DROPS Baby / 29 / 5

My Sweetie by DROPS Design

Heilgalli fyrir skírn eða nafnagjöf heklaður ofan frá og niður með laskalínu og áferðamynstri úr DROPS BabyAlpaca Silk. Stærð 0-2 ára.

Leitarorð: galli, ofan frá og niður,
DROPS Design: Mynstur bs-014-by
Garngrupp A
-----------------------------------------------------------
Stærð: 1/3 - 6/9 - 12/18 mán (2) ára
Stærð í cm: 56/62 - 68/74 - 80/86 (92)
Efni:
DROPS BABYALPACA SILK frá Garnstudio (tilheyrir garnflokki A)
200-200-250 (300) g litur 1101, hvítur

DROPS HEKLUNÁL NR 3 – eða þá stærð sem þarf til að 24 stuðlar á breidd og 9 umferðir með áferðamynstri á hæðina (1 umferð með áferðamynstri = 1 umferð fastalykkjur + 1 umferð stuðlar) verði 10 x 10 cm.
DROPS PERLUTALA, Bogalaga (hvít) NR 521: 5-6-7 (8) st.
FYLGIHLUTIR: Ca 1,5 metrar silkiborði (ca 5 mm breiður).
---------------------------------------------------------

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!


70% Alpakka, 30% Silki
frá 1386.00 kr /50g
DROPS BabyAlpaca Silk uni colour DROPS BabyAlpaca Silk uni colour 1386.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 5544kr. Sjá hér.

Leiðbeiningar um mynstur

LEIÐBEININGAR:
Heilgallinn í uppskrift er útskýrður með opi og tölukanti að aftan og gataumferð fyrir skrautborða við miðju að framan, en heilgallinn er alveg eins að framan og að aftan og er því hægt að snúa honum við og nota hann með op að aftan eða með op að framan (eins og útskýrt er á mynd). Ef óskað er eftir því að hafa opið að framan er hægt að hekla umferð með áferðamynstri yfir miðju 6 lykkjurnar á miðju að aftan ef maður vill ekki hafa gataumferð.

HEKLLEIÐBEININGAR:
Í byrjun hverrar umferðar með fastalykkjum er fyrstu fastalykkju skipt út fyrir 1 loftlykkju. Umferðin endar með 1 fastalykkju í 3. Loftlykkju frá byrjun fyrri umferðar með stuðlum.
Í byrjun hverrar umferðar með stuðlum er fyrsta stuðli skipt út fyrir 3 loftlykkjur.
Umferðin endar með 1 stuðli í loftlykkju frá byrjun fyrri umferðar með fastalykkjum.

UMFERÐ MEÐ ÁFERÐAMYNSTRI:
* 1 umferð fastalykkjur, 1 umferð stuðlar *, endurtakið frá *-* (1 umferð fastalykkjur + 1 umferð stuðlar = 1 umferð áferðamynstur).

ÚTAUKNING:
Aukið út um 1 fastalykkju/stuðul með því að hekla 2 fastalykkjur/stuðla í sömu lykkju.

MYNSTUR-1:
Sjá mynsturteikningu A.1. Þegar umferð 1-3 hefur verið hekluð einu sinni á hæðina eru umferðir 2 og 3 endurteknar.

MYNSTUR-2:
Sjá mynsturteikningu A.2.

ÚRTAKA:
Heklið 1 fastalykkju/stuðul, en bíðið með að bregða bandi um heklunálina og að draga bandið í gegn í lokin (= 2 lykkjur á heklunálinni), heklið síðan næstu fastalykkju/stuðul, þegar draga á bandið í gegn í lokin, dragið það í gegnum allar lykkjurnar á heklunálinni (nú hefur fækkað um 1 fastalykkju/stuðul).
----------------------------------------------------------

HEILGALLI:
Allt stykkið er heklað fram og til baka og heklað er ofan frá og niður frá miðju að aftan – LESIÐ LEIÐBEININGAR.

