DROPS / 206 / 43

Snow Scents by DROPS Design

Prjónuð peysa með laskalínu úr DROPS Brushed Alpaca Silk og DROPS Nord. Stykkið er prjónað ofan frá og niður með kaðli mitt að framan. Stærð S - XXXL.

DROPS Design: Mynstur no-030
Garnflokkur A + A eða C
-------------------------------------------------------

STÆRÐ:
S - M - L - XL - XXL – XXXL

EFNI:
DROPS NORD frá Garnstudio (tilheyrir garnflokki A)
200-250-250-300-300-350 g litur 0100, natur
Og notið:
DROPS BRUSHED ALPACA SILK frá Garnstudio (tilheyrir garnflokki C)
150-150-175-175-200-225 g litur 01, natur

PRJÓNFESTA:
13 lykkjur á breidd og 18 umferðir á hæð með sléttprjóni og 1 þræði af hvorri tegund = 10 x 10 cm.

PRJÓNAR:
DROPS SOKKAPRJÓNAR NR 7.
DROPS HRINGPRJÓNAR NR 8: Lengd 60 cm eða 80 cm fyrir sléttprjón. 40 cm fyrir ermar.
DROPS SOKKAPRJONAR NR 8.
DROPS HRINGPRJÓNAR NR 7: Lengd 40cm og 80 cm fyrir stroff.
DROPS KAÐLAPRJÓNN – fyrir kaðla.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!

Ertu ekki viss hvaða stærð þú þarft? Þá hjálpar það kannski að fyrirsætan á myndinni er ca 170 cm á hæð og notar stærð S eða M. Ef þú gerir peysu, jakkapeysu, kjól eða álíka þá getur þú fundið teikningu með máli neðst í mynstri.

45% Alpakka, 30% Polyamide, 25% Ull
frá 792.00 kr /50g
DROPS Nord uni colour DROPS Nord uni colour 792.00 kr /50g
Gallery Spuni
Panta
DROPS Nord mix DROPS Nord mix 814.00 kr /50g
Gallery Spuni
Panta

77% Alpakka, 23% Silki
frá 814.00 kr /25g
DROPS Brushed Alpaca Silk uni colour DROPS Brushed Alpaca Silk uni colour 814.00 kr /25g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 8052kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

MYNSTUR:
Sjá mynsturteikningu A.1 og A.2.

ÚTAUKNING (á við um hliðar á fram- og bakstykki):
Prjónið þar til 2 lykkjur eru eftir á undan prjónamerki, sláið 1 sinni uppá prjóninn, prjónið 4 lykkjur slétt (prjónamerki situr mitt á milli þessa lykkja), sláið 1 sinni uppá prjóninn = 4 lykkjur fleiri. Í næstu umferð er uppslátturinn prjónaður snúinn brugðinn svo að ekki myndist gat. Prjónið síðan nýjar lykkjur í sléttprjóni.

LASKALÍNA:
Aukið út um 1 lykkju hvoru megin við 2 lykkjur garðaprjón í hverri skiptingu á milli fram- og bakstykkis og ermar (= 8 lykkjur fleiri í umferð). Aukið út um 1 lykkju með því að slá 1 sinni uppá prjóninn. Í næstu umferð er uppslátturinn prjónaður snúinn slétt svo að ekki myndist gat. Prjónið síðan nýjar lykkjur í sléttprjóni.

ÚRTAKA (á við um ermar):
Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa lykkja), takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir lykkjuna sem var prjónuð = 2 lykkjur færri.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA – STUTT ÚTSKÝRING Á STYKKI:
Kantur í hálsi og berustykki er prjónað í hring á hringprjón, ofan frá og niður. Berustykki skiptist fyrir fram- og bakstykki og ermar. Fram- og bakstykki er síðan prjónað áfram í hring á hringprjón, ofan frá og niður. Ermar eru prjónaðar í hring á stuttan hringprjón/sokkaprjóna, ofan frá og niður.

