Bunny Ears Slippers |
|||||||
|
|
||||||
Heklaðar tátiljur / kanínutátiljur fyrir börn og dömur í 2 þráðum DROPS Fabel og 1 þræði DROPS Kid-Silk. Stykkið er heklað frá hæl að tá, eyru eru hekluð og nef og augu saumuð út. Stærð 24 - 43. Þema: Páskar.
DROPS 238-39 |
|||||||
------------------------------------------------------- UPPLÝSINGAR FYRIR MYNSTUR: ------------------------------------------------------- LOFTLYKKJA: Ef þú heklar yst á heklunálinni þá kemur loftlykkjan oft til með að verða of stíf. 1 loftlykkja á að vera álíka löng og breiddin á 1 fastalykkju. HEKLLEIÐBEININGAR: Allar umferðir byrja með 1 loftlykkju, þessi loftlykkja kemur ekki í stað fyrstu fastalykkju, heldur kemur sem viðbót. ÚRTAKA-1 (á við um tá): Það er hekluð 1 fastalykkja í hverja fastalykkju fram þar til 1 lykkja er eftir á undan lykkju með prjónamerki í: * Stingið inn heklunálinni í næstu lykkju, bregðið þræðinum 1 sinni um heklunálina og dragið uppsláttinn í gegnum lykkjuna *, heklið frá *-* alls 3 sinnum, það eru 4 lykkjur á heklunálinni, bregðið þræðinum 1 sinni um heklunálina og dragið uppsláttinn í gegnum allar 4 lykkjurnar á heklunálinni. Það hefur fækkað um 2 fastalykkjur. Endurtakið við hitt prjónamerkið. Það hefur fækkað um 4 lykkjur í umferð. Látið prjónamerkin fylgja með í stykkinu mitt í úrtöku þannig að auðvelt er að sjá hvar fækka á lykkjum í næsta skipti. ÚTAUKNING: Aukið út með því að hekla 2 fastalykkjur í sömu lykkju. ÚRTAKA-2: * Stingið heklunálinni inn í næstu lykkju, bregðið þræðinum 1 sinni um heklunálina og dragið uppsláttinn í gegnum lykkjuna *, heklið frá *-* einu sinni til viðbótar, það eru 3 lykkjur á heklunálinni, bregðið þræðinum 1 sinni um heklunálina og dragið uppsláttinn í gegnum allar 3 lykkjurnar. Það hefur fækkað um 1 fastalykkju. ------------------------------------------------------- BYRJIÐ Á STYKKI HÉR: ------------------------------------------------------- TÁTILJUR - STUTT ÚTSKÝRING Á STYKKI: Tátiljurnar eru heklaðar fram og til baka frá hæl, síðan eru lykkjur fitjaðar upp mitt ofan á fæti og táin er hekluð í hring að loknu máli. Hællinn er saumaður saman mitt að aftan og táin saumuð saman. Lykkjur eru heklaðar upp fyrir eyru mitt á fæti, að lokum eru saumuð út augu og nef. HÆLL: Notið heklunál 3,5 og 2 þræði DROPS Fabel og 1 þráð DROPS Kid-Silk (3 þræðir sem haldið er saman). Heklið 17-19-21-23 (23-25-27) loftlykkjur. Lesið LOFTLYKKJA og HEKLLEIÐBEININGAR í útskýringu að ofan. Heklið 1 fastalykkju í 2. loftlykkju frá heklunálinni, heklið 1 fastalykkju í hverja loftlykkju út umferðina. Það eru 16-18-20-22 (22-24-26) fastalykkjur í umferð. Heklið 1 fastalykkju í hverja af fyrstu 7-8-10-11 (11-12-13) lykkjum, heklið 2 fastalykkjur í hvora af næstu 2 fastalykkjum (2 fastalykkjur fleiri), heklið 1 fastalykkju í hverja fastalykkju út umferðina = 18-20-22-24 (24-26-28) fastalykkjur. Heklið 1 fastalykkju í hverja fastalykkju þar til stykkið mælist 9-10-10½-12 (13-13-13) cm – nú eru eftir ca 6-7-7½-8 (9-11-13) cm að loka máli. ATHUGIÐ HEKLFESTUNA! Í lok síðustu umferðar eru heklaðar 8-8-8-8 (10-12-14) loftlykkjur (mitt ofan á fæti), ekki snúa stykkinu, brjótið stykkið þannig að hægt sé að hekla beint áfram í fyrstu fastalykkju frá hinni hliðinni á stykkinu. FÓTUR: Nú á að hekla stykkið í hring án þess að enda umferðina, þ.e.a.s. á eftir síðustu lykkju er heklað beint áfram í fyrstu lykkju. Í fyrstu umferð er hekluð 1 fastalykkja í hverja fastalykkju og 1 fastalykkja í hverja loftlykkju = 26-28-30-32 (34-38-42) fastalykkjur. Síðan er hekluð 1 fastalykkja í hverja fastalykkju umferðina hringinn. Heklið þar til stykkið mælist ca 3-4-4½-5 (6-7½-9½) cm frá þar sem stykkið var sett saman, það eru ca 