BERUSTYKKI:
Heklið 77-77-81 (85) loftlykkjur (meðtalin 1 loftlykkja til að snúa við) með heklunál 3 með BabyAlpaca Silk. Heklið 1 fastalykkju í 2. loftlykkju frá heklunálinni, heklið síðan 1 fastalykkju í hverja loftlykkju út umferðina = 76-76-80 (84) fastalykkjur í umferð.
Setjið nú 4 prjónamerki í stykkið fyrir laskalínu þannig (byrjið við op – ATH: EKKI er heklað þegar prjónamerkin eru sett í): Hoppið yfir fyrstu 12-12-13 (14) fastalykkjur (= hægra bakstykki þegar flíkin er mátuð), setjið 1 prjónamerki í næstu fastalykkju, hoppið yfir næstu 12 fastalykkjur (= ermi), setjið 1 prjónamerki í næstu fastalykkju, hoppið yfir næstu 12-12-13 (14) fastalykkjur, setjið 1 prjónamerki á undan næstu fastalykkju (= miðja að framan), hoppið yfir 12-12-13 (14) fastalykkjur (þessar 24-24-26 (28) fastalykkjur = framstykki), setjið 1 prjónamerki í næstu fastalykkju, hoppið yfir 12 fastalykkjur (= ermi) og setjið síðasta prjónamerki í næstu fastalykkju (nú eru 12-12-13 (14) fastalykkjur á vinstra bakstykki á eftir síðasta prjónamerki).

LESIÐ ALLAN KAFLANN ÁÐUR EN HEKLAÐ ER ÁFRAM!
LESIÐ HEKLLEIÐBEININGAR og heklið næstu umferð frá réttu þanni:
Heklið 1 stuðul í hverja fastalykkju, nema í hverja fastalykkju með prjónamerki er heklað 2 stuðlar + 2 loftlykkjur + 2 stuðlar = 88-88-92 (96) stuðlar í umferð.
Heklið nú UMFERÐ MEÐ ÁFERÐAMYNSTRI – sjá útskýringu að ofan (heklað er fram og til baka með 1 fastalykkju frá röngu og heklaðar eru 2 loftlykkjur yfir 2 loftlykkjur frá fyrri umferð í laskalínu). Að auki er MYNSTUR-1 heklað – sjá útskýringu að ofan, yfir miðju 6 lykkjurnar við miðju að framan (ör í mynsturteikningu A.1 merkir miðju að framan). ATHUGIÐ HEKLFESTUNA!
JAFNFRAMT í næstu umferð frá réttu (þ.e.a.s. í umferð með stuðlum) aukið út fyrir laskalínu þannig: Heklið 2 stuðla + 2 loftlykkjur + 2 stuðla um loftlykkjuboga í hverri laskalínu (= 16 stuðlar útaukning í umferð – ATH: Heklið um báða loftlykkjubogana). Endurtakið útaukningu í hverri umverð frá réttu alls 1-2-3 (4) sinnum og síðan í annarri hverri umferð frá réttu alls 2 sinnum í öllum stærðum = 136-152-172 (192) lykkjur í umferð.
Á eftir síðustu útaukningu fyrir laskalínu er hekluð 1 umferð með fastalykkjum frá röngu eins og áður.
Næsta umferð er hekluð frá réttu þannig: Heklið 1 stuðul í hvern og einn af fyrstu 20-22-25 (28) stuðlum (= hægra bakstykki), hoppið yfir næstu 28-32-36 (40) fastalykkjur (= ermi), heklið 8-8-8 (6) loftlykkjur, heklið 1 stuðul í hverja og eina af næstu 40-44-50 (56) fastalykkjum (= framstykki), hoppið yfir næstu 28-32-36 (40) fastalykkjum (= ermi), heklið 8-8-8 (6) loftlykkjur og heklið 1 stuðul í hverja og eina af síðustu 20-22-25 (28) fastalykkjum (= vinstra bakstykki).
Nú hafa verið heklaðar alls 7-8-9 (10) umferðir með áferðamynstri frá uppfitjunarkanti, stykkið mælist ca 11-12-13 (14) cm frá öxl og berustykki er nú lokið. Heklið fram- og bakstykki og ermar til loka hvort fyrir sig.