KANTUR Í HÁLSI:
Fitjið upp 63-63-67-67-71-71 lykkjur á hringprjón 7 með 1 þræði Brushed Alpaca Silk og 1 þræði Nord (= 2 þræðir). Prjónið 1 umferð slétt. Næsta umferð er prjónuð frá skiptingunni á milli vinstri axlar og bakstykki: * 1 lykkja slétt, 1 lykkja brugðið *, endurtakið frá *-* yfir næstu 24-24-26-26-28-28 lykkjurnar, 2 lykkjur slétt, 1 lykkja brugðið, 1 lykkja slétt, 1 lykkja brugðið, 1 lykkja slétt, 1 lykkja brugðið 2 lykkjur slétt, 1-1-1-1-2-2 lykkjur brugðið, 1-1-2-2-2-2 lykkjur slétt, A.1 (= 18 lykkjur), 1-1-1-1-2-2 lykkjur slétt, 1-1-2-2-2-2 lykkjur brugðið, 2 lykkjur slétt, 1 lykkja brugðið, 1 lykkja slétt, 1 lykkja brugðið, 1 lykkja slétt, 1 lykkja brugðið, 1 lykkja slétt. Prjónið þar til A.1 hefur verið prjónað 1 sinni á hæðina.
Prjónið síðan berustykki eins og útskýrt er að neðan.

BERUSTYKKI:
Setjið 4 prjónamerki í stykkið eins og útskýrt er að neðan (þetta er gert án þess að prjóna lykkjurnar). Prjónamerkin eru notuð síðar þegar auka á út fyrir laskalínu.
Teljið 25-25-27-27-29-29 lykkjur (= bakstykki), setjið 1 prjónamerki, teljið 7 lykkjur (= ermi), setjið 1 prjónamerki, teljið 24-24-26-26-28-28 lykkjur (= framstykki), setjið 1 prjónamerki, teljið 7 lykkjur (= ermi) og setjið 1 prjónamerki
Skiptið yfir á hringprjón 8 og prjónið þannig: 1 lykkja slétt, sláið 1 sinni uppá prjóninn, 23-23-25-25-27-27 lykkjur slétt, sláið 1 sinni uppá prjóninn, 2 lykkjur slétt, sláið 1 sinni uppá prjóninn, 5 lykkjur slétt, sláið 1 sinni uppá prjóninn, 2 lykkjur slétt, sláið 1 sinni uppá prjóninn, 5 lykkjur slétt, sláið 1 sinni uppá prjóninn, 1 lykkja slétt.
Þegar fyrsta umferð hefur verið prjónuð hafa verið auknar út 4 lykkjur í A.2 og 8 lykkjur í hverri skiptingu á milli fram- og bakstykkis og erma (= fyrsta útaukningin fyrir laskalínu). Nú eru 75-75-79-79-83-83 lykkjur eftir í umferð. ATHUGIÐ PRJÓNFESTUNA! Haldið áfram með A.2 og sléttprjón og haldið áfram með útaukningar fyrir laskalínu í annarri hverri umferð alls 17-20-20-23-26-30 sinnum – sjá útskýringu að ofan. Eftir síðustu útaukningu eru 203-227-231-255-283-315 lykkjur í umferð. Prjónið sléttprjón og mynstur (án útaukningar) þar til stykkið mælist 22-25-25-28-32-36 cm frá uppfitjunarkanti.
Næsta umferð er prjónuð þannig: Prjónið 59-65-67-73-81-89 lykkjur sléttprjón (= bakstykki), setjið næstu 41-47-47-53-59-67 lykkjur á 1 þráð fyrir ermi, fitjið upp 6-6-8-8-8-8 nýjar lykkjur á prjóninn (= í hlið undir ermi), prjónið 62-68-70-76-84-92 lykkjur mynstur og sléttprjón (= framstykki), setjið næstu 41-47-47-53-59-67 lykkjur á 1 þráð fyrir ermi, fitjið upp 6-6-8-8-8-8 nýjar lykkjur á prjóninn (= í hlið undir ermi). Prjónið síðan fram- og bakstykki og ermar til loka fyrir sig. HÉÐAN ER NÚ MÆLT!

