Like it? Share it!
  1. Frí mynstur
  2. Ungabörn (0-4)
  3. Fylgihlutir
  4. Húfur
  5. Húfur
  6. DROPS Baby
  7. 14
  8. 16

Baby Aviator Hat by DROPS Design

Prjónuð hjálmhúfa fyrir börn, trefill og vettlingar úr DROPS Alpaca. Stærð 1 mán - 4 ára.

Leitarorð: barnahúfa, frá hlið, garðaprjón, hálsklútur, hjálmhúfa, hlýjar hendur, höfuðfat, húfa, sett, vettlingar

Like it? Share it!

DROPS Baby 14-16
DROPS Design: Mynstur nr z-047-by
--------------------------------------------------------
Stærð: 1/3 - 6/9 - 12/18 mánaða (2 - 3/4) ára
Stærð í cm: 50/56- 62/68- 74/80 (86/92-98/104)
Efni:
DROPS Alpaca frá Garnstudio
100-100-100 (150-150) gr litur nr 6205, ljós blár

DROPS PRJÓNAR og SOKKAPRJÓNAR NR 2,5 – eða þá stærð sem þarf til að 26 lykkjur og 52 umferðir með garðaprjóni verði 10 x 10 cm.
--------------------------------------------------------

-------------------------------------------------------

Prjónfesta – Sjá hvernig mæla á prjónfestu og afhverju hér
Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------


100% Alpakka 		frá 990.00 kr /50g
DROPS Alpaca uni colour DROPS Alpaca uni colour 990.00 kr /50g
Handverkskúnst 		Panta
DROPS Alpaca mix DROPS Alpaca mix 1056.00 kr /50g
Handverkskúnst 		Panta
needles Prjónar & Heklunálar Panta
Þú færð garn sem þarf í að gera þetta mynstur frá 1980kr. Sjá hér.

Leiðbeiningar um mynstur

GARÐAPRJÓN (prjónað fram og til baka):
Lykkjurnar prjónast slétt í öllum umf.

SNÚRUPRJÓN:
* Prjónið 1 lykkju slétt, setjið þráðinn fyrir framan stykkið (að þér), takið 1 lykkju óprónaða eins og prjóna eigi hana brugðið, setjið þráðinn fyrir aftan stykkið (frá þér) *, endurtakið frá *-* í öllum umferðum. Nú myndast hringlaga snúra.

--------------------------------------------------------

HÚFA:
Fitjið upp 33-38-42 (46-50) lykkjur á prjón nr 2,5 með Alpaca.
Prjónið GARÐAPRJÓN – sjá útskýringu að ofan, jafnframt er aukið út um 1 lykkju í hægri hlið og fækkað um 1 lykkju í vinstri hlið þannig:
UMFERÐ 1 (= rétta): Prjónið 2 lykkjur slétt, sláið 1 sinni uppá prjóninn (= 1 útaukning), prjónið þar til 4 lykkjur eru eftir og prjónið 2 lykkjur slétt saman, 2 lykkjur slétt.
UMFERÐ 2 (= ranga): Prjónið slétt (uppslátturinn er prjónaður snúinn slétt, þ.e.a.s. prjónið aftan í lykkjubogann í stað framan).
Endurtakið þessar 2 umferðir þar til stykkið mælist 5½-6-6½ (7-8) cm. Fellið nú af 1 lykkju í hægri hlið og aukið út um 1 lykkju í vinstri hlið þannig:

Rétta: Prjónið 1 lykkju slétt, takið 1 lykkju óprjónaða, 1 lykkja slétt, steypið óprjónuðu lykkjunni yfir, prjónið þar til 2 lykkjur eru eftir, sláið uppá prjóninn, prjónið 2 lykkjur slétt.

Ranga: Prjónið slétt (uppslátturinn er prjónaður snúinn slétt).
Endurtakið þessar 2 umferðir þar til prjónaðir hafa verið til viðbótar 5½-6-6½ (7-8) cm. Haldið nú áfram að auka út um 1 lykkju á hægri hlið í 4. hverri umferð og fækkið um 1 lykkju í vinstri hlið í annarri hverri umferð þar til stykkið mælist 15½-16½-17½ (18-19) cm frá uppfitjunarkanti. Setjið prjónamerki í hvora hlið á stykkinu.

Haldið áfram þannig: Fækkið um 1 lykkju í hægri hlið í 4. hverri umferð og aukið út um 1 lykkju í hvorri hlið í annarri hverri umferð þar til stykkið mælist 20-21-22 (22-22) cm. Fækkið um 1 lykkju í vinstri hlið í annarri hverri umferð og aukið út um 1 lykkju í hægri hlið í annarri hverri umferð þar til stykkið mælist 25½ -27-28½ (29-30) cm. Fækkið nú um 1 lykkju í hægri hlið í annarri hverri umferð og aukið út um 1 lykkju í vinstri hlið í annarri hverri umferð til loka = 31-33-35 (36-38) cm. Fellið af.

