR NR 3: Fyrir blaðamynstur.
DROPS SOKKAPRJÓNAR NR 2,5: Fyrir stroffkant.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!

Ertu ekki viss hvaða stærð þú þarft? Þá hjálpar það kannski að fyrirsætan á myndinni er ca 170 cm á hæð og notar stærð S eða M. Ef þú gerir peysu, jakkapeysu, kjól eða álíka þá getur þú fundið teikningu með máli neðst í mynstri.

100% Ull
frá 858.00 kr /50g
DROPS Baby Merino uni colour DROPS Baby Merino uni colour 858.00 kr /50g
Gallery Spuni
Panta
DROPS Baby Merino mix DROPS Baby Merino mix 858.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 1716kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.


I-CORD-KANTUR (á við um hvora hlið á eyrnabandi):
Byrjið frá réttu, * lyftið yfir 4 fyrstu lykkjurnar á prjóni yfir á hægri prjón án þess að prjóna lykkjurnar (lyftið þeim 1 og 1 yfir með þráðinn frá röngu á stykki), herðið aðeins að þræðinum og prjónið A.4 þar til 4 lykkjur eru eftir á prjóni, lyftið þessum 4 lykkjum yfir á hægri prjón án þess að prjóna lykkjurnar (lyftið þeim 1 og 1 yfir með þráðinn á röngu á stykki).
Snúið stykkinu, herðið aðeins á þræði og prjónið 4 fyrstu lykkjurnar brugðið, síðan er prjónað A.4 þar til 4 lykkjur eru eftir á prjóni, prjónið þessar 4 lykkjur brugðið, snúið stykkinu *, prjónið frá *-* til loka.
ATH: Þú verður að prjóna nokkra cm og draga aðeins í kantinn áður en þú sérð hvernig þetta kemur út.

MYNSTUR:
Eyrnaband: Sjá mynsturteikningu A.4. Mynsturteikning sýnir allar umferðir í mynstri séð frá réttu.
Handstúkur: Sjá mynsturteikningu A.1 til A.5. Veldu mynsturteikningu fyrir þína stærð (á við um A.1 og A.3).

ÚTAUKNING/ÚRTAKA (jafnt yfir):
Til þess að reikna út hvernig fjölga/fækka eigi lykkjum jafnt í umferð, teljið fjölda lykkja í umferð (t.d. 34 lykkjur) og deilið með fjölda útaukninga/úrtöku sem á að gera (t.d. 4) = 8,5.
Í þessu dæmi er lykkjum fækkað með því að prjóna til skiptis 7. og 8. hverja lykkju og 8. og 9. hverja lykkju slétt saman.
Ef auka á út þá er það gert í þessu dæmi með því að slá 1 sinni uppá prjóninn eftir til skiptis 7. og 8. hverja lykkju og í næstu umferð er uppslátturinn prjónaður snúinn svo að ekki myndist gat.

-------------------------------------------------------

BYRJIÐ Á STYKKI HÉR:

-------------------------------------------------------

EYRNABAND – STUTT ÚTSKÝRING Á STYKKI:
Stykkið er prjónað fram og til baka og saumað saman í lokin. Lengdina er hægt að jafna til að óskuðu máli. Til að eyrnabandið sitji fallega á höfði verður að prjóna eyrnabandið ca 7-8 cm styttra en ummál höfuðs.

EYRNABAND:
Fitjið upp 34 lykkjur á prjón 2,5 með BabyMerino. Prjónið 4 umferðir GARÐAPRJÓN – sjá útskýringu að ofan. Prjónið 1 umferð slétt frá réttu, þar sem auknar eru út 4 lykkjur jafnt yfir í umferð – sjá ÚTAUKNING/ÚRTAKA = 38 lykkjur. Prjónið 1 umferð brugðið frá röngu.
Skiptið yfir á prjón 4 og haldið áfram með A.4 (= 30 lykkjur), með 4 lykkjur I-CORD-KANTUR í hvorri hlið – sjá útskýringu að ofan.
Haldið svona áfram með mynstur fram og til baka. ATHUGIÐ PRJÓNFESTUNA!
Prjónið þar til eyrnabandið mælist ca 46-50 cm, en endið eftir 10. Eða 20. Umferð í mynsturteikningu (nú er eftir ca 1 cm til loka, mátið e.t.v. eyrnabandið og prjónið að óskaðri lengd).
Skiptið yfir á prjón 2,5. Prjónið 1 umferð slétt frá réttu þar sem fækkað er um 4 lykkjur jafnt yfir – munið eftir ÚTAUKNING/ÚRTAKA = 34 lykkjur. Prjónið 1 umferð slétt frá röngu. Prjónið 4 umferðir garðaprjón fram og til baka yfir allar lykkjurnar. Fellið af með sléttum lykkjum frá réttu. Eyrnabandið mælist ca 48-52 cm.

FRÁGANGUR:
Saumið eyrnabandið saman mitt að aftan innan við uppfitjunarkant/affellingarkant.

-------------------------------------------------------

HANDSTÚKUR - STUTT ÚTSKÝRING Á STYKKI:
Stykkið er prjónað í hring á sokkaprjóna, neðan frá og upp.

