DROPS / 205 / 33

Wednesday Wrap by DROPS Design

Prjónað poncho úr DROPS Air. Stykkið er prjónað í garðaprjóni og gatamynstri. Stærð S - XXXL.

Leitarorð: gatamynstur, poncho,
  • Wednesday Wrap / DROPS 205-33 - Prjónað poncho úr DROPS Air. Stykkið er prjónað í garðaprjóni og gatamynstri. Stærð S - XXXL.
  • Wednesday Wrap / DROPS 205-33 - Prjónað poncho úr DROPS Air. Stykkið er prjónað í garðaprjóni og gatamynstri. Stærð S - XXXL.
  • Wednesday Wrap / DROPS 205-33 - Prjónað poncho úr DROPS Air. Stykkið er prjónað í garðaprjóni og gatamynstri. Stærð S - XXXL.
DROPS Design: Mynstur ai-221
Garnflokkur C eða A + A
-------------------------------------------------------

STÆRÐ:
S/M – L/XL – XXL - XXXL

EFNI:
DROPS AIR frá Garnstudio (tilheyrir garnflokki C)
350-400-450-500 g litur 10, þoka

PRJÓNFESTA:
14 lykkjur á breidd og 26 umferðir á hæð með garðaprjóni = 10 x 10 cm.

PRJÓNAR:
DROPS HRINGPRJÓNAR NR 7: lengd 60 eða 80 cm.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------
Prjónfesta – Sjá hvernig mæla á prjónfestu og afhverju hér
Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér
-------------------------------------------------------


65% Alpakka, 28% Polyamide, 7% Ull
frá 1364.00 kr /50g
DROPS Air mix DROPS Air mix 1364.00 kr /50g
Gallery Spuni
Panta
DROPS Air uni colour DROPS Air uni colour 1364.00 kr /50g
Gallery Spuni
Panta
needles Prjónar & Heklunálar Panta
Þú færð garn sem þarf í að gera þetta mynstur frá 19096kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

MYNSTUR:
UMFERÐ 1-14: slétt frá réttu, slétt frá röngu.
UMFERÐ 15 (frá réttu): * 2 lykkjur slétt saman, sláið 1 sinni uppá prjóninn *, prjónið frá *-*, endið með 1 lykkju slétt.
UMFERÐ 16 (frá röngu): Prjónið slétt
Endurtakið umferð 1-16 til loka.

-------------------------------------------------------

BYRJIÐ Á STYKKI HÉR:

-------------------------------------------------------

PONCHO - STUTT ÚTSKÝRING Á STYKKI:
Stykkið er prjónað fram og til baka í 2 stykkjum sem saumuð eru saman. Þegar stykkin hafa verið saumuð saman eru teknar upp lykkjur fyrir hálsmáli sem prjónað er í hring.

PONCHO:
Fitjið upp 99-105-111-115 lykkjur með Air á hringprjón 7. Prjónið MYNSTUR – sjá útskýringu að ofan, ATHUGIÐ PRJÓNFESTUNA! Prjónið mynstur svona þar til stykkið mælist ca 70-74-78-82 cm, stillið af að endað sé í einingu með garðaprjóni (= umferð 1-14). Fellið af með sléttum lykkjum. Prjónið annað stykki alveg eins.

FRÁGANGUR:
Sjá mynsturteikningu! Saumið saum eins og merkt er með A og B, notið lykkjuspor svo að saumurinn verði flatur og fallegur. Saumið saum merktan með C og D, saumið í ystu lykkjubogana. Nú er op fyrir 35-37-39-41 cm fyrir hálsmáli. Önnur hliðin er alveg opin og hin hefur op sem er 35-37-39-41 cm. Klippið frá og festið enda.

KRAGI:
Nú eru prjónaðar upp lykkjur meðfram hálsmáli, byrjið frá réttu við saum A og B. Notið hringprjón 7 og þoka til að prjóna upp ca 96-102-108-114 lykkjur í kringum opið (lykkjufjöldinn verður að vera deilanlegur með 6 svo að stroffið gangi jafnt upp).
Prjónið stroff hringinn með 3 lykkjur slétt og 3 lykkjur brugðið. Prjónið þar til stroffið mælist 16 cm. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur. Klippið frá og festið enda.

Mynstur

diagram measurements
signature

Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS 205-33) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (32)

country flag Beatriz 31.05.2021 - 23:22:

Bonjour, j'aime beaucoup ce model, mais je ne suis pas convaincue par aucune couleur Drops Air, est-ce que vous pensez que le faire avec 2 fils de Kid-Silk est une bonne idee?

user icon DROPS Design 01.06.2021 kl. 08:28:

Bonjour Beatriz, vous pouvez effectivement remplacer 1 laine du groupe A = Air par ex par 2 fils du groupe A = Kid-Silk par ex; le résultat sera différent dans la mesure où les 2 laines sont différentes, tricotez un échantillon au préalable pour vérifier si vous aimez la texture obtenue. Votre magasin saura également vous conseiller si vous avez besoin d'aide - même par mail ou téléphone. Bon tricot!

country flag Anne 25.04.2021 - 16:45:

