Like it? Share it!

Þú gætir líka haft gaman af...

related pattern
related pattern
  1. Frí mynstur
  2. Dömur
  3. Bikini
  4. DROPS
  5. 199
  6. 54

Dive by DROPS Design

Heklaður bikinítoppur úr DROPS Paris. Stykkið er heklað með fastalykkjum og sólfjöðrum. Stærð S - XXXL.

Leitarorð: bikiní, sólfjaðramynstur

Like it? Share it!

DROPS 199-54
DROPS Design: Mynstur w-747
Garnflokkur C eða A + A
-----------------------------------------------------------
Stærð: S - M - L - XL - XXL - XXXL


Efni:
DROPS PARIS frá Garnstudio (tilheyrir garnflokki C)
100-100-100-150-150-150 g litur 30, gallabuxnablár

HEKLFESTA:
18 fastalykkjur á breidd og 21 umferð á hæðina = 10 x 10 cm.

HEKLUNÁL:
DROPS HEKLUNÁL NR 3,5.
Nálarstærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari heklunál. Ef þú ert með of fáar lykkjur á 10 cm, skiptu yfir í fínni heklunál.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------


100% Bómull 		frá 352.00 kr /50g
DROPS Paris uni colour DROPS Paris uni colour 396.00 kr /50g
Gallery Spuni 		Panta
DROPS Paris recycled denim DROPS Paris recycled denim 352.00 kr /50g
Gallery Spuni 		Panta
needles Prjónar & Heklunálar Panta
Þú færð garn sem þarf í að gera þetta mynstur frá 704kr. Sjá hér.

Þú gætir líka haft gaman af...

related pattern
related pattern

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

MYNSTUR:
Sjá mynsturteikningu A.1 til A.3.

HEKLLEIÐBEININGAR:
Allar umferðir byrja með 1 loftlykkju (kemur ekki í stað fyrstu fastalykkju).

ÚRTAKA/ÚTAUKNING:
Fækkið um 1 fastalykkju þannig:
* Stingið heklunálinni inn í næstu lykkju, sækið þráðinn *, endurtakið frá *-* einu sinni til viðbótar, bregðið þræðinum um heklunálina og dragið þráðinn í gegnum allar 3 lykkjurnar á heklunálinni.
Aukið út um 1 fastalykkju þannig:
Heklið 2 fastalykkjur í sömu lykkju.

-------------------------------------------------------

BYRJIÐ Á STYKKI HÉR:

-------------------------------------------------------

BIKINÍTOPPUR - STUTT ÚTSKÝRING Á STYKKI:
Stykkið er heklað fram og til baka. Fyrst eru 2 brjóstaskálar heklaðar, síðan eru þessi 2 stykki hekluð saman með 1 kanti í kringum allt. Að lokum er heklaður sólfjaðrakantur fram og til baka í neðri kanti á brjóstaskálum. Bikinítoppurinn er festur með bandi í hnakka og aftan á baki.

HÆGRI BRJÓSTASKÁL:
Heklið 16-17-18-19-20-21 lausar loftlykkjur með heklunál 3,5 með Paris. Snúið og heklið 1 fastalykkju í 2. loftlykkju frá heklunálinni, heklið 1 fastalykkju í hverja loftlykkju út umferðina = 15-16-17-18-19-20 fastalykkjur. Heklið síðan umferð með 1 fastalykkju í hverja fastalykkju – sjá HEKLLEIÐBEININGAR. ATHUGIÐ HEKLFESTUNA! Þegar stykkið mælist ca 8-9-9½-10-10½-11 cm heklið næstu umferð þannig (= ranga): Heklið 1 fastalykkju í hverja og eina af fyrstu 14-15-16-17-18-19 fastalykkjum, heklið 3 fastalykkjur í næstu lykkju (= 2 lykkjur fleiri), haldið áfram meðfram hlið og heklið 15-16-17-18-19-20 fastalykkjur jafnt yfir um ystu lykkju neðst niðri á þessari hlið = 32-34-36-38-40-42 fastalykkjur. Heklið síðan umferð með 1 fastalykkju í hverja fastalykkju í ca 8-9-9½-10-10½-11 cm – stillið af eftir umferð frá röngu. Klippið frá og festið enda.