FRAM- OG BAKSTYKKI:
= 133-145-153-165-181-197 lykkjur. Setjið 1 prjónamerki í hvora hlið, mitt í nýjar lykkjur sem fitjaðar voru upp. Haldið áfram hringinn með sléttprjóni, A.2 þar til stykkið mælist 8 cm. Aukið út um 1 lykkju hvoru megin við hvort prjónamerki – sjá ÚTAUKNING. Endurtakið útaukningu þegar stykkið mælist 16 og 24 cm = 145-157-165-177-193-209 lykkjur. Haldið áfram þar til stykkið mælist 34-33-35-34-32-30 cm frá skiptingu. Skiptið yfir á hringprjón 7 og prjónið 1 umferð þar sem fækkað er um 4 lykkjur yfir kaðal í A.2 = 141-153-161-173-189-205 lykkjur. Næsta umferð er prjónuð þannig:
Stærð S, XL, XXL og XXXL: *1 lykkja slétt, 1 lykkja brugðið *, endurtakið frá *-* yfir fyrstu 96-120-132-144 lykkjur, 1 lykkja slétt, A.1 yfir lykkjur í A.2, * 1 lykkja slétt, 1 lykkja brugðið *, endurtakið frá *-* yfir síðustu 26-34-38-42 lykkjurnar.
Stærð M og L: * 1 lykkja brugðið, 1 lykkja slétt *, endurtakið frá *-* yfir fyrstu 106-112 lykkjurnar, A.1 yfir lykkjur í A.2, * 1 lykkja slétt, 1 lykkja brugðið *, endurtakið frá *-* yfir næstu 28-30 lykkjur, 1 lykkja slétt.
Haldið svona áfram með stroff þar til stykkið mælist 40-39-41-40-38-36 cm frá skiptingu (= ca 6 cm stroff). Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur.
Peysan mælist ca 66-68-70-72-74-76 cm frá öxl og niður.

ERMI:
Setjið 41-47-47-53-59-67 lykkjur af þræði í annarri hlið á stykki á stuttan hringprjón/sokkaprjóna 8 og prjónið að auki upp 1 lykkju í hverja og eina af 6-6-8-8-8-8 lykkjum sem fitjaðar voru upp undir ermi = 47-53-55-61-67-75 lykkjur. Setjið 1 prjónamerki mitt í 6-6-8-8-8-8 lykkjur undir ermi. Prjónamerkið er notað aðeins síðar þegar fækka á lykkjum mitt undir ermi. Prjónið sléttprjón hringinn. Þegar stykkið mælist 3 cm frá skiptingu, fækkið um 2 lykkjur mitt undir ermi -sjá ÚRTAKA. Fækkið lykkjum svona með 4½-3½-3-2-1½-1 cm millibili alls 7-10-10-13-15-18 sinnum = 33-33-35-35-37-39 lykkjur. Prjónið áfram þar til ermin mælist 36-36-34-32-28-25 cm frá skiptingu (styttra mál í stærri stærðum vegna víðari hálsmáls og lengra berustykkis). Skiptið yfir á sokkaprjón 7. Prjónið stroff hringinn (= 1 lykkja slétt, 1 lykkja brugðið) í 6 cm (eða að óskaðri lengd), í fyrstu umferð er aukið út um 1 lykkju = 34-34-36-36-38-40 lykkjur. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur. Ermin mælist ca 42-42-40-38-34-31 cm frá skiptingu. Prjónið hina ermina alveg eins.

Þetta mynstur hefur verið leiðrétt. .

Yfirfarið á vefsvæði: 06.12.2019
Leiðrétting á fjórða tákni í mynsturteikningu A.2.

Mynstur

= slétt lykkja
= brugðin lykkja
= á milli 2 lykkja er slegið 1 sinni uppá prjóninn, í næstu umferð er uppslátturinn prjónaður snúinn brugðinn, það eiga ekki að myndast göt
= setjið 9 lykkjur á kaðlaprjón framan við stykkið, prjónið 9 lykkjur slétt, prjónið 9 lykkjur slétt af kaðlaprjóni
= þegar mynsturteikning hefur verið prjónuð til loka á hæðina, endurtakið mynsturteikningu frá umferð með ör


Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS 206-43) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (12)

Karen Baker 26.03.2020 - 03:59:

I appreciate your answer to my initial question. For the medium size you suggested 5 balls of Nord and 3 of the brushed alpaca silk. When I started to order I found the brushed alpaca is in 25g balls. Doesn't that mean I need 6? I started to put them in my basket but it shows in British pounds. Is this coming from England?

DROPS Design 26.03.2020 kl. 10:01:

Dear Mrs Baker, correct, you need to divide 150 g by 25 = 6 balls Brushed Alpaca Silk at 25 g + 5 balls at 50 g Nord - yarn are shipped from our Superstore in UK - you can edit currency on their page (on the top corner on the right side). Do not hesitate to contact them - even per mail or on social medias for any question. Happy knitting!

