DROPS Big Delight
DROPS Big Delight
100% Ull
Hætt í framleiðslu
finna valmöguleika
DROPS Super Sale
DROPS 180-20
DROPS Design: Mynstur db-082
Garnflokkur C eða A + A
-----------------------------------------------------------

Stærð: S - M - L - XL - XXL - XXXL

Efni:
DROPS BIG DELIGHT frá Garnstudio (tilheyrir garnflokki C)
800-900-900-1000-1100-1200 g litur 03, myntusúkkulaði

DROPS HEKLUNÁL NR 5,5 – eða þá stærð sem þarf til að 14 stuðlar og 8,5 umferðir verði 10 cm á breidd og 10 cm á hæð.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Big Delight
DROPS Big Delight
100% Ull
Hætt í framleiðslu
finna valmöguleika

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

MYNSTUR:
Sjá mynsturteikningu A.1 til A.4.

HEKLLEIÐBEININGAR:
Fyrsti stuðull í byrjun hverrar umferðar er skipt út fyrir 3 loftlykkjur. Hver umferð endar með 1 keðjulykkju í 3. loftlykkju í byrun umferðar.

ÚTAUKNING (á við um ermar):
Aukið er út um 1 stuðul með því að hekla 2 stuðla í sama stuðul.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Stykkið er heklað í hring frá miðju að aftan og út eins og ferningur, síðan er heklað áfram fram og til baka á framstykkjum. Ermar eru heklaðar fram og til baka og saumaðar saman.

PEYSA:
Byrjið með heklunál 5,5 og Big Delight og heklið mynstur hringinn eftir A.1 alls 4 sinnum í umferð – lesið HEKLLEIÐBEININGAR! Þegar öll mynsturteikning A.1 er lokið er haldið áfram þannig: Heklið A.2a alls 2 sinnum á breidd, A.2b, A.2c, heklið * A.2a alls 4 sinnum á breidd, A.2b, A.2c *, endurtakið frá *-* 2 sinnum til viðbótar, heklið A.2a 2 sinnum á breiddina. ATHUGIÐ HEKLFESTUNA! Þegar A.2 hefur verið heklað til loka á hæðina eru 2 umferðir í A.2 endurteknar þannig: Heklið A.2a alls 3 sinnum, A.2b, A.2c, heklið * A.2a alls 6 sinnum á breiddina, A.2b, A.2c *, endurtakið frá *-* 2 sinnum til viðbótar, heklið A.2a alls 3 sinnum. Endurtakið síðan þessar 2 umferðir, í hverri endurtekningu eru heklaðar 2 mynstureiningar fleiri af A.2a á milli hverra horna, þ.e.a.s. í næstu endurtekningu er heklað þannig: Heklið A.2a alls 4 sinnum, A.2b, A.2c, heklið * A.2a alls 8 sinnum á breidd, A.2b, A.2c *, endurtakið frá *-* 2 sinnum til viðbótar, heklið A.2a alls 4 sinnum. Haldið svona áfram þar til ferningurinn mælist ca 38-40-42-44-46-48 x 38-40-42-44-46-48 cm – endið eftir síðustu umferð í A.2.
Haldið síðan áfram með mynstur eins og áður fram að fyrsta horni, heklið 2 stuðla, 4 loftlykkjur og 2 stuðla um hornið, heklið 24-25-27-28-29-31 lausar loftlykkjur, hoppið yfir 24-25-27-28-29-31 stuðla fyrir handveg og haldið áfram með mynstur eins og áður fram að og með 2 næstu hornum, heklið mynstur eins og áður þar til eftir eru 24-25-27-28-29-31 stuðlar á undan næsta horni, heklið 24-25-27-28-29-31 lausar loftlykkjur, hoppið yfir 24-25-27-28-29-31 stuðla fyrir handveg, heklið 2 stuðla, 4 loftlykkjur og 2 stuðlar um hornbogann, haldið áfram með mynstur eins og áður út umferðina. Heklið síðan mynstur eins og áður til loka – í næstu umferð eru heklaðir 24-25-27-28-29-31 stuðlar um hvorn handveg. Þegar ferningurinn mælist ca 82-84-86-88-90-92 x 82-84-86-88-90-92 cm endið eftir síðustu umferð í A.2. Klippið frá og festið enda.