FRÁGANGUR:
Bakhlið á húfunni = sá hluti á stykkinu sem er með 2 heil horn og 2 hálf horn. Miðjuhornið af 3 heilu hornunum í gagnstæðri hlið á stykkinu sem liggur niður á enni. Saumið saman húfuna kant í kant með smáu spori þannig: Saumið saman að aftan með því að sauma fyrsta hálfa hornið saman við fyrri hluta af fyrsta heila horninu. Saumið nú hinn helminginn af fyrsta heila horninu saman við fyrsta helminginn af seinni hálfa horninu. Síðan er hinn helmingur heila hornsins saumaður saman með síðasta hálfa horninu. Að lokum er húfan saumið saman við miðju að aftan.

SNÚRA:
Fitjið upp 4 lykkjur á prjón nr 2,5 með Alpaca. Prjónið SNÚRUPRJÓN – sjá útskýringu að ofan. Fellið af þegar snúran mælist ca 16-18-20 (22-24) cm. Prjónið aðra snúru alveg eins. Saumið snúrurnar neðst í hvort horn í hvorri hlið.
--------------------------------------------------------

TREFILL:
Fitjið upp 4 lykkjur á prjón nr 2,5 með Alpaca og prjónið GARÐAPRJÓN – sjá útskýringu að ofan, jafnframt er aukið út í hvorri hlið þannig:
Hægri hlið: Prjónið 2 lykkjur í fyrstu lykkju.
Vinstri hlið: Prjónið 2 lykkjur í næst síðustu lykkju.
Aukið út í annarri hverri umf 10-11-12 (13-14) sinnum = 24-26-28 (30-32) lykkjur. Prjónið garðaprjón þar til stykkið mælist 8-9-10 (11-12) cm.
Næsta umferð er prjónuð þannig: * prjónið 1 lykkju slétt, setjið 1 lykkju á nælu (eða hjálparprjón) fyrir aftan stykkið *, endurtakið frá *-* út umferðina. Nú eru 12-13-14 (15-16) lykkjur á prjóni og 12-13-14 (15-16) lykkjur á nælu. Prjónið garðaprjón yfir lykkjur á prjóni í 4-4-4 (5-5) cm og setjið þær síðan á aðra nælu. Setjið lykkjur frá fyrri nælu á prjóninn og prjónið garðaprjón yfir þessar lykkjur að sömu lengd. Prjónið aftur saman bæði stykkin með því að prjóna til skiptis 1 lykkju frá prjóni og 1 lykkju frá nælu þar til allar lykkjur eru komnar aftur á prjóninn = 24-26-28 (30-32) lykkjur. Prjónið garðaprjón þar til stykkið mælist alls 40-42-46 (50-54) cm. Prjónið nú garðaprjón jafnframt sem lykkjum er fækkað í hvorri hlið með því að prjóna 2 næst ystu lykkjur slétt saman. Fækkið lykkjum í annarri hverri umferð þar til 4 lykkjur eru eftir á prjóni. Fellið þær af. Trefillinn mælist nú ca 44-47-51 (55-60) cm.
--------------------------------------------------------

VETTLINGAR:

GARÐAPRJÓN (prjónað í hring á sokkaprjóna):
* 1 umferð slétt, 1 umferð brugðið *, endurtakið frá *-*

--------------------------------------------------------

VETTLINGAR:
Þrjár stærstu stærðirnar eru prjónaðar með þumli, tvær minni stærðirnar eru án þumals.
Fitji upp 34-36-38 (40-42) lykkjur með Alpaca á sokkaprjóna nr 2,5. Skiptið lykkjum niður á prjónana. Prjónið 12 umferðir GARÐAPRJÓN – sjá útskýringu að ofan – jafnframt í síðustu umferð lykkjum fækkað jafnt yfir að 28-30-32 (34-36) lykkjum. Prjónið 3-3-3 (4-4) cm stroff (= 1 lykkja slétt, 1 lykkja brugðið). Haldið áfram með garðaprjón – í 1. umferð er aukið út jafnt yfir að 30-33-36 (39-42) lykkjum – setjið 1 prjónamerki – HÉÐAN ER NÚ MÆLT.

Þrjár stærstu stærðirnar: Þegar stykkið mælist 1 (2-3) cm eru síðustu 5 (5-6) lykkjur í umferð settar á þráð fyrir þumal. Fitjið upp 5 (5-6) nýjar lykkjur yfir þær í næstu umferð.