Karen Baker 20.03.2020 - 22:08:

I have just found your site and think it has lovely patterns and yarn. I want to make pattern no-030 but not in the off white color. I wonder if the light grays go well together and what you would put with the jeans blue? I am about the size of the model, usually choose a medium but don't want to run short of yarn. How much of each should I purchase? When should I expect a shipment to Rockville, Maryland, USA? Thank you!

DROPS Design 22.03.2020 kl. 11:42:

Dear Karen, the light grays would look wonderful in this pattern, and so would the jeans blue, which you can combine with any grays or lighter blue for a more heathered effect. For size M, you will need 250 gramms (that is 5 balls of the Nord yarn and 150 gramms (3 balls) of our Brushed alpaca silk yarn. At the current circumstances we cannot estimate on any shipping time, you can check that directly with the place you are odering from. Happy Knitting!

Amel Meziani 06.02.2020 - 21:53:

Lovely knitting and color

Jana 03.01.2020 - 12:52:

Hallo, Ich möchte dieses Modell gerne in einer anderen Farbe stricken. Aber da kein Laden/Geschäft von Ihnen in meiner Nähe ist, muss ich online bestellen und kann mir die Wolle und Farbe nicht ansehen. Würden die Farben von Nord und Brushed Alpaca Silk in der Farbe Jeansblau oder Rostrot gut zusammen passen im Farbton? Oder weichen sie voneinander ab? Es wäre toll, wenn Sie mir helfen könnten! Danke und ein gutes neues Jahr wünscht Jana

DROPS Design 03.01.2020 kl. 14:27:

Liebe Jana, am besten wenden Sie sich an Ihrem DROPS Laden, gerne bekommen Sie bei ihnen direkt Hilfe, auch telefonisch oder per Mail. Viel Spaß beim stricken!

Sabine 15.12.2019 - 17:22:

Was bedeutet „4 Maschen über dem Zopf von A2 abnehmen“? An welcher Stelle genau muss ich 4 Maschen abnehmen? Muss ich die 4 Maschen verteilt in der Runde abnehmen oder 4 Maschen direkt über dem Zopf hintereinander abketten oder 5 M zusammenstricken?

DROPS Design 16.12.2019 kl. 08:45:

Liebe Sabine, wenn die Arbeit eine Länge von 34-33-35-34-32-30 cm ab der Teilung hat, stricken Sie die nächste Runde mit Nadeln Nr 7, gleichzeitig bei dieser Runde nehmen Sie 4 Maschen über dem Zopf von A.2, dh Sie stricken 2 M rechts zusammen insgesamt 4 Mal über die mittleren 18 Maschen von A.2. Viel Spaß beim stricken!

Veronika 05.12.2019 - 22:38:

Kann es sein, dass sie sich verschrieben haben bei dem Zopfmuster, muss es nicht 9 Maschen anstatt 7Maschen? Danke für eine schnelle Antwort und liebe Grüße aus Engelskirchen

DROPS Design 06.12.2019 kl. 09:42:

Liebe Veronika, Sie sind ja recht, es sollte 9 Maschen beim Zopfmuster und nicht 7. Korrektur erfolgt, danke für den Hinweis. Viel Spaß beim stricken!

Beata 05.12.2019 - 17:22:

I' ve got stuck, just in the beginning, with the neck edge, when I count the stiches it gets more than I should cast on in the beginning,, so I knit 63 stiches round ( I took the S) , and then I am confused, so I do I 1 knit and 1 purl and repeat it for 24 stiches, is that correct? or 24 stiches is all tohether with the first 1 knit and 1 purl, but anyway it doesn' t make the 63 stiches I cast on in the beginning.

DROPS Design 06.12.2019 kl. 08:11:

Dear Beata, work the 63 sts as follows: (K1, P1) x 12 (= over the first 24 sts), K2, P1, K1, P1, K1, P1, K2, P1, K1, A.1 (= 18 sts), K1, P1, K2, P1, K1, P1, K1, P1, K1 = 24+2+1+1+1+1+1+2+1+1+18+1+1+2+1+1+1+1+1+1= 63 sts. Happy knitting!

Jody 19.11.2019 - 10:14:

Il n'y a pas ce patron en ligne pourquoi?

Marie Louise 15.07.2019 - 15:35:

Ce modèle très intéressant sans aucun doute je le ferais ce tricot

Christa Schmitt 13.07.2019 - 11:09:

Sieht super aus perfekt.

Skrifaðu athugasemd um DROPS 206-43

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.