FRAMSTYKKI:
Framstykkin eru hekluð hvort fyrir sig, fram og til baka án útaukningar. Setjið 1 prjónamerki í síðustu umferð sem var hekluð. HÉÐAN ER NÚ MÆLT! Byrjið við kross í einu horninu – sjá mynsturteikningu og heklið þannig: A.3a um hornið, endurtakið A.3b þar til 1 stuðull er eftir á undan næsta hornboga, heklið A.3c yfir hornið. Þegar A.3 hefur verið heklað til loka eru 2 síðustu umferðir endurteknar í A.3 á hæðina þar til stykkið mælist ca 19-20-21-22-23-24 cm, endið eftir síðustu umferð í mynsturteikningu. Klippið frá og festið enda. Heklið hitt framstykkið alveg eins.

KANTUR:
Heklið kant í kringum alla peysuna þannig: Heklið 1 stuðul í hvern stuðul, 3 stuðla um hverja stuðlaumferð og 4 stuðla um hvern hornboga. Klippið frá og festið enda.

ERMI.
Ermin er hekluð fram og til baka.
Heklið 40-40-42-42-48-48 loftlykkjur (meðtaldar 3 loftlykkjur til að snúa við með) með heklunál 5,5 með Big Delight. Snúið og heklið 1 stuðul í 4. loftlykkju frá heklunálinni (= 2 stuðlar), heklið 1 stuðul í hverja og eina af næstu 1-1-3-3-4-4 loftlykkjurnar, * hoppið yfir 1 loftlykkju, 1 stuðull í hverja af næstu 4 loftlykkjum *, endurtakið frá *-* út umferðina = 31-31-33-33-38-38 stuðlar – munið eftir HEKLLEIÐBEININGAR. Heklið síðan þannig: Heklið 1 stuðul í hvern af fyrstu 0-0-1-1-1-1 stuðlum, heklið A.4 þar til eftir eru 1-1-2-2-2-2 stuðlar (= 6-6-6-6-7-7 mynstureiningar), heklið 1 stuðul í hvern af síðustu 1-1-2-2-2-2 stuðlum. Þegar A.4 hefur verið heklað til loka er A.4 endurtekið á hæðina til loka. Þegar stykkið mælist 7 cm í öllum stærðum er aukið út um 1 stuðul á hvorri hlið – lesið ÚTAUKNING að ofan. Endurtakið útaukningu með ca 6½-5-4½-4-4½-4 cm millibili alls 8-10-11-12-11-12 sinnum = 47-51-55-57-60-62 stuðlar. Útauknir stuðlar halda áfram í stuðlum. Þegar stykkið mælist ca 55 cm í öllum stærðum er endað á eftir einni stuðlaumferð. Klippið frá og festið enda.
Heklið hina ermina á sama hátt.

FRÁGANGUR:
Saumið sauma undir ermum og saumið ermar á peysuna.

Mynstur

symbols = 2 loftlykkjur
symbols = 4 loftlykkjur (= horn)
symbols = stuðull í lykkju
symbols = stuðull um loftlykkju/loftlykkjuhring
symbols = umferðin hefur nú þegar verið hekluð - byrjið á næstu umferð!
symbols = 8 loftlykkjur, tengið þær saman í hring með 1 keðjulykkju í fyrstu loftlykkju – sjá punkt í hring, umferðin byrjar og endar hér
symbols = þegar framstykkið er heklað er byrjað hér
diagram
diagram
Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 180-20

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (14)

country flag Jeanne Kolar wrote:

I am completely mystified on how to begin this pattern! (180-20)have used your patterns before and have never had trouble reading the diagrams but this one has me puzzled! I am left handed which does not help, but I just cannot figure out the actual first 3 rows..I even tried writing out the stitches, but it still does not make sense to me. Is the first row worked vertically or horizontally? Is the second row worked two dcs in a row or one-if one how do you work with 2 chains? thank you!

09.09.2020 - 21:54

DROPS Design answered:

Dear Mrs Kolar, diagram A.1 is worked a total of 4 times in the round to make a square, ie A.1 is just showing a part of diagram - read more here you will then repeat row 1 (= 3 dc, 4 chains) a total of 4 times, then repeat Row 2 (= 5 dc, 4 chains, 2 dc) 4 times and so on. Happy crocheting!

10.09.2020 - 09:33

country flag Anita wrote:

Hallo als ik begin met de voorpanden aan de linkerzijde bij het kruis. Zie ik het dan goed dat ik ergens midden in een zijkant moet beginnen? Na 55 steken?