FRAM- OG BAKSTYKKI:
HÉÐAN ER NÚ MÆLT!
Fyrsta umferðin er hekluð frá röngu – heklið 1 fastalykkju í hvern stuðul frá fyrri umferð og 1 fastalykkju í hverja og eina af 8-8-8 (6) loftlykkjum undir hvorri ermi = 96-104-116 (124) fastalykkjur í umferð. Haldið áfram fram og til baka með áferðamynstri og A.1 eins og áður – munið eftir HEKLLEIÐBEININGAR! Þegar stykkið mælist ca 24-30-32 (36) cm frá hálsi (þ.e.a.s. ca 27-33-35 (39) cm frá öxl) – stillið af að síðasta umferð sé 1 umferð með stuðlum frá réttu, endar bæði op fyrir kant við miðju að aftan og A.1 við miðju að framan. Setjið 1 prjónamerki í ystu lykkju í byrjun og í lok umferðar til að merkja op á kanti. Haldið áfram fram og til baka með umferð með áferðamynstri yfir allar lykkjur.
Þegar stykkið mælist 29-35-39 (43) cm frá hálsi (og ca 32-38-42 (46) cm frá öxl) skiptis stykkið upp fyrir skálmar og hvor skálm er hekluð til loka fyrir sig.

SKÁLM:
Setjið 1 prjónamerki í byrjun umferðar – HÉÐAN ER NÚ MÆLT!
Haldið áfram með umferð með áferðamynstri og til baka yfir fyrstu 48-52-58 (62) lykkjurnar í umferð (þ.e.a.s. yfir helming af lykkjunum).
Þegar skálmin mælist 2-2-3 (3) cm frá prjónamerki er fækkað um 1 fastalykkju/stuðul á hvorri hlið -LESIÐ ÚRTAKA. Endurtakið úrtöku með 1½-2-2 (2½) cm millibili alls 7-7-8 (8) sinnum) = 34-38-42 (46) lykkjur. Þegar skálmin mælist 14-17-20 (25) cm frá prjónamerki við skiptingu eru heklaðar fastalykkjur fram og til baka yfir allar lykkjur í 4 cm. Klippið frá og festið enda. Skálmin mælist ca 18-21-24 (29) cm og allur gallinn mælist ca 50-59-66 (75) cm frá öxl.
Heklið hina skálmina alveg eins.

ERMI:
= 28-32-36 (40) lykkjur. Setjið 1 prjónamerki – HÉÐAN ER NÚ MÆLT!
Fyrsta umferðin er hekluð frá röngu þannig: Heklið 4-4-4 (3) loftlykkjur, heklið 1 fastalykkju í hverja lykkju og heklið 6-6-6 (5) loftlykkjur. Snúið stykkinu, heklið 1 stuðul í 4. loftlykkju frá heklunálinni, heklið 1 stuðul í hverja og eina af 2-2-2 (1) næstu loftlykkjum, 1 stuðul í hverja fastalykkju frá fyrri umferð og 1 stuðul í hverja og eina af 4-4-4 (3) loftlykkjum frá byrjun fyrri umferðar = 36-40-44 (46) lykkjur í umferð. Heklið nú umferð með áferðamynstri fram og til baka eins og áður. JAFNFRAMT þegar ermin mælist 3 cm frá prjónamerki í öllum stærðum er fækkað um 1 lykkju á hvorri hlið – LESIÐ ÚRTAKA. Endurtakið úrtöku með 6 -4-3½ (4½) cm millibili alls 2-3-4 (4) sinnum) = 32-34-36 (38) lykkjur. Þegar ermin mælist 13-15-17 (21) cm frá prjónamerki við handveg eru heklaðar fastalykkjur fram og til baka yfir allar lykkjur í 4 cm. Klippið frá og festið enda. Ermin mælist ca 17-19-21 (25 cm) frá prjónamerki.
Heklið hina ermina alveg eins.