VINSTRI BRJÓSTASKÁL:
Heklið 16-17-18-19-20-21 lausar loftlykkjur með heklunál 3,5 með Paris. Snúið og heklið 1 fastalykkju í 2. loftlykkju frá heklunálinni, heklið 1 fastalykkju í hverja loftlykkju út umferðina = 15-16-17-18-19-20 fastalykkjur. Heklið síðan umferð með 1 fastalykkju í hverja fastalykkju – sjá HEKLLEIÐBEININGAR. ATHUGIÐ HEKLFESTUNA! Þegar stykkið mælist ca 8-9-9½-10-10½-11 cm heklið næstu umferð þannig (= rétta): Heklið 1 fastalykkju í hverja og eina af fyrstu 14-15-16-17-18-19 fastalykkjum, heklið 3 fastalykkjur í næstu lykkju (= 2 lykkjur fleiri), haldið áfram meðfram hlið og heklið 15-16-17-18-19-20 fastalykkjur jafnt yfir um ystu lykkju neðst niðri í þessari hlið = 32-34-36-38-40-42 fastalykkjur. Heklið síðan umferð með 1 fastalykkju í hverja fastalykkju í ca 8-9-9½-10-10½-11 cm – stillið af eftir umferð frá réttu. Heklið nú vinstri brjóstaskál saman við hægri brjóstaskál héðan (ekki klippa þráðinn frá) þannig:

KANTUR:
Heklið 1 keðjulykkju í síðustu lykkju sem var hekluð á hægri brjóstaskál, 1 loftlykkja, * 1 fastalykkja, 3 loftlykkjur, hoppið yfir 2 fastalykkjur *, heklið frá *-* út umferðina, haldið áfram niður meðfram hlið og heklið 1 fastalykkju um ystu lykkju í hverri umferð, haldið áfram meðfram kanti að neðan og heklið 1 fastalykkju í hverja og eina af þeim 30-32-34-36-38-40 fastalykkjum sem eftir eru á hægri brjóstaskál. Heklið síðan yfir fyrstu 30-32-34-36-38-40 fastalykkjur á vinstri brjóstaskál, haldið áfram upp meðfram hlið og heklið 1 fastalykkju um ystu lykkju í hverri umferð, haldið áfram yfir þær 30-32-34-36-38-40 fastalykkjur sem eftir eru með * 1 fastalykkja, 3 loftlykkjur, hoppið yfir 2 fastalykkjur *, heklið frá *-* út umferðina, endið umferð með 1 fastalykkju í síðustu lykkju og 1 keðjulykkju í fyrstu loftlykkju í byrjun á umferð. Klippið frá og festið enda.

SÓLFJAÐRAKANTUR:
Heklið í neðri kantinn á brjóstaskálinni. Byrjið frá röngu og heklið 1 fastalykkju í hverja og eina af 60-64-68-72-76-80 fastalykkjum – JAFNFRAMT er lykkjufjöldinn jafnaður út til 58-58-69-69-80-80 lykkjur – sjá ÚRTAKA/ÚTAUKNING = 58-58-69-69-80-80 lykkjur. Heklið síðan þannig: Heklið A.1 yfir 12 lykkjur, A.2 yfir 33-33-44-44-55-55 lykkjur (= 3-3-4-4-5-5 mynstureiningar yfir 11 lykkjur) og endið með A.3 yfir síðustu 13 lykkjur.
Haldið áfram þar til A.1 til A3 hefur verið heklað til loka á hæðina, klippið frá og festið enda.

BAND:
1 snúra = heklið loftlykkjuröð ca 115 cm. Hnýtið hnút í hvorum enda og klippið endana til. Leggið snúruna saman tvöfalda, þræðið lykkjuna í gegnum efsta hornið á annarri brjóstaskálinni. Dragið síðan endana í gegnum lykkjuna og herðið varlega. Gerið aðra snúru og festið í efsta hornið á hinni brjóstaskálinni. Gerið 2 snúrur til viðbótar alveg eins og festið í sitt hvort hornið í neðri kanti á brjóstaskálinni (ekki í sólfjaðrakantinn).

