DROPS Super Sale - 30% AFSLÁTTUR á 6 garntegundum í allan júní!

Hvernig á að prjóna stroff með snúning í sokk í DROPS 150-20

Video thumbnail for Hvernig á að prjóna stroff með snúning í sokk í DROPS 150-20
Í þessu DROPS myndbandi sýnum við hvernig hægt er að fá snúning á stroffi á vinstri sokk til að snúa til hægri í DROPS 150-20.
Setjið 1 prjónamerki í sléttu lykkjuna hvoru megin við sokkinn samkvæmt mynstri. Í fyrstu lykkju með prjónamerki er fækkað í hverri umferð með því að lyfta 1 lykkju af prjóni, prjóna næstu lykkju slétt og steypa lyftu lykkjunni yfir.
Síðan er haldið áfram með stroff með sléttar lykkjur yfir sléttar lykkjur og brugðnar lykkjur yfir brugðnar lykkjur þar til komið er að næsta prjónamerki í hinni hliðinni. Hér er slegið 1 sinni uppá prjóninn á undan sléttu lykkjunni með prjónamerki í hverri umferð. Í næstu umferð er uppslátturinn prjónaður snúinn (þ.e.a.s. prjónað er aftan í lykkjubogann) og slegið aftur 1 sinni uppá prjóninn á undan prjónamerki. Við prjónum fleiri umferðir til þess að sýna hvernig á að gera og að lokum sýnum við hvernig stykkið lítur út þegar prjónaðar hafa verið ca 20 umferðir. Það eru fleiri lykkjur í sokknum en sem við sýnum á myndbandinu og þar af leiðandi fleiri lykkjur á milli beggja prjónamerkja. Þessir sokkar eru prjónaðir úr DROPS Fabel, en í myndbandinu notum við grófara garn; DROPS Snow.
Fylgja þarf uppskrift til þess að geta fylgt myndbandinu eftir.
Þú finnur mynstrið með því að smella á myndina að neðan.

Mynstur þar sem þessi aðferð er notuð

DROPS 150-20

DROPS 150-20
Annað tungumál:

Myndband #400, skráð í: Lærðu að prjóna, Mynstur kennslumyndbönd, Áferðaprjón, Prjón stroff, Sokkar og tátiljur, Prjónamynstur

Myndböndin okkar hafa ekkert hljóð. Við erum alþjóðlegt fyrirtæki og fólk sem skoðar myndböndin okkar talar mörg mismunandi tungumál og margir skilja ekki ensku. Þar sem það er ekkert gefið tungumál fyrir okkur að nota, höfum við í staðinn skrifaðar leiðbeiningar fyrir myndböndin og ekkert hljóð sem truflar þegar þú horfir.

Þú getur breytt hraðanum á þessu myndbandi með því að smella á táknið á spilastikunni.

Country flag DROPS Design NL skrifaði:

Hoi. Je kan gewoon de st opnieuw verdelen over de 4 nld

30.09.2013 - 12:42

Country flag M. Manenschijn skrifaði:

Ik ben een beginnende sokkenbreister. Op de ene naald krijg ik steeds meer steken, op de andere steeds minder. Hoe verdeel ik de steken weer gelijk over de vier naalden?

22.09.2013 - 17:26

Skrifaðu athugasemdir eða spurningar fyrir þetta myndband

Netfangið þitt verður ekki birt. Það verður að merkja við svæði merktri með *.

Þú gætir líka haft gaman af...

Video thumbnail for Hvernig á að prjóan sokk með ferköntuðum hæl / Square heel
2:44
Hvernig á að prjóan sokk með ferköntuðum hæl / Square heel

Í þessu DROPS myndbandi sýnum við stuttlega hvernig á að prjóna sokk með ferningahæli. Lykkjurnar efst á fæti eru settar á þráð, lykkjurnar aftan á fæti eru eftir á prjónum og eru prjónaðar í hæl sem fer alveg niður undir fótinn þannig: 1. Prjónaðu fyrst fram og til baka yfir hællykkjur upp að hælhæð, - á þessum hæl fer hæðin alveg niður að miðju undir hæl. 2. Prjónaðu síðan hælinn saman í miðju undir fæti. 3. Prjónið nú aftur hringinn á öllum sokknum með því að prjóna upp lykkjur báðum megin við hælhæðina og prjónið að tá. 4. Þessi hæl myndar örlítið ferkantaðan hæl - þess vegna er þessi tegund af hæl kölluð Ferkantaður hæll / Square heel.
Video thumbnail for Hvernig á að prjóna sokk með fleyghæl – stutt yfirlit
4:54
Hvernig á að prjóna sokk með fleyghæl – stutt yfirlit

