Evrópskt berustykki - sýnt á líkama við mátun

Í þessu DROPS myndbandi gefum við ykkur stutta yfirsýn yfir hvernig flík með Evrópsku berustykki mun sitja á líkamanum við mátun og hvar útaukningar-/úrtökulínur eru staðsettar.

STUTT YFIRLIT MEÐ VERKLÝSINGU:
Verkið er prjónað ofan frá og niður og án þess að þörf sé á að sauma það saman í lokin.

BAKSTYKKI:
Byrjað er á að fitja upp lykkjur aftan í hnakka og bakstykkið prjónað fram og til baka, ofan frá og niður, á meðan lykkjur eru auknar út í hvorri hlið þar til lykkjufjölda hefur verið náð fyrir axlirnar. Bakstykkið hefur fengið örlítið skáhallandi axlir. Bakstykkið er látið bíða og framstykkið prjónað.

FRAMSTYKKI:
Framstykkið er prjónað í tveimur hlutum (hvoru megin við hálsmál). Byrjað er á að prjóna upp lykkjur meðfram annarri öxlinni á bakstykki, prjónað er niður á við og aukið út fyrir hálsmáli. Þetta er endurtekið á hinni öxlinni.

BERUSTYKKI:
Lykkjurnar eru prjónaðar upp yst meðfram hvorri öxl fyrir ermar, jafnframt því að framstykkið, ermar og bakstykki er sett á sama hringprjón og berustykkið er prjónað yfir allar lykkjurnar.

ÚTAUKNING FYRIR HÁLSMÁLI, FRAM- OG BAKSTYKKI OG ERMAR:
Á sama tíma og berustykkið er prjónað eru lykkjur auknar út fyrir hálsmáli, ermar og fram- og bakstykki.

FRAM- OG BAKSTYKKI OG ERMAR:
Þegar útaukningu er lokið og berustykkið hefur náð tilgreindu máli er því skipt í fram- og bakstykki og ermar. Fram- og bakstykki og ermar er prjónað til loka, ofan frá og niður. Lykkjur eru prjónaðar upp í kringum hálsmálið að lokum.