Mynstur

symbols = umferðin hefur nú þegar verið hekluð! Byrjaðu á næstu umferð (við ör)
symbols = byrjið hér
symbols = fastalykkja í lykkju
symbols = fastalykkja um loftlykkjuboga
symbols = 1 loftlykkja
symbols = 5 loftlykkjur
symbols = stuðull um loftlykkjuboga
symbols = stuðull í lykkju
diagram
diagram

Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS 199-54) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

signature-image signature

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

Hvert mynstur okkar hefur sérstök kennslumyndbönd til að hjálpa þér.

Þessi skref - fyrir - skref kennslumyndbönd gætu aðstoðað þig:

Við höfum einnig skref-fyrir-skref leiðbeiningar fyrir mismunandi aðferðir sem þú finnur hér.

Og mjög handhæga tæknilega orðabók!
1) Af hverju er prjón-/heklfesta svo mikilvæg?
2) Hvað er garnflokkur?
3) Get ég notað annað garn en sem stendur í mynstri?
4) Hvernig nota ég garnreiknivélina?
5) Af hverju fæ ég aðra prjónfestu með uppgefinni prjónastærð?
6) Af hverju er mynstrið unnið frá toppi og niður?
7) Af hverju eru ermar styttri í stærri stærðum?
8) Hvað er endurtekning?
9) Hvernig á að prjóna samkvæmt mynsturteikningu?
10) Hvernig á að hekla samkvæmt mynsturteikningu?
11) Hvernig á að lesa nokkrar mynsturteikningar samtímis í sömu umferð/hring
12) Af hverju byrjar stykkið á fleiri loftlykkjum en sem unnið er með?
13) Af hverju er aukið út á undan stroff kanti þegar stykkið er unnið ofan frá og niður?
14) Af hverju er slegið uppá prjóninn ásamt því að fella af?
15) Hvernig á að auka út/fella af í 3. og 4. hverri umferð?
16) Af hverju er mynstrið aðeins öðruvísi en sem ég sé á myndinni?
17) Hvernig get ég gert peysu í hring í stað fram- og til baka?
18) Get ég prjónað peysu fram og til baka í stað þess að prjóna í hring?
19) Af hverju gefið þið upp garn sem hætt er í framleiðslu í mynstrunum?
20) Hvernig breyti ég kvenmanns stærð á peysu yfir í karlmanns stærð?
21) Hvernig er hægt að koma í veg fyrir að trefjar losni frá loðnum flíkum?
22) Hvar á flíkinni er lengdin mæld?
23) Hvernig veit ég hversu margar dokkur ég þarf af garni?

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (12)

country flag Trine Mathiassen wrote:

Jeg har nå hæklet Høyre skål og skal så hækle venstre, men jeg forstår ikke helt hvordan jeg skal hækle den, det står at den skal hækles på vrangen…

21.01.2023 - 15:58

DROPS Design answered:

Hei Trine. Litt usikker på du mener når du skriver at den skal hekles fra vrangen. Hvor i oppskriften står det under venstre brystcup? Har du sett hjelpevideoene til denne bikinien? mvh DROPS Design

23.01.2023 kl. 12:48

country flag Signe wrote:

Hei! Jeg har dysleksi og sliter veldig med å forstå oppskriften. Jeg har heklet hele bikinitoppen ved hjelp av videoene. Jeg sliter med å forstå hvordan jeg skal hekle stroppene. Det er garantert flere som meg som sliter med å forstå tekst og forstår best ved å se videoer, derfor lurte jeg på om dere kunne lage en video der dere lager stroppene.

12.06.2022 - 12:45

DROPS Design answered:

Hei Signe. Stroppene hekles som flere luftmasker etter hverandre, se denne videoen på hvordan: Hvordan hekle en luftmaske (lm) Til denne bikinien hekles det 4 stropper a ca 115 cm. mvh DROPS Design

13.06.2022 kl. 11:47

country flag Michaela wrote:

Hej! Det står att Paris tillhör har grupp B men när man skall beställa står det C. Om jag vill byta garn, är det då grupp B eller C jag skall ha?

11.03.2022 - 10:28

DROPS Design answered:

Hej Michaela Det står fel här, DROPS Paris tillhör garngrupp C (vi ska rätta det) så det är alltså ett garn i garngrupp C du ska använda. Mvh DROPS Design

11.03.2022 kl. 14:05

country flag MARTIN wrote:

Bonjour, Comment savoir quelle taille choisir ? Y-a-t-il une correspondance de taille de bonnets ? Merci.