Allar stærðir: Þegar stykkið mælist 6-7-8 (9-10) cm er lykkjum fækkað í næstu umferð frá réttu þannig: * 1 lykkja slétt, 2 lykkjur slétt saman *, endurtakið frá *-* út umferðina = 20-22-24 (26-28) lykkjur. * Prjónið 1 umferð brugðið, prjónið síðan allar lykkjur saman 2 og 2 *, endurtakið frá *-* 1 sinni til viðbótar. Klippið frá og dragið þráðinn í gegnum þær lykkjur sem eftir eru, herðið að og festið vel.

ÞUMALL:
Setjið l af þræði aftur á sokkaprjóninn og prjónið upp 6 (6-7) lykkjur meðfram kanti yfir þær = 11 (11-13) lykkjur alls. Prjónið garðaprjón í 3 (4-5) cm, prjónið síðan lykkjur saman 2 og 2. Klippið frá, þræðið þráðinn í gegnum þær lykkjur sem eftir eru, herðið að og festið vel.

SNÚRA:
Fitjið upp 4 lykkjur á prjón nr 2,5 með Alpaca. Prjónið SNÚRUPRJÓN – sjá útskýringu að ofan. Prjónið þar til snúran passar við lengd barnsins frá úlnlið til úlnliðs = ca 62-67-74 (86-96) cm. Fellið af. Saumið snúruendana í hvorn vettling, andspænis þeirri hlið þar sem þumallinn er.

Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS Baby 14-16) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

signature-image signature

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

Hvert mynstur okkar hefur sérstök kennslumyndbönd til að hjálpa þér.

Þessi skref - fyrir - skref kennslumyndbönd gætu aðstoðað þig:

Við höfum einnig skref-fyrir-skref leiðbeiningar fyrir mismunandi aðferðir sem þú finnur hér.

Og mjög handhæga tæknilega orðabók!
1) Af hverju er prjón-/heklfesta svo mikilvæg?
2) Hvað er garnflokkur?
3) Get ég notað annað garn en sem stendur í mynstri?
4) Hvernig nota ég garnreiknivélina?
5) Af hverju fæ ég aðra prjónfestu með uppgefinni prjónastærð?
6) Af hverju er mynstrið unnið frá toppi og niður?
7) Af hverju eru ermar styttri í stærri stærðum?
8) Hvað er endurtekning?
9) Hvernig á að prjóna samkvæmt mynsturteikningu?
10) Hvernig á að hekla samkvæmt mynsturteikningu?
11) Hvernig á að lesa nokkrar mynsturteikningar samtímis í sömu umferð/hring
12) Af hverju byrjar stykkið á fleiri loftlykkjum en sem unnið er með?
13) Af hverju er aukið út á undan stroff kanti þegar stykkið er unnið ofan frá og niður?
14) Af hverju er slegið uppá prjóninn ásamt því að fella af?
15) Hvernig á að auka út/fella af í 3. og 4. hverri umferð?
16) Af hverju er mynstrið aðeins öðruvísi en sem ég sé á myndinni?
17) Hvernig get ég gert peysu í hring í stað fram- og til baka?
18) Get ég prjónað peysu fram og til baka í stað þess að prjóna í hring?
19) Af hverju gefið þið upp garn sem hætt er í framleiðslu í mynstrunum?
20) Hvernig breyti ég kvenmanns stærð á peysu yfir í karlmanns stærð?
21) Hvernig er hægt að koma í veg fyrir að trefjar losni frá loðnum flíkum?
22) Hvar á flíkinni er lengdin mæld?
23) Hvernig veit ég hversu margar dokkur ég þarf af garni?

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (155)

country flag Rixt wrote:

Hello I am relatively new to knitting, but already finished one of your beautiful baby sock patterns! Now I wanted to make something else for our baby, this hat with mittens, but looking at the wool I saw that you have the same amount of stitches in the gauge as with the socks I made, but almost the double amount of rows. (with the same needle size) How is that possible, somehow that does not make sense to me. Thank you very much for helping :)

23.01.2023 - 20:32

DROPS Design answered:

Dear Mrs Rixt, your socks might have been worked in stocking stitch, while the hat is here worked in garter stitch, so that you will get another number of rows (you need more rows in garter stitch than in stocking stitch for the same height), ie you need here 52 rows (26 ridges) in garter stitch to get 10 cm. Happy knitting!

24.01.2023 kl. 12:02

country flag Gillian wrote:

Can you advice pattern for Adult sizes please ?? As would like to make one for myself thanks Gillian

03.01.2023 - 08:59

DROPS Design answered:

Dear Gillian, sure you will find all our patterns for similar hats here including patterns for adult, children and baby. Happy knitting!

03.01.2023 kl. 09:44

country flag Larissa wrote:

Hallo! Ich stricke Schal für 6-monatiges Baby. Welche lange (ungefähr) hat der fertige Schal?

20.11.2022 - 12:54

DROPS Design answered:

Liebe Larissa, in die 2. Größe ist der Schal ca 47 cm lang. Viel Spaß beim stricken!

