Hvernig á að hekla puff lykkjur sem eru hjartalaga

Í þessu DROPS myndbandi sýnum við hvernig við heklum í hring með puff lykkjum formuð eins og hjörtu. Fallegt mynstur sem hægt er að nota í húfu eða í kraga. Við höfum nú þegar heklað band með 32 loftlykkjum (deilanlegt með 4). Tengt loftlykkjurnar saman í hring með 1 keðjulykkju í 1. loftlykkju.
UMFERÐ 1: * Bregðið bandinu um heklunálina, stingið heklunálinni í 1. loftlykkju/næstu loftlykkju, sækið bandið og dragið bandið í gegn og gerið hana langa *, endurtakið frá *-* 3 sinnum til viðbótar = 9 lykkjur á heklunálinni, bregðið bandi um heklunálina og dragið bandið í gegnum allar 9 lykkjurnar, 1 loftlykkja. Endurtakið frá *-* 4 sinnum í sömu loftlykkju, 1 loftlykkja, hoppið yfir 3 lykkjur = 1 hjarta.
Heklið þetta hjarta umferðina hringinn og endið með 1 keðjulykkju á toppnum á 1. Hluta á hjartanu.
UMFERÐ 2: * Bregðið bandi um heklunálina, stingið heklunálinni í næstu loftlykkju, sækið bandið og dragið bandið í gegn og gerið hana langa *. Endurtakið frá *-* 3 sinnum til viðbótar = 9 lykkjur á heklunálinni, bregðið bandi um heklunálina og dragið bandið í gegnum allar 9 lykkjurnar, 1 loftlykkja. Endurtakið frá *-* 4 sinnum í sömu loftlykkju, 1 loftlykkja = 1 hjarta.
Heklið þetta hjarta umferðina hringinn og endið með 1 keðjulykkju í toppinn á 1. hluta á hjartanu. Endurtakið umferð 2 að óskaðri lengd.
Í myndbandinu notum við garnið DROPS Eskimo. Þessi litla dúkkuhúfa er hekluð úr DROPS Merino Extra Fine. Við byrjuðum með 32 loftlykkjur með heklunál 3,5 (ummál: 22 cm) og í þremur síðustu umferðunum eru öll puff hjörtun hekluð minni (endurtakið bara frá *-* 3 sinnum). Kvisturinn er úr DROPS Kid-Silk.

Tags: hattar,

Available in:

Athugasemdir (1)

Chris Cappo 30.01.2018 - 18:03:

Do you have a hat pattern using the puff stitch?

Skrifa athugasemd við þetta myndband

Your email address will not be published. Required fields are marked *.