Spring Fairy by DROPS Design

Heklaður kjóll fyrir börn úr DROPS Safran. Stykkið er heklað ofan frá og niður með laskalínu og opnu sólfjaðramynstri. Stærð 0 mánaða – 4 ára.

  • Spring Fairy / DROPS Baby & Children 38-1 - Heklaður kjóll fyrir börn úr DROPS Safran. Stykkið er heklað ofan frá og niður með laskalínu og opnu sólfjaðramynstri. Stærð 0 mánaða – 4 ára.
  • Spring Fairy / DROPS Baby & Children 38-1 - Heklaður kjóll fyrir börn úr DROPS Safran. Stykkið er heklað ofan frá og niður með laskalínu og opnu sólfjaðramynstri. Stærð 0 mánaða – 4 ára.
  • Spring Fairy / DROPS Baby & Children 38-1 - Heklaður kjóll fyrir börn úr DROPS Safran. Stykkið er heklað ofan frá og niður með laskalínu og opnu sólfjaðramynstri. Stærð 0 mánaða – 4 ára.
  • Spring Fairy / DROPS Baby & Children 38-1 - Heklaður kjóll fyrir börn úr DROPS Safran. Stykkið er heklað ofan frá og niður með laskalínu og opnu sólfjaðramynstri. Stærð 0 mánaða – 4 ára.
  • Spring Fairy / DROPS Baby & Children 38-1 - Heklaður kjóll fyrir börn úr DROPS Safran. Stykkið er heklað ofan frá og niður með laskalínu og opnu sólfjaðramynstri. Stærð 0 mánaða – 4 ára.
DROPS Design: Mynstur e-080-bn
Garnflokkur A
-----------------------------------------------------------

Stærð: 0/6 - 6/12 - 12/18 mánaða (2 - 3/4) ára
Stærð í cm: 52/68 - 68/80 -80/86 (92 - 98/104)

EFNI:
DROPS SAFRAN frá Garnstudio (tilheyrir garnflokki A)
150-200-200 (200-250) g litur 17, hvítur

HEKLFESTA:
22 stuðlar á breidd og 8 áferðamynsturs umferðir á hæðina = 10 x 10 cm.

HEKLUNÁL:
DROPS HEKLUNÁL NR 3,5.
Nálarstærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari heklunál. Ef þú ert með of fáar lykkjur á 10 cm, skiptu yfir í fínni heklunál.

DROPS PERLUTALA, Blóm (hvít) NR 600: 3 stykki í allar stærðir.

-------------------------------------------------------
Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér
-------------------------------------------------------


100% Bómull
frá 308.00 kr /50g
DROPS Safran uni colour DROPS Safran uni colour 308.00 kr /50g
Gallery Spuni
Panta
needles Prjónar & Heklunálar Panta
Þú færð garn sem þarf í að gera þetta mynstur frá 924kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

HEKLLEIÐBEININGAR:
Í byrjun á hverri umferð með fastalykkjum, skiptið út fyrstu fastalykkju með 1 loftlykkju. Þegar heklað er í hring, endið umferð með 1 keðjulykkju í loftlykkju frá byrjun á umferð. Þegar heklað er fram og til baka, endið umferð með 1 fastalykkju í 3. loftlykkju frá byrjun á fyrri umferð með stuðlum.
Í byrjun á hverri umferð með stuðlum, skiptið út fyrsta stuðli með 3 loftlykkjur. Þegar heklað er í hring, endið umferð með 1 keðjulykkju í 3. loftlykkju frá byrjun á umferð.
Þegar heklað er fram og til baka, endið umferð með 1 stuðli í loftlykkju frá byrjun á fyrri umferð með fastalykkjum.

ÁFERÐAMYNSTURS UMFERÐ:
* 1 umferð fastalykkjur, 1 umferð stuðlar *, heklið frá *-* (1 umferð fastalykkjur + 1 umferð stuðlar = 1 áferðamynsturs umferð).