3-3-3-3 (3-3½-3½) cm eftir að loka máli, mátið e.t.v. tátiljuna og heklið að óskaðri lengd fyrir tá. TÁ: Leggið stykkið flatt þannig að það eru 8-8-8-8 (10-12-14) loftlykkjur ofan á fæti sem liggja mitt í stykki, setjið 1 prjónamerki í lykkju í hvorri hlið á tátiljunni, þannig að það séu jafnmargar lykkjur ofan á fæti og undir fæti = 12-13-14-15 (16-18-20) lykkjur á milli lykkja með prjónamerki í. Nú eru heklaðar fastalykkjur eins og áður jafnframt því sem lykkjum er fækkað í hvorri hlið – sjá ÚRTAKA og fækkið lykkjum við hvort prjónamerki í annarri hverri umferð alls 2-2-2-2 (2-2-2) sinnum, síðan í hverri umferð alls 2-2-2-2 (2-3-3) sinnum = 10-12-14-16 (18-18-22) fastalykkjur eftir. Tátiljan mælist ca 15-17-18-20 (22-24-26) cm frá hæl að tá. FRÁGANGUR: Brjótið stykkið saman tvöfalt þannig að prjónamerkin eru hvoru megin við tá. Saumið tánna saman, þ.e.a.s. lykkjur frá efri hlið saman með lykkjum frá neðri hlið – saumið í ystu lykkjubogana svo að saumurinn sjáist sem minnst. Brjótið tátiljuna saman tvöfalda mitt að aftan á hæl og saumið saman í ystu lykkjubogana. EYRU: Það eru hekluð 2 eyru í 8-8-8-8 (10-12-14) loftlykkjur sem heklaðar voru mitt á tátilju. FYRRA EYRA: Byrjið frá réttu og heklið þannig: Festið þráðinn með 1 keðjulykkju í fyrstu loftlykkju, heklið síðan 1 fastalykkju í sömu loftlykkju, heklið 2-2-2-2 (2-1-1) fastalykkjur í næstu loftlykkju, heklið 1 fastalykkju í hverja af næstu 1-1-1-1 (2-3-4) loftlykkjur og heklið 1 loftlykkju (í hlið á eyra), það eru eftir 5-5-5-5 (6-7-8) loftlykkjur í umferð, það á ekki að hekla núna í þessar. Snúið stykkinu þannig að það sé hægt að hekla í 4-4-4-4 (5-5-6) lykkjur sem var verið að hekla. Heklið 1 fastalykkju í aftari lykkjubogann í hverja af 4-4-4-4 (5-5-6) fastalykkjur og heklið 1 loftlykkju (í hlið á eyra). Nú er heklað í hring í 8-8-8-8 (10-10-12) fastalykkjur og 2 loftlykkjur sem var verið að hekla í núna. UMFERÐ 1: Heklið 1 fastalykkju í fremri lykkjubogann í hverja af fyrstu 4-4-4-4 (5-5-6) fastalykkjum, heklið 1 fastalykkju um loftlykkju í hlið á eyra), heklið 1 fastalykkju í gegnum báða lykkjubogana í hverja af næstu 4-4-4-4 (5-5-6) fastalykkjum, heklið 1 fastalykkju í hlið á eyra. Það eru 10-10-10-10 (12-12-14) fastalykkjur í umferð. Nú er heklað áfram í gegnum báða lykkjubogana! UMEFRÐ 2-5: Heklið 1 fastalykkju í hverja fastalykkju. UMFERÐ 6: Heklið fastalykkjur og aukið út um 3 lykkjur jafnt yfir – sjá ÚTAUKNING = 13-13-13-13 (15-15-17) fastalykkjur. UMFERÐ 7-9: Heklið 1 fastalykkju í hverja fastalykkju. UMFERÐ 10: Heklið fastalykkjur og fækkið um 5 fastalykkjur jafnt yfir – sjá ÚRTAKA-2 = 8-8-8-8 (10-10-12) fastalykkjur. UMFERÐ 11-12: Heklið 1 fastalykkju í hverja fastalykkju. UMFERÐ 13: Heklið fastalykkjur og fækkið um 2 fastalykkjur jafnt yfir = 6-6-6-6 (8-8-10) fastalykkjur. UMFERÐ 14: Heklið 1 fastalykkju í hverja fastalykkju. UMFERÐ 15: Heklið 2 og 2 fastalykkjur saman umferðina hringinn = 3-3-3-3 (4-4-5) fastalykkjur. Klippið þráðinn, þræðið þráðinn upp og niður í gegnum lykkjurnar, herðið á þræði og festið vel. SEINNA EYRA: Það eiga að vera 2 loftlykkjur á milli fyrra eyra og seinna eyra, byrjið frá réttu, hoppið yfir 2 loftlykkjur og byrjið á að hekla hitt eyrað í næstu loftlykkju. Heklið annað eyra á sama hátt. ÚTSAUMUR: Notið afgang af litnum grár, saumuð 1 lítið spor keðjusaum fyrir hvort auga – sjá mynsturteikningu B og mynd. Notið afgang af litnum grár, saumið út 2 löng spor flatsaum fyrir veiðihár – sjá mynsturteikningu A og mynd, sporið á að vera ca 2 cm langt og krossa hvort annað fyrir miðju. Saumið 1 lítið spor flatsaum þvert yfir þar sem veiðihárin mynduðu kross. Notið afgang af litnum bleikur, saumið út 4 lítil spor flatsaum fyrir nef – sjá mynsturteikningu B og mynd, sporið á að byrja í sömu lykkju – staðsetjið sporið beint yfir litla sporið mitt í veiðihárum. Heklið aðra tátilju á sama hátt. |
