DROPS Melody
DROPS Melody
71% Alpakka, 25% Ull, 4% Polyamide
frá 1364.00 kr /50g
Þú færð garn sem þarf í að gera þetta mynstur frá 6820.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS SS24

Open Sky Cardigan

Prjónuð basic peysa úr DROPS Melody. Stykkið er prjónað neðan frá og upp í sléttprjóni með v-hálsmáli. Stærð XS - XXL.

Velja stærð:
DROPS 243-29
DROPS Design: Mynstur ml-098
Garnflokkur D
-------------------------------------------------------

STÆRÐ:
XS - S - M - L - XL - XXL

GARN:
DROPS MELODY frá Garnstudio (tilheyrir garnflokki D)
250-250-300-300-350-400 g litur 02, þoka

TÖLUR:
DROPS TALA NR 522: 4 stykki í allar stærðir.

PRJÓNAR:
DROPS HRINGPRJÓNN NR 7: lengd 80 cm.
DROPS HRINGPRJÓNN NR 5,5: lengd 80 cm.

PRJÓNFESTA:
13 lykkjur á breidd og 15 umferðir á hæð með sléttprjóni = 10 x 10 cm.
ATH: Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Melody
DROPS Melody
71% Alpakka, 25% Ull, 4% Polyamide
frá 1364.00 kr /50g
Þú færð garn sem þarf í að gera þetta mynstur frá 6820.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

HNAPPAGAT (neðan frá og upp):
Fellið af fyrir hnappagötum í hægri kanti að framan. 1 HNAPPAGAT = prjónið aðra og þriðju lykkju frá kanti slétt saman og sláið 1 sinni uppá prjóninn. Í næstu umferð er uppslátturinn prjónaður slétt, svo það myndist gat.
Fellið af fyrir hnappagötum þegar stykkið mælist:
XS: 4, 11, 19 og 27 cm.
S: 4, 11, 19 og 27 cm.
M: 4, 11, 19 og 27 cm.
L: 4, 12, 20 og 28 cm.
XL: 4, 12, 20 og 29 cm.
XXL: 4, 12, 21 og 30 cm.

ÚTAUKNING (á við um ermar):
Aukið út með því að slá 1 sinni uppá prjóninn innan við 1 kantlykkju, í næstu umferð er uppslátturinn prjónaður snúinn svo ekki myndist gat.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Peysan er prjónuð fram og til baka, neðan frá og upp, í stykkjum og saumuð saman í lokin.

BAKSTYKKI:
Fitjið upp 69-77-83-89-97-105 lykkjur á hringprjón 5,5 með DROPS Melody.
Prjónið 1 umferð brugðið frá röngu. Síðan er stroff prjónað þannig: 1 lykkja í GARÐAPRJÓN – lesið útskýringu að ofan, * 1 lykkja brugðið, 1 lykkja slétt *, prjónið frá *-* þar til 2 lykkjur eru eftir, prjónið 1 lykkju brugðið og 1 lykkju í garðaprjóni.
Haldið svona áfram með stroff þar til stykkið mælist 3 cm og næsta umferð er frá réttu.
Skiptið yfir á hringprjón 7. Prjónið 1 umferð slétt frá réttu þar sem fækkað er um 9-11-11-11-13-13 lykkjur jafnt yfir = 60-66-72-78-84-92 lykkjur. Prjónið síðan sléttprjón með 1 lykkju í garðaprjóni í hvorri hlið. ATHUGIÐ PRJÓNFESTUNA! Þegar stykkið mælist 50-52-54-56-58-60 cm, fellið af með sléttum lykkjum frá réttu.

VINSTRA FRAMSTYKKI:
Fitjið upp 40-44-46-50-54-58 lykkjur á hringprjón 5,5 með DROPS Melody.
Prjónið 1 umferð brugðið frá röngu. Síðan er prjónað stroff þannig: 1 lykkja garðaprjón, * 1 lykkja slétt, 1 lykkja brugðið *, prjónið frá *-* þar til 5 lykkjur eru eftir, prjónið 1 lykkju slétt og 4 lykkjur garðaprjón. Haldið svona áfram með stroff þar til stykkið mælist 3 cm og næsta umferð er frá réttu. Skiptið yfir á hringprjón 7. Prjónið síðan frá réttu þannig: 1 lykkja garðaprjón, prjónið sléttar lykkjur yfir næstu 35-39-41-45-49-53 lykkjur, JAFNFRAMT er fækkað um 5-6-5-6-7-7 lykkjur jafnt yfir þessar lykkjur, 4 lykkjur garðaprjón = 35-38-41-44-47-51 lykkjur.