ÚTAUKNING-1:
Aukið út 1 fastalykkju/stuðul með því að hekla 2 fastalykkjur/stuðla í sömu lykkju.

ÚTAUKNING-2 (jafnt yfir):
Til þess að reikna út hvernig auka eigi jafnt út, teljið fjölda lykkja í umferð (t.d. 136 lykkjur) og deilið lykkjum með fjölda útaukninga sem á að gera (t.d. 57) = 2,4. Í þessu dæmi er aukið út í ca til skiptis í aðra hverja og 3. hverja lykkju.

MYNSTUR:
Sjá mynsturteikningu A.1 og A.2.

-------------------------------------------------------

BYRJIÐ Á STYKKI HÉR:

-------------------------------------------------------

KJÓLL - STUTT ÚTSKÝRING Á STYKKI:
Stykkið er heklað ofan frá og niður. Heklað er fram og til baka frá miðju að aftan þar til allt opið að aftan hefur verið heklað til loka, síðan er stykkið heklað áfram í hring.

BERUSTYKKI:
Heklið 94-99-104 (104-115) loftlykkjur (meðtalin 1 loftlykkja til að snúa við með) með heklunál 3,5 með Safran. Fyrsta umferð er hekluð þannig: 1 fastalykkja í 2. loftlykkju frá heklunálinni, * 1 fastalykkja í hverja og eina af 3 næstu loftlykkjum, hoppið yfir 1 loftlykkju *, endurtakið frá *-* þar til eftir eru 0-1-2 (2-1) loftlykkjur og endið með 1 fastalykkju í hverja og eina af 0-1-2 (2-1) síðustu loftlykkjum = 70-74-78 (78-86) fastalykkjur í umferð.
Setjið nú 4 prjónamerki í stykkið fyrir laskalínu þannig (byrjið mitt að aftan – ATH: Það er EKKI heklað þegar prjónamerkin eru sett í stykkið):
Hoppið yfir 10-11-12 (12-14) fastalykkjur (= hægra bakstykki þegar flíkin er mátuð), setjið 1 prjónamerki í næstu fastalykkju, hoppið yfir 13 fastalykkjur (= ermi), setjið 1 prjónamerki í næstu fastalykkju, hoppið yfir 20-22-24 (24-28) fastalykkjur (= framstykki), setjið 1 prjónamerki í næstu fastalykkju, hoppið yfir 13 fastalykkjur (= ermi) og setjið síðasta prjónamerki í næstu fastalykkju (nú eru 10-11-12 (12-14) fastalykkjur í vinstra bakstykki á eftir síðasta prjónamerki.
LESTU ALLAN KAFLANN ÁÐUR EN ÞÚ HEKLAR!
Lestu HEKLLEIÐBEININGAR og heklaðu næstu umferð frá réttu þannig:
Heklið 1 stuðul í hverja fastalykkju, en í hverja fastalykkju með prjónamerki í eru heklaðir 2 stuðlar + 2 loftlykkjur + 2 stuðlar = 82-86-90 (90-98) stuðlar í umferð.
Heklið síðan ÁFERÐAMYNSTURS UMFERÐ – sjá útskýringu að ofan (heklað er fram og til baka með 1 fastalykkju/stuðull í hverja lykkju frá fyrri umferð, en í hverja umferð með fastalykkju frá röngu eru heklaðar 2 loftlykkjur yfir 2 loftlykkjur frá fyrri umferð í laskalínu).
JAFNFRAMT í fyrstu umferð frá réttu (þ.e.a.s. í umferð með stuðlum) aukið út fyrir laskalínu þannig: Heklið 2 stuðla + 2 loftlykkjur + 2 stuðla um hvern loftlykkjuboga í hverri laskalínu (= 16 stuðlar fleiri í umferð).
Endurtakið útaukningu í hverri umferð frá réttu, alls 4-5-5 (6-6) sinnum = 146-166-170 (186-194) lykkjur í umferð. ATHUGIÐ HEKLFESTUNA!
Eftir síðustu útaukningu fyrir laskalínu er hekluð 1 umferð með fastalykkjum frá röngu eins og áður (með 2 loftlykkjur yfir 2 loftlykkjur frá fyrri umferð).