30.08.2020 - 17:11

DROPS Design answered:

Dag Anita,

Nee, je begint op de hoek bij het kruis en niet ergens in het midden van een zijkant.

31.08.2020 - 08:57

country flag Adeline wrote:

Bonjour, Je souhaiterais savoir quelle technique d'assemblage utiliser afin que les coutures se voient le moins possible. Merci d'avance.

02.01.2020 - 21:42

DROPS Design answered:

Bonjour Adeline, je vous propose de regarder le video ICI. Cela peut vous aider avec votre ouvrage. Bon travail!

03.01.2020 - 09:31

country flag Melissa Lamb wrote:

Do you have a video showing how to work this pattern?

26.11.2019 - 14:04

DROPS Design answered:

Dear Mrs Lamb, there is no video to this pattern, but you can find how to read crochet diagrams here. Happy crocheting!

26.11.2019 - 14:53

country flag Michelle wrote:

Hallo, ich habe die Jacke fast fertig. Allerdings versteh ich nicht so ganz wie das mit dem Rand gemacht wird. In der Anleitung steht : RAND: Einen Rand um die Jacke wie folgt häkeln: 1 Stäbchen in jedes Stäbchen, 3 Stäbchen um jede Stäbchenreihe und 4 Stäbchen um jeden Eckbogen. Den Faden abschneiden und vernähen. Was genau ist mit Stäbchenreihe gemeint? Liebe Grüße Michelle

12.06.2019 - 12:25

DROPS Design answered:

Liebe Michelle, diese Stäbchenrunde wird um herum die Jacke (= den Vierecke) gehäkelt: an den unteren Rand (= in der letzten Reihen vom Quadrat + in den Reihen beiden Vorderteile) + in der letzten Reihen beiden Vorderteile und an den oberen Rand. Viel Spaß beim häkeln!

12.06.2019 - 15:41

country flag Ellen wrote:

Beste, ik weet dat je de eerste toer van a3 niet moet haken. Maar de tweede toer van a3 bestaat uit allemaal stokjes net zoals de laatste toer van a2 dus dan heb je 2 rijen stokjes na elkaar en wijk je af van het patroon. Is dit correct? Bedankt! Ellen

29.08.2018 - 14:07

DROPS Design answered:

Dag Ellen, Vermoedelijk zit er een fout in het telpatroon, waardoor het patroon niet doorloopt. Momenteel kijkt de designafdeling er naar en mogelijk komt er dus een correctie op het (tel)patroon.

19.09.2018 - 20:32

country flag Ellen wrote:

Klopt het dat je na de laatste toer in a2 2 rijen stokjes na elkaar hebt nl de laatste van a2 en de eerste van a3 waar je begint met 3 stokjes in de hoek? Alvast bedankt! Ellen

27.08.2018 - 15:41

DROPS Design answered:

Dag Ellen, De eerste toer van A.3 sla je over. Dit is namelijk inderdaad de laatste toer van A.2 en is er extra bij getekend om te laten zien hoe je de steken in die toer haakt. Er staat ook een sterretje symbool bij. In de symbolen lijst staat aangegeven dat je deze toer niet haakt.

29.08.2018 - 11:27

Tiffany wrote:

I figured out part one and appreciate your response!!! I finished my main square as instructed, finishing on the last round of A.2 and now I’m working on the sides. The diagram for A.3 shows the last round worked to be different (having chain 2’s)... did I do something wrong? Or am I overthinking things? LOL

27.12.2017 - 21:03

DROPS Design answered:

Dear Tiffany, diagram A.3 shows the last round worked in A.2, ie the 4-ch-spaces in both corner (beg and end of the side) and the 2-ch-spaces in A.2a/b. Happy crocheting!

02.01.2018 - 09:06

Tiffany wrote:

After completing A.1, it says “complete A.2a a total of 2 times in width”..... does that mean end off and reattach on sides? Or something else completely??

09.12.2017 - 01:40

DROPS Design answered:

Dear Tiffany, it means you continue to crochet on the round, but instead of pattern A.1, you should follow the diagram of A.2. that is broken down to smaller units in 2.a, 2.b, and 2.c. As the piece grows, it is A.2b that gets repeated more. I hope this helps. Happy crocheting!

09.12.2017 - 10:36

country flag Hanka wrote:

Vánek

08.08.2017 - 14:51