Prjónið síðan með 4 lykkjur garðaprjón yfir kant að framan, sléttprjón og 1 lykkju í garðaprjóni í hlið þar til stykkið mælist 28-28-28-29-30-31 cm. Nú er lykkjum fækkað fyrir v-hálsmáli í næstu umferð frá réttu þannig: Prjónið 1 lykkju garðaprjón, sléttprjón þar til 6 lykkjur eru eftir, prjónið 2 lykkjur slétt saman (1 lykkja færri) og prjónið síðustu 4 lykkjur í garðaprjóni. Fækkið lykkjum svona í 4. hverri umferð alls 6-7-8-8-8-8 sinnum, síðan í annarri hverri umferð alls 3-2-1-2-2-2 sinnum = 26-29-32-34-37-41 lykkjur.
Þegar stykkið mælist ca 48-50-52-54-56-58 cm, fækkið um 3 lykkjur jafnt yfir í umferð (lykkjum er ekki fækkað yfir kant að framan) = 23-26-29-31-34-38 lykkjur. Prjónið 1 umferð brugðið frá röngu. Fellið af með sléttum lykkjum frá réttu.

HÆGRA FRAMSTYKKI:
Fitjið upp 40-44-46-50-54-58 lykkjur á hringprjón 5,5 með DROPS Melody.
Prjónið 1 umferð brugðið frá röngu. Síðan er prjónað stroff frá réttu og mitt að framan þannig: 4 lykkjur garðaprjón, * 1 lykkja slétt, 1 lykkja brugðið *, prjónið frá *-* þar til 2 lykkjur eru eftir, prjónið 1 lykkju slétt og 1 lykkju í garðaprjóni. Haldið svona áfram með stroff þar til stykkið mælist 3 cm og næsta umferð er frá réttu. Skiptið yfir á hringprjón 7. Prjónið síðan frá réttu þannig: 4 lykkjur garðaprjón, prjónið sléttar lykkjur yfir næstu 35-39-41-45-49-53 lykkjur, JAFNFRAMT er fækkað um 5-6-5-6-7-7 lykkjur jafnt yfir þessar lykkjur, 1 lykkja garðaprjón = 35-38-41-44-47-51 lykkjur.

Prjónið síðan með 1 lykkju í garðaprjóni í hlið, sléttprjón og 4 lykkjur í garðaprjóni yfir kant að framan. Þegar stykkið mælist 4 cm, fellið af fyrir HNAPPAGAT – lesið útskýringu að ofan. Prjónið áfram þar til stykkið mælist 28-28-28-29-30-31 cm. Nú er lykkjum fækkað fyrir v-hálsmáli í næstu umferð frá réttu þannig: Prjónið 4 lykkjur í garðaprjóni, lyftið 1 lykkju yfir á hægri prjón eins og prjóna eigi slétt, prjónið 1 lykkju slétt og steypið lyftu lykkjunni yfir lykkjuna sem var prjónuð (1 lykkja færri), prjónið sléttprjón þar til 1 lykkja er eftir og endið með 1 lykkju í garðaprjóni. Fækkið lykkjum svona í 4. hverri umferð alls 6-7-8-8-8-8 sinnum, síðan í annarri hverri umferð alls 3-2-1-2-2-2 sinnum = 26-29-32-34-37-41 lykkjur.
Þegar stykkið mælist ca 48-50-52-54-56-58 cm, fækkið um 3 lykkjur jafnt yfir í umferð (lykkjum er ekki fækkað yfir kant að framan) = 23-26-29-31-34-38 lykkjur. Prjónið 1 umferð brugðið frá röngu. Fellið af með sléttum lykkjum frá réttu.

ERMI:
Fitjið upp 58-60-64-68-72-76 lykkjur á hringprjón 5,5 með DROPS Melody.
Prjónið 1 umferð brugðið frá röngu. Prjónið síðan stroff þannig: 1 lykkja í garðaprjóni, * 1 lykkja slétt, 1 lykkja brugðið *, prjónið frá *-* þar til 1 lykkja er eftir, 1 lykkja í garðaprjóni. Haldið svona áfram með stroff þar til stykkið mælist 10 cm og næsta umferð er frá réttu.
Skiptið yfir á hringprjón 7. Prjónið 1 umferð slétt frá réttu þar sem fækkað er um 16-16-16-18-20-20 lykkjur jafnt yfir = 42-44-48-50-52-56 lykkjur. Síðan er prjónað sléttprjón með 1 lykkju í garðaprjóni í hvorri hlið. Þegar stykkið mælist 14-14-15-13-12-12 cm, aukið út um 1 lykkju innan við 1 lykkju í garðaprjóni í hvorri hlið – lesið ÚTAUKNING.
Endurtakið útaukningu með 7-7-8½-6½-6½-8 cm millibili alls 4-4-3-4-4-3 sinnum = 50-52-54-58-60-62 lykkjur.
Prjónið áfram þar til ermin mælist alls 47-47-46-44-43-41 cm. Fellið laust af með sléttum lykkjum frá réttu.
Prjónið hina ermina á sama hátt.