Næsta umferð er hekluð frá réttu þannig: Heklið 1 stuðul í hverja og eina af fyrstu 20-23-24 (26-28) fastalykkjum (= hægra bakstykki), hoppið yfir næstu 33-37-37 (41-41) fastalykkjur (= ermi), heklið 8-6-10 (10-10) LAUSAR loftlykkjur, heklið 1 stuðul í hverja og eina af næstu 40-46-48 (52-56) fastalykkjur (= framstykki), hoppið yfir næstu 33-37-37 (41-41) fastalykkjur (= ermi), heklið 8-6-10 (10-10) LAUSAR loftlykkjur og heklið 1 stuðul í hverja og eina af síðustu 20-23-24 (26-28) fastalykkjur (= vinstra bakstykki).
Berustykkið er nú tilbúið og stykkið er heklað í hring.

FRAM- OG BAKSTYKKI:
HÉÐAN ER NÚ STYKKIÐ MÆLT!
Byrjið mitt að aftan með réttuna út (byrjun á umferð = mitt að aftan) og heklið 1 umferð með fastalykkjum (heklið 1 fastalykkju í hverja stuðul frá fyrri umferð og 1 fastalykkju í hverja loftlykkju undir hvorri ermi – munið eftir HEKLLEIÐBEININGAR) = 96-104-116 (124-132) fastalykkjur í umferð. Heklið nú þannig:
UMFERÐ 1: Heklið 1 stuðul í hverja fastalykkju, en aukið út 6-4-4 (8-12) stuðla jafnt yfir – SJÁ ÚTAUKNING-1 og 2 = 102-108-120 (132-144) stuðlar.
UMFERÐ 2: Heklið 1 fastalykkju í hvern stuðul.
UMFERÐ 3: * 1 stuðull í fyrstu/næstu fastalykkju, 2 loftlykkjur, hoppið yfir 2 fastalykkjur *, endurtakið frá *-* umferðina hringinn = 34-36-40 (44-48) stuðlar með 2 loftlykkjur á milli hverra.
UMFERÐ 4: Heklið 1 fastalykkju í hvern stuðul og 3 fastalykkjur um hvern loftlykkjuboga = 136-144-160 (176-192) fastalykkjur.
UMFERÐ 5: Heklið fastalykkjur og aukið út 57-61-57 (53-49) fastalykkjur jafnt yfir = 193-205-217 (229-241) fastalykkjur.
Heklið síðan mynstur hringinn eins og útskýrt er í A.1, þ.e.a.s. heklið A.1A yfir fyrstu lykkjuna, heklið síðan 16-17-18 (19-20) mynstureiningar með A.1B.
Þegar umferð 1-5 hefur verið heklað einu sinni, endurtakið umferð 2-5 áfram þar til stykkið mælist ca 23-28-32 (37-43) cm frá öxl – ATH: Stillið af að endað sé eftir heila mynstureiningu á hæðina. Heklið síðan þannig:

Endurtakið nú umferð 2-5 í A.2A og A.2B alveg eins þar til heklaðar hafa verið 3 mynstureiningar á hæðina með A.2 (e.t.v. að óskaðri lengd). Klippið þráðinn frá og festið. Kjólinn mælist ca 35-40-44 (49-55) cm frá öxl og niður.

