Hvernig á að fella af með slétt yfir slétt og brugðið yfir brugðið (2 sl/2 br) – Evrópsk aðferð

Í þessu DROPS myndbandi sýnum við hvernig á að fella af í stroffprjóni með Evrópskri aðferð. Þessari aðferð er oft lýst sem "fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur" hvort sem um er að ræða 1 lykkja slétt og 1 lykkja brugðið eða 2 lykkjur slétt og 2 lykkjur brugðið eða aðrar útgáfur af stroffprjóni. Affellingin verður teygjanleg.

ÁÐUR EN MYNDBANDIÐ BYRJAR:
Við höfum þegar prjónað nokkra cm með 2 lykkjur slétt og 2 lykkjur brugðið og fellt af nokkrar lykkjur í stroffprjóni.
Fellið af í stroffprjóni - eða fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur - þýðir að til að lykkjan sé felld af, þá á lykkjan að vera prjónuð eins og hún var prjónuð í umferðinni fyrir neðan.

MYNDBANDIÐ SÝNIR:
Sléttprjónaðar lykkjur eru prjónaðar slétt og brugðnar lykkjur eru prjónaðar brugðið á sama tíma og fellt er af með því að steypa næst síðustu lykkju sem var prjónuð yfir síðustu lykkjuna sem var prjónuð (á hægri prjóni).

Mynstur þar sem þessi aðferð er notuð

DROPS 267-23

DROPS 268-16

Myndband #1892, skráð í: Lærðu að prjóna, Evrópsk aðferð

Myndböndin okkar hafa ekkert hljóð. Við erum alþjóðlegt fyrirtæki og fólk sem skoðar myndböndin okkar talar mörg mismunandi tungumál og margir skilja ekki ensku. Þar sem það er ekkert gefið tungumál fyrir okkur að nota, höfum við í staðinn skrifaðar leiðbeiningar fyrir myndböndin og ekkert hljóð sem truflar þegar þú horfir.

Þú getur breytt hraðanum á þessu myndbandi með því að smella á táknið á spilastikunni.