23.03.2021 - 17:34

DROPS Design answered:

Bonjour Mme Martin, vous pouvez comparez les mesures du schéma à celles d'un bikini similaire que vous avez. Retrouvez ici plus d'infos sur les schémas. Bon crochet!

24.03.2021 kl. 08:50

country flag Eline wrote:

Hei, jeg har en kunst og håndverk oppgave, og jeg tenkte jeg skulle hekle denne. Jeg har egentlig aldri heklet før, så jeg lurer på om det er en video av denne oppskriften? Eller om dere kan lage en?

11.03.2021 - 20:14

country flag Ida wrote:

Kan dere lage video av denne? Sliter med mønsteret...

17.01.2021 - 23:30

DROPS Design answered:

Hei Ida. Ja, denne modellen står på vår video liste. Men kan dessverre ikke si når vi får anledning til å lage den. mvh DROPS design

27.01.2021 kl. 08:31

country flag Helene Jepsen wrote:

Dejlig nem opskrift. Tak

30.06.2020 - 12:46

country flag Anne S wrote:

Teksten fra der det står «kant» er helt uforståelig for meg. En illustrasjon hadde gjort seg. Hilsen erfaren hekler.

07.06.2020 - 23:18

country flag Sharon wrote:

Can you please add a photo of the side and back of the garment?

20.07.2019 - 20:53

DROPS Design answered:

Dear Sharon, we do not have photos from the sides and back of bikini top, the chains are starting from the bottom corner on each cup and tied in the back, the straps tied on the top of cups are also tied in the back of neck (= halter neck). Happy crocheting!

06.08.2019 kl. 08:47

country flag Berta Montenegro wrote:

Buenos días en Guatemala dónde puedo conseguir sus lanas ??

23.06.2019 - 17:50

DROPS Design answered:

Hola Berta. En Guatemala no hay tiendas de Drops, pero aquí tienes las tiendas con envío internacional https://www.garnstudio.com/findastore.php?s=w&cid=23

23.06.2019 kl. 22:47

Skrifaðu athugasemd um DROPS 199-54

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Frá #dropsfan gallery

Dive

Caroline Orvik, Norway
© 1982-2023 DROPS Design A/S Öll réttindi áskilin. Þetta skjal ásamt öllum undirskjölum eru með höfundarétti.
Hvað máttu gera með mynstrin okkar? Þú mátt deila DROPS mynstrum á netinu, nota upprunalegu myndina af mynstrinu, efni, nafn og númer. En þér er EKKI HEIMILT að endurgera allt mynstrið stafrænt á nokkurn hátt.
Garnverslanir hafa heimild til að nota DROPS mynsturgagnagrunninn til þess að auka sölu á sínu garni. Prentaðu út hvaða mynstur sem þú vilt, eins mörg eintök og þú vilt. Einu kröfurnar sem við gerum er að ekki verði gerðar neinar breytingar eða viðaukar á upprunalega skjalinu sem prentað er út. Samkvæmt grunngildum DROPS eiga mynstrin að standa viðskiptavinum til boða endurgjaldlaust.
Útgefendur sem vilja birta mynstrin okkar í prentuðum bókum eða í tímaritum geta haft samband við okkur til frekari upplýsinga. Sala á flíkum/vörum gerðar eftir DROPS mynstrum er leyfileg svo lengi sem salan einskorðast við einn hlut eða eftir pöntun, önnur almenn sala en þessi er ekki leyfileg. Skýrt skal tekið fram að flíkin/varan sé framleidd eftir hönnun frá DROPS DESIGN. Skilmálar til að fá að nota merkingu á fatnaði/vörum þar sem hönnun DROPS DESIGN hefur verið notuð er að textinn á að vera "A DROPS DESIGN made by…". Notkun DROPS mynda til markaðssetningar/sölu er aðeins leyfð þegar einungis DROPS garn hefur verið notað. Ekki má klippa myndirnar eða breyta þeim og vörumerkið á að sjást mjög greinilega.
Við áskiljum okkur allan rétt til þess draga þetta leyfi til baka hvenær sem er, án þess að tilgreina ástæðu.