JÖFNUN Á HÁLSMÁLI:
Til að flíkin passi betur er hekluð smá upphækkun aftan í hnakka. Setjið 1 prjónamerki í lykkjur í hvert “horn” í hálsi, þ.e.a.s. í byrjun á hverri laskalínu og 1 prjónamerki mitt að framan.
Heklið með heklunál 3,5 með Safran þannig:
Byrjið mitt að aftan og heklið 1 fastalykkju í hverja lykkju þar til 1 lykkja er eftir á undan lykkju með prjónamerki í, heklið 1 hálfan stuðul í næstu lykkju, 1 stuðul í lykkju með prjónamerki í og 1 hálfan stuðul í næstu lykkju, heklið síðan 1 fastalykkju í hverja lykkju þar til 1 lykkja er eftir á undan næstu lykkju með prjónamerki í, 1 hálfur stuðull í næstu lykkju, 1 stuðul í lykkju með prjónamerki í og 1 hálfur stuðull í næstu lykkju, heklið síðan 1 fastalykkju í hverja lykkju þar til eftir eru 4-5-5 (5-5) lykkjur á undan prjónamerki mitt að framan. Snúið stykkinu og heklið 1 fastalykkju í hverja fastalykkju til baka mitt að aftan, en við hvert prjónamerki eru heklaðar 3 fastalykkjur saman, þ.e.a.s. heklið 1 fastalykkju í hálfan stuðul, en bíðið með að bregða þræðinum um heklunálina og að draga þráðinn í gegn í lokin, heklið 1 fastalykkju í stuðul með prjónamerki í, en bíðið með að bregða þræðinum um heklunálina og að draga þráðinn í gegn í lokin, heklið 1 fastalykkju í næsta hálfa stuðul, en nú á að draga síðasta uppsláttinn í gegnum allar 4 lykkjurnar á heklunálinni (= 2 fastalykkjur færri). Klippið þráðinn frá og endurtakið frá miðju að aftan að miðju að framan í hinni hliðinni.

TÖLUKANTUR AÐ AFTAN:
Heklið meðfram vinstra opið mitt að aftan þannig: Heklið 1 fastalykkju um hverja fastalykkju umferð og 2 fastalykkjur um hverja stuðla umferð. Heklið alls 4 umferðir með fastalykkjum fram og til baka, klippið þráðinn frá og festið.
Meðfram hægra opi mitt að aftan eru hekluð hnappagöt þannig (byrjið frá réttu við hálsmál): Heklið 3 fastalykkjur (1 fastalykkja í fastalykkju umferð og 2 fastalykkjur um stuðla umferð). 4 loftlykkjur (= 1 hnappagat), hoppið yfir ca 1 cm, heklið fastalykkjur til ca miðju á kanti að framan, 4 loftlykkjur, hoppið yfir ca 1 cm, heklið fastalykkjur þar til 1 cm er eftir í kanti að framan, 4 loftlykkjur og festið með 1 fastalykkju í síðustu lykkju. Klippið þráðinn frá og festið. Saumið tölur í tölukant í vinstri hlið.

PICOTKANTUR Í HÁLSMÁLI:
Heklið í kringum hálsmálið þannig: 1 fastalykkja í fyrstu lykkju, * 3 loftlykkjur, 1 stuðull í fyrstu loftlykkju sem var hekluð, hoppið yfir 2 lykkjur, 1 fastalykkja í næstu lykkju *, endurtakið frá *-* út umferðina, klippið þráðinn frá og festið.