FRÁGANGUR:
Saumið axlasauma frá yst á öxl og inn að miðju (miðju 11-11-11-13-13-13 cm á bakstykki er hálsmál). Setjið 1 prjónamerki á framstykkin og bakstykkið 19-20-21-22-23-24 cm frá axlasaum og niður. Saumið ermar í á milli prjónamerkja á framstykki og bakstykki – miðja á ermi á að passa við axlasauminn. Saumið ermasauma og hliðarsauma í eitt – saumið í ystu lykkjubogana.
Saumið tölur í vinstra framstykki.

Mynstur

diagram measurements

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 243-29

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (9)

country flag Figray skrifaði:

Hello. On the front pieces the pattern says to purl a row from the wrong side, then work the first row of the rib. It then states continue the rib for 3cm , with the next row from the right side. After the first rib row I am unsure what you knit for the next row which is in the wrong side? Thank you for any advice you can give me.

13.05.2024 - 21:42

DROPS Design svaraði:

Hi Figray, You purl one row from the wrong side, then work rib back and forth for 3 cm. Finish the rib with a row from the wrong side so the piece is continued with the next row from the right side. Happy knitting!

14.05.2024 - 06:36

country flag Madeleine Ducharme skrifaði:

Avant on pouvait avoir les patrons en français pourquoi ce n’est plus possible? Dommage…

29.03.2024 - 19:13

DROPS Design svaraði:

Bonjour Mme Ducharme, c'est toujours possible: cliquez sur le menu déroulant à gauche de l'icône "imprimante" pour changer la langue et ainsi basculer les explications en français. Bon tricot!

03.04.2024 - 13:50

country flag Regine skrifaði:

Welche Größe trägt das Model? XS = 46 cm oder S = 51 cm selbst M = 55 cm kann es nicht sein. Schön wäre es wenn Sie das immer mit angeben würden. Danke.

12.03.2024 - 21:12

DROPS Design svaraði:

Liebe Regine, meistens tragen unsere Modelle S oder M; aber um Ihre Größe zu finden, messen Sie eine ähnliche Jacke die Sie gerne haben und vergleichen Sie mit der Maßskizze. Hier lesen Sie mehr. Viel Spaß beim Stricken!

13.03.2024 - 08:00

country flag Alex skrifaði:

Hi! Ale we supposed to add ribbing at the top end of the back? Or is it staying just raw with chain ending?

09.03.2024 - 08:12

DROPS Design svaraði:

Hi Alex, there is not ribbing at the top end of the back. Happy knitting!

11.03.2024 - 07:52

country flag FAYARD Hélène skrifaði:

TOUJOURS PAS D'ACCORD avec vos "conseils" échantillon ! Essayez quand il est trop large de prendre comme vous le dites "des aiguilles plus grosses" : votre échantillon sera ENCORE PLUS LARGE !!! il faut au contraie des aig.plus fines, c'est que vous tricotez lache !

02.03.2024 - 09:03

DROPS Design svaraði:

Bonjour Mme Fayard, si vous avez trop de mailles pour 10 cm, c'est que vos mailles sont trop petites, et qu'il vous faudra donc des aiguilles plus grosses pour les agrandir et atteindre le nombre de mailles pour 10 cm. Si par contre vous n'avez pas assez de mailles, c'est qu'elles sont trop grandes, il vous faut donc les "rétrécir" en utilisant des aiguilles plus fines. Retrouvez plus d'infos ici. Bon tricot!

04.03.2024 - 10:30

country flag Alex skrifaði:

How am I supposed to close 11 stitches equally while knitting the back? Do I close them on each side in every row? Do I just reduce one stitch every other row? I do not understand this part of the pattern and it is only the beginning :)

23.02.2024 - 11:09

DROPS Design svaraði:

Hi Alex, you have to decrease 11 stitches in one row. How to increase/decrease evenly you will find HERE. Happy knitting!

23.02.2024 - 12:07

country flag Simone skrifaði:

Hvordan færdiggør man bag halsen tilsidst? Tak for hjælpen

09.10.2023 - 13:43

DROPS Design svaraði:

Hej Simone, Det skal bare være en rå kant i glatstrik bag i nakken :)

17.10.2023 - 12:22

country flag Mebarki skrifaði:

Freedom

04.08.2023 - 23:05

country flag Annette Lersbryggen skrifaði:

Litt for vide ermer, ellers fin

03.08.2023 - 12:04