Je ne comprends que le rang 15 soit indiqué sur l'endroit alors que c'est l'envers du travail et le rang 16 sur l'envers alors que c'est l'endroit 🤔

user icon DROPS Design 26.04.2021 kl. 08:02:

Bonjour Anne, le 1er rang et tous les rangs pairs se tricotent sur l'endroit, le 2ème rang et tous les rangs impairs se tricotent sur l'envers, ainsi, le rang 15 se fait sur l'endroit et le rang 16 sur l'envers. Bon tricot!

country flag Kateřina 15.02.2021 - 16:39:

Dobrý den, když chci sešívat pletacím stehem, znamená to, že oba díly neuzavřu, sešiji A+B a až pak zbytek zakončím (oka uzavřu)? Děkuji za odpověď.

user icon DROPS Design 16.02.2021 kl. 10:33:

Ano :) Happy knitting!

country flag Lory 15.01.2021 - 14:35:

Buongiorno, vorrei realizzare questo modello in forma più corta, per avere un capo da indossare in ufficio seduta alla scrivania. Per favore potete indicarmi le misure per una taglia s? Grazie.

user icon DROPS Design 15.01.2021 kl. 15:42:

Buongiorno Lory, purtroppo non possiamo fornirle un aiuto così specifico in questa sede, ma può rivolgersi al suo rivenditore DROPS di fiducia. Buon lavoro!

country flag Cristina Costagliola 08.01.2021 - 11:22:

Non riesco a capire le misure dei due rettangoli o quadrati...io lo lavorerò con i ferri normali, non circolari...pensate che sia un problema?

user icon DROPS Design 09.01.2021 kl. 12:35:

Buongiorno Cristina, ad esempio per la taglia S/M le misure sono 66x70cm . I rettangoli sono lavorati in piano, quindi può utilizzare i ferri dritti, ma deve valutare se ci stanno tutte le maglie sui ferri. Buon lavoro!

country flag Halima Arshid 02.12.2020 - 21:49:

Hei.jeg skal strikke denne.skjønner ikke helt hvordan jeg skal sy delene sammen Jeg skal si A og B mot hverandre,c og d sammen slik at det blir splitt nederst. Deretter plukke masker mellom de sydde delene for hals.

user icon DROPS Design 09.12.2020 kl. 13:46:

Hei Halima. Ja, det stemmer. Du tenker helt riktig. God Fornøyelse!

country flag Claudia Kopydlowski 19.10.2020 - 05:50:

Ich habe den Poncho jetzt genau nach Anleitung gestrickt. Wenn ich mein Werk mit dem Foto vergleiche, habe ich ebenfalls die gleiche Anzahl an Wiederholung der Reihen 1-16. Ich habe den Poncho aber für eine Größe XXXL gestrickt. Trägt das Modell auf dem Bild eine XXXL?

user icon DROPS Design 19.10.2020 kl. 10:03:

Liebe Frau Kopydlowski, der Poncho im Foto wird in die 1. Grösse gestrickt, deshalb sieht Ihren etwas anders je nach der Grösse aus. Bei der Berechnung der Musterrapporte wurde aber berücksichtigt, dass der Gesamteindruck des Kleidungsstücks in allen Größen gleich ist. Viel Spaß beim stricken!

country flag Kathy 17.10.2020 - 23:46:

I would love to make this poncho but as I only stand 5 feet tall, I think this pattern would be too long and wide for me. Is there a formula to this pattern so I could make it smaller?

user icon DROPS Design 19.10.2020 kl. 10:19:

Dear Kathy, we are unfortunately not able to adjust every pattern to every single request, but please contact your DROPS store - even per mail or telephone - they should be able to help you. Happy knitting!

country flag Claudia Kopydlowski 04.10.2020 - 06:57:

Mich wundert halt auch, dass man für die Größe XXXL zehn Knäuel Wolle benötigt. Ich habe für die Maße von 80x83 gerade mal vier Knäuel Wolle benötigt. Wo liegt mein Fehler?? LG Claudia

user icon DROPS Design 06.10.2020 kl. 11:53:

Liebe Frau Kopydlowski, versuchen Sie die richtige Maschenprobe zu halten - hier lesen Sie mehr über die Maschenprobe. Viel Spaß beim stricken!

country flag Claudia Kopydlowski 03.10.2020 - 20:05:

Hallo, ich bin etwas verunsichert. Meine Maschenprobe mit Nadelstärke 7 fiel größer aus. Dewegen habe ich jetzt mit der Nadelstärke 6 gestrickt. Mein erstes Teil ist bei 115 Maschen ca. 80 cm lang und die Höhe beträgt ca. 83 cm lang. Ich habe jetzt 4 Knäuel verbraucht. Es soll die Größe XXXL sein. Ist das von den Maßen richtig? Lg Claudia

user icon DROPS Design 05.10.2020 kl. 15:20:

Liebe Frau Kopydlowski, die Maßskizze war leider nicht richtig, die richtigen Massen sind 70-74-78-82 cm - eine neue Maßskizze wird hochgeladen. Beachten Sie nur, daß Sie 14 Maschen sind 10 cm in der Breite, so daß die 115 Maschen 82 cm sind. Viel Spaß beim stricken!

Skrifaðu athugasemd um DROPS 205-33

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.