SÓLFJAÐRAKANTUR Í KRINGUM ERMI:
Heklið í kringum op á ermum þannig: 1 fastalykkja í hverja og eina af 8-6-10 (10-10) lykkjum mitt undir ermi og 1 fastalykkju í hverja og eina af 33-37-37 (41-41) fastalykkjum yfir ermi = 41-43-47 (51-51) fastalykkjur í umferð. Heklið síðan þannig:
UMFERÐ 1: Heklið 1 stuðul í hverja fastalykkju, en aukið út 1-5-1 (0-0) stuðla jafnt yfir = 42-48-48 (51-51) stuðlar.
UMFERÐ 2: Heklið 1 fastalykkju í hvern stuðul.
UMFERÐ 3: * 1 stuðull í fyrstu/næstu fastalykkju, 2 loftlykkjur, hoppið yfir 2 fastalykkjur *, endurtakið frá *-* umferðina hringinn = 14-16-16 (17-17) stuðlar með 2 loftlykkjur á milli hverra.
UMFERÐ 4: Heklið 1 fastalykkju í hvern stuðul og 3 fastalykkjur um hvern loftlykkjuboga, en 7-3-3 (7-7) sinnum í umferð er einungis heklaðar 2 fastalykkjur um loftlykkjuboga = 49-61-61 (61-61) fastalykkjur.
Heklið síðan mynstur hringinn eftir mynsturteikningu A.1A og A.1B alveg eins og á fram- og bakstykki = 4-5-5 (5-5) sólfjaðrir í umferð. Þegar umferð 1-5 hefur verið heklað einu sinni, klippið þráðinn frá og festið.
Endurtakið í kringum hina ermina.

Mynstur

symbols = þessi umferð er útskýrð í uppskrift
symbols = umferðin byrjar með 1 loftlykkju og endar með 1 keðjulykkju í loftlykkju
symbols = fastalykkja í lykkju
symbols = fastalykkja efst í picot
symbols = fastalykkja um loftlykkju/lofltykkjuboga
symbols = loftlykkja
symbols = 1 picot: 3 loftlykkjur, 1 stuðull í fyrstu loftlykkju sem var hekluð
symbols = 1 picot: 4 loftlykkjur, 1 stuðull í fyrstu loftlykkju sem var hekluð
symbols = 1 stuðull um loftlykkjuboga
symbols = 1 stuðull í lykkju frá fyrri umferð
symbols = umferðin byrjar með 3 loftlykkjur og endar með 1 keðjulykkju í 3. loftlykkju
symbols = fastalykkjan er hekluð í þennan stuðul
diagram
diagram
signature

Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS Baby & Children 38-1) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (9)

country flag Cecilis 17.08.2021 - 10:31:

När jag avslutat diagram A1 och ska börja på A2 borde varv 5 i A1 motsvara varv 1 i A2 men det gör det inte. Fattas det en fm i början eller ska mönstret förskjutas på något sätt?

user icon DROPS Design 18.08.2021 kl. 14:34:

Hei Cecilis. Litt usikker om jeg skjønner spørsmålet ditt, men du avslutter 5. omgang i A.1B slik du har gjort tidligere (avsluttes med 1 kjedemaske i luftmasken på begynnelsen av omgangen, 5.rad i A.1A). Når du nå skal hekle etter A.2 A og B, starter du med 1 luftmaske (A.2A) og fortsetter med A.2B. mvh DROPS deisgn

country flag Susan England 29.06.2021 - 19:23:

Sorry for not giving enough information I am doing A1. _A1B and I cannot understand row 5 of this graph. Do I double crochet into each stitch?

user icon DROPS Design 30.06.2021 kl. 07:32:

Dear Mrs England, work row 5 as follows: 1 chain (A.1A), 1 dc in the dc below (the one worked around the ch-space on row 4), 1 picot, skip 1 treble, 1 dc in next treble, 1 picot, skip 2 trebles, 1 dc in next treble, 1 picot, skip 1 treble, 1 dc in next treble, 1 picot (= A.1B), 1 dc around next ch-space, 1 picot, skip 1 treble, 1 dc in next treble, 1 picot, skip 2 trebles, 1 dc ain next treble, 1 picot, skip 1 tr, 1 dc in next treble, 1 picot (= next A.1B), end round with 1 sl st in the first chain (A.1A) at the beg of the round. Hope this will help, happy crocheting!

country flag Susan England 28.06.2021 - 17:46:

I am unclear how to proceed with row A5 row do I do a double crochet in every 2 or 3 round the last row (A4)?

user icon DROPS Design 29.06.2021 kl. 08:54:

