Colour Wheel Carpet by DROPS Design

Prjónuð motta úr 3 þráðum DROPS Paris. Stykkið er prjónað með röndum, garðaprjóni og snúningum.

Leitarorð: marglitt, rendur, teppi,
DROPS Design: Mynstur w-058-bn
Garnflokkur C + C + C
-----------------------------------------------------------

STÆRÐ:
Ca 100-125 cm að þvermáli.

EFNI:
DROPS PARIS frá Garnstudio (tilheyrir garnflokki C)
150-200 g litur 09, kóngablár
150-200 g litur 10, turkos
150-200 g litur 21, mintugrænn
150-200 g litur 11, ópalgrænn
150-200 g litur 39, wasabi
150-200 g litur 19, ljós gulur
150-200 g litur 14, fífill
150-200 g litur 13, appelsínugulur
150-200 g litur 12, rauður
150-200 g litur 58, púðurbleikur
150-200 g litur 05, ljós fjólublár

Ef óskað er eftir að hafa stykkið í einum lit þá þarf: 1450-1800 g Paris.

PRJÓNFESTA:
11 lykkjur á breidd og 22 umferðir á hæð með garðaprjóni og 3 þráðum Paris = 10 x 10 cm.

PRJÓNAR:
DROPS HRINGPRJÓNAR NR 7: lengd 60 cm eða 80 cm.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir á grófari prjóna. Ef þú ert með of fáar lykkjur á 10 cm, skiptu yfir á fínni prjóna.

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!


100% Bómull
frá 352.00 kr /50g
DROPS Paris uni colour DROPS Paris uni colour 396.00 kr /50g
Gallery Spuni
Panta
DROPS Paris recycled denim DROPS Paris recycled denim 352.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 10208kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

LEIÐBEININGAR:
Þegar prjónaðar eru 2 lykkjur slétt saman í snúningum, passið að prjóna ekki of laust.

RENDUR:
Allar mynstureiningar með snúningum eru prjónaðar með þremur þráðum í sama lit í eftirfarandi röndum:
Mynstureining 1: 3 þræðir með kóngablár
Mynstureining 2: 3 þræðir með turkos
Mynstureining 3: 3 þræðir með mintugrænn
Mynstureining 4: 3 þræðir með ópalgrænn
Mynstureining 5: 3 þræðir með wasabi
Mynstureining 6: 3 þræðir með ljós gulur
Mynstureining 7: 3 þræðir með fífill
Mynstureining 8: 3 þræðir með appelsínugulur
Mynstureining 9: 3 þræðir með rauður
Mynstureining 10: 3 þræðir með púðurbleikur
Mynstureining 11: 3 þræðir með ljós fjólublár

-------------------------------------------------------

BYRJIÐ Á STYKKI HÉR:

-------------------------------------------------------

MOTTA – STUTT ÚTSKÝRING Á STYKKI:
Stykkið er prjónað fram og til baka á hringprjón. Prjónaðar er garðaprjón og snúningar í röndum og gatamynstur er prjónað á milli hverra eininga.

MOTTA 100 CM:
Fitjið upp 55 lykkjur á hringprjón 7 með 3 þráðum kóngablár. Prjónið GARÐAPRJÓN og RENDUR – sjá útskýringu að ofan, JAFNFRAMT eru prjónaðir snúningar (1. umferð = rétta): Prjónið þar til 3 lykkjur eru eftir, 2 lykkjur slétt saman – sjá LEIÐBEININGAR, snúið og prjónið til baka. Prjónið þar til 4 lykkjur eru eftir, 2 lykkjur slétt saman, snúið og prjónið til baka, prjónið þar til 5 lykkjur eru eftir, 2 lykkjur slétt saman, snúið og prjónið til baka, prjónið þar til 6 lykkjur eru eftir, 2 lykkjur slétt saman, snúið og prjónið til baka. ATHUGIÐ PRJÓNFESTUNA! Haldið svona áfram þar til prjónaðar hafa verið 52 umferðir garðaprjón og prjónað hefur verið yfir 1 lykkju færri í hverjum snúning.
Nú eru eftir 2 lykkjur á prjóni. Næsta umferð er prjónuð yfir allar lykkjur þannig: 2 lykkjur garðaprjón, * 1 lykkja garðaprjón (lykkjan sem áður var prjónuð 2 slétt saman), sláið 1 sinni uppá prjóninn *, endurtakið frá *-* þar til 1 lykkja er eftir, endið með 1 lykkju garðaprjón. Snúið og prjónið til baka. ATH! Uppslátturinn er ekki prjónaður snúinn í þessari umferð, það eiga að myndast göt.
Nú hefur fyrsta mynstureining á mottunni verði prjónuð.
Haldið áfram með snúninga og næstu rönd fyrir hverja mynstureiningu þar til prjónaðar hafa verið alls 11 einingar með snúningum. ATH! Ef mottan liggur ekki flöt er hægt að halda áfram með eina einingu til viðbótar (veldu lit sem þér finnst passa best). Fellið af.