FRÁGANGUR:
Saumið ermasauma kant í kant yst í lykkjubogana. Saumið saman op undir ermum. Brjótið e.t.v. uppá kantinn neðst á ermum og á skálmum. Saumið saman op við miðju að aftan frá prjónamerki þar sem kantur fyrir tölur endaði og niður að skiptingu fyrir skálmum – saumið í ystu lykkjubogana.

HÆGRI KANTUR AÐ FRAMAN:
Byrjið frá röngu neðst niðri á hægra bakstykki og heklið MYNSTUR-2, þ.e.a.s. heklið þannig: 1 fastalykkja um ysta stuðulinn, * heklið 2 stuðla + 2 loftlykkjur + 2 stuðla um næsta stuðul, 1 fastalykkja um næsta stuðul *, endurtakið frá *-* upp meðfram hægra bakstykki fyrir háls og endið með 1 keðjulykkju yst í hornið við háls. Snúið stykkinu og heklið til baka frá réttu þannig: 1 loftlykkja (jafngildir 1 fastalykkju), heklið síðan * 3 loftlykkjur, 1 fastalykkju í næstu fastalykkju, 3 loftlykkjur, 1 fastalykkja um loftlykkjuboga mitt í stuðlahóp *, endurtakið frá *-* og endið með 3 loftlykkjum og 1 keðjulykkju í síðustu fastalykkju. Klippið frá og festið enda. Saumið niður kant að framan neðst niðri við skiptingu.

VINSTRI KANTUR AÐ FRAMAN OG HÁLSMÁL:
Heklið fyrstu umferð eins og á hægri kant að framan, en byrjið frá réttu neðst niðri á vinstra bakstykki og heklið eins og á hægri kant fyrir tölur upp að hálsi, en í stað þess að enda með 1 keðjulykkju í horni við háls heldur kantur áfram í kringum háls þannig: Heklið 1 fastalykkju í hverja lykkju meðfram hálsi þar til 3 lykkjur eru eftir á undan fyrstu lykkju með prjónamerki í (laskalína), hoppið yfir þessar 3 lykkjur og heklið 4 stuðla í lykkjuna með prjónamerki í, hoppið yfir 3 næstu lykkjur og haldið áfram með 1 fastalykkju í hverja lykkju þar til 3 lykkjur eru eftir á undan næstu lykkju með prjónamerki í (laskalína), hoppið yfir þessar 3 lykkjur og heklið 4 stuðla í lykkju með prjónamerki í. Haldið svona áfram í kringum hálsmál og endið með 1 keðjulykkju yst í umferð, snúið stykki og heklið næstu umferð frá röngu (í kringum háls) þannig: * 1 fastalykkja í fyrstu/næstu lykkju, 3 loftlykkjur, hoppið yfir 2 fastalykkjur *, endurtakið frá *-* fram að horni á undan kant fyrir tölur, síðan er heklað niður yfir kant fyrir tölur eins og á hægri kant. Klippið frá og festið enda.

FRÁGANGUR:
Saumið tölur í hægri kant að framan. ATH: Hneppt er í gegnum loftlykkjuboga á vinstri kant að framan – byrjið með 1 tölu í efsta loftlykkjubogann, síðan á að vera 1 tala í öðrum hverjum loftlykkjuboga niður. Þræðið silkiborða upp og niður í gegnum gataumferð í A.1 meðfram miðju að framan (byrjið og endið við háls og endið með að hnýta slaufu við háls). Ef nota á gallann með op að framan er hægt að þræða silkiborðann upp og niður á milli stuðla meðfram miðju að framan (sjá ljósmynd).

