DROPS Super Sale - 30% AFSLÁTTUR á 6 garntegundum í allan júní!

Hvernig á að prjóna byrjun á (öldumynstri ) sikk-sakk sjali eftir mynsturteikningu

Video thumbnail for Hvernig á að prjóna byrjun á (öldumynstri ) sikk-sakk sjali eftir mynsturteikningu
Í þessu DROPS myndbandi sýnum við hvernig við prjónum 11 fyrstu umferðirnar í vinsæla sikk-sakk sjalinu okkar samkvæmt mynsturteikningu. Fitjið upp 17 lykkjur og prjónið 1 umferð brugðið frá röngu, haldið síðan áfram eins og útskýrt er í myndbandi, endurtakið mynstrið 8 sinnum yfir lykkjur á prjóninum og endið umferð með 1 lykkju í sléttprjóni. Í hverri umferð frá röngu eru allar lykkjur og uppslátturinn prjónað brugðið.
Fylgja þarf uppskrift til þess að geta fylgt myndbandinu eftir.
Þú finnur mynstur þar sem þessi aðferð er notuð með því að smella á myndirnar að neðan.

Mynstur þar sem þessi aðferð er notuð

DROPS 140-14

DROPS 140-14
DROPS 133-1

DROPS 133-1
DROPS 130-1

DROPS 130-1
Annað tungumál:

Myndband #190, skráð í: Lærðu að prjóna, Áferðaprjón, Öldur & sikk sakk, Fylgihlutir, Prjónamynstur, Sjöl & hálsklútar

Myndböndin okkar hafa ekkert hljóð. Við erum alþjóðlegt fyrirtæki og fólk sem skoðar myndböndin okkar talar mörg mismunandi tungumál og margir skilja ekki ensku. Þar sem það er ekkert gefið tungumál fyrir okkur að nota, höfum við í staðinn skrifaðar leiðbeiningar fyrir myndböndin og ekkert hljóð sem truflar þegar þú horfir.

Þú getur breytt hraðanum á þessu myndbandi með því að smella á táknið á spilastikunni.

Country flag Drops Design skrifaði:

Du strikker udtagningerne ifølge diagrammet i selve opskriften. Denne video viser hvordan man følger diagrammet.

06.09.2011 - 13:26

Country flag Trine skrifaði:

Hvordan strikker man udtagningerne? Hvor skal de være?

06.09.2011 - 12:45

Country flag Lis skrifaði:

Jeg give Dorte ret det er når man skal begynde at gentage mønsteret og og have udtagninger med, at det bliver vanskeligt venlig hilsen Lis

29.08.2011 - 20:56

Country flag Ceylon skrifaði:

Varför skrivs inte hela beskrivningen ut på hur man gör diagramet? Det är en jättesvår video att följa utan en skriven beskrivning...

27.08.2011 - 19:59

Country flag Dorte Møller skrifaði:

Var det ikke en ide at vise hvordan man strikker mønster 1B, efter man har stikket hele mønster 1A. Det er åbenbart her at mange går i stå, inkl mig selv. Vh Dorte

28.07.2011 - 20:24

Skrifaðu athugasemdir eða spurningar fyrir þetta myndband

Netfangið þitt verður ekki birt. Það verður að merkja við svæði merktri með *.

Þú gætir líka haft gaman af...

Video thumbnail for Hvernig á að prjóna M.1B í DROPS 140-14, 133-1 og 130-1
11:25
Hvernig á að prjóna M.1B í DROPS 140-14, 133-1 og 130-1

Í þessu DROPS myndbandi sýnum við hvernig mynstur M.1B er prjónað (síðasti hluti í mynsturteikningu) í þremur af vinsælum sjölum frá okkur. Við sýnum 2 mynstureiningar af mynstri við hlið á hvor annarri. Við höfum sett hvítan þráð til merkingar sem sýnir hvar 2. mynstureiningin byrjar (mynstrið inniheldur fleiri mynstureiningar). UMFERÐ 1 og allar umferðir frá röngu eru prjónaðar brugðið frá röngu – umferð 1 er ekki sýnd í myndbandinu. UMFERÐ 2 (rétta):* Prjónið 2 lykkjur slétt saman, sláið 1 sinni uppá prjóninn*, endurtakið út umferðina og endið alltaf á 1 lykkju slétt í síðustu lykkju. UMFERÐ 3 (ranga): Prjónið brugðið. UMFERÐ 4 (rétta): Prjónið 2 lykkjur slétt í eina lykkju, 3 lykkjur slétt, lyftið 1 lykkju af prjóni, 1 lykkja slétt, steypið lyftu lykkjunni yfir, endurtakið að næstu mynstureiningu og endið á 1 lykkju slétt í síðustu lykkju. UMFERÐ 6 (rétta): Prjónið 2 lykkjur slétt í eina lykkju, 2 lykkjur slétt í eina lykkju, 3 lykkjur slétt, lyftið 1 lykkju af prjóni, 1 lykkja slétt, steypið lyftu lykkjunni yfir, 2 lykkjur slétt saman, 3 lykkjur slétt, 2 lykkjur slétt í eina lykkju, 2 lykkjur slétt í eina lykkju, endurtakið út að næstu mynstureiningu og endið á 1 lykkju slétt í síðustu lykkju. Í hvert skipti sem prjónuð er umferð 6 og umferð 10 (með 2 x 2 lykkjur slétt í eina lykkju á eftir hverri annarri) færðu eina auka slétta lykkju hvoru megin við úrtöku fyrir miðju á mynstureiningunni. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að prjóna hettuhálsklút í DROPS 253-61
20:09
Hvernig á að prjóna hettuhálsklút í DROPS 253-61