FRÁGANGUR:
Saumið með einum þræði í gegnum allar kantlykkjurnar í miðju og dragið saman, festið endann vel. Saumið saman uppfitjunarkant og affellingarkant.

MOTTA 125 CM:
Fitjið upp 69 lykkjur á hringprjón 7 með 3 þráðum kóngablár. Prjónið GARÐAPRJÓN og RENDUR – sjá útskýringu að ofan, JAFNFRAMT eru prjónaðir snúningar (1. umferð = rétta): Prjónið þar til 3 lykkjur eru eftir, 2 lykkjur slétt saman – sjá LEIÐBEININGAR, snúið og prjónið til baka. Prjónið þar til 4 lykkjur eru eftir, 2 lykkjur slétt saman, snúið og prjónið til baka, prjónið þar til 5 lykkjur eru eftir, 2 lykkjur slétt saman, snúið og prjónið til baka, prjónið þar til 6 lykkjur eru eftir, 2 lykkjur slétt saman, snúið og prjónið til baka. ATHUGIÐ PRJÓNFESTUNA! Haldið svona áfram þar til prjónaðar hafa verið 66 umferðir garðaprjón og prjónað hefur verið yfir 1 lykkju færri í hverjum snúning.
Nú eru eftir 2 lykkjur á prjóni. Næsta umferð er prjónuð yfir allar lykkjur þannig: 2 lykkjur garðaprjón, * 1 lykkja garðaprjón (lykkjan sem áður var prjónuð 2 slétt saman), sláið 1 sinni uppá prjóninn *, endurtakið frá *-* þar til 1 lykkja er eftir, endið með 1 lykkju garðaprjón. Snúið og prjónið til baka. ATH! Uppslátturinn er ekki prjónaður snúinn í þessari umferð, það eiga að myndast göt.
Nú hefur fyrsta mynstureining á mottunni verði prjónuð.
Haldið áfram með snúninga og næstu rönd fyrir hverja mynstureiningu þar til prjónaðar hafa verið alls 11 einingar með snúningum. ATH! Ef mottan liggur ekki flöt er hægt að halda áfram með eina einingu til viðbótar (veldu lit sem þér finnst passa best). Fellið af.

FRÁGANGUR:
Saumið með einum þræði í gegnum allar kantlykkjurnar í miðju og dragið saman, festið endann vel. Saumið saman uppfitjunarkant og affellingarkant.

Vantar þig hjálp með þetta mynstur?

Takk fyrir að velja DROPS Design mynstur. Við erum stolt af því að bjóða mynstur sem eru rétt og auðveld að skilja. Öll mynstrin eru þýdd frá Norsku og þú getur alltaf skoðað upprunalega mynstrið (DROPS Children 35-5) til viðmiðunar og útreikninga.

Áttu erfitt með að fylgja mynstri? Sjá hér að neðan til að fá lista yfir úrræði til að hjálpa þér að klára verkefnið á skömmum tíma - eða af hverju ekki, læra eitthvað nýtt.

1) Af hverju er prjón-/heklfesta svo mikilvæg?

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

efst

2) Hvað er garnflokkur?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

efst

3) Get ég notað annað garn en sem stendur í mynstri?

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

efst

4) Hvernig nota ég garnreiknivélina?

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

efst

5) Af hverju fæ ég aðra prjónfestu með uppgefinni prjónastærð?

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

efst

6) Af hverju er mynstrið unnið frá toppi og niður?

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

efst

7) Af hverju eru ermar styttri í stærri stærðum?

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

efst

8) Hvað er endurtekning?

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

efst

9) Hvernig á að prjóna samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

efst

10) Hvernig á að hekla samkvæmt mynsturteikningu?

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

efst

11) Hvernig á að lesa nokkrar mynsturteikningar samtímis í sömu umferð/hring

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

efst

12) Af hverju byrjar stykkið á fleiri loftlykkjum en sem unnið er með?

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

efst

13) Af hverju er aukið út á undan stroff kanti þegar stykkið er unnið ofan frá og niður?

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

efst

14) Af hverju er slegið uppá prjóninn ásamt því að fella af?

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

efst

15) Hvernig á að auka út/fella af í 3. og 4. hverri umferð?