HANDSTÚKUR:
Fitjið upp 61-67 lykkjur á sokkaprjón 2,5 með BabyMerino. Prjónið 1 umferð slétt.
Næsta umferð er prjónuð þannig: Prjónið A.1 (= 14-17 lykkjur), prjónið A.2 (= 33 lykkjur), prjónið A.3 (= 14-17 lykkjur). Haldið svona áfram með stroff þar til A.1-A.3 hefur verið prjónað til loka = 58-64 lykkjur. Skiptið yfir á sokkaprjón 3.
Næst umferð er prjónuð þannig: Prjónið A.1 eins og áður (= 14-17 lykkjur), prjónið A.4 (= 30 lykkjur) og prjónið A.3 eins og áður (= 14-17 lykkjur). Haldið svona áfram með mynstur. ATHUGIÐ PRJÓNFESTUNA!
Prjónið þar til handstúkurnar mælast ca 18 cm, en endið eftir 10. eða 20. umferð í mynsturteikningu A.4. Skiptið yfir á sokkaprjóna 2,5.
Næsta umferð er prjónuð þannig: Prjónið A.1 eins og áður (= 14-17 lykkjur), prjónið A.5 (= 30 lykkjur) og prjónið A.3 eins og áður (= 14-17 lykkjur) = 61-67 lykkjur.
Þegar A.5 hefur verið prjónað til loka, fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur.

Handstúkurnar mælast ca 20 cm ofan frá og niður. Prjónið aðra handstúkuna alveg eins.

Þetta mynstur hefur verið leiðrétt. .

Yfirfarið á vefsvæði: 15.04.2020
leiðrétting:EYRNABAND:..EYRNABAND: Fitjið upp 34 lykkjur á prjón 2,5 með BabyMerino. Prjónið 4 umferðir GARÐAPRJÓN – sjá útskýringu að ofan. Prjónið 1 umferð slétt frá réttu, þar sem auknar eru út 4 lykkjur jafnt yfir í umferð – sjá ÚTAUKNING/ÚRTAKA = 38 lykkjur. Prjónið 1 umferð brugðið frá röngu.
Skiptið yfir á prjón 4 og haldið áfram með A.4 (= 30 lykkjur), með 4 lykkjur I-CORD-KANTUR í hvorri hlið – sjá útskýringu að ofan.

Mynstur

= slétt lykkja frá réttu, brugðin lykkja frá röngu
= brugðin lykkja frá réttu, slétt lykkja frá röngu
= á milli 2 lykkja er slegið 1 sinni uppá prjóninn, í næstu umferð er uppslátturinn prjónaður eins og útskýrt er í mynsturteikningu (það eiga að myndast göt)
= lyftið 1 lykkju yfir eins og prjóna eigi slétt, prjónið 2 lykkjur slétt saman, steypið óprjónuðu lykkjunni yfir lykkjurnar sem prjónaðar voru saman
= prjónið 3 lykkjur slétt saman
= prjónið 3 lykkjur slétt, lyftið síðan fyrstu lykkjunni sem var prjónuð (af þessum 3) yfir hinar tvær, þannig að lykkjan liggi utan um hinar tvær (= 1 lykkja færri)
= prjónið 2 lykkjur brugðnar saman
= aukið út um 1 lykkju með því að prjóna 1 lykkju brugðið fram og til baka í sömu lykkju
= þessi rúða sýnir enga lykkju þar sem fækkað var um þessa lykkju eða lykkjan er ekki lengur til, farðu beint áfram í næsta tákn í mynsturteikningu


Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS 209-6) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (6)

Faranaaz 11.04.2020 - 11:12:

Hoi! Ik zie dat in het patroon, bij het breien van de hoofdband dat er staat: ‘ Ga verder met naald 4 mm en ga verder met A.1 (= 30 steken), met 4 steken PUNNIKRAND op elke kant‘. Moet dit niet A.4 zijn?

DROPS Design 13.04.2020 kl. 10:27:

Dag Faranaaz,

Inderdaad er staat een foutje in, het moet A.4 zijn in plaats van A.1. He is zojuist aangepast. Dankjewel voor het doorgeven en veel breiplezier!

MoMo 17.03.2020 - 23:23:

Où trouver le modèle de l'accessoire bm-073, dont la présente fiche de commentaire mentionne 209-6 ?

DROPS Design 18.03.2020 kl. 08:32:

Bonjour MoMo, ce modèle n'est pas encore publié, merci de revenir plus tard, abonnez-vous à notre newsletter et/ou suivez nous sur les réseaux sociaux pour ne manquer aucun nouveau modèle. Bon tricot!

Jonhild 26.01.2020 - 14:38:

Hvor er det flot, det vil jeg strikke

Helena 19.01.2020 - 19:44:

Det skulle vara fint att stick den här model.

Tjasa 01.01.2020 - 12:53:

Very nice pattern. The headband is already on my TO DO priority list :)

Angela 11.12.2019 - 16:32:

Sehr hübsches Muster

Skrifaðu athugasemd um DROPS 209-6

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.