Í þessu DROPS myndbandi sýnum við stuttlega hvernig á að prjóna sokk með fleyghæl, sem er kannski algengasta hæltegundin. Lykkjurnar efst á fæti eru settar á þráð, lykkjur aftan á fæti eru eftir á prjónum og eru prjónaðar í hæl þannig: 1. Prjónið fyrst hæð hælsins með því að prjóna fram og til baka yfir hællykkjurnar. 2. Neðri hlið hælsins er prjónuð í þá breidd og lengd sem óskað er eftir með styttri prjónum og lykkjum sem fækka. 3. Prjónið síðan aftur hringinn yfir allan sokkinn með því að prjóna upp lykkjur báðum megin við hælhæðina. 4. Fækkið síðan niður í þrengri fótbreidd með því að fækka lykkjum hvoru megin við fótinn og það myndar lítinn fleyg - þess vegna er þessi tegund af hæl kölluð fleyghæll.
Video thumbnail for Hvernig á að prjóna vinkilhæl á sokk
22:56
Hvernig á að prjóna vinkilhæl á sokk

Í þessu DROPS myndbandi sýnum við hvernig við prjónum vinkilhæl á sokk. Við höfum nú þegar prjónað byrjun á sokknum og byrjum myndbandið á að klippa þráðinn frá og deila lykkjum á prjóni fyrir hæl og setja lykkjur á þráð (lykkjur fyrir miðju ofan á fæti). Prjónið fleyghæll með útaukningu og úrtöku eins og útskýrt er í uppskriftinni sem prjónað er eftir. Við notum garnið DROPS Snow í myndbandinu. Fylgja þarf uppskrift með vinkilhæl til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
Video thumbnail for Hvernig á að prjóna sokka með pífukanti
3:51
Hvernig á að prjóna sokka með pífukanti

Í þessu DROPS myndbandi sýnum við hvernig við byrjum á sokk með pífukanti, eins og í sokkum «Dainty Duo» í DROPS 229-19. Við fitjum upp með 2 þráðum, en höldum áfram að prjóna með 1 þræði. Eftir það eru prjónaðar 4 umferðir í sléttprjóni áður en 2 og 2 lykkjur eru prjónaðar saman. Síðan er prjónað stroff (1 lykkja snúin slétt / 1 lykkja brugðið). Þessir sokkar eru prjónaðir úr DROPS Fabel, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að prjóna samkvæmt mynsturteikningu sokka í DROPS 229-20
11:52
Hvernig á að prjóna samkvæmt mynsturteikningu sokka í DROPS 229-20

Í þessu DROPS myndbandi sýnum við hvernig við prjónum samkvæmt mynsturteikningu A.1 (pífukant) og A.2 (gatamynstur) í sokkunum «Kissing Kate» í DROPS 229-20. Við sýnum byrjun og enda á umferð A.1 og í A.2 sýnum við aðeins umferð 3, 4, 9 og 10. Við notum færri fjölda lykkja en sem stendur í mynstri. Þessir sokkar eru prjónaðir úr DROPS Nord, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að prjóna tátiljur í DROPS 203-37
20:51
Hvernig á að prjóna tátiljur í DROPS 203-37

Í þessu DROPS myndbandi sýnum við hvernig við prjónum tátiljurnar “Carrot Squash" í DROPS 203-37. Við höfum nú þegar fitjað upp lykkjur í minnstu stærðinni og byrjum myndbandið á að sýna umferð 1 þar sem einungis eru prjónaðar sléttar lykkjur. Eftir það stroffið, 1 lykkja slétt, 1 lykkja brugðið. Eftir stroffið eru settar 31 lykkjur á þráð, þær lykkjur sem eftir eru, eru prjónaðar áfram fram og til baka. Síðan eru þessar lykkjur prjónaðar, nýjar lykkjur sem eru teknar upp meðfram kanti og lykkjur af þræði og aftur er prjónað í hring. Lykkjum er fækkað og prjónað er að réttu máli, brjótið tátiljurnar saman og saumið undir fæti saman, í ysta liðinn í ystu lykkjuna. Þessar tátiljur eru prjónaðar úr DROPS Snow, sama garni og við notum í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.