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

efst

16) Af hverju er mynstrið aðeins öðruvísi en sem ég sé á myndinni?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

efst

17) Hvernig get ég gert peysu í hring í stað fram- og til baka?

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

efst

18) Get ég prjónað peysu fram og til baka í stað þess að prjóna í hring?

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

efst

19) Af hverju gefið þið upp garn sem hætt er í framleiðslu í mynstrunum?

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

efst

20) Hvernig breyti ég kvenmanns stærð á peysu yfir í karlmanns stærð?

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

efst

21) Hvernig er hægt að koma í veg fyrir að trefjar losni frá loðnum flíkum?

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

efst

22) Hvar á flíkinni er lengdin mæld?

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

efst

23) Hvernig veit ég hversu margar dokkur ég þarf af garni?

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

efst

Hefur þú keypt DROPS garn til að gera til þetta mynstur? Þá átt þú rétt á að fá hjálp frá versluninni þar sem þú keyptir garnið. Finna lista yfir DROPS verlsanir hér!
Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga. Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Athugasemdir / Spurningar (8)

Rikke Lise Olsen 20.10.2019 - 09:22:

Er det rigtig forstået at vendingerne kun er på hver 2. pind??? Når der er to masker tilbage på pinden og det er tid til at lave omslag, de masker der skal strikkes ret, er det masker som er strikkede op i den maske hvor der tidligere er strikket to sammen??? Til sidst vil der være samme antal masker som man startede med ved den første og så gør man det på ny???

DROPS Design 21.10.2019 kl. 11:32:

Hei Rikke. Ja, det stemmer. Og når du har strikket alle vendingene på en rapport, bytter du farger. God Fornøyelse!

Merete W 17.09.2019 - 08:35:

Det går da helt galt idag, jeg er vist ikke vågen endnu: det ser ud til at være en fin model, hvor stor er den ca i diameter? Og man kan vel bruge 2 tæpper til en puf?

Merete W 17.09.2019 - 08:32:

Har vist skrevet uden at tjekke før jeg sendte. Der skulle jo stå “ hvor stort er tæppet i diameter ca” og ikke noget om nogle tæppevirksomheder😂😂 Hilsen Merete

Merete W 17.09.2019 - 08:29:

Det ser ud til at være en fin modelvirksomhed stor er diameteren på tæppet ca? Man kan vel bruge 2 tæpper til en puf? Tror i ikke?

Micheline Lavoie 11.09.2019 - 23:43:

Combien de mailles pour le coussin? J'aime beaucoup tous vos jolis patrons.

DROPS Design 12.09.2019 kl. 08:55:

Bonjour Mme Lavoie et merci, vous trouverez les explications du coussin ici. Bon tricot!

Christina Kistrup 29.07.2019 - 12:40:

Jeg er lidt i tvivle om jeg strikker hver rapport for sig og til sidst syger sammen. Når opskriften nævner striber, er det fordi man strikker alle rapporterne sammen og skifter farver og det vendinger og indtagningen er for hver rapport. Er der en video på tæppet?på forhånd tak😉🌞

DROPS Design 31.07.2019 kl. 14:35:

Hei Christina. Hele teppet strikkes i 1 stykke. Etter 1 rapport bytter du farge og begynner på ny rapport. Du syr sammen opplegg- og avfellingskanten til slutt. God fornøyelse

Maryse LE FLOCH 08.07.2019 - 11:28:

Merci pour votre réponse rapide mais désolé vous ne me confirmé pas que je peux faire ce tapis avec des aiguilles normales. je n'ai jamais tricoté avec des aiguilles circulaires, je suis plutôt à l'ancienne moi donc merci de me confirmer que je peux faire ce modèle avec des aiguilles n° 7 merci

DROPS Design 08.07.2019 kl. 14:40:

Bonjour Mme Le Floch, comme indiqué dans la réponse précédente, on utilise les aiguilles circulaires dans ce modèle pour tricoter en allers et retours et pas pour tricoter en rond, on peut donc tout à fait utiliser une aiguille circulaire. Vous trouverez ici plus d'infos sur les aiguilles circulaires. Bon tricot!

Maryse Le Floch 06.07.2019 - 20:16:

Peux-t-on faire ce tapis avec des aiguilles droites ? svp , merci de votre réponse

DROPS Design 08.07.2019 kl. 09:16:

Bonjour Mme Le Floch, tout à fait, le tapis se tricote en allers et retours, on utilise des aiguilles circulaires pour avoir suffisamment de place pour y loger toutes les mailles. Bon tricot!

Skrifaðu athugasemd um DROPS Children 35-5

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.