Hvernig á að gera þæfð handskjól

Í þessu DROPS myndbandi sýnum við hvernig hægt er að gera einföld þæfð handskjól úr DROPS Polaris. Við höfum notað 3 dokkur af litnum rauður (08) og 1 dokku af litnum milligrár (04). Fitjið upp 32 lykkjur á prjóna nr 12. Prjónið þar til stykkið mælist 45 cm, fellið af. Klippið frá en látið þráðinn vera nægilega langan fyrir frágang. Prjónið með fingrunum 180 cm langan rauðan þráð með tveimur fingrum. Klippið upp þræði ca 12 cm (bæði með rauðum og milligráum lit). Notið heklunál til þess að festa þá niður á alla bakhliðina. Saumið saman skammhliðar og saumið niður langa þráðinn í hvorri hlið. Snúið stykkinu út og setjið stykkið í þvottavél með þvottaefni án enzyma og bleikiefna saman með litlu frotte handklæði ca 50 x 70 cm.
Þvoið við 40 gráður með venjulegri vindingu án forþvottar ATH: Ekki nota stutt þvottakerfi.
Eftir þvott er stykkið formað til á meðan það er enn vott.
EFTIR ÞÆFINGU:
Ef stykkið hefur þæfst of lítið og er of stórt: Þvoðu stykkið einu sinni enn í þvottavél á meðan það er enn vott.
Ef stykkið hefur þæfst of mikið og er of lítið: Togið stykkið út í rétta stærð á meðan það er enn vott, ef stykkið er of þurrt, bleytið það fyrst.
Munið: Síðar er stykkið þvegið eins og venjuleg ullarflík.