Mynstur

= fyrsta umferð er útskýrð í uppskrift
= 1 mynstureining á hæðina
= loftlykkja
= fastalykkja í lykkju
= fastalykkja um loftlykkjuboga
= stuðull í lykkju
= miðja

Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS Baby 29-5) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (30)

Gerda 10.01.2020 - 17:20:

Hallo, ik ben bezig met de toer stokjes waarin niet gemeerderd hoeft te worden. Ik vraag me af hoe ik in de lossenlus moet haken. Zijn dat ook twee lossen of haak ik twee stokjes in de lossenlus? Ik ben bezig met de pas.

DROPS Design 14.01.2020 kl. 20:38:

Dag Gerda,

Als je een toer hebt waarin je niet hoeft te meerderen haak je in elke steek van de vorige toer 1 steek. Een losse staat daarbij voor 1 steek (net als een stokje en evt. een vaste)

Kimberley 15.10.2019 - 14:05:

Hei! Jeg sliter med første biten jeg. Har kommet til å sette de fire første merkene etter at jeg har laget alle lm. Men, det står at jeg skal hoppe over 12 lm og sette merker 4 ganger, og at jeg da har 12 lm igjen på venstre bakstykke. Dette stemmer jo ikke. Jeg har jo 24 lm igjen på venstre side da? Har prøvd 4 ganger uten å få det til nå.

DROPS Design 17.10.2019 kl. 07:58:

Hej Kimberley, Du har 76 fm. 12+1+12ærme+1+12,12forstykke+1+12ærme+1+12 God fornøjelse!

Megan 25.09.2019 - 04:39:

I do not understand the instructions for the sleeves. Where do I insert the marker? Do I chain first 28-32-36 (40) stitches, or do I count them somehow in the sleeve hole? I don't understand what to do with the chains in the first row instruction. Is there a diagram? Thanks for any help!

DROPS Design 25.09.2019 kl. 08:20:

Dear Megan, marker is inserted in the last row worked on yoke, so that you can measure the length of sleeve from the marker (= from first row on sleeve after dividing piece). Happy crocheting!

Betty 25.07.2019 - 06:30:

Wenn bei der Passe nur in jeder 2. Hinreihe bei den Raglanlinien zugenommen werden soll, wie häkele ich in den Reihen bei den Raglanlinien ohne Zunahme? Vielen Dank!

DROPS Design 26.07.2019 kl. 09:14:

Liebe Betty, das ist hier beschrieben: "Nun STRUKTURREIHEN häkeln – siehe oben (hin und zurück mit 1 festen Masche/Stäbchen in jede Masche der vorherigen Reihe häkeln, jedoch in jeder Rück-Reihe mit festen Maschen 2 Luftmaschen über die 2 Luftmaschen der vorherigen Reihe in der Raglanlinie häkeln)" - d.h. die Rück-Reihen, in denen Sie keine Zunahmen häkeln, sind feste-Maschen-Reihen und bei den 2 Luft-Maschen, die in der Raglanlinie gehäkelt wurden, häkeln Sie auch wieder 2 Luft-Maschen, so bleibt die Maschenzahl dann in der Rück-Reihe gleich. Viel Spaß beim Weiterhäkeln!

Henny 20.05.2019 - 22:57:

Hej igen! Tack för snabbt svar! Jag förstår ändå inte vad ni menar. Ökningarna sker ju bara från rätsidan då man virkar stolpar. Vad är skillnaden mellan att "upprepa ökningen från rätsidan totalt 1-2-3(4) ggr" och att öka på "vartannat varv från rätsidan totalt 2 ggr i alla stl"? Antingen betyder det samma sakeller så betyder det att jag ska öka på vartannat stolpvarv och då blir frågan hur jag virkar stolpvarvet utan att öka?