Dear Mrs England, could you please give us more info here? This pattern is using 2 diagrams called A.1A-A.1B and A.2A-A.2B but no A.4 nor A.5. Maybe you are working on another pattern? Thanks for your comprehension!

country flag Manoa 15.06.2021 - 22:46:

C'est très clair, merci de ces explications !

country flag Manoa 14.06.2021 - 22:23:

Bonjour, Je débute le diagramme A1B, et bloque sur la troisième ligne : deux mailles serrées dans le haut du picot puis une maille serrée. Je suis perdue et ne comprends pas à quel endroit réaliser la maille serrée avant de reprendre les mailles serrées dans le haut du picot... Pourriez-vous m'aider, svp ? Merci beaucoup, bonne journée.

user icon DROPS Design 15.06.2021 kl. 08:16:

Bonjour Manoa, A.1B va se crocheter ainsi au 2ème rang (= 3ème ligne): (en commençant par les 3 mailles en l'air de A.1A): *3 mailles en l'air, sautez 1 picot + 1 ms du rang précédent, 1 ms dans le haut du picot du rang précédent (= dans la 2ème des 3 ml), 5 ml, sautez 1 ms, 1 ms dans le haut du picot suivant, 5 ml, sautez 1 ms+ 1 picot, 1 ms dans la ms suivante*, répétez de *-* (= tous les arceaux font 5 ml). Bon crochet!

country flag Manoa 06.06.2021 - 23:05:

Bonjour, J'ai fait 4 augmentations en rangs texturés, et je pense avoir scrupuleusement respectées consignes, mais j'obtiens un carré, avec un angle presque droit à chacun des 4 "coins d'augmentation raglan : pourriez-vous me préciser si c'est normal, svp ? Merci beaucoup. Bonne journée.

user icon DROPS Design 07.06.2021 kl. 08:02:

Bonjour Manoa, tout à fait, ces 4 angles correspondent chacun à une des lignes du raglan - cette vidéo pourra vous aider à visualiser. Bon crochet!

country flag Masson Laurence 09.05.2021 - 22:50:

Je vais essayer, alors. Merci beaucoup !

country flag Manoa 08.05.2021 - 21:22:

Bonjour, ce modèle me plaît beaucoup. Est-il possible de le réaliser avec un niveau basique en crochet, svp ? Merci beaucoup. Bonne journée.

user icon DROPS Design 09.05.2021 kl. 22:10:

Bonjour Manoa, ma copine qui est debutante a fait cette robe pour la bapteme :) Chacun de nos modèles a des tutoriels vidéo spécifiques pour vous aider. Si vous avez des questions au cours de travail, n'hesitez pas a nous demander. Bonne chance!

country flag Mona 30.04.2021 - 13:26:

Ik probeer het telpatroon te ontcijferen samen met de geschreven tekst, maar ik zie totaal geen gelijkenissen. Ik snap niet goed hoe dit telpatroon moet ontleed worden. Bij A.1A en A.1B staat in het midden een lijn tussen, waarom? En dan heb je nog A.2A en A.2B. volgen deze op de A1 en A1B? Ik zie dit echt nergens duidelijk in de tekst staan en geraak er niet mee weg. Dit is zo een ingewikkeld patroon!!

user icon DROPS Design 04.05.2021 kl. 20:23:

Dag Mona,

De telpatronen staan niet in de tekst beschreven. Als je bij de paragraaf over het lijf bent haak je eerst toer 1 tot en met toer 5 zoals beschreven in de tekst. Daarna Brei je telpatroon A.1 Je breit eerst A.1a. Daarna herhaal je steeds A.1b de streep laat zien waar de herhaling begint/eindigt, dus wat links van de streep van A.1 b staat is het zelfde als A.1b. Wanneer je A.1 b in de hoogte hebt gehaakt (je leest het telpatroon van onder naar boven) dan haak je A.2 in de hoogte zoals aangegeven in de tekst.

Skrifaðu athugasemd um DROPS Baby & Children 38-1

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.