|||||||
Skýringar á teikningu |
|||||||
|
|||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (11)
Viktoribsn wrote:
Cinema
15.01.2024 - 02:11Davidcar wrote:
Coin
10.01.2024 - 13:20Viktorinkc wrote:
Cinema
09.01.2024 - 16:24Veronacuf wrote:
Life
29.12.2023 - 12:14Sergfqj wrote:
Novost
25.12.2023 - 08:24Igorijv wrote:
Ukraine
23.12.2023 - 13:23Susan Rüttgers wrote:
Hallo, bei dem abnehmen an der Spitze komme ich nicht zurecht. Wird vor u nach jedem markierer abgenommen od nur einmal nach einem markierer? Ich häkel Größe 39-40 u so wie sie gerechnet haben kommt es weder nach 4x abnehmen pro Reihe noch nach 2x abnehmen pro Reihe aus. Kann es sein das ihre Angaben nicht ganz stimmen od was mache ich falsch? Denn auch wenn nur 2x abgenommen wird komme ich nie am Ende auf 18 Restmaschen.
28.11.2023 - 07:38DROPS Design answered:
Liebe Frau Rüttgers, bei jeder Markierung (beidseitig der Spitze) wird man 3 feste Maschen zusammenhäkeln: die feste Masche vor der Masche mit der Markierung + die feste Masche mit der Markierung + die nächste feste Masche = so nimmt man 1 feste Masche beidseitig jeder Markierung - siehe auch vorrige Antwort. Viel Spaß beim häkeln!
28.11.2023 - 08:56Susan Rüttgers wrote:
Hallo,bei der Spitze bin ich sehr verwirrt. Muss ich vor u nach jedem markiere abnehmen oder nur pro markierer einmal. Rechnerisch kommt das bei Größe 39-40 weder beim ersten noch bei der zweiten Methode aus. Kann es sein das sie falsche Angaben gemacht haben od was mache ich falsch?mfg
27.11.2023 - 16:01DROPS Design answered:
Liebe Frau Rüttgers, es wird unter ABNAHMETIPP-1 erklärt, wie man abnehmen wird, dh es werden 2 feste Maschen bei jeder Markierung abgenommen = je 4 Maschen. Es sind 38 Maschen und es wird 2 Mal 4 Maschen in jeder 2. Runde und 3 Mal 4 Maschen in jeder Runde abgenommen = 38-8-12=18 feste Maschen übrig. Viel Spaß beim häkeln!
28.11.2023 - 08:25Lisbeth Bäckvik wrote:
Kanintofflorna: Problem med öronen. När man ska börja virka runt, hur uppstår de 8 maskorna? Hur jag än gör har jag bara 4 fasta maskor och luftmaskorna i båda sidor. Är mönstret verkligen korrekt skrivet??
22.11.2023 - 23:50DROPS Design answered:
Hei Lisbeth. Når arbeidet ditt måler 9-10-10½-12 cm skal du på siste rad hekle 8-8-8-8 luftmasker (midt oppå foten). Her oppstår de 8 maskene. Ikke snu arbeidet, men brett arbeidet slik at det kan hekles direkte videre i første fastmaske fra den andre siden av arbeidet. Hekle tøffelen ferdig etter oppskriften. Ørene: Det hekles 2 ører i de 8-8-8-8 luftmaskene som ble heklet midt oppå tøffelen. Fremdeles problemer? Send et nytt spørsmål og HUSK oppgi hvilken str. du hekler etter. mvh DROPS Design
27.11.2023 - 07:34Aitameur wrote:
Bonjour et encore merci, Je ne comprend pas l explication à (TALON) à partir de " à la fin du rang suivant.....de l autre coter de l ' ouvrage" (Et aussi dans PIED)..." Continuer en rond SANS JOINDRE A LAFIN DU TOUR" La je suis perdue....je trouve pas de vidéo explicative...merci.
07.07.2023 - 05:18DROPS Design answered:
Bonjour Aitameur, à la fin du rang suivant (le dernier rang du talon), quand vous avez crocheté la dernière maille serrée, crochetez 8-10-12 ou 14 mailles en l'air (cf taille) pour le dessus du pied (la partie où seront ensuite crochetées les oreilles) et continuez maintenant en rond pour le pied en crochetant 1 maille serrée dans la 1ère maille du début du rang précédent, 1 maille serrée dans chacune des mailles du rang précédent et des mailles en l'air. Bon crochet!
27.07.2023 - 09:20