21.11.2022 kl. 09:15

country flag Larissa wrote:

Eine Frage, \r\nHabe ich richtig verstanden, nach dem falschen Knote man muß noch 42 cm stricken?

20.11.2022 - 11:08

DROPS Design answered:

Liebe Larissa, Sie stricken bis der Schal 40-42-46 (50-54) cm insgesamt misst (die Anleitung wird korrigiert). Viel Spaß beim stricken !

21.11.2022 kl. 09:11

country flag Annette Lassen wrote:

Der står tubestrik øverst på opskriften... skal man starte og slutte på alle pinde?? Synes ikke at billederne viser dette nemlig...

15.11.2022 - 10:08

DROPS Design answered:

Hej Annette, det tubestrikkede er kun til selve snoren under hagen. Se videoen nederst i opskriften hvordan man gør :)

16.11.2022 kl. 12:12

country flag Agnieszka wrote:

Błąd rękawiczki roz.2 6 oczek zamknąć anie 4 przed ściągaczem. 3 cm ściągacza a nie od dołu robótki

24.05.2022 - 18:58

DROPS Design answered:

Witaj Agnieszko, masz rację, dziękujemy za info. Wzór został już poprawiony i dodana została korekta. Pozdrawiamy!

25.05.2022 kl. 09:10

country flag Mette wrote:

Jeg vil kun strikke huen. Hvor meget garn skal der bruges til den?

28.03.2022 - 19:37

DROPS Design answered:

Hej Mette, jeg kan se at det ikke står med i opskriften, men du bør kunne klare dig med 1 nøgle i den mindste størrelse. Husk at det findes en video nederst i opskriften :)

30.03.2022 kl. 15:09

country flag Elin Hofvind wrote:

Hadde vært fint med et bilde av lua før montering så en ser st en har gjort rett eller feil.

20.02.2022 - 10:54

country flag Meike wrote:

Hi! Isn't there an error in the smallest size lengths for the English version? it's 5.5, 11, 15.5, 21, 25.5, and 31. that means the pieces are 5.5, 5.5, 4.5, 5.5, 4.5, and 5.5 cm long. But that means that the right part of the face becomes wider than the left part. Shouldn't it be 5.5, 5.5, 4.5, 4.5, 5.5, and 5.5? So the absolute lengths 5.5cm, then 11, then 15.5, then 20(!), and then 25.5 and 31? That way, the pieces with the slower in/decreases are the same size? Cheers!

09.11.2021 - 11:39

DROPS Design answered:

Dear Meike, you are right, it should be 20 cm instead of 21 cm - as in this lesson. Thanks for your feedback. Happy knitting!

09.11.2021 kl. 13:21

country flag Stephania wrote:

007 дивитись онлайн

03.10.2021 - 08:09

Skrifaðu athugasemd um DROPS Baby 14-16

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

© 1982-2023 DROPS Design A/S Öll réttindi áskilin. Þetta skjal ásamt öllum undirskjölum eru með höfundarétti.
Hvað máttu gera með mynstrin okkar? Þú mátt deila DROPS mynstrum á netinu, nota upprunalegu myndina af mynstrinu, efni, nafn og númer. En þér er EKKI HEIMILT að endurgera allt mynstrið stafrænt á nokkurn hátt.
Garnverslanir hafa heimild til að nota DROPS mynsturgagnagrunninn til þess að auka sölu á sínu garni. Prentaðu út hvaða mynstur sem þú vilt, eins mörg eintök og þú vilt. Einu kröfurnar sem við gerum er að ekki verði gerðar neinar breytingar eða viðaukar á upprunalega skjalinu sem prentað er út. Samkvæmt grunngildum DROPS eiga mynstrin að standa viðskiptavinum til boða endurgjaldlaust.
Útgefendur sem vilja birta mynstrin okkar í prentuðum bókum eða í tímaritum geta haft samband við okkur til frekari upplýsinga. Sala á flíkum/vörum gerðar eftir DROPS mynstrum er leyfileg svo lengi sem salan einskorðast við einn hlut eða eftir pöntun, önnur almenn sala en þessi er ekki leyfileg. Skýrt skal tekið fram að flíkin/varan sé framleidd eftir hönnun frá DROPS DESIGN. Skilmálar til að fá að nota merkingu á fatnaði/vörum þar sem hönnun DROPS DESIGN hefur verið notuð er að textinn á að vera "A DROPS DESIGN made by…". Notkun DROPS mynda til markaðssetningar/sölu er aðeins leyfð þegar einungis DROPS garn hefur verið notað. Ekki má klippa myndirnar eða breyta þeim og vörumerkið á að sjást mjög greinilega.
Við áskiljum okkur allan rétt til þess draga þetta leyfi til baka hvenær sem er, án þess að tilgreina ástæðu.