DROPS Design 21.05.2019 kl. 14:39:

Hei igjen Henny. Først øker du på hver 2. omgang = hver omgang fra retten, altså hver rad med staver. Dette gjør du totalt 3 ganger (altså over 6 omganger). Så går du over til å øke hver 4. omgang = annenhver omgang fra retten, altså annenhver omgang med staver. Når du hekler staver uten økning, hekles luftmasker over raglanlinjen, som når du hekler fastmasker. God fornøyelse

Henny 18.05.2019 - 22:33:

1. Hur gör man vid raglan (stp) de varv man inte ska öka? Alltså de varv man ökar bara vartannat varv och ska virka stolpar raglan utan ökning. 2. Stl 80/86 har totalt 9 varv. Det måste innebära totalt 4 strukturvarv på momentet när man ökar vartannat varv. Eller?

DROPS Design 20.05.2019 kl. 14:58:

Hei Henny. fra vrangen hekler du 1 fastmaske i hver stav, men over luftmaskene i raglanlinjene hekler du 2 luftmasker. I Str 80/86 øker du på hver rad fra retten total 3 ganger = 3 strukturrader. Du har heklet totalt 7 rader (inkludert den første økingen, som er forklart) før du begynner å øke på annenhver rad fra retten. God fornøyelse.

Eva 07.05.2019 - 00:32:

Hej :-) Jeg laver størrelse 6/9. I slutningen af bærestykket stå der at man skal lave en st. I de første 22 masker og så springe over de næste 32 fm. Springe over?? Hvordan gør man det? Hvad gør jeg med garnet? Lukker jeg af, klippet garnet og starter op igen?? På forhånd tak. Vh. Eva

DROPS Design 07.05.2019 kl. 10:07:

Hei Eva. Maskene du hopper over skal siden bli til ermet. Du hekler altså de 22 stavene, så hekler du 8-8-8 (6) luftmasker (disse blir under ermet, og "erstatter" maskene du hopper over), så hopper du over de 28-32-36 (40) fastmaskene som skal bli erme, og fortsetter å hekle i den neste fastmasken. Maskene du hoppet over vil bue seg litt, da det kun er de 8/9 luftmaskene du heklet som er mellom maskene på hver side. Men dette er altså meningen. Når du så har heklet ut raden fortsetter du frem og tilbake, og hekler over luftmaskene under hvert erme. God fornøyelse

Bianca Menzer 17.03.2019 - 11:43:

Kan ikke forstå:når jeg har hæklet de 30 cm (str 6/9 mdr) skal kanterne afsluttes.skal jeg så hækle sammen (rundt) de sidste 5 cm.så bliver mønsteret jo anderledes.? Mvh.Bianca

DROPS Design 19.03.2019 kl. 14:55:

Hei Bianca. Arbeidet hekles frem og tilbake hele veien, og syes sammen tilslutt. Det hekles altså strukturrader over alle maskene. God fornøyelse.

Viktoria 04.03.2019 - 10:13:

Hej! Skulle vilja använda garnet Tilda Bamboo. 50% bomull och 50% bambu. Går de?

DROPS Design 04.03.2019 kl. 15:11:

Hei Viktoria. Så lengde du oppnår den angitte strikkefastheten kan du helt fint bytte 1 garn med 1 annet. God fornøyelse

Ida 03.03.2019 - 21:20:

Jag förstår inte varför jag ska inleda och avsluta första varvet på ärmen med luftmaskor. Vart ska man göra av den extrabreda vitkbiten sen när man monterar ihop dressen? Var på det befintliga varvet ska man börja?

DROPS Design 04.03.2019 kl. 15:09:

Hei Ida. Du begynner omgangen der du la opp masker under ermet, og du hekler luftmasker på starten og slutten for å øke maskeantallet over der du la opp luftmasker under ermet, slik at du kan sy sammen ermet med bolen senere. Du øker totalt 7 masker over luftmaskeraden under ermet. God fornøyelse

Skrifaðu athugasemd um DROPS Baby 29-5

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.