Hvernig á að þæfa

Hvað er þæfing?

Þæfing er ferli þar sem ullartrefjar eru unnar saman þannig að þær læsast saman og mynda þétt efni. Ull hentar sérstaklega vel til þæfingar, þó að einnig sé hægt að þæfa aðrar trefjar.

Ull sem hefur verið meðhöndluð til að þola þvott í þvottavél (superwash) er ekki hægt að nota til þæfingar, þar sem meðferðin gerir ullina ónæma fyrir rýrnun. Hreint hvítt garn sem hefur verið meðhöndlað með klór (bleikiefnum) er einnig erfitt að nota til þæfingar. Prófaðu alltaf að þæfa smá sýnishorn áður en þú ferð að gera stærra verkefni.

Hvað gerist við þæfingu?

Þegar ull er þvegin í heitu vatni, þenjast trefjarnar út og bindast saman vegna hita og núnings. Þetta leiðir til hlýs og endingargóðs efnis.

Þæfing hentar best fyrir smærri hluti eins og húfur, tátiljur og töskur. Því lausari sem prjónfestan er, því meira þæfist stykkið saman. Því meiri núningur, þeim mun sterkara er stykkið.

Við mælum með að nota mynstur sem eru sérstaklega hönnuð fyrir þæfingu. Þú getur fundið mynstur sem henta fyrir þæfingu hér.

Mikilvægt að hafa í huga:

Útkoman eftir þæfingu getur verið breytileg eftir:

• Gerð þvottavélar
• Vindingu/hraði snúninga í vindingu
• Prjónfesta/heklfestu
• Stærð á stykki
• Gæði ullarinnar

Hvernig á að þæfa samkvæmt mynstri

Prjónaðu / heklaðu samkvæmt mynstri – stykkið kemur til með að verða stórt (oversized) í fyrstu, en mun skreppa saman í þæfingarferlinu.

Þú getur þæft stykkið annað hvort í þvottavél eða þurrkara. Eftir þæfingu er stykkið þvegið eins og hver önnur ullarflík.

Þæfing í þvottavél

Þvottavélar þæfa mismunandi. Ef stykkið hefur þæfst of lítið skaltu bleyta það og prófa að þæfa það aftur. Ef stykkið hefur þæfst of mikið skaltu teygja stykkið í rétta stærð á meðan það er enn blautt.

Svona gerir þú:

1. Settu stykkið í þvottavélina.
2. Notaðu þvottakerfi sem tekur um 40 mínútur (ekki ullarþvottakerfi).
3. Þvoðu við 40°C án forþvottar. Sápa er valfrjáls.
4. Eftir þvott skaltu móta stykkið á meðan það er enn blautt.

Þæfing í þurrkara

Að þæfa stykki í þurrkara gefur góða stjórn á því hversu mikið stykkið þæfist. Hægt er að opna þurrkarann á meðan á ferlinu stendur til að athuga stærð verksins. Ef stykkið hefur þæfst of lítið skaltu bleyta það og prófa að þæfa það aftur. Ef stykkið hefur þæfst of mikið skaltu teygja stykkið í rétta stærð á meðan það er enn blautt.

Svona gerir þú:

1. Leggið stykkið allt í bleyti í vatn.
2. Setjið stykkið í þurrkara og byrjið að þurrka.
3. Þurrkið þar til stykkið er í þeirri stærð sem óskað er eftir - athugið á meðan á ferlinu stendur.