Í þessu DROPS myndbandinu höfum við nú þegar prjónað hettuna (stærð L/XL) og höfum sett lykkjurnar á 2 lykkjuhaldara / þráð. Við sýnum fyrst hvernig við prjónum upp lykkjur í kringum hettuna og prjónum i-cord affellingu þar til 2 lykkjur eru eftir á prjóni. Þessar 2 lykkjur eru settar á annan lykkjuhaldara / þráð, en það eru prjónaðar upp 2 lykkjur í hinni hliðinni sem eru settar á hinn lykkjuhaldarann / þráð. Lesið I-CORD AFFELLING í uppskriftinni. Það eru eftir 2 lykkjur á prjóni þegar kanturinn hefur verið prjónaður til loka, klippið þráðinn og setjið 2 lykkjur á lykkjuhaldara / þráð. Takið upp 2 nýjar lykkjur í hinni hliðinni á hettunni og setjið þær á lykkjuhaldara / þráð. Setjið lykkjurnar frá hinum lykkjuhaldaranum / þræðinum yfir á prjóninn. Síðan sýnum við hvernig við fitjum upp lykkjur fyrir hægri hluta á hálsklútnum, prjónum 1 umferð áður en hálsklúturinn er prjónaður saman með hettunni með byrjun fyrir miðju að aftan. Jafnframt eru prjónaðar i-cord kantlykkjur og stroffprjón í perluprjóni. Lesið nánari útskýringu í uppskrift í útskýringu á I-CORD AFFELLING, 2 I-CORD KANTLYKKJUR, stroffprjón í perluprjóni og hvernig prjóna á hálsklútinn saman við hettuna. Þegar allar lykkjur hafa verið prjónaðar upp frá hettunni (50 prjónaðar umferðir), þá eru eftir 2 lykkjur á lykkjuhaldara / þræði (í myndbandinu eru þær settar á prjóninn), prjónið þessar 2 lykkjur slétt (í stærð S/M eru 3 lykkjur settar aftur á þráðinn, prjónið 1 lykkju slétt og 2 síðustu lykkjurnar slétt saman). Eftir þetta er prjónuð 1 umferð frá röngu þar sem prjónaðar eru 2 i-cord kantlykkjur, 2 lykkjur brugðið saman, eftir það stroffprjón í perluprjóni þar til 3 lykkjur eru eftir, þá er prjónuð 1 lykkja brugðið og endað með 2 i-cord kantlykkjur. Fylgið útskýringu í uppskrift hvernig fella á af þeim lykkjum sem eftir eru í hægri hluta á hálsklút. Við sýnum 1. umferð (frá réttu) af 8 fyrstu umferðum, þá sýnum við 1. umferð með úrtöku (frá réttu). Prjónið síðan vinstri hluta á hálsklút. Eftir það er uppfitjunarkanturinn á hægri hluta og vinstri hluta á hálsklútnum saumaður saman fyrir miðju að aftan með lykkjuspori. Við notum garnið DROPS Daisy og DROPS Kid-Silk í myndbandinu, sama liti og prjónastærð eins og stendur í uppskrift.
Video thumbnail for Hvernig á að byrja að prjóna sjal með tveggja lita klukkuprjóni
23:37
Hvernig á að byrja að prjóna sjal með tveggja lita klukkuprjóni

Í þessu DROPS myndbandi sýnum við hvernig við byrjum á að prjóna sjal með2 litum í klukkuprjóni, með útaukningu með 2 lykkjum bæði frá réttu og frá röngu og 4 útauknar lykkjur frá réttu. Þessi byrjun með útaukningu er í sjalinu «Sunset Hug» í DROPS 211-20 og í myndbandinu sýnum við hvernig við fitjum upp 7 lykkjur og hvernig umferð 1-15 er prjónuð. Sjalið «Sunset Hug» er prjónað úr DROPS Alpaca og DROPS Delight, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að prjóna samkvæmt mynsturteikningu M.1 í hálsklútnum í DROPS 136-2
14:07
Hvernig á að prjóna samkvæmt mynsturteikningu M.1 í hálsklútnum í DROPS 136-2

Í þessu DROPS myndbandi sýnum við hvernig við prjónum eftir mynsturteikningu A.1 2 sinnum á hæðina í hálsklútnum «Caress» í DROPS 136-2. Við höfum nú þegar fitjað upp 10 lykkjur og byrjum myndbandið á að prjóna 1 umferð slétt frá röngu áður en við byrjum á mynsturteikningu. Við sýnum einnig hvernig við aukum út með uppslætti eftir prjónamerkið 2 sinnum á hæðina. Þessi hálsklútur er prjónaður úr DROPS Alpaca, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að byrja að prjóna sjal
8:05
Hvernig á að byrja að prjóna sjal

Í þessu DROPS myndbandi sýnum við hvernig við byrjum á að prjóna sjalið í DROPS 214-42. Þetta sjal er prjónað frá hlið í garðaprjóni. Við erum með minni fjölda lykkja en það sem stendur í uppskrift (14 lykkjur) og við sýnum hvernig fyrsta umferðin er prjónuð. Þetta sjal er prjónað úr DROPS Fabel, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að gera blúndukantinn í sjali DROPS Extra 0-1241
12:00
Hvernig á að gera blúndukantinn í sjali DROPS Extra 0-1241

Í þessu DROPS myndbandi sýnum við hvernig við prjónum blúndukantinn samkvæmt mynsturteikningu A.3 í Acqua di Mare sjalinu í DROPS Extra 0-1241. Við sýnum hvernig 1. mynstureiningin af A.3 er prjónuð. Þetta sjal er prjónað úr DROPS Fabel, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.